Iblu 1:4 - Ku̍o̍ Delee 1999

⁴ Nyɔsoa-a Jǔ ku̍ wɔ̍n dǒ Nyɔsoa-a ǐnchɔ̀ kɛ̍n, iě nynɛ̌ Nyɔsoa nyǐ-a ɔ̍-ɛ, i̍h ku̍ wɔ̍n dɛ ke dǒ i̍h naɛ kɛ̍n.

Iblu 1:4 Iomraidhean Croise

Ɛfɛsɔ 1:21

Dɛ̍ᵻ wlu̍ i̍ kɔn-ɛ ke, gbǐh ke, tùn blě-ɛ ke, joi kli̍hgbɛ̍ nɛ-a dě dlǔwèàì-ɛ, Klai kɔn i̍h wlu̍ kɛ̍ɛ̍n wɛ̀. Nɛ̀ nyɔ̍ wɔ̍n sìì nynɛ̌ kli̍hgbɛ̍ nɛ-a kaka-ɛ ke jih-a mu̍-a ji̍-ɛ, ɔ̍ naɛ sìì i̍h wɔ̍n.

Kalase 1:18

Chɔchi̍h nu̍ ɔ̍ ku̍ iě ɔ̍ nu̍ ɛ̍ dlǔ. Ɔ̍-ɔ bo ɔ̀ nu̍ tɔ̀blɔ̍ɔ̍, iě ɔ̍ nu̍ sàǐtòò Jǔ ɔ̀ wlǔh-e, wɛ̀ ɔ̍ iě dɛ̍ᵻ kli̍hgbɛ̍-a chìnɔ̀ɔ̀n nu̍.

Kalase 2:10

Klai ɔ̀ nu̍-a dɛ̍ᵻ wlu̍ i̍ kɔn-ɛ ke gbǐh kli̍hgbɛ̍-a dlǔ-ɛ, dě ɔ̍ ja̍a̍ bo mɔ̀ jě-e feɛ-a gblangbai̍.

2 Tɛsoloniɔn 1:7

Mɔ̀ɔ̍ ùh-a sàɛ̀-a jua̍i̍-ɛ, ɔ̍ mu̍ ɛ̍ nu̍ mɔ̀ ke àɔ̀ ke à iě feɛ i̍ jě. Ti̍ Joi Jusu ke ɔ̍ gbǐh ǐnchɔ̀-a mu̍-a dě ja̍i̍wlɔ̀ sɔ dě nɛ̍-a pàìbǒ di̍i̍-ɛ, dǒ ìh la i̍h-a mu̍ nɛ-ɛ.

Iblu 1:9

Ìn jbɛɛ dɛ̍ ɛ̀ slɛ̌-a i̍-ɛ, iě ìn faɛn klǐ-dɛ̍. Ɛ̍ kɔn tìh mɔ̍ ɔ̀ nu̍-a àn Nyɔsoa-aɛ, iě ǐn tba̍ ìn chèɛ̀, wɛ̀ ǐn nu̍ ɛ̍ iě ìn nmɔ wɛ̀ ìn tè-ɛ ja̍ ɛ̍ sìì ìn ba̍ᵻ kli̍hgbɛ̍.”

Iblu 12:17

Mɔ̀-a chɛ̀ juo ɛ̍-ɛ, jɛ ɛ̍ wɔ̀-a sì-ɛ wɛ̀-ɛ, wɛ̀ ɔ̍ pɔ̀n pɔ̀ìě la jě-ɛ i̍ de, jɛ nɛ̀ ɔ̍ tba̍-ɛ chla wɛ̀. Ɔ̍ fìn-i ɔ̍ iě ɛ̍ jě dɛ de, jɛ nɛ̀ ɛ̍-ɛ i̍ bǐi ti̍ sì wɛ̀.

Iblu 2:9

Jɛ à jě Jusu, ɔ̀ Nyɔsoa ja-a wlù ɛ̍ sìì-a ǐnchɔ̀ dǒ ti̍ gbɔ̍ di̍i̍-ɛ. Wɛ̀ dě Nyɔsoa-a blɛ nɛ-ɛ di̍i̍-ɛ, ɔ̍ iě mɛ̌ dǒ nyɔ̍ kli̍hgbɛ̍-a tàà. Ɔ̍-ɔ bo ɔ̀ tèè-a ka tìh-a i̍ bɛ̌-ɛ ke ja̍ tè-ɛa blawɛ̌ kaka, dɛ̍nu̍ɛ, ɔ̍ sàɛ̀ jua̍i̍ dǒ ɔ̍ mɛ̌ la̍-a.

1 Pitɛ 3:22

Jusu Klai ɔ̀ mu̍-a dě ja̍i̍wlɔ̀ dǒ Nyɔsoa-a di̍na̍ we̍-ɛ, Nyɔsoa-a ǐnchɔ̀ ke tùn blě-ɛ ke gbǐh kli̍hgbɛ̍ nɛ dǒ ɔ̍ sɔ̀n.