Iblu 12:4 - Ku̍o̍ Delee 1999

⁴ Gblɛ̍n sɔ̀ɛ̀n we̍ fɔ̀n-ɛa gbɔ̍igbɔ̍ mɔ̀-a po̍-a ka-ɛ, mɔ̀-a nyɔ̍-ɔ se̍a dǒ ɛ̍ we̍ fɔ̀n la̍ nɛ wɛ̀ ɔ̍ nymɔ̍ se̍a i̍ wlǎ.

Iblu 12:4 Iomraidhean Croise

Matio 24:9

“Nɛ̀ mɔ̀-a mu̍ gbɛ̍n-ɛ, u̍h iě mɔ̀ klě jě-e, wɛ̀ mɔ̀ iě ɛ̍ sɔ̀n mɛ̌-ɛ. Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn.

1 Kɔwlɛntiɔn 10:13

Nyɔ̍ blu̍ja̍a̍ po̍-ɛ ɛ̀ ji̍-a nyɔ̍ kli̍hgbɛ̍ we̍-ɛ, ɛ̍ ba̍ bo ɛ̀ ji̍ mɔ̀ we̍ ke. Jɛ Nyɔsoa-a gblìh wlu̍ kɛ̍n. Nyɔ̍ i̍ tɛ̀n-ɛ ɛ̀ mu̍-a mɔ̀ klà sà-ɛ, ɔ̍ se̍ wɔ̌n mu̍ ɛ̍ iě mɔ̀ we̍ ji̍. Jɛ pò ɛ̍ ji̍ mɔ̀ we̍-ɛ, ɔ̍ mu̍ ɛ̍ nu̍ mɔ̀ iě-e klì i̍ ku̍, wɛ̀ mɔ̀ iě ɛ̍ wɔ̍i̍n wa̍n.

Felepai 2:8

Ɔ̍ nɛ dě wlɔ̀ nyi̍ɔ̍-a tu̍ di̍i̍ wɛ̀ ɔ̍ ja ɔ̍ chɛ̀ wlù, iě ɔ̍ tù Nyɔsoa-a wlu̍ nu̍ tìh ɔ̍ mɛ̌. Ɛ̍ bo ɛ̀ nu̍-a ɔ̍ mɛ̌ɛ dǒ gbàɛ̍ kɛ̍n i̍ tu̍ wlì.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 13:13

Ɛ̍ tìh-ɛ, mɔ̀ à mu̍ dě Jusu we̍ wìè-i à iě ɔ̍ tìh jě-ɛ kwa̍a̍ i̍ gblè-e.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 17:6

Nyɔsoa nyɔ̍ ùh dbǎ-ɛa Jusu-a tìh i̍ sà tìh-ɛ, ǐn jě nynɔ̌-a chɛ̀, nɛ̀ ɔ̍ nǎ u̍h-a nymɔ̍, iě ɛ̍ sìèè ɔ̍ wlì. Ǐn jě-a ɔ̍-ɛ, sɔ ɛ̍ flɔn-ɛ ǐn wɔ̍n kaa̍.

Wlɛfeleseɔn 18:24

Dǒ ɔ̍ di̍i̍ bo Nyɔsoa-a nyɔ̍ ke ɔ̍ tu̍owli po̍ nyɔ̍-a nymɔ̍ wlǎ-ɛ i̍, ɛ̍ ke nyɔ̍ kli̍hgbɛ̍ ùh dbǎ-ɛa da̍a kmɔ̌ we̍-ɛ ke.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.