Iblu 13:4 - Ku̍o̍ Delee 1999

⁴ Nɛ̀ nyɔ̍ kli̍hgbɛ̍ gbɛ̍n-ɛ jla̍ tǐn dɛ sɔ̍nᵻ sɔɔ̌n i̍, u̍h iě ɛ̍ ja̍ tè. Nɛ̀ nynɔ̌ ke kɔan-a nyɔ̍ due bɔ̌ jla̍-a chɛ̀ cha̍n we̍ po̍-ɛ. Dɛ̍nu̍ɛ, Nyɔsoa-a mu̍ gbǎn nu̍ nyɔ̍ ke nynɛ̌à nu̍ nyɔ̍ kàn gbɛ̍n.

Iblu 13:4 Iomraidhean Croise

1 Kɔwlɛntiɔn 6:18

Sà gbǎn nu̍-ɛ sɔ̍n di̍i̍. Gblɛ̍n sɔ̀ɛ̀n jih sie-a dǒ de̍-ɛ, i̍h-i nui nyɔ̍-a ku̍ dɛ̍, jɛ nyɔ̍ ɔ̀ nu̍-a gbǎn-ɛ, nɛ̀ ɔ̍ nu̍ ɔ̍ chɛ̀-a ku̍ gblɛ̍n sɔ̀ɛ̀n pùn wɛ̀.

1 Kɔwlɛntiɔn 6:9

Mɔ̀ juo ɛ̍, ka nyɔ̍ ùh se̍-a i̍ slɛ̌-ɛ, u̍h se̍-a dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍ mu̍-ɛ. Mɔ̀ bɔ̌ mɔ̀-a chɛ̀ i̍ boe-ɛ, gbǎn nu̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, nynɛ̌à nu̍ nyɔ̍ ke, tba̍ɛ kɛ̍n i̍ nu̍ nyɔ̍ ke,

1 Kɔwlɛntiɔn 7:38

Ɛ̍ tìh-ɛ, nyɔ̍ ɔ̀ blě-a nynɔ̌-ɛ, ɔ̍ nu̍ dɛ̍ chɛ̀, jɛ nyɔ̍ ɔ̀ se̍-a nynɔ̌ blě-ɛ, ɔ̍ nu̍ dɛ̍ chɛ̀ ɛ̍ sìì ɔ̀ blě-a nynɔ̌-ɛ.

1 Kɔwlɛntiɔn 9:5

Nɛ̀ à se̍ i̍ blaɛ à iě Nyɔsoa nynɔ̌gbaɔᵻ blě wɛ̀ à iě u̍h wìèlè gba̍ ae? Ɛ̍ kɔn blaiɛ̍ bo Klai-a gba̍tòà duuh ke Joi de̍di̍i̍ᵻ ke Pitɛ-a nu̍.

2 Kɔwlɛntiɔn 5:10

Dɛ̍nu̍ɛ, à kli̍hgbɛ̍ à kɔn à iě dǒ Klai-a taɔ gbalǎ jǔ i̍ nyna. Jɔ-ɛ, ɔ̍ mu̍ dɛ̍ jě dǒ dɛ̍ chɛ̀ àe̍e̍ dɛ̍ sɔ̀n ɔ̍ nu̍-a nɔ̌ kmɔ̌-ɛ we̍.

Kelesea 5:19

À gblɛ̍n sɔ̀ɛ̀n-a tu̍-a nu̍-dɛ̍ᵻ se̍ kàɛ̀n. I̍h bo ìh nu̍-a gbǎn nu̍-ɛ ke, sììjii̍ nu̍-ɛ ke, se̍i̍kɔɛn nu̍-ɛ ke,

Kelesea 5:21

se̍ nyɔ̍ dɔɔ-a dɛ̍ kɔn pɔ̀n ɛ̍ ke, chɛ̀ nmɔ̍ wlì sìèè-ɛ ke, sììjii̍ nu̍-ɛ peě kɛ̍n i̍ ke, iě diih nɛ-o ìh ke ìh la wɔ̀ɛ-ɛ. Ka ǐn nu̍-a mɔ̀ gbòɛ̀ɛ̀ sàǐtòò-ɛ, ɛ̍ bo ǎn nu̍ la̍ dɛ. Na̍ nyɔ̍ ùh-a nu̍-a ìh la-ɛ, u̍h se̍ fɔ̌ blě mu̍ dě Nyɔsoa-a kmɔ̌ wlu̍ i̍ kɔn-ɛ di̍i̍.

Ɛfɛsɔ 5:5

Ɛ̍ tìh-ɛ, mɔ̀ tù ɛ̍ jlǐhɛ̍ ka gbǎn nu̍ nyɔ̍ ke, sììjii̍ nu̍ nyɔ̍ ke, klǎn kɔn nyɔ̍ ùh nu̍-a kwɛ̍i̍n gbo̍ᵻ wɛɛ sà nyɔ̍-ɛ, u̍h se̍ dɛ̍ jě mu̍ dě Klai ke Nyɔsoa-a kmɔ̌ wlu̍ i̍ kɔn-ɛ di̍i̍.

1 Tɛsoloniɔn 4:6

Nɛ̀ɛ̍, nyɔ̍ bɔ̌ ɔ̍ de̍di̍i̍ dɛ̍ sɔ̀n pùn nu̍-ɛ, àe̍e̍ ɔ̍ bɔ̌ ɔ̍ wɔ̍n sìì dɛ nu̍-ɛ dě blǐ tǐn-i dɛ la di̍i̍. À sèàɛ̍ mɔ̀ wlùh se̍e̍, iě à gbòɛ̀ɛ̀ mɔ̀ ka Joi-a mu̍-a ɛ̍ we̍ nyɔ̍ kàn gbɛ̍n-ɛ.

1 Timote 3:12

Chɔchi̍h-a jǔ dbee nyɔ̍ kɔn u̍h iě nynɔ̌ due gbài̍ blě. Nɛ̀ u̍h kɔn u̍h iě dǒ u̍h-a nynuu̍ ke u̍h-a gbòᵻ we̍ i̍ gbɛ̀n-ɛ bɛ̌ɛ tlɛnkɛɛ̍n.

1 Timote 3:2

Nɛ̀ fààmlà bɔ̌ mlɔ̌ dɛ̍ᵻ nu̍-ɛ. Ɔ̍ kɔn ɔ̍ iě nynɔ̌ due gbài̍ blě. Nɛ̀ ɔ̍ tù ɔ̍ chɛ̀ jlǐhɛ̍, ɔ̍ iě dlǔ kɔn. Ɔ̍ jě ɔ̍ chɛ̀ dɛ̍ɛ̍, ɔ̍ iě nyɔ̍ wlì gbà. Ɔ̍ kɔn ɔ̍ iě nyɔ̍ nǎ po̍-ɛ bɛ̌ɛ.

1 Timote 3:4

Ɔ̍ kɔn ɔ̍ iě dǒ ɔ̍ chɛ̀-a gbò we̍ i̍ gbɛ̀n tlɛnkɛɛ̍n. Nɛ̀ ɔ̍ nu̍ ɛ̍ ɔ̍ nynuu̍ iě dlǔ wlù po̍ dě ɔ̍ dɛ̍ɛ̍ jě-ɛ di̍i̍ dǒ dɛ̍ᵻ kli̍hgbɛ̍ we̍.

1 Timote 4:3

U̍h bo ùh la̍ nyɔ̍ bɔ̌ nynɔ̌ blě-ɛ, nɛ̀ di̍-dɛ̍ᵻ diih nɛ-o nyɔ̍ bɔ̌ i̍h di̍-ɛ. Jɛ Nyɔsoa nu̍ i̍h wɛ̀ wlùh gbaɛ blě nyɔ̍ ùh juo-a tìh-a taǐn-ɛ, u̍h wɔ̀ tlɔ̌ po̍-ɛɛ, u̍h iě i̍h di̍.

1 Timote 5:14

Nɛ̀ mɔ̍ɔ, ɛ̍ tù ǎn tìh-ɛ, pò tèwànynɔ̌ nu̍ nynɔ̌gbau gbèlà-ɛ, nɛ̀ ɔ̍ tǐn jla̍ dode̍ ɔ̍ iě nynuu̍ wlǔh-i, ɔ̍ iě dǒ ɔ̍ gbò we̍ i̍ gbɛ̀n. Nɛ̀ à nyɛ̌-nyɔ̍ se̍ flɔn la̍ jě mu̍ u̍h iě à wlu̍ sɔ̀n pùn po̍.

Taitɔ 1:6

Chɔchi̍h-a nyɔ̍ klaa bɔ̌ kǐh bu̍hᵻ i̍ nɛ-ɛ, nɛ̀ ɔ̍ blě nynɔ̌ due gbài̍. U̍h-a nynuu̍ blě wlùh gbaɛ, u̍h bɔ̌ nynɛ̌ sɔ̀nᵻ blě nyɔ̍ ke nyɔ̍ wɔ̍n blaɛ nyɔ̍ nu̍-ɛ.

Iblu 12:16

Mɔ̀ jě ɛ̍ we̍ ke mɔ̀-a nyɔ̍-ɔ je̍e gbǎn nu̍ nyɔ̍ nu̍, àe̍e̍ mɔ̀-a nyɔ̍-ɔ se̍-e Nyɔsoa dɛ-ɛ nɛ ka Isɔ-ɛ, ɔ̀ tù-a di̍-dɛ̍ tìh wɛ̀ ɔ̍ ple̍-a ɔ̍ nyɔ̍ klaa dɛ-a pɔ̀ìě-ɛ.

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.