Iblu 12:3 - Ku̍o̍ Delee 1999

³ Ka gblɛ̍n sɔ̀ɛ̀n nyɔ̍ nu̍-a ɔ̍ faɛn-ɛ iě ɔ̍ ku̍-ae klì i̍ dǒ dɛ̍ᵻ u̍h nu̍-a ɔ̍ pùn i̍-ɛ we̍-ɛ, i̍h bo mɔ̀ iě wlùh we̍ nu̍ wɛ̀ mɔ̀-a gbǐh-i je̍e mɛ̌, mɔ̀-a wlùh je̍e dě de̍i̍ gbǎ.

Iblu 12:3 Iomraidhean Croise

Matio 11:19

Nyi̍ɔ̍-a Jǔ ji̍-aɛ, iě ɔ̍ di̍ dɛ̍ wɛ̀ ɔ̍ nǎ. Iě u̍h la̍a̍, ‘Ɔ̍ nyni wɔ̍i̍n iě ɔ̍ sìèè ɔ̍ chɛ̀ nmɔ̍ wlì. Gbɛ̀n-e, ɔ̍ ke taa̍sìh sà nyɔ̍ ke gblɛ̍n sɔ̀ɛ̀n nyɔ̍ jbɛɛ.’ Jɛ Nyɔsoa-a flɔ̍nwlùh-a flɔn-ɛ ɛ̍ chɛ̀ we̍ i̍ dǒ ɛ̍ nu̍-dɛ̍ we̍.”

Matio 12:24

Jɛ Fɛlesii nyɔ̍ wɔ̌n-a pɔ̀n la-ɛ, iě u̍h la̍a̍, “Jeědih-a dlǔtu u̍h-a dǎɛ-a Biɛsibo-ɛ, ɛ̍ bo ɛ̀ nyǐ jǔ la gbǐh wɛ̀ ɔ̍ sà nyɔ̍ jeědih de̍e̍ i̍.”

Matio 15:2

u̍h la̍a̍, “Dɛ̍nu̍ àn kòà-a wa̍ à baaᵻá telě ɛ? Dɛ̍nu̍ɛ, u̍h-u dle kwa̍ iě u̍h-a di̍ dɛ̍.”

Matio 21:23

Iě Jusu mu̍ dě Nyɔsoa-a slaǎ sà gbò sɔ̀n. Ɔ̍ nɛ dǒ nyɔ̍ nǎ po̍ la̍ sǔh, wɛ̀ slaǎ sà nyɔ̍ klaaᵻ ke u̍h-a nyɔ̍ klaaᵻ mu̍ dě ɔ̍ we̍. Iě u̍h tèle ɔ̍ i̍, u̍h la̍a̍, “Nyɔ̍we̍ bo ɔ̀ nyǐ ìn tùn wɛ̀ àn nu̍ ìh la ɛ? Nyɔ̍ ɔ̀ nyǐ-a ìn tùn-ɛ, sǐ ɔ̍ nynɛ̌.”

Matio 21:46

Sɔ u̍h-a pɔ̀n jii la̍ i̍ u̍h iě ɔ̍ gbɛ̍n, jɛ u̍h-a ple̍ nyɔ̍ tlùgbei̍ laa̍ jǔ. Dɛ̍nu̍ɛ, nyɔ̍gbei slè-e ɔ̍ Nyɔsoa-a tu̍owli po̍ nyɔ̍.

Matio 22:15

Wɛ̀ Fɛlesii nyɔ̍ dbǎ wlu̍ i̍, iě u̍h mu̍ u̍h iě Jusu dǒ ɔ̍ chɛ̀-a wlu̍ kɛ̍n gbɛ̍n-ɛ.

Pɔ̀n Chɛ̀ Luu To-a La 14:1

Dǒ wlè-weɛ̍ due di̍i̍ Jusu mu̍-a dɛ̍ di̍ la̍ dě Fɛlesii nyɔ̍-a dlǔtu due blǐ gbò-ɛ, nɛ̀ nyɔ̍gbei-a klǎɛ ɔ̍ jlǐhɛ̍.

Pɔ̀n Chɛ̀ Luu To-a La 15:2

Wɛ̀ Fɛlesii nyɔ̍ ke telě nǎ poe nyɔ̍-a wlu̍ i̍ wɔ̍ɔ̍n i̍. U̍h la̍a̍, “Jɔ̍gbau la ɔ̍ ke gblɛ̍n sɔ̀ɛ̀n nyɔ̍-a nɛ̍aɛ we̍, wɛ̀ ɔ̍ ke u̍h-a di̍-i dɛ̍ tàdùè wa.”

Pɔ̀n Chɛ̀ Luu To-a La 16:14

Fɛlesii nyɔ̍ ùh jbɛɛ-a wlǐ-iɛ, u̍h wɔ̌n ìh kli̍hgbɛ̍ la, wɛ̀ u̍h-a po̍ Jusu pàwe̍i̍.

Pɔ̀n Chɛ̀ Luu To-a La 2:34

Iě Simiɔ sà-ɛ u̍h nǐ wɔ̍n. Wɛ̀ ɔ̍ la̍a̍ dě jǔ de̍ Mɛle we̍, “Jǔ la ɔ̍ tìh nyɔ̍ dɔu-a mu̍-u gbɔ̀lɔ-ɛ, iě nyɔ̍ dɔu iě sèìe-ɛ nɔ̌ Eslɔɛ. Ɔ̍ mu̍ juola ɛ̀ sɔ-a dě Nyɔsoa we̍-ɛ nu̍ nyɔ̍ dɔu iě ɔ̍ chla tba̍.

Pɔ̀n Chɛ̀ Luu To-a La 5:21

Sɔ telě nǎ poe nyɔ̍ ke Fɛlesii nyɔ̍-a pu̍e̍e la̍ ɛ̍ wlùh i̍ sǔh. U̍h la̍a̍, “Jɔ̍gbau la dɛ̍nu̍ ɔ̍ nu̍ la̍a̍n wlu-ɛ ɛ? Ɔ̍ blaɛ Nyɔsoa wɔ̍n. Nyɔ̍ dɔɔ se̍a gblɛ̍n sɔ̀ɛ̀n-a tìh i̍ tǎli, Nyɔsoa due gbài̍ bo ɔ̀ nu̍ ɛ̍.”

Chɔɔn 10:20

U̍h-a dɔu la̍a̍, “Jeědih nɛ ɔ̍ de̍e̍, ɔ̍ chɛ̀ kèkwlǎ-a nu̍ ɔ̍-ɛ. Ɔ̍ se̍ jɔ nyɔ̍-a po̍-a dounᵻ we̍-ɛ.”

Chɔɔn 18:22

Ti̍ Jusu wlu-a dɛ̍ la-ɛ, slaǎ sà gbò-a kɛ̍ɛ̍n fuo nyɔ̍ due nɛ-a doǒ-ɛ, sɔ ɔ̍ tba̍ ɔ̍ gbǎ sǔh. Ɔ̍ la̍a̍, “Kǎ nyɔ̍-a nu̍ dě slaǎ sà nyɔ̍-a dlǔtu we̍ wlu-ɛ ae?”

Chɔɔn 5:16

Ɛ̍ kɔn tìh u̍h tè Jusu klě jě-eɛ gbɔ̀, dɛ̍nu̍ɛ, ɔ̍ pǔh-i nyɔ̍ dǒ wlè-weɛ̍ di̍i̍.

Chɔɔn 7:12

Nɛ̀ nyɔ̍ duuh-a nu̍, “Jɔ̍gbau la nyɔ̍ chɛ̀ bo.” Nɛ̀ duuh la̍a̍, “Iěe, ɔ̍ se̍ nyɔ̍ chɛ̀, ɔ̍ boe nyɔ̍ɔ i̍.” Nɛ̀ ɛ̍ wìi̍nwìi̍n bo ɛ̀ jǐ dǒ peě-a chɛ̀ kɛ̍n.

Chɔɔn 8:13

Fɛlesii nyɔ̍ la̍a̍ dě ɔ̍ we̍, “Ka àn nu̍-a àn chɛ̀-a sàànsi̍i̍h-ɛ, nɛ̀ dɛ̍ àn sà-aɛ, ɛ̍ se̍ tìh-a taǐn.”

Chɔɔn 8:52

Wɛ̀ u̍h la̍a̍ dě Jusu we̍, “Jɛwɛ̀ à juo i̍h ka ìn blě-a jeědih dǒ ìn de̍e̍-ɛ. Eblaɛɛn mɛ̌-ɛ, iě Nyɔsoa-a tu̍owli po̍ nyɔ̍ mɛ̌. Iě mɔ̀ɔ̍ nàa̍ nyɔ̍ jɔ mu̍-a àn wlu̍ nu̍-ɛ, nɛ̀ ɔ̍ se̍ gba̍ mɛ̌.

Chɔɔn 8:59

Sɔ u̍h dǔ sɔɔ̌ᵻ sǔh u̍h iě ɔ̍ i̍ tbaɛ. Iě Jusu mǎ-ɛ dě u̍h nynɛ̌ i̍, wɛ̀ ɔ̍ sɔ dě Nyɔsoa-a slaǎ sà gbò sɔ̀n.

Chɔɔn 9:40

Fɛlesii nyɔ̍-a duuh nɛ-a dǒ ɔ̍ we̍-ɛ, sɔ u̍h wɔ̌n ɔ̍ wlu̍ laa̍, iě u̍h tèle ɔ̍ i̍, u̍h la̍a̍, “Nɛ̀ àɔ̀ bo à dɔ̌ àn dǎ ae?”

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

2 Kɔwlɛntiɔn 4:1

Dě Nyɔsoa-a wɔɛ kɔn-ɛ di̍i̍ bo ɔ̍ nyǐ-i àɔ̀ dbo̍ la à iě nu̍. Ɛ̍ tìh-ɛ, à se̍ se̍a̍ dǒ dbo̍ nu̍ la̍.

2 Kɔwlɛntiɔn 4:16

Ɛ̍ tìh-ɛ, à se̍ se̍a̍ dǒ dbo̍ nu̍ la̍. À nyi̍ɔ̍tu-a nyni̍ la̍ jii̍ gbɛɛ, jɛ à wlùh-a gbǎ delee i̍ ti̍ kli̍hgbɛ̍ we̍.

Kelesea 6:9

Nɛ̀ɛ̍, mɔ̀ à bɔ̌ se̍a̍-a dǒ dɛ̍ chɛ̀ nu̍-ɛ we̍. Pò à se̍ se̍a̍ wɛ̀ ti̍ iě nyni̍-ɛ, nɛ̀ à mu̍ dɛ̍ chɛ̀ gbǎn.

2 Tɛsoloniɔn 3:13

À de̍di̍i̍ᵻ, mɔ̀ bɔ̌ se̍a̍ dǒ dɛ̍ chɛ̀ nu̍-ɛ we̍.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 12:5

Mɔ̀-a Nyɔsoa-a nynuu̍ nu̍ tìh nyɔ̍-a wlùh fùka wlu̍ ɛ̀ bla̍-ɛa dě mɔ̀ we̍-ɛ, mɔ̀ mǎle wɛ̀ ae? Nyɔsoa-a wlu̍ la̍a̍, “Ǎn jǔ, pò Joi ja ìn gblɛ̍n kwa̍ i̍ sà-ɛ, nɛ̀ ìn bɔ̌ ɛ̍ plǔh ka jě-ɛ, nɛ̀ pò ɔ̍ wǐi ìn dlǔ i̍-ɛ, àn wlùh bɔ̌ dě de̍i̍ gbǎ-a.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

1 Pitɛ 2:23

Ti̍ u̍h chlèe-a ɔ̍-ɛ, ɔ̍ se̍ gba̍ sà. U̍h sàɛ̀-ɛ ɔ̍ jua̍i̍-ɛ, ɔ̍ se̍ plǐn, jɛ Nyɔsoa ɔ̀ nu̍-a i̍ slɛ̌-ɛ taɔ-ɛ, ɔ̍ bo ɔ̍ tè wlì.

Wlɛfeleseɔn 2:3

Mɔ̀ gbɛ̍n wlùh i̍ iě mɔ̀ sàɛ̀ jua̍i̍ wɛ̀ ǎn tìh, iě mɔ̀ se̍ se̍a̍.