Iblu 11:4 - Ku̍o̍ Delee 1999

⁴ Ebɛ-a wlùh gbaɛ blě-ɛ bo ɛ̀ nu̍ ɛ̍ iě ɔ̍ sà slaǎ chɛ̀ ɛ̍ sìì Kein naɛ. Ebɛ-a wlùh gbaɛ blě-ɛ bo ɛ̀ nu̍ ɛ̍ iě Nyɔsoa po̍ ɔ̍ i̍ slɛ̌-ɛ tìh-a kòò dǒ ti̍ ɔ̍ gbɛ̍n-a ɔ̍ nyǐ-dɛ̍ᵻ i̍-ɛ we̍. Ɔ̍ mɛ̌-ɛ nɔ̀ɔ̍, jɛ à cheǎn-ɛ ɔ̍ wlùh gbaɛ blě-ɛ dɛ̍ we̍ ke̍.

Iblu 11:4 Iomraidhean Croise

Matio 23:35

Ka ɛ̍ nɛ-a ka-ɛ, i̍ slɛ̌-nyɔ̍ ùh kɔn nymɔ̍ wlǎ-a i̍ nɔ̌ bloɔ̍-ɛ, ɛ̀ sɔ-a dě i̍ slɛ̌-nyɔ̍ Ebɛ we̍ wɛ̀ ɛ̍ iě-a Bɛwlekaɛ-a jǔ Sɛɛkewlaɛɔ jɛɛ-ɛ, ɔ̀ mɔ̀ poe-a gbe̍ja̍a̍ dǒ gblǒ ke Nyɔsoa-a slaǎ sà gbò nynɛ̌ we̍-ɛ, u̍h-a tìh-a mu̍ dǒ mɔ̀ dlǔ i̍ tè.

Pɔ̀n Chɛ̀ Luu To-a La 11:51

sɔ dě Ebɛ-a nymɔ̍ we̍ wɛ̀ ìè Sɛɛkewlaɛɔ jɔ u̍h dbǎ-ɛa dǒ gblǒ ke Nyɔsoa-a slaǎ sà gbò nynɛ̌-ɛ, ìè ɔ̍ naɛ jɛɛ-ɛ. I̍i̍n, ǎn sèàɛ̍ mɔ̀ wlùh, u̍h-a tìh-a mu̍ dǒ ti̍laa nyɔ̍ dlǔ i̍ tè.

Taitɔ 1:16

U̍h la̍ u̍h juo Nyɔsoa, jɛ u̍h-a nu̍-dɛ̍ᵻ to ɛ̍-ɛ ka u̍h se̍-a ɔ̍ juo-ɛ. U̍h nu̍ nyɔ̍ sɔ̀nᵻ nyɔ̍. U̍h-u nu̍ Nyɔsoa-a wlu̍ iě u̍h se̍ dɛ̍ chɛ̀ nu̍-ɛ bɛ̌ɛ.

Iblu 11:2

Wlùh gbaɛ blě-ɛ bo ɛ̀ nɛ kmɔ̌ wɛ̀ Nyɔsoa wɔ̌ɛn tɛin nyɔ̍-a tìh i̍.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Iblu 12:24

Jusu ɔ̀ nu̍-a tùna̍-i̍-tu̍ iě ku̍o̍ delee poe-aɛ, mɔ̀ ji̍ nɔ̌ ɔ̍ we̍ wɛ̀, ɛ̍ ke nɔ̌ ɔ̍ nymɔ̍ ɛ̀ wlǎ-a i̍-ɛ we̍ ke. Ɔ̍ nymɔ̍ bo ɛ̀ ja wlu̍ chɛ̀ ɛ̍ sìì Ebɛ naɛ nymɔ̍.

Iblu 5:1

Slaǎ sà nyɔ̍-a dlǔtu-a tba̍-ɛ chèɛ̀ dě ɔ̍ blǐ nyɔ̍ nynɛ̌ ɔ̍ iě Nyɔsoa jǔ dbee dǒ u̍h-a tàà. Wɛ̀ ɔ̍ to nyǐ-dɛ̍ᵻ, iě ɔ̍ sà slaǎ dǒ gblɛ̍n sɔ̀ɛ̀n-a tìh i̍ tǎli-ɛ we̍.

Iblu 9:22

Mose-a telě la̍ dɛ̍ᵻ kli̍hgbɛ̍ bo slaǎ sà nmi̍ɛ̍-a nymɔ̍-a nɛ kmɔ̌ wɛ̀ i̍h-a nɛ wlaǎwla. Nɛ̀ nymɔ̍-ɔ se̍ i̍ wlǎ wɛ̀ Nyɔsoa-a tǎli gblɛ̍n sɔ̀ɛ̀n-a tìh i̍.

2 Pitɛ 2:8

I̍-i slɛ̌-nyɔ̍ laa̍ ɔ̀ tǐn-a dě u̍h nynɛ̌-ɛ, ka sɔ̀n-a sɛ̀n-aɛ, kǎ ɔ̍ pɔluh-a si̍n dǒ u̍h-a kà gblɛ̍n-a tìh ɔ̍ wɔ̌n-a iě ɔ̍ jlǐh-a jě-aɛ we̍.

Judi 1:11

Chlě dǒ u̍h we̍, dɛ̍nu̍ɛ, u̍h-a sà-e Kein-a wɔ̀ɔ̀ i̍. U̍h iě wlǐ jě klùh tìh, ɛ̍ kɔn u̍h-a tèwe. Iě u̍h sìì wìè ka Belɛm-ɛ. U̍h-a blaɛ tùn blě nyɔ̍ wɔ̍n ka Kɔwla-ɛ, ɛ̍ bo ɛ̀ mu̍ u̍h-u gbɔ̀lɔ.