Iblu 3:5 - Ku̍o̍ Delee 1999

⁵ Mose bo ɔ̀ nu̍ wlì tè nyɔ̍ dě ɔ̍ pòi̍ju nu̍-ɛ di̍i̍ dě Nyɔsoa nyɔ̍ kli̍hgbɛ̍ nynɛ̌. Wɛ̀ dɛ̍ᵻ ìh Nyɔsoa-a mu̍-a bla̍ dě nya̍-ɛ, wɛ̀ Mose iě i̍h-i sà.

Iblu 3:5 Iomraidhean Croise

Matio 24:45

“Nyɔ̍we̍ bo ɔ̀ nu̍ wlì tè pòi̍ju wɛ̀ ɔ̀ flɔn di̍i̍ ɛ? Ɔ̍ kɔn kwa̍a̍ bo ɔ̍ dlǔtu si̍e̍ ɔ̍ gbò, wɛ̀ ɔ̍ iě ɔ̍ ba̍ᵻ pòi̍nynuu̍ di̍-dɛ̍ nyǐ pò ti̍ blaɛ i̍-ɛ.

Matio 25:21

Wɛ̀ ɔ̍ dlǔtu la̍a̍, ‘Ɛ̍ nmɔ jii̍. Mɔ̀ pòi̍ju chɛ̀, iě ìn nu̍ wlì tè nyɔ̍. Ka nyɔ̍-a tè-a la̍ ìn wlì dǒ dɛ̍ juwɛ we̍-ɛ, nɛ̀ ǎn mu̍ ìn dǒ dɛ̍ᵻ dɔu dlǔwèàì po̍. Ji̍ ìn ke ǐn ke à iě sɔ̍n jǔ gbo̍a̍ɛ.’

Pɔ̀n Chɛ̀ Luu To-a La 12:42

Wɛ̀ Joi la̍a̍, “Nyɔ̍we̍ bo ɔ̀ nu̍ wlì tè pòi̍ju wɛ̀ ɔ̀ flɔn di̍i̍ ɛ? Ɔ̍ kɔn kwa̍a̍ bo ɔ̍ dlǔtu si̍e̍ ɔ̍ gbò, wɛ̀ ɔ̍ iě ɔ̍ ba̍ᵻ pòi̍nynuu̍ di̍-dɛ̍ nyǐ pò ti̍ blaɛ i̍-ɛ.

Pɔ̀n Chɛ̀ Luu To-a La 24:27

Wɛ̀ ìh tba̍-a dǒ ɔ̍ chɛ̀ pùn i̍ dě Nyɔsoa-a wlu̍ kli̍hgbɛ̍ di̍i̍, sɔ dě Mose we̍ wɛ̀ ɛ̍ iě-a Nyɔsoa-a tu̍owli po̍ nyɔ̍ kli̍hgbɛ̍ jɛɛ-ɛ, iě ɔ̍ sèàɛ̍ i̍h we̍ i̍.

Pɔ̀n Chɛ̀ Luu To-a La 24:44

Wɛ̀ ɔ̍ la̍a̍ dě u̍h we̍, “Ti̍ mɔ̀ ke ǐn ke à na-aɛ, ìh kɔn taǐn ǐn bla̍-a dě mɔ̀ we̍-ɛ, i̍h bo ìh-a nɛ-a. Na̍ dɛ̍ᵻ kli̍hgbɛ̍ ìh chlǐh-a dě Mose-a telě chlǐh-dɛ̍ᵻ ke, Nyɔsoa-a tu̍owli po̍ nyɔ̍ naɛ ke Duǐh Chlǐh-dɛ̍ di̍i̍-ɛ, i̍h kɔn i̍h iě chɛ̀-ɛ gbǎ.”

Chɔɔn 5:39

Nyɔsoa-a wlu̍ bo mɔ̀-a slè-e wlùh i̍, dɛ̍nu̍ɛ, mɔ̀ jajeɛ̍ dě i̍h di̍i̍ mɔ̀-a mu̍ kmɔ̌ sie feɛ jě-e. I̍h-a chɛ̀ bo ìh nu̍ ǎn sàànsi̍i̍h.

Nu̍-dɛ̍ᵻ 28:23

Wɛ̀ u̍h po̍ wǐh ja̍i̍ u̍h ke Pɔɔ iě gbèɛ̀ɛn. Iě nyɔ̍ tlùgbei̍ wɛ̀ de̍ dǒ tà Pɔɔ tè-a i̍-ɛ dǒ weɛ̍ laa̍ di̍i̍. Wɛ̀ ɔ̍ sà dɛ̍ we̍ i̍ sèàɛ̍-ɛ dě klàɛ̍we̍ blǐ iě ɛ̍ jɛɛ flìwe̍. Ɔ̍ bla̍ Nyɔsoa-a kmɔ̌ wlu̍ i̍ kɔn tìh dě u̍h we̍. Nɛ̀ ɔ̍ fɔ̀n dɛ̍ we̍ ɔ̍ iě u̍h-a dlǔ jli̍-i Jusu-a tìh dǒ Mose-a telě ke wlu̍ Nyɔsoa-a tu̍owli po̍ nyɔ̍ bla̍-aɛ we̍.

Nu̍-dɛ̍ᵻ 7:37

Mose laa̍ bo ɔ̀ sèàɛ̍ Eslɔɛ nyɔ̍ wlùh, ɔ̍ la̍a̍, ‘Nyɔsoa-a mu̍ mɔ̀ ɔ̍ tu̍owli po̍ nyɔ̍ we̍ dbo̍ ka ɔ̍ nu̍-a ǐn dbo̍-ɛɛ. Ɔ̍ mu̍ mɔ̀ de̍di̍i̍ᵻá nyɔ̍ due nu̍.’

Wloma 3:21

Jɛ kaka la̍, i̍ slɛ̌-ɛ ɛ̀ sɔ-a dě Nyɔsoa we̍-ɛ, ɛ̍ wlǔh tà wɛ̀. Ɛ̍ nɛ dǒ ɛ̍ naɛ blǐ dǒ telě we̍. Telě ke Nyɔsoa-a tu̍owli po̍ nyɔ̍ nu̍ ɛ̍ sàànsi̍i̍h.

1 Kɔwlɛntiɔn 4:2

Dɛ̍ due ɛ̀ pòi̍nynuu̍ kaɛn la u̍h iě-a nu̍-ɛ, ɛ̍ nu̍ u̍h-a dlǔtu iě u̍h wlì tè.

1 Timote 1:12

Ǐn po̍ à Joi Jusu Klai tlɔ̌, dɛ̍nu̍ɛ, ɔ̍ wlǎ ǐn wlùh dlǔ i̍ iě ɔ̍ tba̍ ǐn chèɛ̀. Wɛ̀ ɔ̍ nyǐ ǐn gbǐh iě ɔ̍ dbo̍ nu̍.

Iblu 1:1

Nyɔsoa jii dě ɔ̍ tu̍owli po̍ nyɔ̍ dɔu ja̍a̍ tɛin iě ɔ̍ wlu dě à baaᵻ we̍ dǒ ti̍ dɔu di̍i̍.

Iblu 3:2

Jusu nu̍ wlì tè nyɔ̍ dǒ Nyɔsoa ɔ̀ tba̍-a ɔ̍ chèɛ̀-ɛ we̍, ɛ̀ kɔn ba̍ Mose nu̍-a wlì tè nyɔ̍ nu̍-ɛ dě Nyɔsoa nyɔ̍ nynɛ̌-ɛ.

Iblu 3:4

Kǎ ɛ̍ nɛ, gbò jɛ-ɛ nɛ̀ ɛ̍ kɔn po̍-nyɔ̍. Jɛ dɛ̍ᵻ kli̍hgbɛ̍ Nyɔsoa bo ɔ̀ po̍ i̍h nɔ̌ kmɔ̌.

Iblu 8:5

Tà u̍h-a dbee-a ka Nyɔsoa jǔ-ɛ, ɛ̍ wɔ̀ jɛ nɛ-a dě ja̍i̍wlɔ̀-ɛ. Jɛ i̍h se̍ due nɛ. Ɛ̍ kɔn ti̍ Mose-a ji̍-a wɛ̀ɛ̀ sɔ̍n wlù po̍ la̍-ɛ, wɛ̀ Nyɔsoa sèàɛ̍ ɔ̍ wlùh, ɔ̍ la̍a̍, “Ka ìn nu̍-a ɛ̍ jě-ɛ dě tlu̍h kɛ̍n-ɛ, kǎ ìè ɛ̍ nu̍.”

Iblu 9:24

Wɛɛ sà gbò jɛ nyi̍ɔ̍-a sɔ̍n po̍-a ɛ̀ wɔ̀-a jɛ nu̍-a gblangbai̍ naɛ ɛ̀ nɛ-a dě ja̍i̍wlɔ̀-ɛ, Klai se̍ dě ɛ̍ di̍i̍ pa̍. Jɛ dě ja̍i̍wlɔ̀-a chɛ̀-ɛ gbǎ bo ɔ̍ mu̍, iě ɔ̍ nɛ ka dǒ Nyɔsoa jǔ dǒ à tàà.

Wlɛfeleseɔn 15:3

Wɛ̀ u̍h ble̍ Mose ɔ̀ nu̍-a Nyɔsoa-a pòi̍ju-ɛ ɔ̍ duǐh, ɛ̍ ke Blawɛ̌ Jǔ-a duǐh ke. U̍h la̍a̍, “Joi Nyɔsoa mɔ̀ Blě-a Gbǐh Kli̍hgbɛ̍-ɛ, àn nu̍-dɛ̍ᵻ ku̍ wɔ̍n, iě i̍h-a flɔn-ɛ nyɔ̍ wɔ̍n. Àn wìèᵻ slɛ̌ i̍, iě i̍h nu̍ tìh-a taǐn. Mɔ̀ Blǔh Baa nɔ̌ kmɔ̌-a kmɔ̌.