Iblu 1:8 - Ku̍o̍ Delee 1999

⁸ Jɛ dǒ ɔ̍ Jǔ we̍ nɔ̀ɔ̍, ɔ̍ la̍a̍, “Nyɔsoa, nàɛ̀ nynɛ̌ gbalǎ-a mu̍ nɛ nɔ̌ kmɔ̌-a kmɔ̌. I̍ slɛ̌-ɛ bo àn kɔn-ɛ àn kmɔ̌ wlu̍ i̍.

Iblu 1:8 Iomraidhean Croise

Matio 1:23

Ɔ̍ la̍a̍, “Mɔ̀ tù ɛ̍ jlǐhɛ̍, jǔ nynɔ̌nyaa ɔ̀ se̍-a dɛ̍ i̍ juo-ɛ, ɔ̍ mu̍ sùù kɛ̍n nɛ wɛ̀ ɔ̍ iě jɔ̍gbau jǔ wlǔh-i, nɛ̀ ɔ̍ nynɛ̌-a mu̍ Imajɔɛ nu̍.” Ɛ̍ gbɔ̀ nu̍ Nyɔsoa nɛ à we̍.

Pɔ̀n Chɛ̀ Luu To-a La 1:75

Wɛ̀ à iě Nyɔsoa i̍ wɛ̀ɛ̀, à iě i̍ slɛ̌ dǒ ɔ̍ jlǐhwai dǒ wǐh kli̍hgbɛ̍ à mu̍-a nu̍ nɔ̌ kmɔ̌ we̍-ɛ di̍i̍.

Chɔɔn 10:30

Ǐn ke ǐn Baa ke à nɛ due.”

Chɔɔn 10:33

Iě u̍h la̍a̍, “Ɛ̍ se̍ àn dbo̍ chɛ̀ nu̍ tìh à se̍ ìn sɔɔ̌ᵻ i̍ tbaɛ-ɛ i̍ pɔ̀n, jɛ àn Nyɔsoa wɔ̍n blaɛ tìh bo. Ɛ̀wɛ̀ ìn nu̍ wlɔ̀ nyi̍ɔ̍ fɔ̍ɔ̍, iě àn nu̍ àn chɛ̀ Nyɔsoa we̍i̍, ɛ̍ kɔn à pɔ̀n ìn sɔɔ̌ᵻ i̍ tbaɛ-ɛ i̍.”

Chɔɔn 20:28

Tɔmɔ la̍a̍ dě ɔ̍ we̍, “Ǎn Joi ke ǎn Nyɔsoa.”

Wloma 9:5

U̍h bo ùh nu̍ à blǔh baaᵻá nynuu̍, wɛ̀ Klai nu̍ u̍h blǐ jǔ dě nyi̍ɔ̍tu di̍i̍. Nɛ̀ Nyɔsoa ɔ̀ kɔn-a dɛ̍ᵻ kli̍hgbɛ̍ wlu̍ i̍-ɛ, ɔ̍ bo ɔ̀ iě nǐ wɔ̍n sà-ɛɛ nɔ̌ kmɔ̌-a kmɔ̌. Kǎ ɛ̍-ɛ nɛ.

1 Kɔwlɛntiɔn 15:25

Dɛ̍nu̍ɛ, Klai kɔn ɔ̍ iě Blǔh Baa nu̍ te̍e̍ wɛ̀ Nyɔsoa iě ɔ̍ nyɛ̌-nyɔ̍ kli̍hgbɛ̍ dě ɔ̍ bu̍h sɔ̀n po̍.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

2 Pitɛ 1:11

Nɛ̀ Nyɔsoa-a mu̍ mɔ̀ bu̍h i̍ sàɛ̀ wɛ̀ mɔ̀ iě dě à Sèìe Nyɔ̍ Joi Jusu Klai-a kmɔ̌ wlu̍ i̍ kɔn-ɛ di̍i̍ nɛ, ɛ̀ se̍-a i̍ sì la̍ kɔn-ɛ.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.