Iblu 1:2 - Ku̍o̍ Delee 1999

² Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

Iblu 1:2 Iomraidhean Croise

Matio 13:39

À nyɛ̌-nyɔ̍ Kǔ bo ɛ̀ tù i̍h. Nɛ̀ kɛnɛ̌ chɛ̍n-ɛ nu̍ kmɔ̌-a dlǔ i̍ chlà-a. Wɛ̀ i̍h-a chɛ̍n-nyɔ̍ nu̍ Nyɔsoa-a ǐnchɔ̀.

Matio 17:5

Ɔ̍ nɛ dǒ wlu la̍ sǔh wɛ̀ nǐgban ji̍ iě ɛ̍ kaɛn dǒ u̍h dlǔwèàì. Dǒ wlu̍ sɔ-ɛ dě ɛ̍ di̍i̍, ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍. Mɔ̀ tù ɔ̍ wlu̍ dounᵻ.”

Matio 21:38

Jɛ klè i̍ gbɛ̍n nyɔ̍ jě-a jǔ laa̍-ɛ, iě u̍h la̍a̍, ‘Ɔ̍ tèwlìɛ̍ bo ɔ̀ ji̍-a dě de̍à. Mɔ̀ ji̍ à iě ɔ̍ dbǎ, nɛ̀ kɔn-dɛ̍ᵻ la i̍h-a mu̍ à i̍ wɛ̀ɛ̀.’

Matio 26:63

Jɛ Jusu se̍ fuɛn nu̍. Wɛ̀ slaǎ sà nyɔ̍-a dlǔtu la̍a̍ dě ɔ̍ we̍, “Ji̍ ìè kmɔ̌ nɛ Nyɔsoa slɛ̀ɛ̀n pò ìn tù Chèɛ̀ Tba̍ju ɔ̀ nu̍-a Nyɔsoa-a Jǔ-ɛ, ìè à wlùh sèàɛ̍.”

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Matio 3:17

Dǒ wlu̍ sɔ-ɛ dě ja̍i̍wlɔ̀. Ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍.”

Pɔ̀n Chɛ̀ Maɛ To-a La 1:1

Ɛ̀ la bo ɛ̀ nu̍ pɔ̀n chɛ̀-a gbɔ̀ tè la̍ dǒ Nyɔsoa-a Jǔ Jusu Klai we̍.

Pɔ̀n Chɛ̀ Maɛ To-a La 12:6

Jɛ nɛ̀ nyɔ̍ due sie-o ke̍ ɔ̍ iě dbo̍. Ɔ̍ chɛ̀-a tìh kma jǔ bo ɔ̍ bɔ̌ɛ dbo̍-ɛ. Ɔ̍ la̍a̍, ‘Ǎn jǔ nɔ̀ɔ̍, u̍h-a mu̍ ɔ̍ dɛ̍ɛ̍ jě.’

Pɔ̀n Chɛ̀ Maɛ To-a La 12:7

Jɛ klè i̍ gbɛ̍n nyɔ̍ jě-a jǔ laa̍-ɛ iě u̍h la̍a̍, ‘Ɔ̍ tèwlìɛ̍ bo ɔ̀ ji̍-a dě de̍à, mɔ̀ ji̍ à iě ɔ̍ dbǎ, nɛ̀ kɔn-dɛ̍ᵻ la i̍h-a mu̍ à i̍ wɛ̀ɛ̀.’

Chɔɔn 1:10

Ɔ̀ kɔn nynɛ̌ nu̍-a Wlu̍-ɛ, ɔ̍ nɛ nɔ̌ kmɔ̌, iě kmɔ̌ nui-ɛ dě ɔ̍ ja̍a̍. Jɛ kmɔ̌-a nyɔ̍ se̍ ɔ̍ juo.

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 1:3

Dě ɔ̍ ja̍a̍ bo Nyɔsoa nui dɛ̍ᵻ kli̍hgbɛ̍. Dɛ̍ ɛ̀ se̍-a nui-ɛ dě ɔ̍ ja̍a̍-ɛ, nɛ̀ ɛ̍ se̍ nɛ.

Chɔɔn 13:3

Jusu juo i̍h ka Baa po̍-a dɛ̍ᵻ kli̍hgbɛ̍ dě ɔ̍ kwa̍a̍, iě ɔ̍ sɔ-a dě Nyɔsoa we̍ wɛ̀ ɔ̍ mu̍-a la̍ dě de̍ Nyɔsoa we̍-ɛ.

Chɔɔn 13:32

Nɛ̀ pò ɔ̍ bɛ̌-ɛ Nyɔsoa-a nynɛ̌ i̍ wɛ̀-ɛ, nɛ̀ Nyɔsoa-a chɛ̀-a mu̍ ɔ̍ nynɛ̌ i̍ bɛ̌-ɛ ke. Nyɔsoa-a mu̍ ɛ̍ nu̍ suei̍.

Chɔɔn 15:15

Nɛ̌ dǎɛ mɔ̀ pòi̍nynuu̍ dɛ, dɛ̍nu̍ɛ, pòi̍ju-u wɔ̌n ɔ̍ dlǔtu-a di̍i̍ wlu̍. Ɛ̍ kɔn ǎn dǎɛ la̍ mɔ̀ jbɛɛ nyɔ̍, dɛ̍nu̍ɛ, dɛ̍ᵻ kli̍hgbɛ̍ ǐn wɔ̌n-a dě ǐn Baa wɔ̍ɔ̍n-ɛ, ǐn sèàɛ̍ i̍h mɔ̀ wlùh wɛ̀.

Chɔɔn 16:15

Dɛ̍ᵻ kli̍hgbɛ̍ ǐn Baa blě-aɛ, mɔ̍ kɔn i̍h. Ɛ̍ kɔn na̍ Sùù-a mu̍ dɛ̍ ǐn blě-a iě-a sà-ɛ dǔ, wɛ̀ ɛ̍ iě ɛ̍ mɔ̀ wlùh sèàɛ̍.

Chɔɔn 17:2

Dɛ̍nu̍ɛ, ìn nyǐ ɔ̍ gbǐh ɔ̍ iě nyɔ̍ kli̍hgbɛ̍ wlu̍ i̍ kɔn, ɔ̍ iě nyɔ̍ kli̍hgbɛ̍ ìn nyǐ-a ɔ̍-ɛ kmɔ̌ sie feɛ nyǐ.

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 3:25

Wɛ̀ wɔ̍ɔ̍n i̍ sà-a wlǔh ja̍i̍ dǒ Chɔɔn-a kòà duuh ke Juu jǔ due nynɛ̌ dǒ dle i̍ ìè dě Nyɔsoa jlǐh i̍ nmɔ dɛ we̍.

Chɔɔn 5:26

Ka Baa Nyɔsoa-a chɛ̀ nu̍-a nyɔ̍ feɛ nyǐ gbǐh blě-ɛɛ, kǎ ɔ̍ nu̍ ɔ̍ Jǔ wɛ̀ ke.

Chɔɔn 5:27

Wɛ̀ ɔ̍ tù Jǔ-a chɛ̀ tùn kwa̍a̍ ɔ̍ iě taɔ pa̍, dɛ̍nu̍ɛ, ɔ̍-ɔ bo ɔ̀ nu̍ Nyi̍ɔ̍-a Jǔ.

Chɔɔn 9:29

À juo ɛ̍-ɛ, Nyɔsoa wlu dě Mose we̍, jɛ jǔ jɔ la tà ɔ̍ sɔ-aɛ, à se̍-o juo.”

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Nu̍-dɛ̍ᵻ 2:17

‘Nyɔsoa la̍a̍, Ɛ̀ la bo ǎn mu̍ nu̍ dǒ bɔ̌ɛ-o wǐh di̍i̍. Ǎn mu̍ ǎn Sùù dǒ nyɔ̍ kli̍hgbɛ̍ kɛ̍n po̍. Wɛ̀ mɔ̀-a jɔ̍gbauᵻ ke nynɔ̌gbaɔᵻ nynuu̍ iě ǎn gbànwli po̍. Mɔ̀-a nynuu̍gbèè-a mu̍ Nyɔsoa kwlǎ jěe. Nɛ̀ mɔ̀-a nyɔ̍ klaaᵻá mu̍ Nyɔsoa ja̍ᵻ ja.

Wloma 1:4

Ti̍ Klai mɛ̌-aɛ, Nyɔsoa-a Sùù flɔn-ɛ ɛ̍ we̍i̍ ka ɔ̍ wlǔh-ae wɛ̀ ɔ̍ nu̍-a Nyɔsoa-a Jǔ ɔ̍ blě-a gbǐh-ɛ.

Wloma 8:17

Ka à nu̍-a Nyɔsoa-a nynuu̍-ɛ, nɛ̀ à nu̍ dǒ Nyɔsoa-a gbaa kɛ̍n sie nynuu̍. À ke Klai nu̍ gbaa kɛ̍n sie nynuu̍ pò à sàɛ̀ jua̍i̍ ka ɔ̍ nu̍-a jua̍i̍ sàɛ̀-ɛ, wɛ̀ à nynɛ̌ iě i̍ bɛ̌ ka ɔ̍ nynɛ̌ nu̍-a i̍ bɛ̌-ɛ.

1 Kɔwlɛntiɔn 2:7

Nyɔsoa-a flɔ̍nwlùh ɛ̀ sìle-a kmɔ̌ nyɔ̍ se̍-a juo-ɛ, ɛ̍-ɛ bo à nyǐ-a ka nyɔ̍. Flɔ̍nwlùh laa̍ bo Nyɔsoa tba̍ chèɛ̀ se̍e̍ ɛ̍ iě ɛ̍ nu̍ à iě ɔ̍ tìh-a i̍ bɛ̌-ɛa fɔ̌ kɔn, wɛ̀ kmɔ̌ la ɛ̍ dǔ nui-ɛ.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

Kelesea 4:4

Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,

Ɛfɛsɔ 1:10

Di̍i̍chì Nyɔsoa chɛ̍n-aɛ, ɛ̍ nu̍ pò ti̍ blaɛ i̍-ɛ, nɛ̀ dɛ̍ᵻ nɛ-a dě ja̍i̍-ɛ ke jih nɛ-a nɔ̌ bloɔ̍-ɛ, nɛ̀ ɔ̍ mu̍ i̍h kli̍hgbɛ̍ tàdùè po̍, wɛ̀ Klai iě i̍h-a wlu̍ kwa̍ blě.

Ɛfɛsɔ 3:9

Wɛ̀ iě dɛ̍ ɛ̀ Nyɔsoa ɔ̀ nu̍-a dɛ̍ᵻ kli̍hgbɛ̍-ɛ ɔ̍ sìle-a de tɛin-ɛ, ɛ̍ tìh we̍i̍ flɔn-ɛ ke dě nyɔ̍ kli̍hgbɛ̍ we̍.

Iblu 1:5

Dɛ̍nu̍ɛ, Nyɔsoa-a se̍a ka dǎ dě ɔ̍ ǐnchɔ̀-a nyɔ̍ we̍, “Mɔ̀ ǎn Jǔ, sɔ da̍a sèàn blǐ mɔ̍ ìn Baa wɛ̀.” Iě ɔ̍-ɔ se̍a ka nu̍ jɔ la, “Ǎn mu̍ ɔ̍ Baa nu̍, wɛ̀ ɔ̍ iě ǎn Jǔ nu̍.”

Iblu 1:8

Jɛ dǒ ɔ̍ Jǔ we̍ nɔ̀ɔ̍, ɔ̍ la̍a̍, “Nyɔsoa, nàɛ̀ nynɛ̌ gbalǎ-a mu̍ nɛ nɔ̌ kmɔ̌-a kmɔ̌. I̍ slɛ̌-ɛ bo àn kɔn-ɛ àn kmɔ̌ wlu̍ i̍.

Iblu 11:3

À wlùh gbaɛ blě-ɛ bo ɛ̀ nu̍ ɛ̍ iě à juo ɛ̍ ka Nyɔsoa-a wɔ̍i̍n wlu̍ bo ɛ̀ nu̍-a kmɔ̌ la-ɛ. Sɔ jɛ ɛ̀ nyɔ̍-a jě-aɛ, ɛ̍-ɛ bo ɛ̀ nui-ɛ dě jɛ nyɔ̍-ɔ jě-aɛ ja̍a̍.

Iblu 2:3

Nɛ̀ɛ̍, Nyɔsoa-a nyɔ̍ pǔh-iɛ ɛ̀ ku̍-a wɔ̍n-ɛ, pò à sà ɛ̍ dounᵻɛ́, nɛ̀ ka à mu̍-o tàn-a nu̍ ɛ? Joi-a chɛ̀ bo ɔ̀ nu̍ sàǐtòò nyɔ̍ ɔ̀ po̍ pǔh-ɛa tu̍owli la. Wɛ̀ nyɔ̍ ùh wɔ̌n-a ɔ̍ wlu̍-ɛ, iě u̍h to ɛ̍ àɔ̀ i̍ ka ɛ̍ nu̍-a gblangbai̍-ɛ.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Iblu 4:14

Wlùh gbaɛ blě tìh à sà-aɛ, mɔ̀ à gbɛ̍n ɛ̍ i̍ klìmàtàìn, dɛ̍nu̍ɛ, à blě Slaǎ Sà Nyɔ̍-a Dlǔtu ɔ̀ ku̍-a wɔ̍n-ɛ. Nyɔsoa-a Jǔ Jusu ɔ̀ mu̍-a dě ja̍i̍wlɔ̀ wɛ̀-ɛ bo.

Iblu 5:8

Nyɔsoa-a Jǔ bo nɔ̀ɔ̍ gbɛɛ, jɛ dě jua̍i̍ sàɛ̀ di̍i̍ bo ɔ̍ cheǎn-ɛ Nyɔsoa-a wlu̍ nu̍-ɛ.

Iblu 7:28

Telě-a tba̍ wlɔ̀ nyɔ̍ ùh kɔn gbǐh-a nu̍-a sɔɔn-ɛ chèɛ̀ u̍h iě slaǎ sà nyɔ̍-a dlǔtuᵻ nu̍. Jɛ Nyɔsoa-a slɛ̀ɛ̀n wlu̍ ji̍-a telě kɛ̍n i̍-ɛ, ɛ̍ tba̍ Jǔ ɔ̀ bɛ̌ɛ-a Nyɔsoa-a wlùh nu̍-ɛ nɔ̌ kmɔ̌-a kmɔ̌-ɛ chèɛ̀, ɔ̍ iě Slaǎ Sà Nyɔ̍-a Dlǔtu nu̍.

Iblu 7:3

Nyɔ̍ se̍ ɔ̍ de̍ ke ɔ̍ baa ke ɔ̍ wloa̍ nyɔ̍ kli̍hgbɛ̍-a dɛ̍ i̍ juo. Nyɔ̍ wɔ̍ se̍ ɔ̍ wlǔh weɛ̍ ke ɔ̍ mɛ̌ɛ weɛ̍ juo ke. Ɔ̍ wɔ̀ Nyɔsoa-a Jǔ, ɔ̍ nu̍ slaǎ sà nyɔ̍ nɔ̌ kmɔ̌-a kmɔ̌.

Iblu 9:26

Pò ɛ̍ nɛ laan de-ɛ, nɛ̀ sɔ dǒ ti̍ kmɔ̌ iě-a nui-ɛ we̍ bo ɔ̍ kɔn ɔ̍ iě jua̍i̍ sàɛ̀-ɛ kɛ̍n i̍ gba̍-a sà de. Jɛ ɔ̍ ji̍ wɛ̀ kleǐnklein dǒ ti̍ la ɛ̍ dlǔ i̍ chlà la̍. Wɛ̀ ɔ̍ sà-ɛ ɔ̍ chɛ̀ slaǎ-a ɛ̍ iě gblɛ̍n sɔ̀ɛ̀n dǒ wìè-i sà.

1 Pitɛ 1:20

Nyɔsoa tba̍ ɔ̍ chèɛ̀ sasǎ iě ɔ̍ dǔ kmɔ̌ la nu̍-ɛ, iě Klai tù mɔ̀-a tìh iě ɔ̍ ji̍ dǒ bɔ̌ɛ-o wǐh la di̍i̍.

2 Pitɛ 3:3

Sàǐtòò dɛ ǎn pɔ̀n-a mɔ̀ iě-a juo-ɛ, dǒ bɔ̌ɛ-o wǐh di̍i̍-ɛ, jlii̍h nu̍ nyɔ̍-a mu̍ mɔ̀ kɛ̍n wlǔh-i. U̍h-a chɛ̀-a dɛ̍ᵻ sɔ̀nᵻá mu̍ u̍h wlu̍ i̍ kɔn wɛ̀ u̍h iě mɔ̀ jlii̍h kɛ̍n i̍ nui.

Judi 1:18

Dɛ̍ u̍h sèàɛ̍-a mɔ̀ wlùh-ɛ, u̍h la̍a̍, “Dǒ bɔ̌ɛ-o wǐh di̍i̍-ɛ, jlii̍h nu̍ nyɔ̍ ùh se̍-a Nyɔsoa dɛ-ɛ nɛ, ùh-a nu̍-a u̍h-a chɛ̀-a wlùh-ɛ, u̍h-a mu̍ mɔ̀ kɛ̍n wlǔh-i.”