Iblu 2:10 - Ku̍o̍ Delee 1999

¹⁰ Ɛ̍ slɛ̌ i̍ kleǐn wɛ̀ Nyɔsoa ɔ̀ nu̍-a dɛ̍ᵻ kli̍hgbɛ̍ iě i̍h kɔn-a dǒ ɔ̍ we̍-ɛ, wɛ̀ ɔ̍ wɔ̀ Jusu nɛi̍ dě jua̍i̍ sàɛ̀ di̍i̍. Ɛ̍ iě kmɔ̌ nɛ wɛ̀ nynuu̍ dɔu iě tìh-a i̍ bɛ̌-ɛ blě. Jusu bo ɔ̀ gba̍ u̍h iě u̍h-a pǔh.

Iblu 2:10 Iomraidhean Croise

Pɔ̀n Chɛ̀ Luu To-a La 13:32

Wɛ̀ Jusu la̍a̍ dě u̍h we̍, “Mɔ̀ mu̍ mɔ̀ iě bɛ̌kɔ̀ laa̍ wlùh sèàɛ̍, kǎ mɔ̀ iě ka dǎ, ‘Ǎn sà nyɔ̍ jeědih de̍e̍ i̍, iě ǎn pǔh-i nyɔ̍ sèàn ke klàe̍, nɛ̀ pò dǒ wǐh ta̍a̍n naɛ di̍i̍-ɛ, nɛ̀ ǎn mu̍ ǎn dbo̍ i̍ wɔ̀.’

Pɔ̀n Chɛ̀ Luu To-a La 2:14

“Mɔ̀ à bɛ̌-ɛ Nyɔsoa-a nynɛ̌ i̍, ɔ̀ tǐn-a dě ja̍i̍wlɔ̀-ɛ, nɛ̀ nyɔ̍ ùh-a pɛ̌n-ɛa ɔ̍ wlùh i̍ nɔ̌ bloɔ̍-ɛ, pɔ̀ìě dǒ u̍h we̍.”

Pɔ̀n Chɛ̀ Luu To-a La 24:26

Nyɔsoa-a Chèɛ̀ Tba̍ju se̍ kɔn ɔ̍ iě ka jua̍i̍ sàɛ̀ nu̍, wɛ̀ ɔ̍ iě dě ɔ̍ tìh-a i̍ bɛ̌-ɛ di̍i̍ mu̍ dɛbo ae?”

Pɔ̀n Chɛ̀ Luu To-a La 24:46

Iě ɔ̍ la̍a̍ dě u̍h we̍, “Kǎ Nyɔsoa-a wlu̍ nu̍ ka chlǐh-ɛ, ɛ̍ la̍ ɔ̍ Chèɛ̀ Tba̍ju-a mu̍ dbǎ-ɛ, wɛ̀ pò wǐh ta̍a̍n sì-ɛ, ɔ̍ iě-e wlǔh.

Chɔɔn 11:52

Jɛ ɛ̍ se̍ Juu bloa̍ nɛ due-a tìh ɔ̍ se̍ mɛ̌ mu̍. Jɛ ɔ̍ mɛ̌ɛ-a mu̍ Nyɔsoa-a nynuu̍ ùh gbà-a ja̍i̍-ɛ i̍ gbòe. Wɛ̀ u̍h iě nyɔ̍ due nu̍.

Chɔɔn 19:30

Ti̍ Jusu tɛ̀n-a nmɔ̍ laa̍ wɔ̍n-ɛ, iě ɔ̍ la̍a̍, “Ɛ̍ wɛ̀ i̍ wɛ̀.” Ɔ̍ po̍-a dlǔ wlù-ɛ, ɔ̍ chɛ̍n feɛ kleǐn.

Nu̍-dɛ̍ᵻ 3:15

Mɔ̀ɔ̍ bo ùh dbǎ ɔ̀ nɛ-ɛa nyɔ̍ kmɔ̌-ɛ. Jɛ Nyɔsoa sà ɔ̍-e. Àɔ̀ bo à nu̍ ɛ̍ sàànsi̍i̍h.

Nu̍-dɛ̍ᵻ 5:31

Iě Nyɔsoa dǔ ɔ̍ ja̍i̍ dǒ ɔ̍ di̍na̍ we̍, ɔ̍ iě Dlǔtu ke nyɔ̍ Sèìe Nyɔ̍ nu̍. Wɛ̀ ɔ̍ iě Eslɔɛ nyɔ̍ flɔna̍ nyǐ u̍h iě i̍ bǐi wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ.

Wloma 11:36

Ɔ̍ bo ɔ̀ nu̍ dɛ̍ᵻ kli̍hgbɛ̍. Dě ɔ̍ ja̍a̍ bo i̍h nɛ. Ɔ̍ tìh bo i̍h nɛ kmɔ̌. Ɔ̍ bo tìh-a i̍ bɛ̌-ɛ kɔn dǒ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

Wloma 9:23

Ɔ̍ pɔ̀n nyɔ̍ ùh kɔn-a dǒ ɔ̍ wɔɛ we̍-ɛ, u̍h iě ɔ̍ tìh-a i̍ bɛ̌-ɛ ɛ̀ ku̍-a wɔ̍n kaa̍-ɛ juo. U̍hɔ̍ɔ̍ laa̍ bo ɔ̍ po̍ gba̍a̍ se̍e̍ u̍h iě ɔ̍ tìh-a i̍ bɛ̌-ɛ i̍ gbɛ̍n.

1 Kɔwlɛntiɔn 2:7

Nyɔsoa-a flɔ̍nwlùh ɛ̀ sìle-a kmɔ̌ nyɔ̍ se̍-a juo-ɛ, ɛ̍-ɛ bo à nyǐ-a ka nyɔ̍. Flɔ̍nwlùh laa̍ bo Nyɔsoa tba̍ chèɛ̀ se̍e̍ ɛ̍ iě ɛ̍ nu̍ à iě ɔ̍ tìh-a i̍ bɛ̌-ɛa fɔ̌ kɔn, wɛ̀ kmɔ̌ la ɛ̍ dǔ nui-ɛ.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

2 Kɔwlɛntiɔn 3:18

Nɛ̀ɛ̍, à kli̍hgbɛ̍ à jě Joi-a tìh-a i̍ bɛ̌-ɛ dǒ à jua̍i̍ᵻ ìh se̍-a dɛ̍ kɛ̍n kaɛn-ɛ we̍. Joi-a Sùù bo ɛ̀ bǐi àɔ̀ i̍ dě ɔ̍ tu̍ di̍i̍ ma̍u̍, iě à wɔ̀ ɔ̍ tìh-a i̍ bɛ̌-ɛ ti̍ kli̍hgbɛ̍ we̍.

2 Kɔwlɛntiɔn 4:17

Jua̍i̍ sàɛ̀ juwɛ la ɛ̀ se̍-a i̍ wlè mu̍-ɛ, ɛ̍ po̍ à gba̍a̍ dǒ kmɔ̌ sie tìh-a i̍ bɛ̌-ɛ ɛ̀ se̍-a i̍ blaɛ dɛ̍ kɔn-ɛ we̍.

2 Kɔwlɛntiɔn 5:18

Nyɔsoa bo ɔ̀ nu̍ ìh kli̍hgbɛ̍ la. Ɔ̍ nu̍ ɛ̍ iě ɔ̍ ke à gbe̍ɛ̍ɛn kɛ̍n i̍ dě Klai ja̍a̍. Ɔ̍ nyǐ àɔ̀ dbo̍ à iě nu̍ wɛ̀ ɔ̍ ke nyɔ̍ duuh iě kɛ̍n i̍ gbe̍ɛ̍ɛn ke.

2 Kɔwlɛntiɔn 6:18

Ǎn mu̍ mɔ̀ baa nu̍, wɛ̀ mɔ̀ iě ǎn jɔ̍gbauᵻ nynuu̍ ke nynɔ̌gbaɔᵻ nynuu̍ nu̍. Kǎ mɔ̍ Joi Ɔ̀ Blě-a Gbǐh Kli̍hgbɛ̍-ɛ dǎ.”

Kelesea 3:26

Wlùh gbaɛ bo ɛ̀ nu̍ mɔ̀ kli̍hgbɛ̍ Nyɔsoa-a chɛǐ nynuu̍ we̍i̍ wɛ̀ dě Jusu Klai ja̍a̍.

Ɛfɛsɔ 2:7

Ɔ̍ nu̍ ɛ̀ la wɛ̀ ɔ̍ iě ɔ̍ blɛ to dě nyɔ̍ɔ we̍ dǒ ti̍ ɛ̀ se̍a sie la̍ kɔn-ɛ we̍. Ɔ̍ blɛ nɛ-ɛ la ɛ̍ ku̍ wɔ̍n kaa̍ ɛ̍ sìì-o dɛ̍ i̍. Ɛ̍ jii dě ɔ̍ gblɛ̍n-ɛ nmɔ-ɛ di̍i̍. Ɛ̍-ɛ bo ɛ̀ nu̍ ɛ̍ iě ɔ̍ dbo̍ Jusu Klai nɔ̌ à we̍.

Ɛfɛsɔ 3:10

Nyɔsoa nu̍ ìh la iě chɔchi̍h iě ɛ̍ nu̍ wɛ̀ nyɔ̍-a wlu̍ kwa̍ blě nyɔ̍ ke, gbǐh nɛ-a dě ja̍i̍wlɔ̀-ɛ i̍h iě Nyɔsoa-a flɔ̍nwlùh kli̍hgbɛ̍ la juo kaka.

Kalase 3:4

Klai ɔ̀ nu̍-a mɔ̀-a kmɔ̌ nɛ-ɛɛ, ti̍ ɔ̍ mu̍-a tà wlǔh-ɛ, nɛ̀ mɔ̀ ke ɔ̍ mu̍ tà wlǔh dě tìh-a i̍ bɛ̌-ɛ di̍i̍.

2 Timote 2:10

Ɛ̍ kɔn wɛ̀ ǎn ku̍-e klì i̍ dǒ dɛ̍ᵻ kli̍hgbɛ̍ we̍ Nyɔsoa-a chèɛ̀ tba̍ nyɔ̍-a tìh. Wɛ̀ u̍h iě pǔh-ɛ nɛ-a dě Jusu Klai ja̍a̍-ɛ jě ke, ɛ̍ ke kmɔ̌ sie tìh-a i̍ bɛ̌-ɛ ke.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 6:20

Jusu mu̍ à jǔ iě ɔ̍ pa̍ dě gbòju laa̍ di̍i̍ dǒ à tàà. Wɛ̀ ɔ̍ nu̍ ka slaǎ sà nyɔ̍-a dlǔtu nɔ̌ kmɔ̌-a kmɔ̌, ka slaǎ sà nyɔ̍ Mɛokeslɛ-ɛ.

Iblu 7:26

Jusu laa̍ bo ɔ̀ nu̍ ka Slaǎ Sà Nyɔ̍-a Dlǔtu à kɔn à iě blě. Ɔ̍ wɛ̀ nɛi̍. Nyɔ̍ se̍ ɔ̍ kɔ̌-ɛ nynɛ̌ blě, ɔ̍ se̍ gblɛ̍n sɔ̀ɛ̀n nu̍. Ɔ̍ tè-ɛ pɔ̌ dě gblɛ̍n sɔ̀ɛ̀n nyɔ̍ nynɛ̌, iě ɔ̍ dǔ-iɛ ja̍i̍ dě ja̍i̍wlɔ̀.

Iblu 7:28

Telě-a tba̍ wlɔ̀ nyɔ̍ ùh kɔn gbǐh-a nu̍-a sɔɔn-ɛ chèɛ̀ u̍h iě slaǎ sà nyɔ̍-a dlǔtuᵻ nu̍. Jɛ Nyɔsoa-a slɛ̀ɛ̀n wlu̍ ji̍-a telě kɛ̍n i̍-ɛ, ɛ̍ tba̍ Jǔ ɔ̀ bɛ̌ɛ-a Nyɔsoa-a wlùh nu̍-ɛ nɔ̌ kmɔ̌-a kmɔ̌-ɛ chèɛ̀, ɔ̍ iě Slaǎ Sà Nyɔ̍-a Dlǔtu nu̍.

1 Pitɛ 1:12

Nyɔsoa flɔn-ɛ ɛ̍ we̍i̍ dě ɔ̍ tu̍owli po̍ nyɔ̍ laa̍ we̍, ka dbo̍ u̍h-a nu̍-aɛ, ɛ̍ se̍-a dǒ u̍h-a chɛ̀ we̍ kɔn-ɛ, jɛ ɛ̍ kɔn-a dǒ mɔ̀ we̍-ɛ. Ti̍ u̍h bla̍-a ìh la wɛ̀ mɔ̀ iě-a ka i̍h wɔ̌n dě pɔ̀n chɛ̀ we̍i̍ bla̍ nyɔ̍ wɔ̍ɔ̍n-ɛ, Nyɔsoa-a Sùù sɔ-a dě ja̍i̍wlɔ̀-ɛ bo ɛ̀ gbǎ u̍h we̍ iě u̍h bla̍ i̍h. Ìh la bo Nyɔsoa-a ǐnchɔ̀-a chɛ̀-a pɔ̀n we̍ i̍ ju̍o̍e-ɛ i̍ ke.

1 Pitɛ 5:1

Ǐn ba̍ᵻ Nyɔsoa nyɔ̍ klaaᵻ nɛ-a dě mɔ̀ nynɛ̌ dě chɔchi̍h-iɛ, ǐn gbɛ̍n u̍h-a bu̍hᵻ i̍. Mɔ̍ la mɔ̍ sàànsi̍i̍h dǒ Klai-a jua̍i̍ sàɛ̀ dɛ we̍. Ɔ̍ tìh-a i̍ bɛ̌-ɛ ɛ̀ mu̍-a ji̍-ɛ, ǎn mu̍ ɛ̍ dɛ̍ di̍i̍ nyǐ-ɛ ke. Ǐn gbɛ̍n mɔ̀-a bu̍hᵻ i̍,

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.

Wlɛfeleseɔn 4:11

“À Joi Nyɔsoa, ìn nɛ ɛ̍ ka̍. Àn tìh-a i̍ bɛ̌-ɛ ke ja̍ tè-ɛ ke gbǐh nɛ we̍ i̍ ble̍-e ka̍, dɛ̍nu̍ɛ, mɔ̀ bo ɔ̀ nu̍ dɛ̍ᵻ kli̍hgbɛ̍ iě i̍h nɛ, wɛ̀ ìn dǔ àn chɛ̀-a wlùh-u iě ìn nu̍ dɛ̍ᵻ kli̍hgbɛ̍.”

Wlɛfeleseɔn 7:9

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě nyɔ̍ tlùgbei̍ ùh nyɔ̍ se̍-a slè-ɛ bɛ̌ɛ-ɛ. U̍h sɔ dě dakɔ̍ kli̍hgbɛ̍ ke chɛ̌tu kli̍hgbɛ̍ ke bloa̍ kli̍hgbɛ̍ di̍i̍ i̍. Nɛ̀ u̍h nyna-ɛ i̍ dǒ nynɛ̌ gbalǎ ke Blawɛ̌ Jǔ jǔ. Nɛ̀ u̍h pa̍ plɛ̀i̍ plǔᵻ i̍, iě u̍h blě ju̍hᵻ wlɔ̍nᵻ kwa̍ i̍.