Iblu 10:1 - Ku̍o̍ Delee 1999

¹ Mose-a telě nɔ̀ɔ̍, ɛ̍ wɔ̀ dɛ̍ᵻ chɛ̀ ìh-a mu̍-a ji̍-ɛ. Telě la ke dɛ̍ᵻ chɛ̀ nɛ-a dě ja̍i̍wlɔ̀-ɛ se̍ due nɛ. Sɔ nɛ̀ ɛ̍ se̍ nyɔ̍ ùh-a sà-a Nyɔsoa wɛɛ-ɛ nɛi̍ wɔ̀-ɛ bɛ̌ɛ dǒ slaǎ due la u̍h-a sà-a ma̍u̍ ka sɔ̀n-a sǐ-a i̍-ɛ we̍.

Iblu 10:1 Iomraidhean Croise

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Kalase 2:17

Jih laa̍ nɔ̀ɔ̍, ìh-a mu̍-a ji̍ dě nya̍-a i̍h-a sùù bo. Jɛ Klai ji̍ wɛ̀, dɛ̍ᵻá sùù la i̍h se̍ dɛ̍kɛ̍n gbǎ.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 7:11

Dǒ slaǎ sà nyɔ̍ ùh nu̍-a Liifaɛ-a nynuu̍-ɛ dɛ kɛ̍n bo Nyɔsoa poe telě dě Eslɔɛ nyɔ̍ we̍. Nɛ̀ pò slaǎ sà nyɔ̍ ùh nu̍-a Liifaɛ-a nynuu̍-ɛ, pò u̍h-a nu̍-dɛ̍ bɛ̌ɛ nyɔ̍ i̍ slɛ̌-ɛ de-ɛ, nɛ̀ slaǎ sà nyɔ̍ kaɛn dɔɔ ɔ̀ wɔ̀-a Mɛokeslɛ iě ɔ̀ se̍-a Ewlɔn wɔ̀-ɛ, ɔ̍ se̍ kɔn ɔ̍ iě ji̍ dɛ de.

Iblu 8:5

Tà u̍h-a dbee-a ka Nyɔsoa jǔ-ɛ, ɛ̍ wɔ̀ jɛ nɛ-a dě ja̍i̍wlɔ̀-ɛ. Jɛ i̍h se̍ due nɛ. Ɛ̍ kɔn ti̍ Mose-a ji̍-a wɛ̀ɛ̀ sɔ̍n wlù po̍ la̍-ɛ, wɛ̀ Nyɔsoa sèàɛ̍ ɔ̍ wlùh, ɔ̍ la̍a̍, “Ka ìn nu̍-a ɛ̍ jě-ɛ dě tlu̍h kɛ̍n-ɛ, kǎ ìè ɛ̍ nu̍.”

Iblu 9:11

Jɛ dɛ̍ᵻ chɛ̀ jih à juo-a ka i̍-ɛ, Klai bo ɔ̀ nu̍ slaǎ sà nyɔ̍-a dlǔtu dǒ i̍h we̍ ɔ̀ ji̍. Nyɔsoa-a wɛ̀ɛ̀ sɔ̍n wlù ɛ̀ ku̍-a wɔ̍n iě ɛ̀ wɛ̀-a kwlǎ ɛ̀ sìì-a sàǐtòò naɛ-ɛ, dě ɛ̍ di̍i̍ bo ɔ̍ dbee Nyɔsoa jǔ. Nyi̍ɔ̍-a sɔ̍n se̍ ɛ̍ nu̍, iě ɛ̍ se̍ da̍a kmɔ̌ la we̍ kɔn.

Iblu 9:23

Slaǎ sà-a kaɛn laa̍ bo ìh kɔn ìh iě ɛ̍ nu̍ wɛ̀ wɛɛ sà dɛ̍ᵻ kaɛn laa̍ ìh wɔ̀-a jih nɛ-a dě ja̍i̍wlɔ̀-ɛ i̍h iě dě Nyɔsoa jlǐh i̍ nmɔ. Jɛ wɛɛ sà dɛ̍ᵻ jih nɛ-a dě ja̍i̍wlɔ̀-ɛ nɔ̀ɔ̍, i̍h kɔn i̍h iě slaǎ sà-ɛ chɛ̀ blě i̍h iě jih la sìì.

Iblu 9:25

Klai se̍ dě ja̍i̍wlɔ̀ mu̍ ɔ̍ iě ɔ̍ chɛ̀ to-ɛ kɛ̍n i̍ gba̍. Ɛ̀ ka sɔ̀n sǐ i̍-ɛ, nɛ̀ slaǎ sà nyɔ̍-a dlǔtu-a gba̍-a nmi̍ɛ̍-a nymɔ̍ dě Nɛi̍ Wɛ̀ Tà Klaa-ɛ, ɔ̍ naɛ se̍ la̍a̍n nɛ.