Iblu 3:12 - Ku̍o̍ Delee 1999

¹² Nɛ̀ɛ̍, ǐn de̍di̍i̍ᵻ, mɔ̀ nu̍ nɛnɛ̌ mɔ̀-a nyɔ̍ je̍e wlùh sɔ̀n blě wɛ̀ ɔ̍-ɔ se̍-e wlùh gbaɛ blě, ɔ̍-ɔ je̍e dǒ kmɔ̌ nɛ Nyɔsoa-a wìè kɛ̍n sɔ.

Iblu 3:12 Iomraidhean Croise

Matio 16:16

Wɛ̀ Samo Pitɛ la̍a̍, “Mɔ̀ Chèɛ̀ Tba̍ju, ɔ̀ nu̍-a kmɔ̌ nɛ Nyɔsoa-a Jǔ-ɛ.”

Matio 24:4

Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe.

Pɔ̀n Chɛ̀ Maɛ To-a La 13:23

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌. Ɛ̍ kɔn ǐn si̍e̍ ti̍ nya̍ duedɛ wɛ̀ ǎn sèàɛ̍ mɔ̀ dɛ̍ᵻ kli̍hgbɛ̍ wlùh.

Pɔ̀n Chɛ̀ Maɛ To-a La 13:33

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌, mɔ̀ sà nyinɔ̍ jlǐh i̍, dɛ̍nu̍ɛ, mɔ̀ se̍ ti̍ ti̍-a mu̍-a nyni̍-ɛ juo.

Pɔ̀n Chɛ̀ Maɛ To-a La 13:9

“Jɛ mɔ̀ nu̍ mɔ̀-a chɛ̀-a nɛnɛ̌, dɛ̍nu̍ɛ, u̍h-a mu̍ mɔ̀ gbɛ̍n, wɛ̀ u̍h iě mɔ̀ koti̍ i̍ po̍. Nɛ̀ u̍h-a mu̍ mɔ̀ bla̍ dě wɛɛ sà gbòᵻ sɔ̀n i̍. Nɛ̀ u̍h-a mu̍ mɔ̀ i̍ nyna-ɛ dǒ kɛɛ̍n nyɔ̍ ke blǔh baaᵻ jǔ ǎn tìh. Dǒ mɔ̀-a mu̍ pɔ̀n chɛ̀-a tìh bla̍-ɛ dě u̍h we̍.

Pɔ̀n Chɛ̀ Luu To-a La 21:8

Iě Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe. Dɛ̍nu̍ɛ, nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka nu̍, ‘Mɔ̍ bo ɔ̀ nu̍ Chèɛ̀ Tba̍ju. Bɔ̌ɛ-o ti̍ kɔǎn we̍ wɛ̀.’ Jɛ mɔ̀ bɔ̌ dǒ u̍h de̍e̍ gbǎ-a.

Wloma 11:21

Tu̍-a chɛ̀-ɛ gbǎ-a bu̍hᵻ bo Nyɔsoa chɛ̍n i̍, jɛ nɛ̀ mɔ̀ɔ̍ bo ɔ̍ se̍ i̍ chɛ̍n-ɛ bɛ̌ɛ ke ae?

1 Kɔwlɛntiɔn 10:12

Pò nyɔ̍-o-nyɔ̍ jě nyna la̍ wɛ̀ dě ɔ̍ chɛ̀ jlǐh-ɛ, nɛ̀ ɔ̍ nu̍ nɛnɛ̌ wɛ̀ ɔ̍-ɔ je̍e i̍ kà.

Kalase 2:8

Mɔ̀ nu̍ nɛnɛ̌ wɛ̀ nyɔ̍ɔ je̍e mɔ̀ kèi̍ᵻ we̍i̍ nu̍ dǒ wlɔ̀ nyi̍ɔ̍-a pɔ̀ɔ̍pìe̍ flɔ̍nwlùh ɛ̀ boe-a nyɔ̍ i̍-ɛ we̍. I̍h tba̍ dǒ kmɔ̌ nyɔ̍-a nu̍-dɛ̍ᵻ kɛ̍n i̍, i̍h se̍ dǒ Klai naɛ kɛ̍n i̍ tba̍. Gbǐh jih kɔn-a kmɔ̌ la wlu̍ i̍-ɛ bo.

1 Tɛsoloniɔn 1:9

Ti̍ à ji̍-a dě mɔ̀ we̍-ɛ, ka mɔ̀ nu̍-a à tìh i̍ gbɛ̍n-ɛɛ, nyɔ̍ kli̍hgbɛ̍-a sà i̍h-i. Ɛ̍ ke ka mɔ̀ tǎli-a kwɛ̍i̍n gbo̍ᵻ i̍, iě mɔ̀ bǐi-a dě Nyɔsoa we̍ i̍ wɛ̀ mɔ̀ iě-a kmɔ̌ nɛ Nyɔsoa ɔ̀ nu̍-a tìh-a taǐn-ɛ wɛɛ sà-ɛ.

Iblu 10:31

Ɛ̍ nu̍ faɔn dɛ̍ wɛ̀ kmɔ̌ nɛ Nyɔsoa iě nyɔ̍ kwa̍ kɛ̍n tè.

Iblu 10:38

Wlùh gbaɛ-ɛa mu̍ ǎn nyɔ̍ ùh slɛ̌-a i̍-ɛ kmɔ̌ nɛ-ɛ. Jɛ pò u̍h-a nyɔ̍ tǎli ǎn tìh i̍-ɛ, nɛ̀ ǎn pɔluh se̍ i̍ pɛ̌n mu̍ dǒ ɔ̍ we̍.”

Iblu 12:15

Nɛ̀ mɔ̀ jě ɛ̍ we̍ wɛ̀ mɔ̀-a nyɔ̍-ɔ je̍e dǒ Nyɔsoa-a blɛ nɛ-ɛ de̍e̍ blu̍. Mɔ̀ jě ɛ̍ we̍ ke mɔ̀-a nyɔ̍-ɔ je̍e ku̍ dě mɔ̀ nynɛ̌ ka wɔ̍n nyni tu̍-ɛ. Nɛ̀ ɔ̍ mu̍ wě wlɔ̀ ja ɛ̍ iě nyɔ̍ dɔu jii̍ nyni-i.

Iblu 12:22

Jɛ mɔ̀ɔ̍ nɔ̀ɔ̍, mɔ̀ ji̍ nɔ̌ Saiɛn Tlu̍h kɛ̍n wɛ̀, ɛ̍ ke dǒ Juluslɛn jɛ nɛ-a dě ja̍i̍wlɔ̀-ɛ di̍i̍ ke, ɛ̀ nu̍-a kmɔ̌ nɛ Nyɔsoa-a tùgbàwlɔ̀-ɛ. Dě ɛ̍ di̍i̍ bo ɔ̍ ǐnchɔ̀ ìh-a nmɔ-aɛ, i̍h-a wlǔ-a wlǔ nɛ.

Iblu 12:25

Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

Iblu 3:10

Ɛ̍ kɔn ǐn gbǎ-ɛ nyɔ̍ la jlu̍h-u, wɛ̀ na̍a̍, “U̍h-a nu̍ klǐ-dɛ̍ᵻ ma̍u̍, iě u̍h-u nu̍ ǎn wlùh.”

Iblu 3:19

Ka u̍h se̍-a deě i̍ sǐ-ɛ bɛ̌ɛ-ɛ, à jě ɛ̍ wɛ̀, dɛ̍nu̍ɛ, u̍h se̍ wlùh gbaɛ blě.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.