Iblu 11:1 - Ku̍o̍ Delee 1999

¹ Pò à blě wlùh gbaɛ-ɛ, nɛ̀ à mu̍ dɛ̍ᵻ à tba̍-a wlùh i̍-ɛ wlùh kɛ̍n tè. À mu̍ dɛ̍ᵻ à-a se̍a jě-ɛ tìh chɛ̀ po̍ ke chɛ̀ɛ̌chɛ̀.

Iblu 11:1 Iomraidhean Croise

Nu̍-dɛ̍ᵻ 20:21

Nɛ̀ ǎn gbɛ̍n-ɛ Juu nyɔ̍ ke ùh se̍-a Juu nyɔ̍-ɛ wɔ̍i̍n u̍h iě dě Nyɔsoa we̍ i̍ bǐi, wɛ̀ u̍h iě à Joi Jusu wlùh gbaɛ.

1 Kɔwlɛntiɔn 13:13

Ɛ̍ tìh-ɛ, wlùh gbaɛ ke, dɛ̍ wlì tè-ɛ ke jbɛɛ bo ìh se̍ i̍ sì mu̍. Jɛ i̍h nɛ-a ta̍a̍n-ɛ, jbɛɛ bo ɛ̀ ku̍ wɔ̍n.

2 Kɔwlɛntiɔn 11:17

Dɛ̍ ǎn sà-a kaka-ɛ, ɛ̍ se̍ dɛ̍ Joi-a pɔ̀n-a iě-a sà-ɛ. Wɔ̍i̍n ǎn po̍-a ka-ɛ, ǎn wlu-i ka bo-nyɔ̍-ɛ.

2 Kɔwlɛntiɔn 4:18

Dɛ̍nu̍ɛ, à-a gbɛ̀n dɛ̍ᵻ ìh nyɔ̍-a jě-aɛ ja̍, jɛ à gbɛ̀n dɛ̍ᵻ ìh nyɔ̍-ɔ jě-aɛ ja̍. Dɛ̍ᵻ ìh nyɔ̍-a jě-aɛ, i̍h-a wlè i̍ dǒ ti̍ gbɔ̍ di̍i̍, jɛ dɛ̍ᵻ ìh nyɔ̍-ɔ jě-aɛ, i̍h-a wlè i̍ nɔ̌ kmɔ̌-a kmɔ̌.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

2 Kɔwlɛntiɔn 5:7

Dě à wlùh gbaɛ di̍i̍ bo à na-ɛ. À-a na-ɛ dě ìh nyɔ̍-a jě-aɛ di̍i̍.

2 Kɔwlɛntiɔn 9:4

Pò Mɛsedonia nyɔ̍ ke ǐn ke à ji̍ wɛ̀ à iě mɔ̀ kɛ̍n jɛɛ wɛ̀ mɔ̀ɔ̍ se̍ ti̍ jě-ɛ, nɛ̀ tɛ̀n-a mu̍ à nu̍, dɛ̍nu̍ɛ, à tè mɔ̀ wlì kaa̍. Tɛ̀n-a mu̍ mɔ̀ nu̍ ke kaa̍ ɛ̍ iě à sìì.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Taitɔ 1:1

Mɔ̍ Pɔɔ, ɔ̀ nu̍-a Nyɔsoa-a pòi̍ju ke Jusu Klai-a gba̍tòà-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa kàn m iě ɔ̍ chèɛ̀ tba̍ nyɔ̍-a wlùh gbaɛ-ɛ dǒ nya̍ na-ɛ, wɛ̀ tìh-a taǐn ɛ̀ tba̍-a dǒ Nyɔsoa dɛ pùn i̍-ɛ, u̍h iě ɛ̍ tɔɔ blě.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 10:39

À se̍ nyɔ̍ juh chlì-a de̍ wɛ̀ u̍h gbɔ̀lɔ-aɛ, jɛ àɔ̀ wlùh gbaɛ blě nyɔ̍ ùh pǔh-aɛ.

Iblu 11:13

Ùh kli̍hgbɛ̍ la dě u̍h-a wlùh gbaɛ blě-ɛ di̍i̍ bo u̍h mɛ̌-ɛ. U̍h se̍ dɛ̍ kɔn wlu̍ Nyɔsoa po̍-a tɔ̀ma̍a̍-ɛ jě, jɛ u̍h jě ɛ̍ dě nya̍ wɛ̀ u̍h nu̍ ɛ̍ dɛ̍i̍. Ka u̍h nu̍-a dakɔ̍ pàɔ̀n nɔ̌ bloɔ̍-ɛ, u̍h juo ɛ̍ i̍, iě u̍h sà ɛ̍-ɛ.

Iblu 11:27

Mose-a wlùh gbaɛ blě-ɛ bo ɛ̀ nu̍ ɛ̍ iě ɔ̍ se̍ blǔh baa-a jlu̍h jua̍a̍ jǔ ple̍ wɛ̀ ɔ̍ sɔ dǒ Iche bloa̍ kɛ̍n. Ti̍ ɔ̍ sɔ-a Iche-ɛ, dɛ̍ ɛ̀ ku̍ i̍-a ɔ̍ dě klì i̍-ɛ, ɛ̍ nu̍ ka nyɔ̍ la̍ ɔ̍ jě Nyɔsoa ɔ̀ nyɔ̍-ɔ jě-aɛ o-ɛ.

Iblu 11:7

Nɔa-a wlùh gbaɛ blě-ɛ bo ɛ̀ nu̍ ɛ̍ iě ɔ̍ wɔ̌n Nyɔsoa-a gbòɛ̀ wlu̍ i̍ dǒ dɛ̍ᵻ ɔ̍-ɔ se̍a jě ìh-a mu̍-a gbǎ-ɛ we̍. Wɛ̀ ɔ̍ wɔ̌n Nyɔsoa-a wlu̍ i̍ iě ɔ̍ kɔ̍ blǎgbè klaa ɛ̍ iě ɔ̍ ke ɔ̍ chɛ̌ pǔh-i. Dɛ̍ᵻ ɔ̍ nu̍-a bo ìh sà kmɔ̌ la kɛ̀n, wɛ̀ Nyɔsoa nyǐ ɔ̍ i̍ slɛ̌-ɛ ɛ̀ jii-a dě wlùh gbaɛ di̍i̍-ɛ.

Iblu 2:3

Nɛ̀ɛ̍, Nyɔsoa-a nyɔ̍ pǔh-iɛ ɛ̀ ku̍-a wɔ̍n-ɛ, pò à sà ɛ̍ dounᵻɛ́, nɛ̀ ka à mu̍-o tàn-a nu̍ ɛ? Joi-a chɛ̀ bo ɔ̀ nu̍ sàǐtòò nyɔ̍ ɔ̀ po̍ pǔh-ɛa tu̍owli la. Wɛ̀ nyɔ̍ ùh wɔ̌n-a ɔ̍ wlu̍-ɛ, iě u̍h to ɛ̍ àɔ̀ i̍ ka ɛ̍ nu̍-a gblangbai̍-ɛ.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Iblu 6:12

À se̍ pɔ̀n mɔ̀ iě plǔh nu̍. Jɛ nyɔ̍ ùh blě-a wlùh gbaɛ iě ùh gbɛ̍n-a wlùh i̍ ùh jě-a dɛ̍ kɔn wlu̍ Nyɔsoa po̍-a tɔ̀ma̍a̍-ɛ, u̍h kɔn wɔ̀ɔ̀ mɔ̀ iě-e i̍ sà.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.