Iblu 10:5 - Ku̍o̍ Delee 1999

⁵ Ɛ̍ tìh-ɛ, ti̍ Klai-a mu̍-a la̍ nɔ̌ kmɔ̌ la we̍ ji̍-ɛ, iě ɔ̍ la̍a̍ dě Nyɔsoa we̍, “Ìn se̍ slaǎ sà-a ke nyǐ-dɛ̍ᵻ pɔ̀n. Jɛ ìn po̍ ǎn ku̍ gba̍a̍ wɛ̀ ɛ̍ iě slaǎ sà-ɛ.

Iblu 10:5 Iomraidhean Croise

Matio 11:3

U̍h mu̍-aa, iě u̍h la̍a̍, “Mɔ̀ Chɔɔn la̍ ɔ̀ mu̍-a ji̍-ɛ, mɔ̀ bo ae? Àe̍e̍ à gbàɛ̀ nyɔ̍ dɔɔ-a tìh ke̍ dɛ dǒ ìn de̍e̍ ae?”

Pɔ̀n Chɛ̀ Luu To-a La 1:35

Iě ǐnchɔ̀ la̍a̍ dě ɔ̍ we̍, “Nyɔsoa-a Sùù-a mu̍ ìn kɛ̍ɛ̍n ji̍, wɛ̀ Sìì Nyɔ̍ Wɔ̍n Nyɔsoa-a gbǐh iě ìn kɛ̍n nɛ. Ɛ̍ tìh-ɛ, jǔ ɔ̀ mu̍-a wlǔh-ɛ, ɔ̍ mu̍ Nyɔsoa-a Jǔ nu̍, wɛ̀ ɔ̍ iě ɔ̍ jǔ dbee.

Pɔ̀n Chɛ̀ Luu To-a La 7:19

Iě ɔ̍ dǎ u̍h-a sɔɔ̌n, wɛ̀ ɔ̍ dbo̍ u̍h dě Joi we̍ u̍h iě ɔ̍ i̍ tèle-ɛ ka dǎ, “Mɔ̀ Chɔɔn la̍ ɔ̀ mu̍-a ji̍-ɛ, mɔ̀ bo ae? Àe̍e̍ à gbàɛ̀ nyɔ̍ dɔɔ-a tìh ke̍ dɛ dǒ ìn de̍e̍ ae?”

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Kelesea 4:4

Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Iblu 1:6

Ɛ̍ se̍-o siee, ti̍ Nyɔsoa-a dbo̍-a ɔ̍ sàì Jǔ nɔ̌ kmɔ̌ we̍-ɛ, ɔ̍ la̍a̍, “Ǎn ǐnchɔ̀ kli̍hgbɛ̍ kɔn i̍h iě ɔ̍ wɛɛ sà.”

Iblu 10:10

Jusu Klai nu̍ Nyɔsoa-a wlùh. Ɔ̍ sà-ɛ ɔ̍ chɛ̀-a ku̍ slaǎ kleǐnklein à gblɛ̍n sɔ̀ɛ̀n-a tìh, ɛ̍-ɛ bo ɛ̀ wɔ̀ à nɛi̍.

Iblu 10:7

Wɛ̀ na̍a̍, ‘Mɔ̍ la o Nyɔsoa, ka ɛ̍ nu̍-a chlǐh-ɛ dǒ ǐn dɛ we̍ dě àn wlu̍ di̍i̍-ɛ, ǐn ji̍ wɛ̀ iě àn wlùh nu̍.’ ”

Iblu 10:8

Sàǐtòò-ɛ, ɔ̍ la̍a̍, “Ìh nu̍-a slaǎ sà-a ke, nyǐ-dɛ̍ᵻ nyɔ̍-a fɔ̍n-aɛ ke jih nyɔ̍-ɔ fɔ̍n-aɛ ke, gblɛ̍n sɔ̀ɛ̀n-a tìh-a slaǎ-a sà-a, i̍h se̍ àn wlùh i̍ tè-e, ìn se̍ i̍h pɔ̀n.” Jɛ i̍h bo telě la̍ nyɔ̍ iě nu̍.

Iblu 2:14

Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.

Iblu 5:7

Ti̍ Jusu nɛ-a nɔ̌ bloɔ̍-ɛ ɔ̍ ba̍le-e, iě ɔ̍ wǐ ɔ̍ tèle Nyɔsoa i̍ dǒ fìn-wlu̍ we̍. Dɛ̍nu̍ɛ, Nyɔsoa bo ɔ̀ bɛ̌ɛ ɔ̍ mɛ̌ɛ wɔ̍i̍n sèìe-ɛ. Nyɔsoa wɔ̌n ɔ̍ wlu̍, dɛ̍nu̍ɛ, ɔ̍ ja ɔ̍ chɛ̀ wlù iě ɔ̍ fòè ɔ̍ we̍.

Iblu 8:3

Slaǎ sà nyɔ̍-a dlǔtuᵻ kli̍hgbɛ̍ tba̍-ɛ chèɛ̀ u̍h iě nyǐ-dɛ̍ᵻ to-ɛ ke slaǎ sà dɛ nu̍ dǒ Nyɔsoa we̍. Ɛ̍ tìh-ɛ, à naɛ Slaǎ Sà Nyɔ̍-a Dlǔtu kɔn ɔ̍ iě dɛ̍ blě ke ɔ̍ iě to.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

2 Chɔɔn 1:7

Nyɔ̍ i̍ boe nyɔ̍ dɔu-a sì la̍ blǔh we̍. Ka Jusu Klai ji̍-a dě nyi̍ɔ̍tu di̍i̍-ɛ, nyɔ̍ ùh se̍-a ɛ̍ tìh i̍ wɔ̌ɛn-ɛ, nɛ̀ nyɔ̍ i̍ boe nyɔ̍ ke Klai-a nyɛ̌-nyɔ̍ bo.