Iblu 2:16 - Ku̍o̍ Delee 1999

¹⁶ À juo i̍h, ɛ̍ se̍ Nyɔsoa-a ǐnchɔ̀ ɔ̍ se̍ we̍ gbǎ la̍-a ji̍. Eblaɛɛn-a tloemlai bo ɔ̍ ji̍ we̍ gbǎ la̍-a.

Iblu 2:16 Iomraidhean Croise

Wloma 2:25

Pò ìn ja telě dɛ̍ɛ̍ jě-ɛ, nɛ̀ àn plɔ̀n gbǎ-a gbǎ dɛ̍kɛ̍n. Jɛ pò ìn wa̍ telě-ɛ, nɛ̀ ìn wɔ̀ nyɔ̍ ùh se̍-a plɔ̀n gbǎ-ɛ.

Kelesea 3:16

Nyɔsoa po̍ wlu̍ tɔ̀ma̍a̍ dě Eblaɛɛn ke ɔ̍ tloemlai we̍. Nyɔsoa-a wlu̍ se̍ ka nu̍ Eblaɛɛn-a tloemlai dɔu. Jɛ ɛ̍ la̍ tloemlai due, nɛ̀ nyɔ̍ due bo ɛ̍ dǎ. Ɛ̍-ɛ bo ɛ̀ nu̍-a Klai.

Kelesea 3:29

Pò mɔ̀ kɔn dǒ Klai we̍-ɛ, nɛ̀ mɔ̀ɔ̍ Eblaɛɛn-a tloemlai, nɛ̀ mɔ̀-a mu̍ dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a jě.

Iblu 12:10

À baaᵻ nɔ̀ɔ̍, u̍h-a sà à gblɛ̍n kwa̍ i̍ dǒ ti̍ gbɔ̍ di̍i̍, pò u̍h gbɛ̀n ɛ̍ ja̍ ɛ̍ nmɔ jii̍-ɛ. Jɛ à iě chɛ̀ka nɛ tìh bo Nyɔsoa nɔ̀ɔ̍ ɔ̍ nu̍ ɛ̍. Ɔ̍ pɔ̀n à iě nɛi̍ wɛ̀ ka ɔ̍ nɛ-aɛ.

Iblu 2:15

Nyɔ̍ ùh nɛ-a dě kèìe̍e̍ de kleǐnklein mɛ̌ɛ jǔ ple̍ tìh-ɛ, wɛ̀ ɔ̍ sèìe u̍h.

Iblu 2:17

Ɛ̍ kɔn ka ɔ̍ de̍di̍i̍ᵻ nɛ-aɛ, nɛ̀ ɔ̍ kɔn ɔ̍ iě laǎn nɛ ke tà kli̍hgbɛ̍. Ɔ̍ nu̍ ɛ̍-ɛ, wɛ̀ ɔ̍ iě u̍h-a Slaǎ Sà Nyɔ̍-a Dlǔtu nu̍ ɔ̀ kɔn-a wɔɛ iě ɔ̀ nu̍-a wlì tè nyɔ̍ dě Nyɔsoa jǔ dbee dɛ di̍i̍-ɛ. Wɛ̀ ɔ̍ nu̍ ɛ̍ iě nyɔ̍ɔ-a gblɛ̍n sɔ̀ɛ̀n-a tìh tǎli-ɛ i̍.

Iblu 6:16

Ɔ̀ ku̍-a wɔ̍n dǒ nyɔ̍ kɛ̍n-ɛ, ɔ̍ kɔn nynɛ̌ nyɔ̍-a slɛ̀ɛ̀n. Slɛ̀ɛ̀n-ɛ bo ɛ̀ chlà wɔ̍i̍n sà-a kli̍hgbɛ̍ dlǔ i̍.

1 Pitɛ 1:20

Nyɔsoa tba̍ ɔ̍ chèɛ̀ sasǎ iě ɔ̍ dǔ kmɔ̌ la nu̍-ɛ, iě Klai tù mɔ̀-a tìh iě ɔ̍ ji̍ dǒ bɔ̌ɛ-o wǐh la di̍i̍.