Iblu 13:9 - Ku̍o̍ Delee 1999

⁹ Mɔ̀ bɔ̌ wɔ̌n-ɛ nǎ po̍ wlu̍ kaɛn kaɛn bɔ̌ mɔ̀ dǒ wìè slɛ̌ i̍ kɛ̍n sà-a. Ɛ̍ nmɔ jii̍ Nyɔsoa-a blɛ iě à pɔluh i̍ kui ɛ̍ sìì di̍-dɛ̍ᵻá gbànᵻ tù-ɛ. Dɛ̍nu̍ɛ, nyɔ̍ ùh tù-a di̍-dɛ̍ᵻá gbànᵻɛ́, ɛ̍-ɛ po̍-o dɛ̍ dǒ u̍h we̍.

Iblu 13:9 Iomraidhean Croise

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Matio 24:4

Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe.

Pɔ̀n Chɛ̀ Luu To-a La 5:38

Jɛ nmɔ̍ delee bo ɛ̀ iě dě dɛ̍ku sòlɛ̀ delee di̍i̍ gbǎ.

Nu̍-dɛ̍ᵻ 20:30

Dě mɔ̀ nynɛ̌ bo nyɔ̍-a mu̍ sɔ u̍h iě kòà dɔu iě dǒ u̍h de̍e̍ gbǎ tìh tù, wɛ̀ u̍h iě tìh-a taǐn-a wɛ̀àn plùn chɛ̍n.

Nu̍-dɛ̍ᵻ 20:32

“Nɛ̀ kaka la̍, ǐn po̍ mɔ̀ dě Nyɔsoa ke ɔ̍ blɛ tu̍owli kwa̍a̍. Ɛ̍-ɛ bo ɛ̀ bɛ̌ɛ mɔ̀ dǒ ta̍i̍ po̍-ɛ. Wɛ̀ ɛ̍ iě mɔ̀ pɔ̀ìě ɛ̀ ɔ̍ tè-a i̍ dǒ ɔ̍ i̍ slɛ̌-nyɔ̍ we̍-ɛ nyǐ.

Wloma 14:17

Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ se̍ di̍-dɛ̍ ke nǎ-dɛ̍ i̍ bǎ. Jɛ i̍ slɛ̌-ɛ ke, wlùh-a i̍ tè-ɛ ke nmɔ-ɛ Nyɔsoa-a Sùù-a nyǐ-a nyɔ̍-ɛ bo ɛ̍ bǎ i̍.

Wloma 14:2

Nyɔ̍ blě wlùh gbaɛ-ɛ, nɛ̀ ɛ̍ nu̍ ɛ̍ iě ɔ̍ di̍ dɛ̍-o-dɛ̍. Jɛ jɔ kɔn wlùh gbaɛ se̍-a i̍ ku̍-ɛ, nɛ̀ tlo-dɛ̍ᵻ nɛ due gbài̍ bo ɔ̍ di̍.

Wloma 14:6

Pò nyɔ̍ jě weɛ̍ chɛ̀ ka dě wǐh nynɛ̌-ɛ, nɛ̀ ɔ̍ nu̍ ɛ̍ dǒ Joi ja̍ tè-ɛ we̍. Pò nyɔ̍ di̍ dɛ̍-o-dɛ̍-ɛ, nɛ̀ ɔ̍ nu̍ ɛ̍ ke dǒ Joi ja̍ tè-ɛ we̍, dɛ̍nu̍ɛ, ɔ̍ po̍ Nyɔsoa tlɔ̌ dǒ di̍-dɛ̍ laa̍ we̍. Pò nyɔ̍-ɔ di̍ dɛ̍-o-dɛ̍-ɛ, nɛ̀ ɔ̍ nu̍ ɛ̍ dǒ Joi ja̍ tè-ɛ we̍, dɛ̍nu̍ɛ, ɔ̍ po̍ Nyɔsoa tlɔ̌ dǒ dɛ̍ ɔ̍ di̍-a we̍.

1 Kɔwlɛntiɔn 6:13

Nyɔ̍ dɔɔ-a mu̍ ka dǎ, “Di̍-dɛ̍ kɔn dǒ kwlǐ we̍, wɛ̀ kwlǐ kɔn dǒ di̍-dɛ̍ we̍.” I̍i̍n, ka ɛ̍ nɛ, jɛ ɛ̍ mu̍ weɛ̍ kɔn wɛ̀ Nyɔsoa iě i̍h nɛ-a sɔɔ̌n-ɛ gbɔ̀lɔ. Nyɔ̍-a ku̍ se̍ dǒ gbǎn nu̍-ɛ we̍ kɔn. Ɛ̍ kɔn dǒ Joi Jusu we̍, wɛ̀ Joi kɔn ɛ̍ wlu̍ i̍.

1 Kɔwlɛntiɔn 8:8

Di̍-dɛ̍ᵻ se̍ à Nyɔsoa we̍ gba̍ mu̍. À se̍-e de̍ i̍ gbǎ mu̍ pò à se̍ dɛ̍ di̍-ɛ. Iě dɛ̍ di̍-ɛ wɔ̍ se̍-o à dɛ̍ po̍ mu̍ ke.

2 Kɔwlɛntiɔn 1:21

Jɛ Nyɔsoa bo ɔ̀ nu̍ ɛ̍ wɛ̀ mɔ̀ ke à nɛ due dě à ke Jusu Klai-a due nɛ-ɛ di̍i̍ wɛ̀ ɔ̍ tè àɔ̀ pɔ̌ dǒ ɔ̍ dbo̍ we̍.

Kelesea 6:1

Ǐn de̍di̍i̍ᵻ, pò nyɔ̍ gba̍ wìè sɔ̀n-ɛ, nɛ̀ mɔ̀ɔ̍ juh nɛ-a dě Nyɔsoa-a Sùù-ɛ, nɛ̀ mɔ̀ɔ̍ bo ùh iě ɔ̍ wìè-e po̍ dě gba̍n gbɛ̍n-ɛ di̍i̍. Jɛ nɛ̀ mɔ̀ nu̍ nɛnɛ̌ wɛ̀ mɔ̀-a chɛ̀ je̍e blu̍ja̍a̍ gbǎ ke.

Ɛfɛsɔ 4:14

Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

Ɛfɛsɔ 5:6

Bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ si̍h tmɔ̌-ɛ we̍. Dɛ̍ᵻ sɔ̀nᵻ la bo ìh-a mu̍ ɛ̍ nu̍ wɛ̀ Nyɔsoa iě nyɔ̍ ùh se̍-a ɔ̍ wlu̍ nu̍-ɛ jlu̍h-u gbǎ-ɛ.

Kalase 2:4

Ǎn sà ìh la-a wɛ̀ nyɔ̍-ɔ je̍e mɔ̀ i̍ boe dǒ u̍h-a wɔ̍n i̍ nmɔ-ɛ we̍.

2 Tɛsoloniɔn 2:17

ɔ̍ iě mɔ̀-a wlùh fùka, wɛ̀ ɔ̍ iě mɔ̀ gbǐh ku̍u̍ po̍ dě dbo̍ chɛ̀ kli̍hgbɛ̍ ke wlu̍-ɛ di̍i̍.

2 Tɛsoloniɔn 2:2

pò mɔ̀ wɔ̌n wlu̍ àe̍e̍ nyɔ̍ poe ɛ̍ gbànwli, iě nyɔ̍ duuh iě ɛ̍ chlǐh wɛ̀ u̍h iě ka nu̍ ɛ̍ sɔ nɔ̌ à we̍-ɛ, mɔ̀-a ku̍ bɔ̌ tlɛ̍-ɛ. Pò u̍h la̍ Joi-a ji̍-i weɛ̍ nyni̍ wɛ̀-oɛ, ɛ̍ bɔ̌ mɔ̀-a ku̍ tlɛ̍-ɛ. Wɛ̀ mɔ̀-a wlùh wɔ̍ bɔ̌ dě de̍i̍ gbǎ-a ke dǒ ɛ̍ we̍.

1 Timote 6:20

Timote, dɛ̍ Nyɔsoa po̍-a dě ìn kwa̍a̍-ɛ, nu̍ ɛ̍ sɛ̍sɛ̍. Pàɔ̀n tmɔ̌-ɛ ɛ̀ se̍-a Nyɔsoa dɛ i̍ bǎ-ɛ, sà ɛ̍ sɔ̍n di̍i̍. U̍h-a tie̍u̍n sɔ̀ìn laa̍ u̍h-a dǎɛ-a tɔɔ-ɛ, sà i̍h sɔ̍n di̍i̍.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.

Judi 1:12

U̍h ke mɔ̀-a sɔ̍n jǔ gbo̍a̍ɛ-ɛ dǒ jbɛɛ dɛ̍ di̍ la̍-a ɛ̍ po̍ ɛ̍ mlɔ̌ wɔ̍n. Dɛ̍nu̍ɛ, u̍h ku̍ jii̍, iě u̍h-u gbɛ̍n u̍h-a chɛ̀ i̍. U̍h-a sì u̍h-a chɛ̀-a tìh sǔh. U̍h wɔ̀ nǐgbanᵻ ìh poɔ-a gba̍-a wɛ̀ i̍h-i dba̍-ɛa nǐ-ɛ. Tu̍ᵻ ìh kɔn tlo-o nɔɔ ji̍-a wɛ̀ i̍h-i tlo-aɛ, i̍h bo u̍h wɔ̀. Ɛ̍ kɔn i̍h wɔ̌li, wɛ̀ i̍h mɛ̌ jlɛjlɛ.

Judi 1:3

Ǎn tìh kma nyɔ̍, sèìe la mɔ̀ ke à gblè-a kwa̍a̍ i̍-ɛ, ɛ̍ kɔn tìh bo ǎn wlùh-a nu̍ jàjà de iě mɔ̀ we̍ chlǐh. Jɛ kaka la̍, wlùh gbaɛ ɛ̀ Nyɔsoa nyǐ-a ɔ̍ nyɔ̍ wɛ̀ kleǐnklein-ɛ, ɛ̍ kɔn tìh bo ǐn kɔn iě mɔ̀ we̍ chlǐh, iě mɔ̀-a wlùh fùka, wɛ̀ mɔ̀ iě ɛ̍ tìh we̍ fɔ̀n.