11 Nyɔ̍ jɔ tè-ea nyɔ̍ pɔ̌ dǒ Nyɔsoa we̍-ɛ ke juh ɔ̍ tè-ea pɔ̌-ɛ, u̍h sɔ dě chɛ̌tu due i̍. Ɛ̍ kɔn Jusu se̍ tɛ̀n ple̍ ɔ̍ iě u̍h de̍di̍i̍ᵻ dǎɛ.
Nɛ̀ Blǔh Baa-a mu̍ ka dǎ dě u̍h we̍, ‘Bɔ̌ ǐn sèàɛ̍ mɔ̀ wlùh, dɛ̍ jɛ mɔ̀ nu̍-a dǒ ǐn de̍di̍i̍ᵻ la u̍h-a bla̍-a jlǐhɛ̍ dlǔ-ɛ we̍-ɛ, nɛ̀ mɔ̀ nu̍ ɛ̍ ǐn pùn wɛ̀.’
Wɛ̀ Jusu la̍a̍ dě u̍h we̍, “Mɔ̀ bɔ̌ faɔn ple̍-ɛ. Jɛ mɔ̀ mu̍ mɔ̀ iě ǎn kòà wlùh sèàɛ̍ ùh nu̍-a ǐn de̍di̍i̍ᵻɛ́, u̍h iě Kaladii mu̍ dě u̍h-a mu̍ ǐn jě-e.”
Nyɔ̍ ùh dlɛ̌-a ɔ̍-ɛ, wɛ̀ ɔ̍ gbèɛ̀ɛ̍n u̍h ja̍ i̍. Iě ɔ̍ la̍a̍, “Mɔ̀ gbɛ̀n-e, ùh la bo ùh nu̍ ǐn de̍ ke ǐn de̍di̍i̍ᵻ.
Nyɔ̍-o-nyɔ̍ ɔ̀ mu̍-a ǐn ke ǎn nǎ poe wlu̍ tɛ̀n i̍ ple̍-e da̍a Nyɔsoa wɔ̍n blaɛ ke gblɛ̍n sɔ̀ɛ̀n kmɔ̌ la di̍i̍-ɛ, nɛ̀ ti̍ Nyi̍ɔ̍-a Jǔ ke Nyɔsoa-a ǐnchɔ̀-a mu̍-a ji̍ dě ɔ̍ Baa-a tìh-a i̍ bɛ̌-ɛ di̍i̍-ɛ, nɛ̀ ɔ̍ mu̍ nyɔ̍ laa̍ tɛ̀n i̍ ple̍-e ke.”
Nyɔ̍-o-nyɔ̍ ɔ̀ mu̍-a ǐn ke ǎn nǎ poe wlu̍ tɛ̀n i̍ ple̍-eɛ, nɛ̀ ti̍ Nyi̍ɔ̍-a Jǔ-a mu̍-a ji̍ dě ɔ̍ tìh-a i̍ bɛ̌-ɛ di̍i̍-ɛ, ɛ̍ ke dě ɔ̍ Baa Nyɔsoa ke ɔ̍ ǐnchɔ̀ naɛ tìh-a i̍ bɛ̌-ɛ di̍i̍-ɛ, nɛ̀ ɔ̍ mu̍ nyɔ̍ laa̍ tɛ̀n i̍ ple̍-e ke.
U̍h-a tìh bo ǐn tè-e ǎn chɛ̀ pɔ̌, wɛ̀ ǎn tìh-a taǐn iě u̍h pɔ̌ tè-e ke.
wɛ̀ u̍h kli̍hgbɛ̍ iě due nɛ. Baa, ka ìn nɛ-a m, iě ǐn nɛ-a m̀-ɛ, kǎ u̍h iě à-a nɛ-ɛ nu̍ ke. Wɛ̀ kmɔ̌ iě ɛ̍ tìh chɛ̀ po̍ ka ìn dbo̍-a m-ɛ.
Wɛ̀ Jusu la̍a̍ dě ɔ̍ we̍, “Bɔ̌ ǐn i̍ gbɛ̍n-ɛ, dɛ̍nu̍ɛ, nɛ̌ se̍a dě ǐn Baa we̍ ja̍i̍ mu̍ ke̍. Jɛ mu̍ dě ǐn de̍di̍i̍ᵻ we̍ ìè u̍h wlùh sèàɛ̍ ka ǎn mu̍-a la̍ dě u̍h ke ǐn ke à Baa we̍ ja̍i̍-ɛ, ɔ̀ nu̍-a u̍h ke ǐn ke à Nyɔsoa-a.”
Dě nyɔ̍ due ja̍a̍ bo ɔ̍ nui kmɔ̌ nyɔ̍ kli̍hgbɛ̍, wɛ̀ u̍h iě blǔh la kɔn. Iě ɔ̍ sie ti̍ nya̍ wɛ̀ ɔ̍ nma̍le tà kɔn taǐn u̍h iě-a tǐn-ɛ.
Dɛ̍nu̍ɛ, ‘À pɛ̌n ɔ̍, iě à mui ɔ̍, wɛ̀ à nɛ ɔ̍.’ Ɛ̍ bo mɔ̀-a chlǐh-nyɔ̍ duuh sà-a, u̍h la̍a̍, ‘Àɔ̀ ɔ̍ nynuu̍.’
Nyɔ̍ ùh Nyɔsoa tba̍-a chèɛ̀ se̍e̍-ɛ, ɔ̍ tè u̍h pɔ̌ wɛ̀ u̍h iě ɔ̍ Jǔ wɔ̀, wɛ̀ ɔ̍ iě sàì Jǔ nu̍ dě de̍di̍i̍ᵻ dɔu nynɛ̌.
Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,
Jusu Klai nu̍ Nyɔsoa-a wlùh. Ɔ̍ sà-ɛ ɔ̍ chɛ̀-a ku̍ slaǎ kleǐnklein à gblɛ̍n sɔ̀ɛ̀n-a tìh, ɛ̍-ɛ bo ɛ̀ wɔ̀ à nɛi̍.
Ɔ̍ chɛ̀ slaǎ sà-ɛ due ɔ̍ nu̍-aɛ, nyɔ̍ ùh tè-ea pɔ̌ dǒ Nyɔsoa we̍-ɛ, ɛ̍ wɔ̀ u̍h gblɛ̍ja̍i̍ nɔ̌ kmɔ̌-a kmɔ̌.
Jɛ ka ɛ̍ nɛ-a ka-ɛ, nɛ̀ bloa̍ chɛ̀ ɛ̀ nu̍-a ja̍i̍wlɔ̀-ɛ bo ɛ̀ kɔn tɔ̌n-a nu̍ u̍h. Ɛ̍ tìh-ɛ, Nyɔsoa se̍ tɛ̀n ple̍ u̍h iě ɔ̍ u̍h-a Nyɔsoa dǎɛ-ɛ. Ɛ̍ kɔn ɔ̍ po̍ tùgbàwlɔ̀ gba̍a̍ dǒ u̍h we̍.
Ɛ̍ kɔn Jusu mɛ̌-ɛ dǒ wlɔ̀ sɔ̀n dě wìè-i, wɛ̀ ɔ̍ chɛ̀-a nymɔ̍ iě nyɔ̍ɔ nɛi̍ wɛ̀.
Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.
Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.