Iblu 2:9 - Ku̍o̍ Delee 1999

⁹ Jɛ à jě Jusu, ɔ̀ Nyɔsoa ja-a wlù ɛ̍ sìì-a ǐnchɔ̀ dǒ ti̍ gbɔ̍ di̍i̍-ɛ. Wɛ̀ dě Nyɔsoa-a blɛ nɛ-ɛ di̍i̍-ɛ, ɔ̍ iě mɛ̌ dǒ nyɔ̍ kli̍hgbɛ̍-a tàà. Ɔ̍-ɔ bo ɔ̀ tèè-a ka tìh-a i̍ bɛ̌-ɛ ke ja̍ tè-ɛa blawɛ̌ kaka, dɛ̍nu̍ɛ, ɔ̍ sàɛ̀ jua̍i̍ dǒ ɔ̍ mɛ̌ la̍-a.

Iblu 2:9 Iomraidhean Croise

Matio 16:28

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyi̍ɔ̍-a Jǔ jě ɔ̍ iě ɔ̍ kmɔ̌ wlu̍ i̍ kɔn la̍ ji̍.”

Matio 6:28

“Nɛ̀ pùn tù dɛ̍-a sèò se̍ kɔn ɛ̍ iě mɔ̀ nu̍. Mɔ̀ gbɛ̀n pei-a fɔ̀ài̍n la ja̍ mɔ̀ iě ka i̍h-a nu̍-a ku̍-ɛ jě. I̍h-i nu̍ dbo̍, i̍h wɔ̍-ɔ nu̍ jlii̍ dǒ i̍h-a chɛ̀ we̍ ke.

Pɔ̀n Chɛ̀ Maɛ To-a La 9:1

Wɛ̀ ɔ̍ la̍a̍ dě u̍h we̍, “Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyɔsoa-a kmɔ̌ wlu̍ i̍ kɔn-ɛa ji̍ la̍ jě dǒ gbǐh we̍.”

Pɔ̀n Chɛ̀ Luu To-a La 9:27

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyɔsoa-a kmɔ̌ wlu̍ i̍ kɔn-ɛ jě.”

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Chɔɔn 10:17

“Ɛ̀ kɔn tìh ǐn Baa jbɛɛ-a m-ɛ, ɛ̍ nu̍, ǎn sà ǎn feɛ kwlǎ wɛ̀ ǎn dǔ ɛ̍-ɛ dode̍.

Chɔɔn 12:32

Ti̍ ǎn mu̍-a ja̍i̍ pèle-ɛ dǒ tu̍ wlì iě-a nɔ̌ bloɔ̍ sɔ-ɛ, nɛ̀ ǎn mu̍ nyɔ̍ kli̍hgbɛ̍ ǎn chɛ̀ we̍ ja.” (

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 8:51

Tìh-a taǐn ǎn sèàɛ̍ mɔ̀ wlùh, nyɔ̍ jɔ mu̍-a ǎn wlu̍ nu̍-ɛ, nɛ̀ ɔ̍ se̍ gba̍ mɛ̌.”

Chɔɔn 8:52

Wɛ̀ u̍h la̍a̍ dě Jusu we̍, “Jɛwɛ̀ à juo i̍h ka ìn blě-a jeědih dǒ ìn de̍e̍-ɛ. Eblaɛɛn mɛ̌-ɛ, iě Nyɔsoa-a tu̍owli po̍ nyɔ̍ mɛ̌. Iě mɔ̀ɔ̍ nàa̍ nyɔ̍ jɔ mu̍-a àn wlu̍ nu̍-ɛ, nɛ̀ ɔ̍ se̍ gba̍ mɛ̌.

Nu̍-dɛ̍ᵻ 2:33

Ɔ̍-ɔ bo Nyɔsoa dǔ-a ka ja̍i̍ wɛ̀ dǒ ɔ̍ di̍na̍ we̍, iě ɔ̍ jě Sùù kɔn wlu̍ Baa Nyɔsoa po̍-a tɔ̀ma̍a̍-ɛ. Sùù ɔ̍ po̍-a àɔ̀ kɛ̍n-ɛ, ɛ̍ kɔn nu̍-dɛ̍ᵻ bo mɔ̀-a wɔ̌n-a, iě mɔ̀-a jě-a sèàn.

Nu̍-dɛ̍ᵻ 3:13

Jɛ Eblaɛɛn ke Ase ke Jekɔ-a Nyɔsoa, ɔ̀ nu̍-a à baaᵻá Nyɔsoa-a, ɔ̍ bo ɔ̀ bɛ̌-ɛ ɔ̍ pòi̍ju Jusu-a nynɛ̌ i̍. Jusu mɔ̀ sà-a kwlǎ u̍h iě-a dbǎ, wɛ̀ Pale-a pɔ̀n-a ɔ̍ sɔ̍n kɛ̍n sà i̍ de iě mɔ̀ se̍-a wɔ̌n la̍ nɛ-ɛ, ɔ̍ bo.

Wloma 5:18

Nɛ̀ɛ̍, Adaun-a gblɛ̍n sɔ̀ɛ̀n-a tìh bo ɛ̀ sà nyɔ̍ kli̍hgbɛ̍ kɛ̀n. Ɛ̍ kɔn ba̍ bo ke, Klai-a i̍ slɛ̌-ɛ dɛ̍ nu̍-ɛ bo ɛ̀ slɛ̌-ɛ nyɔ̍ kli̍hgbɛ̍ i̍ dě Nyɔsoa jlǐh wɛ̀ ɛ̍ nyǐ u̍h feɛ.

Wloma 5:8

Jɛ Nyɔsoa to ɛ̍-ɛ ka ɔ̍ jbɛɛ-a àɔ̀-ɛ. Ti̍ à nɛ-a dě gblɛ̍n sɔ̀ɛ̀n di̍i̍-ɛ, wɛ̀ Klai mɛ̌ à tìh.

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Wloma 8:32

Ɔ̀ se̍-a ɔ̍ chɛ̀-a Jǔ tɛ̌n tè iě ɔ̍ sà-a ɔ̍ kwlǎ dǒ àɔ̀ kli̍hgbɛ̍ we̍-ɛ, dǒ-o bo ɔ̍ se̍ àɔ̀ dɛ̍ᵻ kli̍hgbɛ̍ nyǐ i̍ mu̍ ke ae?

2 Kɔwlɛntiɔn 5:15

Ɔ̍ mɛ̌-ɛ dǒ nyɔ̍ kli̍hgbɛ̍ we̍, wɛ̀ ùh nɛ-a kmɔ̌-ɛ, u̍h-u je̍e kmɔ̌ nɛ dɛ dǒ u̍h-a chɛ̀ we̍, jɛ u̍h iě kmɔ̌ nɛ dǒ ɔ̀ mɛ̌-a iě ɔ̀ wlǔh-ae u̍h-a tìh-ɛ we̍.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Kelesea 4:4

Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,

1 Timote 2:6

Ɔ̍ sà ɔ̍ chɛ̀ kwlǎ ɔ̍ iě kmɔ̌ nyɔ̍ kli̍hgbɛ̍ kɛ̍ɛ̍n pùhbɔ. Ka Nyɔsoa-a pɔ̀n-a nyɔ̍ kli̍hgbɛ̍ iě-a pǔh-ɛ, ɛ̍ bo ɛ̀ flɔn-ɛ ɛ̍ we̍i̍ dǒ ti̍ ɔ̍ tba̍-a di̍i̍.

Iblu 1:9

Ìn jbɛɛ dɛ̍ ɛ̀ slɛ̌-a i̍-ɛ, iě ìn faɛn klǐ-dɛ̍. Ɛ̍ kɔn tìh mɔ̍ ɔ̀ nu̍-a àn Nyɔsoa-aɛ, iě ǐn tba̍ ìn chèɛ̀, wɛ̀ ǐn nu̍ ɛ̍ iě ìn nmɔ wɛ̀ ìn tè-ɛ ja̍ ɛ̍ sìì ìn ba̍ᵻ kli̍hgbɛ̍.”

Iblu 10:5

Ɛ̍ tìh-ɛ, ti̍ Klai-a mu̍-a la̍ nɔ̌ kmɔ̌ la we̍ ji̍-ɛ, iě ɔ̍ la̍a̍ dě Nyɔsoa we̍, “Ìn se̍ slaǎ sà-a ke nyǐ-dɛ̍ᵻ pɔ̀n. Jɛ ìn po̍ ǎn ku̍ gba̍a̍ wɛ̀ ɛ̍ iě slaǎ sà-ɛ.

Iblu 11:5

Inɔ-a wlùh gbaɛ blě-ɛ bo ɛ̀ nu̍ ɛ̍ iě ɔ̍ se̍ mɛ̌ wɛ̀ ɔ̍ dǔ-iɛ ja̍i̍. Nyɔ̍ se̍ ɔ̍ jě dɛ, dɛ̍nu̍ɛ, Nyɔsoa bo ɔ̀ dǔ ɔ̍ ja̍i̍. Ɔ̍ iě-a ja̍i̍ dǔ-iɛɛ, Nyɔsoa la̍ Inɔ tè-e ɔ̍ wlùh i̍.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 2:7

Ìn ja ɔ̍ wlù dǒ ti̍ gbɔ̍ di̍i̍ ɛ̍ sìì àn ǐnchɔ̀. Jɛ kaka la̍ ìn tèè ɔ̍ tìh-a i̍ bɛ̌-ɛ ke ja̍ tè-ɛa blawɛ̌,

Iblu 7:25

Ɛ̍ tìh-ɛ, nyɔ̍ ùh-a ji̍-a Nyɔsoa we̍ dě ɔ̍ ja̍a̍-ɛ, ɔ̍ bɛ̌ɛ u̍h pǔh-iɛ kaka ke ti̍ kli̍hgbɛ̍ we̍. Dɛ̍nu̍ɛ, ɔ̍ nɛ kmɔ̌ kleǐnklein ɔ̍ iě Nyɔsoa gbòɛ̀ i̍ bla̍-ɛ dǒ u̍h-a tàà.

Iblu 8:3

Slaǎ sà nyɔ̍-a dlǔtuᵻ kli̍hgbɛ̍ tba̍-ɛ chèɛ̀ u̍h iě nyǐ-dɛ̍ᵻ to-ɛ ke slaǎ sà dɛ nu̍ dǒ Nyɔsoa we̍. Ɛ̍ tìh-ɛ, à naɛ Slaǎ Sà Nyɔ̍-a Dlǔtu kɔn ɔ̍ iě dɛ̍ blě ke ɔ̍ iě to.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Chɔɔn 2:2

Dě Klai-a chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍. Ɛ̍ se̍ à nɛ due-a gblɛ̍n sɔ̀ɛ̀n-a tìh, jɛ kmɔ̌ kli̍hgbɛ̍-a gblɛ̍n sɔ̀ɛ̀n-a tìh bo ìh tǎli-ɛ i̍.

Wlɛfeleseɔn 19:12

Ɔ̍ jlǐh wɔ̀ nɛ̍ gbà iě ɔ̍ tèè blawɛ̌ᵻ dɔu. Ɔ̍ blě nynɛ̌ ɛ̍ chlǐh-ɛ dǒ ɔ̍ pùn. Jɛ nyɔ̍ dɔɔ se̍ ɛ̍ juo, ɔ̍ nɛ due bo ɔ̀ juo ɛ̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.