Iblu 2:3 - Ku̍o̍ Delee 1999

³ Nɛ̀ɛ̍, Nyɔsoa-a nyɔ̍ pǔh-iɛ ɛ̀ ku̍-a wɔ̍n-ɛ, pò à sà ɛ̍ dounᵻɛ́, nɛ̀ ka à mu̍-o tàn-a nu̍ ɛ? Joi-a chɛ̀ bo ɔ̀ nu̍ sàǐtòò nyɔ̍ ɔ̀ po̍ pǔh-ɛa tu̍owli la. Wɛ̀ nyɔ̍ ùh wɔ̌n-a ɔ̍ wlu̍-ɛ, iě u̍h to ɛ̍ àɔ̀ i̍ ka ɛ̍ nu̍-a gblangbai̍-ɛ.

Iblu 2:3 Iomraidhean Croise

Matio 23:33

Mɔ̀ɔ̍ sɛ̍ᵻá nynuu̍ la, pò mɔ̀-a sàwi̍h sì-ɛ ji̍ dǒ kàn nɛ̍ di̍i̍ gbǎ dɛ we̍-ɛ, nɛ̀ ka mɔ̀-a mu̍ ɛ̍ i̍ pǔh-ɛ nu̍ ɛ?

Matio 4:17

Sɔ dǒ ti̍ laa̍ di̍i̍ Jusu tè tìh bla̍-a gbɔ̀, ɔ̍ la̍a̍, “Mɔ̀ bǐi i̍ mɔ̀ iě gblɛ̍n sɔ̀ɛ̀n nu̍-ɛ i̍ tǎli. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Pɔ̀n Chɛ̀ Maɛ To-a La 1:14

Ti̍ u̍h po̍-a Chɔɔn kasoo-ɛ, dǒ ti̍ laa̍ di̍i̍ bo Jusu mu̍-i Kaladii fɔɔ, iě ɔ̍ bla̍ Nyɔsoa-a pɔ̀n chɛ̀-a tìh we̍i̍.

Pɔ̀n Chɛ̀ Luu To-a La 1:2

Nyɔ̍ ùh jě-a ìh la sɔ dě i̍h-a gbɔ̀ tè la̍-ɛ, iě u̍h bla̍-a Nyɔsoa-a pɔ̀n chɛ̀-ɛ, ìh kɔn taǐn u̍h sèàɛ̍-a àɔ̀ wlùh-ɛ, i̍h bo nyɔ̍ dɔu laa̍ u̍h chlǐh.

Pɔ̀n Chɛ̀ Luu To-a La 1:69

Ɔ̍ nyǐ àɔ̀ Sèìe Nyɔ̍ ɔ̀ blě-a gbǐh-ɛ wɛ̀, ɔ̀ nu̍-a ɔ̍ pòi̍ju Depe-a tloemlai-ɛ.

Pɔ̀n Chɛ̀ Luu To-a La 24:19

Iě ɔ̍ la̍a̍, “I̍h-a nynɛ̌ ɛ?” Wɛ̀ u̍h la̍a̍ dě ɔ̍ we̍, “Dɛ̍ᵻ ìh nɛ-a Jusu ɔ̀ sɔ-a dǒ Naaslɔɛ wlɔ̀ di̍i̍-ɛ pùn-ɛ, i̍h-i bo à dǎ. Ɔ̍ nu̍ Nyɔsoa-a tu̍owli po̍ nyɔ̍, iě ɔ̍ blě gbǐh dǒ wɔ̍i̍n wlu̍ ke ɔ̍ nu̍-dɛ̍ᵻ we̍ dě Nyɔsoa ke nyɔ̍ kli̍hgbɛ̍ jlǐh.

Chɔɔn 15:27

Nɛ̀ mɔ̀-a mu̍ ǎn sàànsi̍i̍h nu̍ ke, dɛ̍nu̍ɛ, mɔ̀ ke ǐn ke à sà na-a dě bloɔ̍ i̍.

Nu̍-dɛ̍ᵻ 1:22

ɛ̍ ke sɔ dě Chɔɔn-a nyɔ̍ nǐ dlǔ po̍-ɛa gbɔ̀ tè la̍ wɛ̀ ɛ̍ iě-a weɛ̍ Jusu sà-a dǒ à we̍ ɔ̍ gba̍-ɛa ja̍i̍wlɔ̀-ɛ kɛ̍n jɛɛ-ɛ, ɛ̍ we̍ nyɔ̍ bo à iě-e dǔ. Wɛ̀ ɔ̍ ke à iě ɔ̍ mɛ̌ wlǔh-ea sàànsi̍i̍h nu̍.”

Nu̍-dɛ̍ᵻ 2:22

“Mɔ̀ɔ̍ Eslɔɛ nyɔ̍, mɔ̀ tba̍ dounᵻ i̍ wɛ̀ mɔ̀ iě wlu̍ la wɔ̌n. Jusu la ɔ̀ sɔ-a dǒ Naaslɔɛ wlɔ̀ di̍i̍-ɛ, ɔ̍ bo Nyɔsoa dbo̍ mɔ̀ we̍, iě ɔ̍ to ɔ̍ mɔ̀ i̍ dǒ jbaɛdih ke, nyɔ̍ wɔ̍n flɔn-ɛ dɛ̍ᵻ ke dɛ̍ᵻ klaaᵻ ɔ̍ nu̍-aɛ we̍. Nyɔsoa bo ɔ̀ jii dě ɔ̍ ja̍a̍ wɛ̀ ɔ̍ nu̍ ìh la nɔ̌ mɔ̀ nynɛ̌, mɔ̀-a jlǐhɛ̍ se̍ tà maɛ.

Nu̍-dɛ̍ᵻ 4:12

Pǔh-ɛ se̍ dě nyɔ̍ dɔɔ ja̍a̍ nɛ. Nynɛ̌ dɛɛ se̍ nɔ̌ ja̍u̍n la sɔ̀n nɛ nyɔ̍ iě tù wɛ̀ à iě i̍ pǔh-i.”

Wloma 11:14

Nyɔ̍-se̍-juo ɛ̍ bo ɛ̀ mu̍ ǐn blǐ nyɔ̍ wlɛ̀n di̍i̍ po̍ wɛ̀ Nyɔsoa iě u̍h-a duuh pǔh-i.

Wloma 2:3

Mɔ̀ɔ̍ la ùh wɔ̀ mɔ̀ ba̍ᵻ kɛ̀n sà-a, wɛ̀ mɔ̀-a nu̍-a dɛ̍-a taǐn-a chɛ̀ ke-ɛ, nɛ̀ mɔ̀ jajeɛ̍ Nyɔsoa se̍ mɔ̀ kàn gbɛ̍n mu̍ de ae?

1 Kɔwlɛntiɔn 1:21

Nyɔsoa nu̍ ɛ̍ dě ɔ̍ flɔ̍nwlùh di̍i̍ wɛ̀ kmɔ̌ nyɔ̍ se̍ ɔ̍ juo-ɛ bɛ̌ɛ dě u̍h naɛ flɔ̍nwlùh di̍i̍. Dɛ̍ à bla̍-a iě kmɔ̌ nyɔ̍-a dǎɛ ɛ̍ se̍o̍nɛ. Nyɔ̍ ùh gbaɛ-a ɛ̍ wlùh-ɛ, u̍h-u bo Nyɔsoa pǔh-i.

1 Tɛsoloniɔn 5:3

Pò nyɔ̍gbei la̍a̍ “À wlùh tè i̍, à wɛ̀ kɛ̍-ɛ wɛ̀-ɛ,” wɛ̀ nyɔ̍-ɔ gbɔ̀lɔ-ɛ iě u̍h kɛ̍n kèè ka kwlǐ gbɛ̍n nynɔ̌ ɔ̍ iě gbàɔ̀n sà-ɛ. Nyɔ̍ se̍-o tàn mu̍.

1 Timote 1:15

Jusu Klai ji̍ da̍a kmɔ̌ la we̍ ɔ̍ iě gblɛ̍n sɔ̀ɛ̀n nyɔ̍ sèìe. Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn. Jɛ gblɛ̍n sɔ̀ɛ̀n nyɔ̍-a chɛ̀, mɔ̍ bo ɔ̀ nu̍ u̍h-a gblìmia.

Taitɔ 2:11

Dɛ̍nu̍ɛ, Nyɔsoa-a blɛ ɛ̀ pǔh-ia nyɔ̍-ɛ, ɛ̍ wlǔh tà wɛ̀ dǒ nyɔ̍ kli̍hgbɛ̍ we̍.

Iblu 1:1

Nyɔsoa jii dě ɔ̍ tu̍owli po̍ nyɔ̍ dɔu ja̍a̍ tɛin iě ɔ̍ wlu dě à baaᵻ we̍ dǒ ti̍ dɔu di̍i̍.

Iblu 1:14

Ǐnchɔ̀-a chɛ̀ ka i̍h-a tìh nɛ ɛ? I̍h kli̍hgbɛ̍ bo ìh-a dbee Nyɔsoa jǔ. Iě Nyɔsoa dbo̍ i̍h, i̍h iě nyɔ̍ ɔ̍ mu̍-a pǔh-iɛ we̍ gbǎ.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

Iblu 12:25

Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?

Iblu 4:1

Kaka la̍, Nyɔsoa po̍ wlu̍ tɔ̀ma̍a̍ à iě dě fɔla ɔ̍ mu̍-a à nyǐ-ɛ nyni̍. Ɛ̍ tìh-ɛ, mɔ̀ à nu̍ nɛnɛ̌ wɛ̀ mɔ̀-a nyɔ̍-ɔ se̍-e i̍ sǐ.

Iblu 4:11

Ɛ̍ tìh-ɛ, mɔ̀ à po̍-e gbǐh à iě dě fɔla laa̍ i̍ sǐ, wɛ̀ à-a je̍e se̍ Nyɔsoa-a wlu̍ nu̍ nyɔ̍-a dɛ̍ nu̍, à-a je̍e dǒ Nyɔsoa-a wìè kɛ̍n sɔ.

Iblu 5:9

Ti̍ ɔ̍ wɛ̀-a nɛi̍ dě jua̍i̍ sàɛ̀ di̍i̍-ɛ, iě ɔ̍ dǔ ka nyɔ̍ ɔ̀ pǔh-ia nyɔ̍ iě ɔ̀ nyǐ-a nyɔ̍ kmɔ̌ sie feɛ-ɛ nu̍-ɛɛ dǒ nyɔ̍ kli̍hgbɛ̍ ùh-a nu̍-a ɔ̍ wlu̍-ɛ we̍.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

1 Chɔɔn 1:1

Nyɔ̍ ɔ̀ kɔn tìh à chlǐh-a mɔ̀ we̍-ɛ, ɔ̍-ɔ bo ɔ̀ kɔn nynɛ̌ nu̍ Wlu̍ ɔ̀ nyǐ-a nyɔ̍ feɛ-ɛ. Sɔ dě tɔ̀blɔ̍ɔ̍-ɛ, nɛ̀ ɔ̍ nɛ kmɔ̌ wɛ̀ se̍e̍. À wɔ̌n ɔ̍ wlu̍ iě à chɛ̀ tba̍ ɔ̍ jlǐhɛ̍. À gbɛ̀n ɔ̍ ja̍ iě à tǔh i̍ ɔ̍ sɔ̍n i̍.

Judi 1:17

Jɛ ǎn tìh kma nyɔ̍, dɛ̍ à Joi Jusu Klai-a gba̍tòà sèàɛ̍-a mɔ̀ wlùh tɛin-ɛ, mɔ̀ bɔ̌ ɛ̍ we̍ mǎle-ɛ.

Wlɛfeleseɔn 7:10

Wɛ̀ u̍h-a wǐi i̍, u̍h la̍a̍, “À Nyɔsoa ɔ̀ tè-a i̍ dǒ nynɛ̌ gbalǎ kɛ̍n-ɛ ke Blawɛ̌ Jǔ sèìe àɔ̀.”