Iblu 1:3 - Ku̍o̍ Delee 1999

³ Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 1:3 Iomraidhean Croise

Matio 22:24

U̍h la̍a̍, “Dlǔtu, Mose-a telě la̍ pò jɔ̍gbau blě nynɔ̌ iě u̍h se̍ jǔ wlǔh-i wɛ̀ ɔ̍ iě mɛ̌-ɛ, nɛ̀ ɔ̍ de̍di̍i̍ kɔn ɔ̍ iě nynɔ̌ laa̍ blě, wɛ̀ u̍h iě nynuu̍ wlǔh-i dǒ ɔ̍ de̍di̍i̍ mɛ̌-aɛ we̍.

Pɔ̀n Chɛ̀ Maɛ To-a La 16:19

Ti̍ Joi Jusu wɔ̀-a ɔ̍ kòà we̍ wlu-ɛɛ, wɛ̀ ɔ̍ gba̍-ɛ dě ja̍i̍wlɔ̀. Iě ɔ̍ tè i̍ dǒ Nyɔsoa-a di̍na̍ we̍.

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Chɔɔn 1:4

Dě ɔ̍ ja̍a̍ bo feɛ nɛ. Feɛ laa̍ bo ɛ̀ nu̍ sɔ̀npli dǒ nyi̍ɔ̍ we̍.

Nu̍-dɛ̍ᵻ 2:33

Ɔ̍-ɔ bo Nyɔsoa dǔ-a ka ja̍i̍ wɛ̀ dǒ ɔ̍ di̍na̍ we̍, iě ɔ̍ jě Sùù kɔn wlu̍ Baa Nyɔsoa po̍-a tɔ̀ma̍a̍-ɛ. Sùù ɔ̍ po̍-a àɔ̀ kɛ̍n-ɛ, ɛ̍ kɔn nu̍-dɛ̍ᵻ bo mɔ̀-a wɔ̌n-a, iě mɔ̀-a jě-a sèàn.

Nu̍-dɛ̍ᵻ 7:56

Iě Slifɛn la̍a̍, “Mɔ̀ gbɛ̀n-e, ǐn jě ja̍u̍n ɛ̍ pɔ̀ni wɔ̍i̍n, Nyi̍ɔ̍-a Jǔ nyna i̍ dǒ Nyɔsoa-a di̍na̍ we̍.”

Wloma 1:16

Ǐn se̍ Nyɔsoa-a pɔ̀n chɛ̀-a tɛ̀n ple̍, dɛ̍nu̍ɛ, ɛ̍ bo ɛ̀ nu̍ ɔ̍ gbǐh ɛ̀ iě wlùh gbaɛ blě nyɔ̍ kli̍hgbɛ̍ sèìe. Juu nyɔ̍ bo ɛ̍ mu̍ pùn nɛ sàǐtòò, wɛ̀ ɛ̍ iě juh se̍-a Juu nyɔ̍-ɛ jɛɛ-ɛ dǔ ke.

Wloma 8:34

Nyɔ̍we̍ bo ɔ̀ bɛ̌ɛ àɔ̀ kɛ̀n sà-a ɛ? Jusu Klai ae? Iěe, ɔ̍ jɔ mɛ̌-a wɛ̀ ɔ̍ wlǔh-ae dode̍ iě ɔ̍ tè-a ka i̍ dǒ Nyɔsoa-a di̍na̍ sɔ̍n we̍ wɛ̀ ɔ̍ bla̍-ɛ ɔ̍ gbòɛ̀ i̍ à tìh-ɛ, ɔ̍ bo ɔ̀ mu̍ à kɛ̀n sà ae?

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

Kalase 3:1

Ka Nyɔsoa nu̍-a ɛ̍ iě mɔ̀ wlǔh-ae wɛ̀ dǒ Klai we̍-ɛ, dɛ̍ᵻ ìh nɛ-a dě ja̍i̍wlɔ̀ tà Klai tè-a i̍ dǒ Nyɔsoa-a di̍na̍ we̍-ɛ, dě i̍h we̍ bo mɔ̀-a pɔluh iě nɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 1:13

Nyɔsoa-a se̍a ka dǎ dě ɔ̍ ǐnchɔ̀-a nyɔ̍ we̍, “Tè i̍ da̍a ǐn di̍na̍ we̍ te̍e̍, iě ɛ̍ nu̍ ìè àn nyɛ̌-nyɔ̍ kɛ̍n i̍ na.”

Iblu 10:12

Jɛ Klai nɔ̀ɔ̍, slaǎ due ɔ̍ sà-a ka-ɛ, ɔ̍ sà-ɛ ɔ̍ chɛ̀ slaǎ wɛ̀ sǔh kleǐn dǒ gblɛ̍n sɔ̀ɛ̀n-a tìh-a i̍ tǎli-ɛ we̍. Wɛ̀ ɔ̍ tè ka i̍ dǒ Nyɔsoa-a di̍na̍ we̍.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 4:14

Wlùh gbaɛ blě tìh à sà-aɛ, mɔ̀ à gbɛ̍n ɛ̍ i̍ klìmàtàìn, dɛ̍nu̍ɛ, à blě Slaǎ Sà Nyɔ̍-a Dlǔtu ɔ̀ ku̍-a wɔ̍n-ɛ. Nyɔsoa-a Jǔ Jusu ɔ̀ mu̍-a dě ja̍i̍wlɔ̀ wɛ̀-ɛ bo.

Iblu 7:27

Ɔ̍ se̍ slaǎ sà nyɔ̍-a dlǔtuᵻ duuh wɔ̀. Ɔ̍ nɔ̀ɔ̍, ka sɔ̀n-a sɛ̀n-aɛ, ɔ̍ se̍ kɔn ɔ̍ iě slaǎ-a sà. Ka juh laa̍ u̍h-a sà-a u̍h-a chɛ̀-a gblɛ̍n sɔ̀ɛ̀n-a slaǎ sasǎ iě u̍h-a sà-a nyɔ̍ duuh naɛ-ɛ, ɔ̍-ɔ nu̍ la̍a̍n. Jɛ ɔ̍ nɔ̀ɔ̍, slaǎ due bo ɔ̍ sà sǔh kleǐn, ɛ̍-ɛ bo ɛ̀ nu̍-a ɔ̍ chɛ̀ ɔ̍ to-a.

Iblu 8:1

Dɛ̍ à sà-a chɛ̀ gbe̍i̍n-ɛ, ɛ̍-ɛ la. Slaǎ Sà Nyɔ̍-a Dlǔtu kaɛn la bo à blě, wɛ̀ ɔ̍ tè i̍ dě ja̍i̍wlɔ̀ dǒ Tìh-a I̍ Bɛ̌ɛ Nyɔsoa-a nynɛ̌ gbalǎ-a di̍na̍ we̍.

Iblu 9:16

Pò nyɔ̍ chlǐh chlǐh-dɛ̍ ka ɔ̍ kɔn-dɛ̍ᵻ iě-a gblè-ɛ nu̍ pò ɔ̍ mɛ̌-ɛ, nɛ̀ pò nyɔ̍ iě ɔ̍ kɔn-dɛ̍ᵻ gblè-ɛ, u̍h kɔn u̍h iě ɛ̍ to sasǎ ka ɔ̍ mɛ̌-aɛ.

Iblu 9:26

Pò ɛ̍ nɛ laan de-ɛ, nɛ̀ sɔ dǒ ti̍ kmɔ̌ iě-a nui-ɛ we̍ bo ɔ̍ kɔn ɔ̍ iě jua̍i̍ sàɛ̀-ɛ kɛ̍n i̍ gba̍-a sà de. Jɛ ɔ̍ ji̍ wɛ̀ kleǐnklein dǒ ti̍ la ɛ̍ dlǔ i̍ chlà la̍. Wɛ̀ ɔ̍ sà-ɛ ɔ̍ chɛ̀ slaǎ-a ɛ̍ iě gblɛ̍n sɔ̀ɛ̀n dǒ wìè-i sà.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Pitɛ 3:22

Jusu Klai ɔ̀ mu̍-a dě ja̍i̍wlɔ̀ dǒ Nyɔsoa-a di̍na̍ we̍-ɛ, Nyɔsoa-a ǐnchɔ̀ ke tùn blě-ɛ ke gbǐh kli̍hgbɛ̍ nɛ dǒ ɔ̍ sɔ̀n.

2 Pitɛ 1:16

À Joi Jusu Klai-a ji̍-ɛ ɛ̀ mu̍-a gbǐh kɛ̍n nɛ-ɛ, ɛ̍ se̍ u̍h la̍a̍ à se̍ mɔ̀ wlùh sèàɛ̍, jɛ à chɛ̀ gba̍ jlǐhɛ̍ iě à jě ɔ̍ gbǐh laa̍.

2 Pitɛ 1:17

Ti̍ Baa Nyɔsoa iě-a Jusu-a ja̍ tè-ɛ ke ɔ̍ tìh-a i̍ bɛ̌-ɛ wlu̍ dbo̍-ɛ, nɛ̀ dǒ à nɛ. Baajiɔ̍-a chɛ̀ ɔ̀ kɔn tìh bɛ̌-a i̍-ɛ, wlu̍ sɔ-a dě ɔ̍ we̍-ɛ, ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍.”

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 3:5

Mɔ̀-a chɛ̀ juo ɛ̍-ɛ Klai ji̍-i ɔ̍ iě à gblɛ̍n sɔ̀ɛ̀n i̍ sà. Dě ɔ̍ ja̍a̍ bo gblɛ̍n sɔ̀ɛ̀n se̍ nɛ.

Judi 1:25

Nyɔsoa nɛ due gbài̍ bo ɔ̀ nu̍ à Sèìe Nyɔ̍. Dǒ ɔ̍ we̍ bo tìh-a i̍ bɛ̌-ɛ ke, baajiɔ̍ dɛ ke, kmu-ɛ ke tùn blě-ɛ kɔn sɔ dě tɔ̀blɔ̍ɔ̍, ɛ̍ ke kaka ke nɔ̌ kmɔ̌-a kmɔ̌ dě à Joi Jusu Klai ja̍a̍. Kǎ ɛ̍-ɛ nɛ.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.

Wlɛfeleseɔn 4:11

“À Joi Nyɔsoa, ìn nɛ ɛ̍ ka̍. Àn tìh-a i̍ bɛ̌-ɛ ke ja̍ tè-ɛ ke gbǐh nɛ we̍ i̍ ble̍-e ka̍, dɛ̍nu̍ɛ, mɔ̀ bo ɔ̀ nu̍ dɛ̍ᵻ kli̍hgbɛ̍ iě i̍h nɛ, wɛ̀ ìn dǔ àn chɛ̀-a wlùh-u iě ìn nu̍ dɛ̍ᵻ kli̍hgbɛ̍.”