Iblu 11:3 - Ku̍o̍ Delee 1999

³ À wlùh gbaɛ blě-ɛ bo ɛ̀ nu̍ ɛ̍ iě à juo ɛ̍ ka Nyɔsoa-a wɔ̍i̍n wlu̍ bo ɛ̀ nu̍-a kmɔ̌ la-ɛ. Sɔ jɛ ɛ̀ nyɔ̍-a jě-aɛ, ɛ̍-ɛ bo ɛ̀ nui-ɛ dě jɛ nyɔ̍-ɔ jě-aɛ ja̍a̍.

Iblu 11:3 Iomraidhean Croise

Chɔɔn 1:3

Dě ɔ̍ ja̍a̍ bo Nyɔsoa nui dɛ̍ᵻ kli̍hgbɛ̍. Dɛ̍ ɛ̀ se̍-a nui-ɛ dě ɔ̍ ja̍a̍-ɛ, nɛ̀ ɛ̍ se̍ nɛ.

Nu̍-dɛ̍ᵻ 14:15

“Dɛ̍nu̍ mɔ̀-a nu̍ dɛ̍ la ɛ? Àɔ̀ la ka mɔ̀ nu̍-a wlɔ̀ nyi̍ɔ̍-ɛ, kǎ à nɛ ke. À nɛ da̍a à iě pɔ̀n chɛ̀-a tìh bla̍ dě mɔ̀ we̍. À sèàɛ̍ mɔ̀ wlùh mɔ̀ iě pɔ̀ɔ̍pìe̍ dɛ̍ᵻ la kɛ̍n i̍ poe, wɛ̀ mɔ̀ iě dě kmɔ̌ nɛ Nyɔsoa we̍ i̍ bǐi. Nyɔsoa bo ɔ̀ nu̍ blǔh ke ja̍u̍n ke jbǒ, ɛ̍ ke dɛ̍ᵻ kli̍hgbɛ̍ nɛ-a dě i̍h di̍i̍-ɛ ke.

Nu̍-dɛ̍ᵻ 17:24

Nyɔsoa ɔ̀ nu̍-a kmɔ̌ ke dɛ̍ᵻ kli̍hgbɛ̍ nɛ-a dě ɛ̍ di̍i̍-ɛ, ɔ̍ bo ɔ̀ nu̍ blǔh ke ja̍u̍n-a Joi. Wɛɛ sà gbò nyi̍ɔ̍ po̍-aɛ, ɔ̍-ɔ tǐn dě ɛ̍ di̍i̍.

Wloma 4:17

Ɛ̍ kɔn Nyɔsoa-a wlu̍ la̍a̍, “Ǐn nu̍ ìn bloa̍ dɔu baa we̍i̍.” Eblaɛɛn nu̍ à baa dǒ Nyɔsoa ɔ̍ gbaɛ-a wlùh-ɛ jlǐhwai. Nyɔsoa-a nyǐ mɛ̌-nyɔ̍ feɛ, iě ɔ̍ wlu̍-a nu̍ ɛ̍ dɛ̍ ɛ̀ se̍-a nɛ de-ɛ, iě ɛ̍ nɛ.

1 Kɔwlɛntiɔn 2:7

Nyɔsoa-a flɔ̍nwlùh ɛ̀ sìle-a kmɔ̌ nyɔ̍ se̍-a juo-ɛ, ɛ̍-ɛ bo à nyǐ-a ka nyɔ̍. Flɔ̍nwlùh laa̍ bo Nyɔsoa tba̍ chèɛ̀ se̍e̍ ɛ̍ iě ɛ̍ nu̍ à iě ɔ̍ tìh-a i̍ bɛ̌-ɛa fɔ̌ kɔn, wɛ̀ kmɔ̌ la ɛ̍ dǔ nui-ɛ.

1 Timote 4:5

Dɛ̍nu̍ɛ, Nyɔsoa-a wlu̍ ke ba̍le-ɛ bo ìh-a nmɔ-ɛ i̍h dě Nyɔsoa jlǐh i̍.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

Iblu 6:5

iě u̍h juo Nyɔsoa-a wɔ̍n nmɔ wlu̍. Wɛ̀ kmɔ̌ jɛ mu̍-a ji̍-ɛ, iě u̍h juo ɛ̍ gbǐh.

2 Pitɛ 3:5

Jɛ nɛ̀ u̍h mǎle-e fu̍u̍ ka Nyɔsoa-a wlu̍ bo ɔ̍ nui-a blǔh ke ja̍u̍n tɛin-ɛ. Dě nǐ di̍i̍ bo blǔh sɔ-ɔ, wɛ̀ ɛ̍ nui ɛ̍ dǒ nǐ we̍.

Wlɛfeleseɔn 4:11

“À Joi Nyɔsoa, ìn nɛ ɛ̍ ka̍. Àn tìh-a i̍ bɛ̌-ɛ ke ja̍ tè-ɛ ke gbǐh nɛ we̍ i̍ ble̍-e ka̍, dɛ̍nu̍ɛ, mɔ̀ bo ɔ̀ nu̍ dɛ̍ᵻ kli̍hgbɛ̍ iě i̍h nɛ, wɛ̀ ìn dǔ àn chɛ̀-a wlùh-u iě ìn nu̍ dɛ̍ᵻ kli̍hgbɛ̍.”