Iblu 13:8 - Ku̍o̍ Delee 1999

⁸ Jusu Klai-a gblɛ̍n-ɛ sàɛ̀. Ɔ̍ due nɛ-a sɔ̀nwa̍n ke sèàn-ɛ, ɔ̍-ɔ bo ke̍ nɔ̌ kmɔ̌-a kmɔ̌.

Iblu 13:8 Iomraidhean Croise

2 Kɔwlɛntiɔn 1:19

Dɛ̍nu̍ɛ, Nyɔsoa-a Jǔ Jusu Klai ɔ̀ kɔn tìh mɔ̍ ke, Sale ke, Timote ke à bla̍-a dě mɔ̀ we̍-ɛ, ɔ̍-ɔ wɔ̌n-ɛ “I̍i̍n” ke “Iěe” tàdùè. Jɛ “I̍i̍n” bo ɛ̀ sɔ dě ɔ̍ we̍ ti̍ kli̍hgbɛ̍ we̍.

2 Kɔwlɛntiɔn 1:20

Dɛ̍nu̍ɛ, ɔ̍-ɔ bo ɔ̀ nu̍ “I̍i̍n” dǒ Nyɔsoa-a wlu̍ kli̍hgbɛ̍ ɔ̍ po̍-a tɔ̀ma̍a̍-ɛ we̍. Ɛ̍ kɔn à wlu “Kǎ ɛ̍-ɛ nɛ” dě Jusu Klai ja̍a̍ dǒ Nyɔsoa-a tìh-a i̍ bɛ̌-ɛ we̍.

Iblu 1:12

Àn mu̍ i̍h de̍ po̍ ka nyɔ̍-a po̍ plɛ̀i̍ soa de̍-ɛ, nɛ̀ i̍h-a mu̍ wɔ̀ɔ̀ poe-ɛ ka nyɔ̍-a poe plɛ̀i̍ wɔ̀ɔ̀-ɛ. Jɛ mɔ̀ɔ̍, ka due ìn nɛ-aɛ, kǎ àn mu̍ nɛ, àn sɔ̀nᵻ se̍ gba̍ dlǔ i̍ chlà.”

Chiin 1:17

Nyǐ-dɛ̍ᵻ kli̍hgbɛ̍ ìh nmɔ-a jii̍ iě ìh wɛ̀-a gblɛ̍ja̍i̍-ɛ, i̍h sɔ dě ja̍i̍wlɔ̀. I̍h-a sɔ dě Baa Nyɔsoa ɔ̀ nu̍-a dɛ̍ᵻ kli̍hgbɛ̍ ìh blě-a sɔ̀npli dě ja̍i̍-ɛ we̍. Ɔ̍-ɔ sàɛ̀ wɛ̀ ɔ̍ iě kwile-a chɛ̀ blě dě sàɛ̀-ɛ di̍i̍.

Judi 1:25

Nyɔsoa nɛ due gbài̍ bo ɔ̀ nu̍ à Sèìe Nyɔ̍. Dǒ ɔ̍ we̍ bo tìh-a i̍ bɛ̌-ɛ ke, baajiɔ̍ dɛ ke, kmu-ɛ ke tùn blě-ɛ kɔn sɔ dě tɔ̀blɔ̍ɔ̍, ɛ̍ ke kaka ke nɔ̌ kmɔ̌-a kmɔ̌ dě à Joi Jusu Klai ja̍a̍. Kǎ ɛ̍-ɛ nɛ.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 1:4

Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.

Wlɛfeleseɔn 1:8

Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ, ɔ̍ la̍a̍, “Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a.”