Iblu 1:9 - Ku̍o̍ Delee 1999

⁹ Ìn jbɛɛ dɛ̍ ɛ̀ slɛ̌-a i̍-ɛ, iě ìn faɛn klǐ-dɛ̍. Ɛ̍ kɔn tìh mɔ̍ ɔ̀ nu̍-a àn Nyɔsoa-aɛ, iě ǐn tba̍ ìn chèɛ̀, wɛ̀ ǐn nu̍ ɛ̍ iě ìn nmɔ wɛ̀ ìn tè-ɛ ja̍ ɛ̍ sìì ìn ba̍ᵻ kli̍hgbɛ̍.”

Iblu 1:9 Iomraidhean Croise

Pɔ̀n Chɛ̀ Luu To-a La 4:18

“Joi-a Sùù nɛ ǐn we̍. Dɛ̍nu̍ɛ, ɔ̍ tba̍ ǐn chèɛ̀ iě pɔ̀n chɛ̀-a tìh we̍i̍ bla̍ dě nyɔ̍gbà nyɔ̍ we̍. Ɔ̍ dbo̍ m iě i̍h i̍ sà ka kèi̍ᵻ sèìe-a wɛ̀-ɛ, wɛ̀ iě dɔ̌-nyɔ̍-a i̍ jě-e tìh i̍ sà ke dě u̍h we̍. Wɛ̀ iě nyɔ̍ ùh-a jě-a tìh-ɛ tìh jě-ɛ kɛ̍n sà.

Chɔɔn 1:41

Sàǐtòò dɛ̍ Andlu nu̍-aɛ, ɔ̍ pɔ̀n ɔ̍ de̍di̍i̍ Samo i̍ iě ɔ̍ sèàɛ̍ ɔ̍ wlùh. Ɔ̍ la̍a̍, “À jě Nyɔsoa-a Chèɛ̀ Tba̍ju wɛ̀.” (Ɔ̍ nynɛ̌ la ɛ̍ gbɔ̀ nu̍ Klai dě Klii wlu̍ di̍i̍.)

Chɔɔn 10:17

“Ɛ̀ kɔn tìh ǐn Baa jbɛɛ-a m-ɛ, ɛ̍ nu̍, ǎn sà ǎn feɛ kwlǎ wɛ̀ ǎn dǔ ɛ̍-ɛ dode̍.

Chɔɔn 20:17

Wɛ̀ Jusu la̍a̍ dě ɔ̍ we̍, “Bɔ̌ ǐn i̍ gbɛ̍n-ɛ, dɛ̍nu̍ɛ, nɛ̌ se̍a dě ǐn Baa we̍ ja̍i̍ mu̍ ke̍. Jɛ mu̍ dě ǐn de̍di̍i̍ᵻ we̍ ìè u̍h wlùh sèàɛ̍ ka ǎn mu̍-a la̍ dě u̍h ke ǐn ke à Baa we̍ ja̍i̍-ɛ, ɔ̀ nu̍-a u̍h ke ǐn ke à Nyɔsoa-a.”

Chɔɔn 3:34

Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ.

Nu̍-dɛ̍ᵻ 10:38

Jusu ɔ̀ sɔ-a dǒ Naaslɔɛ-ɛ, Nyɔsoa po̍ ɔ̍ Sùù dě ɔ̍ ku̍u̍, wɛ̀ ɔ̍ nyǐ ɔ̍ gbǐh. Ɛ̍ kɔn pò ɔ̍ mu̍ tàjɛ̀-ɛ, nɛ̀ ɔ̍ nu̍ dɛ̍ chɛ̀ iě ɔ̍ pǔh-i nyɔ̍ ùh Kǔ sìì-a wɔ̍n-ɛ, dɛ̍nu̍ɛ, Nyɔsoa-a naɛ ɔ̍ sɔ̍nᵻ we̍ i̍.

Nu̍-dɛ̍ᵻ 4:26

Blǔh baaᵻ nɛ-a nɔ̌ bloɔ̍-ɛ, u̍h po̍ u̍h-a chɛ̀ gba̍a̍, iě nyɔ̍-a wlu̍ kwa̍ blě nyɔ̍-a gbòe i̍, u̍h iě Joi ke ɔ̍ Chèɛ̀ Tba̍ju bu̍hᵻ tbaɛ.’

Nu̍-dɛ̍ᵻ 4:27

I̍i̍n, kǎ ɛ̍ nɛ, àn pòi̍ju Jusu ɔ̀ wɛ̀-a nɛi̍ iě ìn tba̍-a chèɛ̀-ɛ, Ɛlo ke, Pɔntiɔ Pale ke ɔ̍ bu̍hᵻ tbaɛ tìh bo u̍h tù wɛ̀ u̍h ke ùh se̍-a Juu nyɔ̍-ɛ ke Eslɔɛ nyɔ̍ gbòe i̍ da̍a tùgbàwlɔ̀ la di̍i̍.

Wloma 12:9

Mɔ̀-a jbɛɛ bɔ̌ kǐh i̍ nɛ-ɛ. Mɔ̀ faɛn dɛ̍ sɔ̀n-ɔ, mɔ̀ iě dɛ̍ chɛ̀ sɔ̍nᵻ sɔɔ̌n i̍ gbɛ̍n-ɛ.

Wloma 15:13

Nyɔsoa ɔ̀ nu̍-a wlùh i̍ kɔ̍ nyɔ̍-ɛ, ǎn sà nǐ wɔ̍n ɔ̍ iě mɔ̀ nmɔ-ɛ kli̍hgbɛ̍ ke wlùh-a i̍ tè-ɛ i̍ jǐi ka mɔ̀ gbaɛ-a ɔ̍ wlùh-ɛ. Wɛ̀ ɔ̍ Sùù iě ɛ̍ nu̍ mɔ̀-a wlùh i̍ kɔ̍ dɛ̍ iě i̍ ku̍.

1 Kɔwlɛntiɔn 1:9

Nyɔsoa ɔ̀ dǎ-a mɔ̀ mɔ̀ ke ɔ̍ Jǔ Jusu Klai ɔ̀ nu̍-a à Joi-ɛ iě-a we̍ nɛ̍aɛ-ɛ, ɔ̍-ɔ gblìh wlu̍ kɛ̍n.

2 Kɔwlɛntiɔn 11:31

Nyɔsoa ɔ̀ nu̍-a Joi Jusu Baa-ɛ, ɔ̍ juo ka ǐn se̍-a si̍h tmɔ̌-ɛ. Tlɔ̌ po̍-ɛ kɔn dǒ ɔ̍ we̍ nɔ̌ kmɔ̌-a kmɔ̌.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Ɛfɛsɔ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à po̍ ɔ̍ tlɔ̌. À ke Klai-a due nɛ-ɛ bo ɛ̀ nu̍ ɛ̍ wɛ̀ ɔ̍ nyǐ à pɔ̀ìě kli̍hgbɛ̍ nɛ-a dě ja̍i̍wlɔ̀ ìh-a kui-a à wlùh gbaɛ i̍-ɛ.

Felepai 2:9

Ɛ̍ kɔn tìh Nyɔsoa dǔ ɔ̍ ja̍i̍, iě ɔ̍ sìì dɛ̍ᵻ kli̍hgbɛ̍ wɔ̍n. Wɛ̀ ɔ̍ nyǐ ɔ̍ nynɛ̌ ɛ̀ nɛ-a dǒ nynɛ̌ kli̍hgbɛ̍ dlǔwèàì-ɛ.

Iblu 2:11

Nyɔ̍ jɔ tè-ea nyɔ̍ pɔ̌ dǒ Nyɔsoa we̍-ɛ ke juh ɔ̍ tè-ea pɔ̌-ɛ, u̍h sɔ dě chɛ̌tu due i̍. Ɛ̍ kɔn Jusu se̍ tɛ̀n ple̍ ɔ̍ iě u̍h de̍di̍i̍ᵻ dǎɛ.

Iblu 2:9

Jɛ à jě Jusu, ɔ̀ Nyɔsoa ja-a wlù ɛ̍ sìì-a ǐnchɔ̀ dǒ ti̍ gbɔ̍ di̍i̍-ɛ. Wɛ̀ dě Nyɔsoa-a blɛ nɛ-ɛ di̍i̍-ɛ, ɔ̍ iě mɛ̌ dǒ nyɔ̍ kli̍hgbɛ̍-a tàà. Ɔ̍-ɔ bo ɔ̀ tèè-a ka tìh-a i̍ bɛ̌-ɛ ke ja̍ tè-ɛa blawɛ̌ kaka, dɛ̍nu̍ɛ, ɔ̍ sàɛ̀ jua̍i̍ dǒ ɔ̍ mɛ̌ la̍-a.

Iblu 7:26

Jusu laa̍ bo ɔ̀ nu̍ ka Slaǎ Sà Nyɔ̍-a Dlǔtu à kɔn à iě blě. Ɔ̍ wɛ̀ nɛi̍. Nyɔ̍ se̍ ɔ̍ kɔ̌-ɛ nynɛ̌ blě, ɔ̍ se̍ gblɛ̍n sɔ̀ɛ̀n nu̍. Ɔ̍ tè-ɛ pɔ̌ dě gblɛ̍n sɔ̀ɛ̀n nyɔ̍ nynɛ̌, iě ɔ̍ dǔ-iɛ ja̍i̍ dě ja̍i̍wlɔ̀.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

Wlɛfeleseɔn 2:15

U̍h gbǎ dǒ Nikola ke ɔ̍ nyɔ̍-a nǎ po̍ wlu̍ de̍e̍ ke.