Iblu 12:2 - Ku̍o̍ Delee 1999

² Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 12:2 Iomraidhean Croise

Matio 16:21

Sɔ dǒ ti̍ laa̍ di̍i̍-ɛ, ka Jusu kɔn ɔ̍ iě-a dǒ Juluslɛn wlɔ̀ di̍i̍ mu̍ wɛ̀ ɔ̍ iě-a jua̍i̍ sàɛ̀ dɛ̍blɔ dě nyɔ̍ klaaᵻ ke, Nyɔsoa-a slaǎ sà nyɔ̍ klaaᵻ ke telě nǎ poe nyɔ̍ kwa̍a̍-ɛ, sɔ ɔ̍ flɔn-ɛ la̍ dě ɔ̍ kòà di̍i̍ i̍ sǔh. Wɛ̀ ka pò u̍h dbǎ ɔ̍ wǐh ta̍a̍n sì-ɛ, nɛ̀ ɔ̍ mu̍-ae wlǔh-ɛ, wɛ̀ ɔ̍ sèàɛ̍ u̍h wlùh.

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Pɔ̀n Chɛ̀ Maɛ To-a La 14:36

Ɔ̍ la̍a̍, “Baa, ǐn Baa, ka ìn bɛ̌ɛ-a dɛ̍ᵻ kli̍hgbɛ̍ nu̍-ɛɛ, sà ǐn kàu̍n la wɔ̍i̍n lě. Gbɔ̀gbɔ̀-ɛ, bɔ̌ naɛ̍ wlùh nu̍-ɛ, nu̍ àn chɛ̀-a wlùh.”

Pɔ̀n Chɛ̀ Maɛ To-a La 15:28

Ka ɛ̍ nɛ-a ka-ɛ, nɛ̀ Nyɔsoa-a wlu̍ nu̍ tìh-a taǐn. Wlu̍-a chɛ̀ la̍a̍, “U̍h-a slè-e ɔ̍ dɛ̍ᵻ sɔ̀nᵻ nu̍ nyɔ̍.”]

Pɔ̀n Chɛ̀ Maɛ To-a La 16:19

Ti̍ Joi Jusu wɔ̀-a ɔ̍ kòà we̍ wlu-ɛɛ, wɛ̀ ɔ̍ gba̍-ɛ dě ja̍i̍wlɔ̀. Iě ɔ̍ tè i̍ dǒ Nyɔsoa-a di̍na̍ we̍.

Pɔ̀n Chɛ̀ Maɛ To-a La 9:12

Wɛ̀ Jusu sà u̍h-a wlu̍ pɔ̀n we̍, ɔ̍ la̍a̍, “Ilaɛja-a mu̍ ji̍ sàǐtòò wɛ̀ ɔ̍ iě dɛ̍ᵻ kli̍hgbɛ̍ gba̍a̍ po̍. Jɛ dɛ̍ bo ɛ̀ nu̍ ɛ̍ wɛ̀ Nyɔsoa-a wlu̍ la̍ Nyi̍ɔ̍-a Jǔ-a mu̍ jua̍i̍ sàɛ̀ dɛ̍ dɔu wɛ̀ ɔ̍ iě chla tba̍-ɛ ɛ?

Pɔ̀n Chɛ̀ Maɛ To-a La 9:24

Jusu iě-a chlà-a, jɔ̍gbau wǐ-i kleǐn. Ɔ̍ la̍a̍, “Ǐn blě wlùh gbaɛ-ɛ, jɛ nu̍ ɛ̍, ɛ̍ iě kɛ̍n gbǎ.”

Pɔ̀n Chɛ̀ Luu To-a La 17:5

Wɛ̀ gba̍tòà la̍a̍ dě Joi we̍, “Poe à wlùh gbaɛ kɛ̍n.”

Pɔ̀n Chɛ̀ Luu To-a La 23:11

Ɛlo ke ɔ̍ fledlǔ po̍ Jusu ja̍a̍i̍, iě u̍h nui ɔ̍ jlii̍h kɛ̍n i̍. Wɛ̀ u̍h pa̍-ɛ ɔ̍ dɛ̍wlo̍o̍ chɛ̀wɛ-ɛ. Iě Ɛlo dbo̍ ɔ̍ dě de̍ Pale we̍.

Pɔ̀n Chɛ̀ Luu To-a La 24:26

Nyɔsoa-a Chèɛ̀ Tba̍ju se̍ kɔn ɔ̍ iě ka jua̍i̍ sàɛ̀ nu̍, wɛ̀ ɔ̍ iě dě ɔ̍ tìh-a i̍ bɛ̌-ɛ di̍i̍ mu̍ dɛbo ae?”

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Chɔɔn 12:24

Tìh-a taǐn ǎn sèàɛ̍ mɔ̀ wlùh, ti̍ ìn se̍-a kwǐ kɛnɛ̌-a jɔɛ̍ dě wlù po̍ ke̍-ɛ, dǒ ɛ̍ nɛ-ɛ due sǔh. Jɛ pò ìn po̍ ɛ̍ dě wlù-ɛ, nɛ̀ ɛ̍ mɛ̌-ɛ. Pò ɛ̍ mɛ̌ wɛ̀-ɛ, iě ɛ̍ tlo jɔ̌ dɔu.

Chɔɔn 12:32

Ti̍ ǎn mu̍-a ja̍i̍ pèle-ɛ dǒ tu̍ wlì iě-a nɔ̌ bloɔ̍ sɔ-ɛ, nɛ̀ ǎn mu̍ nyɔ̍ kli̍hgbɛ̍ ǎn chɛ̀ we̍ ja.” (

Chɔɔn 13:3

Jusu juo i̍h ka Baa po̍-a dɛ̍ᵻ kli̍hgbɛ̍ dě ɔ̍ kwa̍a̍, iě ɔ̍ sɔ-a dě Nyɔsoa we̍ wɛ̀ ɔ̍ mu̍-a la̍ dě de̍ Nyɔsoa we̍-ɛ.

Chɔɔn 6:40

Nɛ̀ ǐn Baa-a wlùh dɛ nu̍, nyɔ̍ juh jě-a Jǔ la sǔh wɛ̀ u̍h gbaɛ-a ɔ̍ wlùh-ɛ, nɛ̀ u̍h-a mu̍ kmɔ̌ sie feɛ blě. Nɛ̀ ǎn mu̍ u̍h bloɔ̍ sà dǒ bɔ̌ɛ-o weɛ̍ di̍i̍.”

Chɔɔn 8:56

Mɔ̀ baa Eblaɛɛn la̍ pò ɔ̍ jɛɛ ǎn ti̍ kɛ̍n-ɛ, nɛ̀ ɔ̍ mu̍ nmɔ. Iě ɔ̍ jɛɛ ɛ̍ kɛ̍n, wɛ̀ ɔ̍ pɔluh pɛ̌n i̍.”

Nu̍-dɛ̍ᵻ 2:36

“Ɛ̍ tìh-ɛ, Eslɔɛ nyɔ̍ kli̍hgbɛ̍ kɔn u̍h iě ɛ̍ i̍ juo. Jusu ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍ bo Nyɔsoa nu̍-a ka Joi ke Chèɛ̀ Tba̍ju we̍ i̍ wɛ̀.”

Nu̍-dɛ̍ᵻ 3:15

Mɔ̀ɔ̍ bo ùh dbǎ ɔ̀ nɛ-ɛa nyɔ̍ kmɔ̌-ɛ. Jɛ Nyɔsoa sà ɔ̍-e. Àɔ̀ bo à nu̍ ɛ̍ sàànsi̍i̍h.

Nu̍-dɛ̍ᵻ 5:31

Iě Nyɔsoa dǔ ɔ̍ ja̍i̍ dǒ ɔ̍ di̍na̍ we̍, ɔ̍ iě Dlǔtu ke nyɔ̍ Sèìe Nyɔ̍ nu̍. Wɛ̀ ɔ̍ iě Eslɔɛ nyɔ̍ flɔna̍ nyǐ u̍h iě i̍ bǐi wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ.

Nu̍-dɛ̍ᵻ 5:41

Ti̍ gba̍tòà-a sɔ-a dǒ taɔ laa̍ we̍-ɛ, nɛ̀ u̍h-a nu̍ mɔna̍ kaa̍, dɛ̍nu̍ɛ, Nyɔsoa slè-e u̍h nyɔ̍ chɛ̀ wɛ̀ u̍h iě mlɔ̌ wɔ̍n gbǎ dǒ Jusu-a nynɛ̌ kɛ̍n.

1 Kɔwlɛntiɔn 1:18

Dɛ̍nu̍ɛ, tu̍owli ɛ̀ kɔ̍-a dǒ Klai-a dǒ gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, ɛ̍ wɔ̀ se̍o̍nɛ dǒ nyɔ̍ ùh-a mǎ-aɛ we̍, jɛ àɔ̀ juh-a pǔh-aɛ, nɛ̀ Nyɔsoa-a gbǐh bo ɛ̍ to.

1 Kɔwlɛntiɔn 1:23

Jɛ àɔ̀ nɔ̀ɔ̍, à bla̍ Klai-a dǒ tu̍ wlì kɔ̍-ɛ tìh, wɛ̀ Juu nyɔ̍-a dǎɛ ɛ̍ nyɔ̍ tàmlain poe dɛ̍. Iě ɛ̍ wɔ̀ se̍o̍nɛ dǒ ùh se̍-a Juu-ɛ we̍.

Ɛfɛsɔ 2:16

Ɔ̍ nu̍ àɔ̀ nyɔ̍ due we̍i̍, wɛ̀ ɔ̍ dǒ gbàɛ̍ kɛ̍n i̍ tu̍ wlì mɛ̌ɛ nu̍ ɛ̍ iě àɔ̀ ke Nyɔsoa gbe̍ɛ̍ɛn kɛ̍n i̍. Wɛ̀ ɛ̍ chlà nyeɛ̍ɛn-a tu̍h nɛ-a dǒ à nynɛ̌ we̍ de-ɛ.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Felepai 1:6

Nɛ̀ ǐn tè ɛ̍ wlì kleǐn Nyɔsoa ɔ̀ tè-a dbo̍ chɛ̀ la gbɔ̀ dě mɔ̀ ja̍a̍-ɛ, ɔ̍ mu̍ ɛ̍ nya̍ gba̍ te̍e̍ wɛ̀ ɛ̍ iě i̍ wɛ̀ gblaan dǒ Jusu Klai-a ji̍-i weɛ̍ di̍i̍.

Felepai 3:20

Jɛ àɔ̀ nɔ̀ɔ̍-ɛ, dě ja̍i̍wlɔ̀ bo ɛ̀ nu̍ à blǐ. Ɛ̍ kɔn à po̍-e gbǐh, iě à chlì à Sèìe Nyɔ̍ we̍ i̍ ɔ̍ iě dě ja̍i̍wlɔ̀ sɔ ɔ̍ iě ji̍, ɔ̀ nu̍-a Joi Jusu Klai-ɛ.

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

Iblu 1:13

Nyɔsoa-a se̍a ka dǎ dě ɔ̍ ǐnchɔ̀-a nyɔ̍ we̍, “Tè i̍ da̍a ǐn di̍na̍ we̍ te̍e̍, iě ɛ̍ nu̍ ìè àn nyɛ̌-nyɔ̍ kɛ̍n i̍ na.”

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 10:14

Ɔ̍ chɛ̀ slaǎ sà-ɛ due ɔ̍ nu̍-aɛ, nyɔ̍ ùh tè-ea pɔ̌ dǒ Nyɔsoa we̍-ɛ, ɛ̍ wɔ̀ u̍h gblɛ̍ja̍i̍ nɔ̌ kmɔ̌-a kmɔ̌.

Iblu 10:33

Nyɔ̍ɔ chlèe mɔ̀ dǒ wlɔ̀gbàɛ̀, iě mɔ̀ jě tìh. Dode̍-ɛ, mɔ̀ gbǎ dě nyɔ̍ u̍h-a nu̍-a tìh i̍-ɛ nynɛ̌.

Iblu 11:36

Nyɔ̍ɔ nui u̍h-a duuh jlii̍h kɛ̍n i̍, wɛ̀ u̍h bla̍ u̍h, u̍h sa̍n-ɛ u̍h jɔɔdbǔᵻ, iě u̍h poe-ɛ kasoo.

Iblu 12:3

Ka gblɛ̍n sɔ̀ɛ̀n nyɔ̍ nu̍-a ɔ̍ faɛn-ɛ iě ɔ̍ ku̍-ae klì i̍ dǒ dɛ̍ᵻ u̍h nu̍-a ɔ̍ pùn i̍-ɛ we̍-ɛ, i̍h bo mɔ̀ iě wlùh we̍ nu̍ wɛ̀ mɔ̀-a gbǐh-i je̍e mɛ̌, mɔ̀-a wlùh je̍e dě de̍i̍ gbǎ.

Iblu 13:13

Ɛ̍ tìh-ɛ, mɔ̀ à mu̍ dě Jusu we̍ wìè-i à iě ɔ̍ tìh jě-ɛ kwa̍a̍ i̍ gblè-e.

Iblu 5:9

Ti̍ ɔ̍ wɛ̀-a nɛi̍ dě jua̍i̍ sàɛ̀ di̍i̍-ɛ, iě ɔ̍ dǔ ka nyɔ̍ ɔ̀ pǔh-ia nyɔ̍ iě ɔ̀ nyǐ-a nyɔ̍ kmɔ̌ sie feɛ-ɛ nu̍-ɛɛ dǒ nyɔ̍ kli̍hgbɛ̍ ùh-a nu̍-a ɔ̍ wlu̍-ɛ we̍.

Iblu 7:19

Dɛ̍nu̍ɛ, Mose-a telě se̍ nyɔ̍ i̍ slɛ̌-ɛ bɛ̌ɛ. Jɛ ɔ̀ nu̍-a à wlùh i̍ kɔ̍ dɛ̍ ɔ̀ sìì-a telě-ɛ ɔ̍ wlǔh tà wɛ̀. Ɔ̍-ɔ bo ɔ̀ nɛ kmɔ̌ wɛ̀ à kɔǎɛn ka Nyɔsoa we̍ i̍.

Iblu 8:1

Dɛ̍ à sà-a chɛ̀ gbe̍i̍n-ɛ, ɛ̍-ɛ la. Slaǎ Sà Nyɔ̍-a Dlǔtu kaɛn la bo à blě, wɛ̀ ɔ̍ tè i̍ dě ja̍i̍wlɔ̀ dǒ Tìh-a I̍ Bɛ̌ɛ Nyɔsoa-a nynɛ̌ gbalǎ-a di̍na̍ we̍.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

Chiin 2:1

Ǐn de̍di̍i̍ᵻ, à tìh-a i̍ bɛ̌-ɛ Joi Jusu Klai la, ka mɔ̀ gbɛ̍n-ɛa ɔ̍ wlùh gbaɛ dɛ sɔ̍nᵻ sɔɔ̌n i̍-ɛ, nɛ̀ mɔ̀ bɔ̌ wìè fɔ̌ due sà-a.

1 Pitɛ 1:11

Ka Klai-a mu̍-a jua̍i̍ sàɛ̀, wɛ̀ tìh-a i̍ bɛ̌-ɛ iě-a dǒ ɛ̍ de̍e̍ i̍ tba̍-aa, ti̍ i̍h-a mu̍-a nɛ-ɛ ke ka i̍h-a mu̍-a nɛ-ɛ nu̍-ɛ, ɛ̍ bo u̍h-a pɔ̀n juo-ɛ i̍. Iě Klai-a Sùù nɛ-a dě u̍h ja̍a̍-ɛ, wɛ̀ ɛ̍ sèàɛ̍ ɛ̍ we̍ i̍ dě u̍h we̍.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Pitɛ 3:22

Jusu Klai ɔ̀ mu̍-a dě ja̍i̍wlɔ̀ dǒ Nyɔsoa-a di̍na̍ we̍-ɛ, Nyɔsoa-a ǐnchɔ̀ ke tùn blě-ɛ ke gbǐh kli̍hgbɛ̍ nɛ dǒ ɔ̍ sɔ̀n.

Judi 1:21

Mɔ̀ naɛ dě Nyɔsoa-a jbɛɛ di̍i̍ ma̍u̍, nɛ̀ mɔ̀ fuo kmɔ̌ sie feɛ à Joi Jusu Klai-a mu̍-a mɔ̀ nyǐ ɔ̍ wɔɛ kɔn tìh-ɛ.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 1:17

Ǐn jě-a ɔ̍-ɛ, wɛ̀ ǐn kà i̍ dǒ ɔ̍ jǔ ka nyɔ̍ mɛ̌-ɛ. Jɛ ɔ̍ tè ɔ̍ di̍na̍ sɔ̍n dǒ ǐn dlǔ i̍, iě ɔ̍ la̍a̍, “Bɔ̌ faɔn ple̍-ɛ. Mɔ̍ bo ɔ̀ nu̍ sàǐtòò nyɔ̍ ke bɔ̌ɛ-o nyɔ̍.

Wlɛfeleseɔn 1:8

Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ, ɔ̍ la̍a̍, “Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a.”

Wlɛfeleseɔn 2:8

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Smana wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě ɔ̀ nu̍-a sàǐtòò nyɔ̍ ke bɔ̌ɛ-o nyɔ̍-ɛ we̍, ɔ̀ mɛ̌-a wɛ̀ ɔ̀ wlǔh-aeɛ.