Iblu 10:10 - Ku̍o̍ Delee 1999

¹⁰ Jusu Klai nu̍ Nyɔsoa-a wlùh. Ɔ̍ sà-ɛ ɔ̍ chɛ̀-a ku̍ slaǎ kleǐnklein à gblɛ̍n sɔ̀ɛ̀n-a tìh, ɛ̍-ɛ bo ɛ̀ wɔ̀ à nɛi̍.

Iblu 10:10 Iomraidhean Croise

Iblu 10:14

Ɔ̍ chɛ̀ slaǎ sà-ɛ due ɔ̍ nu̍-aɛ, nyɔ̍ ùh tè-ea pɔ̌ dǒ Nyɔsoa we̍-ɛ, ɛ̍ wɔ̀ u̍h gblɛ̍ja̍i̍ nɔ̌ kmɔ̌-a kmɔ̌.

Iblu 10:12

Jɛ Klai nɔ̀ɔ̍, slaǎ due ɔ̍ sà-a ka-ɛ, ɔ̍ sà-ɛ ɔ̍ chɛ̀ slaǎ wɛ̀ sǔh kleǐn dǒ gblɛ̍n sɔ̀ɛ̀n-a tìh-a i̍ tǎli-ɛ we̍. Wɛ̀ ɔ̍ tè ka i̍ dǒ Nyɔsoa-a di̍na̍ we̍.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Iblu 7:27

Ɔ̍ se̍ slaǎ sà nyɔ̍-a dlǔtuᵻ duuh wɔ̀. Ɔ̍ nɔ̀ɔ̍, ka sɔ̀n-a sɛ̀n-aɛ, ɔ̍ se̍ kɔn ɔ̍ iě slaǎ-a sà. Ka juh laa̍ u̍h-a sà-a u̍h-a chɛ̀-a gblɛ̍n sɔ̀ɛ̀n-a slaǎ sasǎ iě u̍h-a sà-a nyɔ̍ duuh naɛ-ɛ, ɔ̍-ɔ nu̍ la̍a̍n. Jɛ ɔ̍ nɔ̀ɔ̍, slaǎ due bo ɔ̍ sà sǔh kleǐn, ɛ̍-ɛ bo ɛ̀ nu̍-a ɔ̍ chɛ̀ ɔ̍ to-a.

Chɔɔn 17:19

U̍h-a tìh bo ǐn tè-e ǎn chɛ̀ pɔ̌, wɛ̀ ǎn tìh-a taǐn iě u̍h pɔ̌ tè-e ke.

Iblu 13:12

Ɛ̍ kɔn Jusu mɛ̌-ɛ dǒ wlɔ̀ sɔ̀n dě wìè-i, wɛ̀ ɔ̍ chɛ̀-a nymɔ̍ iě nyɔ̍ɔ nɛi̍ wɛ̀.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

Iblu 9:12

Ɔ̍ pa̍ dě Nɛi̍ Wɛ̀ Tà Klaa laa̍ sǔh kleǐn. Ɔ̍ se̍ gbàdɔ̍ ke bli plɔ̀-a nymɔ̍ slaǎ sà la̍ gba̍. Ɔ̍ chɛ̀-a nymɔ̍ bo ɔ̍ sà-ɛ slaǎ-a. Ɔ̍ nu̍ ɛ̍ iě à pǔh nɔ̌ kmɔ̌-a kmɔ̌.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

Iblu 10:20

Ɔ̍ pɔ̀ni kmɔ̌ delee ke wìè delee wɛ̀ dǒ à we̍ dǒ ti̍ ɔ̍ jii-a dǒ gbò wɔ̍i̍n jliɛ̍ ɛ̀ nu̍-a ɔ̍ ku̍-ɛ di̍i̍-ɛ.

Iblu 9:26

Pò ɛ̍ nɛ laan de-ɛ, nɛ̀ sɔ dǒ ti̍ kmɔ̌ iě-a nui-ɛ we̍ bo ɔ̍ kɔn ɔ̍ iě jua̍i̍ sàɛ̀-ɛ kɛ̍n i̍ gba̍-a sà de. Jɛ ɔ̍ ji̍ wɛ̀ kleǐnklein dǒ ti̍ la ɛ̍ dlǔ i̍ chlà la̍. Wɛ̀ ɔ̍ sà-ɛ ɔ̍ chɛ̀ slaǎ-a ɛ̍ iě gblɛ̍n sɔ̀ɛ̀n dǒ wìè-i sà.

Iblu 2:14

Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.

1 Chɔɔn 5:6

Jusu Klai la bo ɔ̀ ji̍ dǒ nǐ ke nymɔ̍ we̍. Ɛ̍ bo ɛ̀ nu̍-a ɔ̍ nǐ dlǔ po̍-ɛ ke ɔ̍ mɛ̌ɛ. Ɔ̍ se̍ ji̍ dǒ nǐ nɛ due we̍, jɛ ɔ̍ ji̍-i dǒ nǐ ke nymɔ̍ we̍. Nyɔsoa-a Sùù à tè-a wlì-ɛ bo ɛ̀ nu̍ ɛ̍ sàànsi̍i̍h, dɛ̍nu̍ɛ, Sùù nu̍ tìh-a taǐn.

Chɔɔn 19:34

Jɛ fledlǔ jǔ due nynǎ ɔ̍ dǐ gbèɛ̀n we̍, iě nǐ ke nymɔ̍ sɔ-o. (

Iblu 2:11

Nyɔ̍ jɔ tè-ea nyɔ̍ pɔ̌ dǒ Nyɔsoa we̍-ɛ ke juh ɔ̍ tè-ea pɔ̌-ɛ, u̍h sɔ dě chɛ̌tu due i̍. Ɛ̍ kɔn Jusu se̍ tɛ̀n ple̍ ɔ̍ iě u̍h de̍di̍i̍ᵻ dǎɛ.

Iblu 10:5

Ɛ̍ tìh-ɛ, ti̍ Klai-a mu̍-a la̍ nɔ̌ kmɔ̌ la we̍ ji̍-ɛ, iě ɔ̍ la̍a̍ dě Nyɔsoa we̍, “Ìn se̍ slaǎ sà-a ke nyǐ-dɛ̍ᵻ pɔ̀n. Jɛ ìn po̍ ǎn ku̍ gba̍a̍ wɛ̀ ɛ̍ iě slaǎ sà-ɛ.

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Ɛfɛsɔ 5:26

ɔ̍ iě ɛ̍ pɔ̌ tè dǒ Nyɔsoa we̍. Ɛ̍ kɔn ɔ̍ nu̍ nǐ ke wlu̍ wɛ̀ ɔ̍ wɔ̍lɔ ɛ̍, iě ɛ̍ wɛ̀ flɛ̀n i̍.

Iblu 5:7

Ti̍ Jusu nɛ-a nɔ̌ bloɔ̍-ɛ ɔ̍ ba̍le-e, iě ɔ̍ wǐ ɔ̍ tèle Nyɔsoa i̍ dǒ fìn-wlu̍ we̍. Dɛ̍nu̍ɛ, Nyɔsoa bo ɔ̀ bɛ̌ɛ ɔ̍ mɛ̌ɛ wɔ̍i̍n sèìe-ɛ. Nyɔsoa wɔ̌n ɔ̍ wlu̍, dɛ̍nu̍ɛ, ɔ̍ ja ɔ̍ chɛ̀ wlù iě ɔ̍ fòè ɔ̍ we̍.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

Iblu 10:29

Pò nyɔ̍ jaɛ Nyɔsoa-a Jǔ-a tìh jlǐh, wɛ̀ ɔ̍ se̍ nymɔ̍ ɛ̀ to-a ɛ̍ ka Nyɔsoa po̍-a ku̍o̍ iě nymɔ̍-a chɛ̀ dle ɔ̍ i̍ dǒ Nyɔsoa we̍-ɛ, pò ɔ̍ se̍ ɛ̍ dɛ̍ dǎɛ wɛ̀ ɔ̍ iě blɛ nɛ Sùù chlèe-ɛ, nɛ̀ ka ɔ̍ naɛ kàn gbɛ̍n-ɛa mu̍-a wɔ̍n ku̍ ɛ̍ iě-a telě wa̍ nyɔ̍ sìì-ɛ, mɔ̀ se̍ i̍h juo ae?

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.