Iblu 13:3 - Ku̍o̍ Delee 1999

³ Nyɔ̍ ùh nɛ-a dě kasoo-ɛ, mɔ̀ naɛ u̍h-a tìh wlùh i̍ ka nyɔ̍ la̍ mɔ̀-a chɛ̀ bo ùh nɛ dě kasoo-ɛ. Nyɔ̍ ùh-a jě-a tìh-ɛ kǎ mɔ̀ iě u̍h-a tìh wlùh i̍ naɛ nu̍ ke, ka nyɔ̍ la̍ mɔ̀-a chɛ̀ bo ùh-a jě tìh-ɛ.

Iblu 13:3 Iomraidhean Croise

Matio 25:36

Ǐn chɛn gbaǎn, iě mɔ̀ nyǐ ǐn jlii̍. Ǐn poa-ɛ, iě mɔ̀ gbɛ̀n dǒ ǐn we̍ i̍. Ǐn nɛ-a dě kasoo-ɛ, iě mɔ̀ ji̍ ǐn nyinɔ̍ i̍ sà la̍.’

Matio 25:43

Ǐn nu̍ dihwi̍h, iě mɔ̀ se̍ ǐn gbò we̍ gba̍. Ǐn chɛn gbaǎn, wɛ̀ mɔ̀ se̍ ǐn jlii̍ nyǐ. Wɛ̀ ǎn poa iě ǐn nɛ kasoo, wɛ̀ mɔ̀ se̍ dǒ ǐn we̍ i̍ gbɛ̀n.’

Nu̍-dɛ̍ᵻ 24:23

Wɛ̀ ɔ̍ sèàɛ̍ chape wlùh ɔ̍ iě Pɔɔ kasoo gba̍, jɛ nɛ̀ ɔ̍ sà ɔ̍ sɔ̍n kɛ̍n wɛɛ, wɛ̀ ɔ̍ ba̍ᵻ iě ɔ̍ dɛ̍ nyǐ ka̍ jě.

Nu̍-dɛ̍ᵻ 27:3

Sɔ̀n sɛ̀n-aɛ, iě à nyni̍ dǒ Saidɔn. Jɛ Juleɔ nmɔ gblɛ̍n-ɛ dǒ Pɔɔ we̍, ɛ̍ kɔn ɔ̍ sà ɔ̍ sɔ̍n kɛ̍n ɔ̍ iě ɔ̍ ba̍ᵻ we̍ i̍ na, wɛ̀ ɔ̍ ja dɛ̍ i̍ pɔ̀n-ɛ, u̍h iě ɛ̍ ɔ̍ nyǐ.

Wloma 12:15

Nyɔ̍ ùh nmɔ-aɛ, mɔ̀ gbǎ u̍h we̍ mɔ̀ iě nmɔ. Nyɔ̍ ùh pa̍-a sùàɛ̀n-ɛ, mɔ̀ gbǎ u̍h we̍ mɔ̀ iě sùàɛ̀n pa̍.

1 Kɔwlɛntiɔn 12:26

Pò ku̍-a fɔ̌ due ja jua̍i̍ sàɛ̀-ɛ, nɛ̀ ɛ̍ fɔ̌ᵻ kli̍hgbɛ̍ bo ìh-a sàɛ̀ jua̍i̍ tàdùè. Pò ɛ̍ fɔ̌ due tè-ɛ ja̍-ɛ, nɛ̀ ɛ̍ fɔ̌ᵻ kli̍hgbɛ̍ bo ìh-a nui mɔna̍ tàdùè.

Ɛfɛsɔ 4:1

Nɛ̀ɛ̍, mɔ̍ ɔ̀ tù-a Joi tìh wɛ̀ ɔ̀ nu̍-a gbɛ̍n-nyɔ̍-ɛ, ǐn gbɛ̍n mɔ̀-a bu̍hᵻ i̍, mɔ̀ iě dě kmɔ̌ ɛ̀ kɔn tìh Nyɔsoa dǎ-a mɔ̀-ɛ di̍i̍ nɛ.

Kalase 4:18

Mɔ̍ Pɔɔ, ǎn chɛ̀-a sɔ̍n bo ǎn chlǐh i̍ nyinɔ̍ i̍ sà wlu̍ la. Mɔ̀ bɔ̌ ǎn kasoo nɛ tìh we̍ mǎle-ɛ o. Ǎn sà nǐ wɔ̍n Nyɔsoa-a blɛ iě mɔ̀ we̍ nɛ.

Iblu 10:34

Mɔ̀ jě nyɔ̍ ùh poe-a kasoo-ɛ wɔɛ. Mɔ̀-a kɔn-dɛ̍ᵻ ìh sà-ɛa mɔ̀ kwa̍a̍-ɛ i̍h-a tìh se̍ mɔ̀ kà di̍i̍ po̍. Dɛ̍nu̍ɛ, mɔ̀-a chɛ̀ juo ɛ̍-ɛ, mɔ̀ blě kɔn-dɛ̍ᵻ chɛ̀ jih se̍-a mǎ la̍ kɔn-ɛ.

Iblu 11:37

U̍h tbaɛ duuh sɔɔ̌ᵻ i̍ iě u̍h mɛ̌. Wɛ̀ u̍h sà duuh fɔ̌ᵻ sɔɔ̌n, u̍h dbǎ-ɛ duuh plàn chlɛ̀n i̍. Blawɛ̌ᵻ ke gbàdɔ̍ᵻ ku̍ᵻ bo u̍h-a gbà iě u̍h-a na wlɔ̀ i̍. U̍h pa̍ nyɔ̍gbà, u̍h jě-ɛ klě, iě u̍h nui-ɛ tìh i̍.

1 Pitɛ 3:8

Nɛ̀ɛ̍, mɔ̀ kli̍hgbɛ̍ mɔ̀ blě wlùh due, mɔ̀-a ku̍-a chlɛ̌n-ɛ iě due nɛ. Mɔ̀ jbɛɛ mɔ̀ ba̍ᵻ Nyɔsoa nyɔ̍-ɔ, nɛ̀ mɔ̀ nmɔ gblɛ̍n-ɛ, mɔ̀ bɔ̌ mɔ̀-a chɛ̀ i̍ bɛ̌-ɛ.