Iblu 3:6 - Ku̍o̍ Delee 1999

⁶ Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Iblu 3:6 Iomraidhean Croise

Matio 10:22

Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn. Jɛ nyɔ̍ ɔ̀ mu̍-ae klì i̍ ku̍ wɛ̀ ɛ̍ iě-a dlǔ i̍ chlà-ɛ, nɛ̀ ɔ̍ mu̍ pǔh.

Matio 16:18

Jɛ Pitɛ, ǎn sèàɛ̍ ìn wlùh, mɔ̀ bo ɔ̀ nu̍ sɔɔ̌, dǒ sɔɔ̌ la kɛ̍n bo ǎn mu̍ ǎn chɔchi̍h poe. Nɛ̀ mɛ̌ɛ se̍ ɛ̍ klà sà mu̍.

Matio 24:13

Jɛ nyɔ̍ ɔ̀ mu̍-ae klì i̍ ku̍ wɛ̀ ɛ̍ iě-a dlǔ i̍ chlà-ɛ, nɛ̀ ɔ̍ mu̍ pǔh.

Wloma 11:22

Mɔ̀-a jě ka Nyɔsoa nu̍-a gblɛ̍n-ɛ nmɔ-ɛ wɛ̀ ɔ̍ kma-a wɔ̍n ke-ɛ. Ɔ̍ kma wɔ̍n dǒ nyɔ̍ ùh-a nu̍-a gblɛ̍n sɔ̀ɛ̀n-ɛ we̍. Jɛ mɔ̀ɔ̍ nɔ̀ɔ̍, ɔ̍ nmɔ-ɛ mɔ̀ gblɛ̍n kɛ̍n i̍, pò mɔ̀ ja ɔ̍ wlì tè-ɛ dluwe̍ i̍ gba̍-ɛ. Jɛ pò ɛ̍ se̍ la̍a̍n nɛ-ɛ, nɛ̀ mɔ̀-a mu̍-o chɛn ke o.

Wloma 12:12

Ka mɔ̀ kɔ̍-a Klai wlùh i̍-ɛ, nɛ̀ mɔ̀ nmɔ. Wě ji̍-ɛ, gbɛ̍n wlùh i̍ sǔh. Mɔ̀ bɔ̌ ba̍le-ɛ se̍a̍-a.

Wloma 15:13

Nyɔsoa ɔ̀ nu̍-a wlùh i̍ kɔ̍ nyɔ̍-ɛ, ǎn sà nǐ wɔ̍n ɔ̍ iě mɔ̀ nmɔ-ɛ kli̍hgbɛ̍ ke wlùh-a i̍ tè-ɛ i̍ jǐi ka mɔ̀ gbaɛ-a ɔ̍ wlùh-ɛ. Wɛ̀ ɔ̍ Sùù iě ɛ̍ nu̍ mɔ̀-a wlùh i̍ kɔ̍ dɛ̍ iě i̍ ku̍.

Wloma 5:2

Dě ɔ̍ ja̍a̍ bo à jii iě à jě Nyɔsoa-a blɛ à nɛ-a ka dě di̍i̍-ɛ ɛ̍ gbɛ̍n la̍. Nyɔsoa-a tìh-a i̍ bɛ̌-ɛ à mu̍-a kwa̍a̍ i̍ klɛ̀ɛ̀n-ɛ, ɛ̍ bo à kɔ̍ wlùh i̍ wɛ̀ à nmɔ.

1 Kɔwlɛntiɔn 3:16

Ka mɔ̀ nu̍-a Nyɔsoa-a slaǎ sà gbò wɛ̀ Nyɔsoa-a Sùù tǐn-a dě mɔ̀ ja̍a̍-ɛ, mɔ̀ se̍ i̍h juo ae?

1 Kɔwlɛntiɔn 6:19

Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ka mɔ̀-a ku̍ nu̍-a ɛ̍ slaǎ sà gbò-ɛ, mɔ̀ se̍ i̍h juo ae? Mɔ̀ se̍ dǒ mɔ̀-a chɛ̀ we̍ kɔn o.

2 Kɔwlɛntiɔn 6:16

Ka Nyɔsoa-a slaǎ sà gbò ke kwɛ̍i̍n gbo̍ᵻá mu̍ wlu̍ i̍ wɔɛ̌ɛn-ɛ nu̍ ɛ? À-a bo à nu̍ kmɔ̌ nɛ Nyɔsoa-a slaǎ sà gbò. Nyɔsoa-a chɛ̀ la̍a̍, “Ǎn mu̍ dě ǎn nyɔ̍ nynɛ̌ tǐn, wɛ̀ iě u̍h nynɛ̌ i̍ na. Ǎn mu̍ u̍h-a Nyɔsoa nu̍, wɛ̀ u̍h iě ǎn nyɔ̍ nu̍.”

Kelesea 6:10

Ɛ̍ tìh-ɛ, pò à jě flɔn la̍-ɛ, mɔ̀ à nu̍ dɛ̍ᵻ chɛ̀ dǒ nyɔ̍ kli̍hgbɛ̍ we̍. Nyɔ̍ ùh ke à nɛ-a dě Klai wlùh gbaɛ dɛ di̍i̍-ɛ, u̍h bo à iě ɛ̍ pùn nu̍ chɛ̀ɛ̌chɛ̀.

Kelesea 6:9

Nɛ̀ɛ̍, mɔ̀ à bɔ̌ se̍a̍-a dǒ dɛ̍ chɛ̀ nu̍-ɛ we̍. Pò à se̍ se̍a̍ wɛ̀ ti̍ iě nyni̍-ɛ, nɛ̀ à mu̍ dɛ̍ chɛ̀ gbǎn.

Ɛfɛsɔ 3:12

Nɛ̀ ka à ke Klai nɛ-a due iě à gbaɛ-a ɔ̍ wlùh-ɛ, nɛ̀ à bɛ̌ wlì i̍ wɛ̀. Nɛ̀ dɛ̍ se̍ à i̍ ka̍n dɛ dǒ Nyɔsoa wlì mu̍ la̍.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

1 Tɛsoloniɔn 5:16

Mɔ̀ nmɔ ti̍ kli̍hgbɛ̍ we̍.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

1 Timote 3:15

Jɛ pò ǎn ji̍-ɛ ja gba̍n-ɛ, nɛ̀ chlǐh-dɛ̍ la bo ɛ̀ mu̍ ɛ̍ nu̍ wɛ̀ ka nyɔ̍ kɔn u̍h iě-a na-a nu̍ dě Nyɔsoa-a chɛ̌ nynɛ̌-ɛ, wɛ̀ mɔ̀ iě ɛ̍ juo. Ɛ̍-ɛ bo ɛ̀ nu̍-a kmɔ̌ nɛ Nyɔsoa-a chɔchi̍h, iě ɛ̍ nu̍ sìtù ke tìh-a taǐn-a gbɔ̀lùh.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

Iblu 10:19

Ǐn de̍di̍i̍ᵻ, Jusu-a nymɔ̍ ɛ̀ wlǎ-a i̍-ɛ, ɛ̍ nu̍ ɛ̍ iě à ku̍ di̍i̍ i̍ à iě dě Nɛi̍ Wɛ̀ Tà Klaa pa̍.

Iblu 10:21

À blě slaǎ sà nyɔ̍ ɔ̀ ku̍-a wɔ̍n-ɛ wɛ̀, ɔ̀ nu̍-a ka Nyɔsoa-a gbò-a Dlǔtu-ɛ.

Iblu 10:23

Nɛ̀ wlì tè dɛ̍ kɔn tìh à bla̍-aɛ, mɔ̀ à gbɛ̍n ɛ̍ i̍ klìmàtàìn. Dɛ̍nu̍ɛ, Nyɔsoa ɔ̀ po̍-a wlu̍ tɔ̀ma̍a̍-ɛ, ɔ̍-ɔ gblìh wlu̍ kɛ̍n.

Iblu 10:35

Ɛ̍ tìh-ɛ, mɔ̀ ku̍ di̍i̍ i̍, dɛ̍nu̍ɛ, dě ɛ̍ di̍i̍ bo jě-dɛ̍ klaa nɛ.

Iblu 11:1

Pò à blě wlùh gbaɛ-ɛ, nɛ̀ à mu̍ dɛ̍ᵻ à tba̍-a wlùh i̍-ɛ wlùh kɛ̍n tè. À mu̍ dɛ̍ᵻ à-a se̍a jě-ɛ tìh chɛ̀ po̍ ke chɛ̀ɛ̌chɛ̀.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

Iblu 4:11

Ɛ̍ tìh-ɛ, mɔ̀ à po̍-e gbǐh à iě dě fɔla laa̍ i̍ sǐ, wɛ̀ à-a je̍e se̍ Nyɔsoa-a wlu̍ nu̍ nyɔ̍-a dɛ̍ nu̍, à-a je̍e dǒ Nyɔsoa-a wìè kɛ̍n sɔ.

Iblu 4:14

Wlùh gbaɛ blě tìh à sà-aɛ, mɔ̀ à gbɛ̍n ɛ̍ i̍ klìmàtàìn, dɛ̍nu̍ɛ, à blě Slaǎ Sà Nyɔ̍-a Dlǔtu ɔ̀ ku̍-a wɔ̍n-ɛ. Nyɔsoa-a Jǔ Jusu ɔ̀ mu̍-a dě ja̍i̍wlɔ̀ wɛ̀-ɛ bo.

Iblu 4:16

Ka ɛ̍ nɛ-a ka-ɛ, mɔ̀ à ku̍ di̍i̍ i̍ à iě Nyɔsoa ɔ̀ nɛ-a blɛ-ɛ, ɔ̍ nynɛ̌ gbalǎ wlì mu̍. Wɛ̀ ɔ̍ iě à wɔɛ jě ɔ̍ iě blɛ nɛ dǒ à we̍, wɛ̀ ɛ̍ iě à we̍ gbǎ pò à nɛ we̍ gbǎ ka̍-ɛ.

Iblu 6:11

Ɛ̍ tìh-ɛ, à pɔ̀n mɔ̀-a jɔ-ɛ, ɔ̍ iě ɛ̀ la gbǐh i̍ gbɛ̍n-ɛ te̍e̍ wɛ̀ ti̍ iě dlǔ i̍ chlà. Dɛ̍ mɔ̀ tba̍-a wlùh i̍-ɛ, nɛ̀ mɔ̀-a mu̍ ɛ̍ juo te̍kle̍e̍ ka mɔ̀-a mu̍-a ɛ̍ jě-ɛ.

Iblu 6:18

Nyɔsoa-a tɔ̀ma̍a̍ wlu̍ ke ɔ̍ slɛ̀ɛ̀n-ɛ la i̍h se̍-e i̍ bǐi la̍ kɔn. I̍h bo Nyɔsoa to ka ɔ̍ se̍-a si̍h tmɔ̌-ɛ bɛ̌ɛ-ɛ. Sɔ nɛ̀ àɔ̀ juh à ple̍-a wɛ̀ à ji̍-a ɔ̍ we̍ ɔ̍ iě-a à we̍ gbǎ-ɛ, nɛ̀ ɛ̍ fùka à wlùh wɛ̀ kaa̍ à iě wlùh i̍ kɔ̍ dɛ̍ pɛ̌n-a dǒ à jǔ i̍-ɛ i̍ gbɛ̍n klìmàtàìn.

Iblu 7:19

Dɛ̍nu̍ɛ, Mose-a telě se̍ nyɔ̍ i̍ slɛ̌-ɛ bɛ̌ɛ. Jɛ ɔ̀ nu̍-a à wlùh i̍ kɔ̍ dɛ̍ ɔ̀ sìì-a telě-ɛ ɔ̍ wlǔh tà wɛ̀. Ɔ̍-ɔ bo ɔ̀ nɛ kmɔ̌ wɛ̀ à kɔǎɛn ka Nyɔsoa we̍ i̍.

1 Pitɛ 1:8

Mɔ̀-ɔ se̍a ɔ̍ jě gbɛɛ, jɛ mɔ̀ jbɛɛ ɔ̍. Kaka la̍, mɔ̀-ɔ tba̍ ɔ̍ jlǐhɛ̍ gbɛɛ, jɛ mɔ̀ gbaɛ ɔ̍ wlùh. Ɛ̍ tìh-ɛ, mɔ̀-a nu̍ mɔna̍ ɛ̍ sìì-o dɛ̍ i̍.

1 Pitɛ 2:5

Mɔ̀ wɔ̀ kmɔ̌ nɛ sɔɔ̌ ke. Mɔ̀ɔ̍ bo Nyɔsoa dǔ-u, iě ɔ̍ poe mɔ̀ ɔ̍ Sùù-a gbò, wɛ̀ mɔ̀ iě nɛi̍ wɛ̀ slaǎ sà nyɔ̍ nu̍. Nɛ̀ mɔ̀ sà slaǎ Sùù ka, ɛ̀ Nyɔsoa-a mu̍-a i̍ gbɛ̍n dě Jusu Klai ja̍a̍-ɛ.

1 Pitɛ 4:17

Ti̍ nyni̍ wɛ̀ sàwi̍h sì-ɛ iě gbɔ̀ tè-ɛ. Nyɔsoa-a nyɔ̍ bo ùh-a mu̍ sàǐtòò nyɔ̍ nu̍ ùh iě sàwi̍h sì. Pò ɛ̍ tè-ɛ gbɔ̀ dě àɔ̀ we̍-ɛ, nɛ̀ nyɔ̍ juh se̍-a Nyɔsoa-a pɔ̀n chɛ̀-a wlu̍ nu̍-ɛ, nɛ̀ ka u̍h naɛ-a mu̍ nɛ ɛ?

Wlɛfeleseɔn 2:18

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Taɛtawla wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě Nyɔsoa-a Jǔ ɔ̀ kɔn jlǐh wɔ̀-a nɛ̍-a pàìbǒ iě ɔ̍ bu̍hᵻ wɔ̀-a ka nyɔ̍ po̍-a tìɛ̀n jlǐh-ɛ we̍.

Wlɛfeleseɔn 2:25

Jɛ tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n te̍e̍ wɛ̀ iě ji̍.

Wlɛfeleseɔn 2:26

Nyɔ̍ ɔ̀ sà-a dɛ̍ sɔ̀n klà-a, wɛ̀ ɔ̍ iě ǎn wlùh nu̍ te̍e̍ wɛ̀ ti̍ iě dlǔ i̍ chlà-ɛ, nɛ̀ ǎn mu̍ ɛ̍ nu̍ ɔ̍ iě bloa̍ wlu̍ i̍ kɔn.

Wlɛfeleseɔn 3:11

Ǎn mu̍ ji̍ suei̍. Tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n wɛ̀ nyɔ̍ dɔɔ je̍e mɔ̀-a blawɛ̌ mɔ̀ kwa̍a̍ sà.