Iblu 13:5 - Ku̍o̍ Delee 1999

⁵ Kmɔ̌ mɔ̀ nɛ-aɛ, mɔ̀ sà ɛ̍ dě wlǐ-i jbɛɛ dɛ di̍i̍. Mɔ̀ nu̍ ɛ̍ mɔ̀-a pɔluh iě i̍ pɛ̌n dǒ dɛ̍ mɔ̀ blě-aɛ we̍. Dɛ̍nu̍ɛ, Nyɔsoa la̍a̍, “Ǐn se̍ gba̍ ìn pɔ̀-ɛ nɔ̌ kmɔ̌, ǐn se̍ gba̍ ìn jlǐhɛ̍ we̍ sà.”

Iblu 13:5 Iomraidhean Croise

Matio 6:19

Ɔ̍ la̍a̍, “Mɔ̀ bɔ̌ pàn-dɛ̍ᵻ nɔ̌ bloɔ̍ i̍ tè-ɛ. Dɛ̍nu̍ɛ, dǐkàsè ke kǐh nɛ-ɔ i̍h-a gbɔ̀lɔ dɛ̍ᵻ i̍. Nɔ̌ jlǐ-nyɔ̍ nɛ ke u̍h-a wa̍ gbòᵻ.

Matio 6:25

“Ɛ̍ tìh-ɛ, ǎn sèàɛ̍ mɔ̀ wlùh, sèò bɔ̌ mɔ̀ nu̍-ɛ dǒ mɔ̀-a feɛ-a tìh we̍, ɛ̍ ke dɛ̍ mɔ̀-a mu̍-a di̍-ɛ ke, dɛ̍ mɔ̀-a mu̍-a nǎ-ɛ ke dɛ̍ mɔ̀-a mu̍-a dǒ pùn tù-ɛ we̍. Mɔ̀-a feɛ-a chɛ̀ la ɛ̍ se̍ dɛ̍kɛ̍n gbǎ ɛ̍ se̍ di̍-dɛ̍ sìì ae? Iě mɔ̀-a ku̍-a chɛ̀ se̍ dɛ̍kɛ̍n gbǎ ɛ̍ se̍ pùn tù dɛ̍ sìì ke ae?

Matio 6:34

Ɛ̍ tìh-ɛ, klàe̍ weɛ̍-a sèò bɔ̌ mɔ̀ nu̍-ɛ. Dɛ̍nu̍ɛ, klàe̍ weɛ̍-a mu̍ sèò blě dǒ ɛ̍ chɛ̀ we̍. Sɔ nɛ̀ bɔ̌ weɛ̍ jɛ-ɛ, ɛ̍ iě ɛ̍ chɛ̀-a wɔ̍ɔ̍n i̍ bɛ̌ɛ blě.”

Pɔ̀n Chɛ̀ Maɛ To-a La 7:22

klǎn kɔn-ɛ ke, kà kɔn-ɛ ke, gblàa̍ ke, jii̍ ku̍-ɛ ke, wlɛ̀n ke, nyɔ̍-a wlu̍ wɔ̍i̍n nyni-ɛ ke, blɔ̌-ɛ ke, ɛ̍ ke we̍i̍ bo-ɛ ke.

Pɔ̀n Chɛ̀ Luu To-a La 3:14

Fledlǔ tèle ɔ̍ i̍ ke, u̍h la̍a̍, “Àɔ̀ nɔ̀ɔ̍-ɛ, dɛ̍ à iě nu̍ ke ɛ?” Iě ɔ̍ la̍a̍ dě u̍h we̍, “Mɔ̀-a pɔluh pɛ̌n i̍ dǒ mɔ̀-a pɛ̌ɛ la we̍. Mɔ̀ bɔ̌ nyɔ̍-a kloǒ nu̍-ɛ, wɛ̀ mɔ̀ bɔ̌ ɔ̍ dɛ̍ kwa̍a̍ sà-a. Iě mɔ̀ wɔ̍ bɔ̌ nyɔ̍ si̍h i̍ tùi-ɛ ke.”

Pɔ̀n Chɛ̀ Luu To-a La 8:14

Jih gbǎ-a dě klàɛ̀n di̍i̍-ɛ, i̍h wɔ̀ nyɔ̍ ùh wɔ̌n-a Nyɔsoa-a wlu̍-ɛ. Jɛ ti̍ gbɔ̍ sì-aɛ, wɛ̀ kmɔ̌-a sèò ke pàn-dɛ̍ᵻ i̍ jbɛɛ-ɛ ke gbale̍e̍ gbǎ-a mɔɛ u̍h dlǔ i̍. Ɛ̍ kɔn u̍h-a buǒᵻ fǒ.

Wloma 1:29

Kà gblɛ̍n bo ɛ̀ jǐ dě u̍h di̍i̍. U̍h-a nu̍ dɛ̍ᵻ sɔ̀nᵻ u̍h kɔn klǎn, iě gblɛ̍n-ɛ nyni-ɛa po̍ u̍h gbǐh. U̍h kɔn wlɛ̀n, u̍h-a poe nyɔ̍ gbe̍ja̍a̍, iě u̍h blě chɛ̀-ɛ. U̍h kɔn gblàa̍, iě u̍h-a naɛ dɛ̍ sɔ̀n nu̍-ɛ wlùh i̍ dǒ nyɔ̍ duuh we̍, wɛ̀ u̍h-a chɛ̍n nyɔ̍.

1 Kɔwlɛntiɔn 5:11

Kaka la̍ ǎn chlǐh mɔ̀ we̍, nyɔ̍ ɔ̀ dǎɛ-a ɔ̍ chɛ̀ mɔ̀ de̍di̍i̍ wɛ̀ ɔ̍ nu̍-a gbǎn, iě ɔ̍ kɔn-a klǎn iě ɔ̍ sà-a kwɛ̍i̍n gbo̍ᵻ wɛɛ, iě ɔ̍ po̍-a nyɔ̍ wlu̍ sɔ̀nᵻ pùn i̍, iě ɔ̍ sìèè-a ɔ̍ chɛ̀ nmɔ̍ wlì, iě ɔ̍ jlǐ-aɛ, nyɔ̍ kaɛn laa̍ ɔ̀ nu̍-a ìh la i̍h-a dɛ̍-ɛ, nɛ̀ ɔ̍ ke mɔ̀ bɔ̌ we̍ nɛ̍aɛ. Nɛ̀ ɔ̍ ke mɔ̀ bɔ̌ sɔ̍n jǔ gbo̍a̍ɛ-a chɛ̀ ke.

1 Kɔwlɛntiɔn 6:10

jlǐ-nyɔ̍ ke, klǎn kɔn nyɔ̍ ke, chɛ̀ nmɔ̍ wlì sìèè nyɔ̍ ke, wlu̍ wɔ̍ɔ̍n i̍ nyni nyɔ̍ ke, ɛ̍ ke dɛ̍ᵻá kloǒ nu̍ nyɔ̍ ke u̍h se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍ mu̍.

2 Kɔwlɛntiɔn 4:9

Nyɔ̍-a jě-e à klě, jɛ Nyɔsoa se̍ à i̍ tǎli. À du̍ i̍-ɛ, jɛ à se̍-e gbɔ̀lɔ-ɛ.

Ɛfɛsɔ 5:3

Jɛ gbǎn nu̍ dɛ ke, sììjii̍ nu̍-ɛ ke, klǎn kɔn dɛ bɔ̌ dě mɔ̀ nynɛ̌-a chɛ̀ gbǎ-a. Dɛ̍nu̍ɛ, i̍h se̍ dě Nyɔsoa nyɔ̍ nynɛ̌ i̍ nmɔ.

Ɛfɛsɔ 5:5

Ɛ̍ tìh-ɛ, mɔ̀ tù ɛ̍ jlǐhɛ̍ ka gbǎn nu̍ nyɔ̍ ke, sììjii̍ nu̍ nyɔ̍ ke, klǎn kɔn nyɔ̍ ùh nu̍-a kwɛ̍i̍n gbo̍ᵻ wɛɛ sà nyɔ̍-ɛ, u̍h se̍ dɛ̍ jě mu̍ dě Klai ke Nyɔsoa-a kmɔ̌ wlu̍ i̍ kɔn-ɛ di̍i̍.

Kalase 3:5

Ka ɛ̍ nɛ-a ka-ɛ, gbǎn nu̍-ɛ ke, sììjii̍ nu̍-ɛ ke, wlùh sɔ̀n blě-ɛ ke, dɛ̍ᵻ sɔ̀nᵻ nu̍ pɔluh ke, klǎn kɔn-ɛ la (ɛ̀ bǎ-a kwɛ̍i̍n gbo̍ᵻ wɛɛ sà dɛ i̍-ɛ), kmɔ̌-a nu̍-dɛ̍ᵻ bo. I̍h nɔ̀ɔ̍, sà i̍h sɔ̀n we̍ la̍ sǔh kleǐnklein.

1 Timote 3:3

Nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, jɛ ɔ̍ gbɛ̍n gba̍n, ɔ̍ iě kmɔ̌ i̍ gbe̍ɛ̍ɛn nyɔ̍ nu̍. Ɔ̍ bɔ̌ wlǐ klǎn kɔn-ɛ.

2 Pitɛ 2:14

U̍h nɛ sɛ̌ jlǐh kleǐn, u̍h-u bɔ̌ gblɛ̍n sɔ̀ɛ̀n nu̍-ɛ. U̍h-a po̍ dli̍h wlɔ̍nᵻ we̍ nyɔ̍ blu̍ja̍a̍. Klǎn kɔn-ɛ bo u̍h cheǎn. Jɛ Nyɔsoa-a mu̍ u̍h wlu̍we̍i̍ po̍.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.

Judi 1:11

Chlě dǒ u̍h we̍, dɛ̍nu̍ɛ, u̍h-a sà-e Kein-a wɔ̀ɔ̀ i̍. U̍h iě wlǐ jě klùh tìh, ɛ̍ kɔn u̍h-a tèwe. Iě u̍h sìì wìè ka Belɛm-ɛ. U̍h-a blaɛ tùn blě nyɔ̍ wɔ̍n ka Kɔwla-ɛ, ɛ̍ bo ɛ̀ mu̍ u̍h-u gbɔ̀lɔ.