Iblu 1:1 - Ku̍o̍ Delee 1999

¹ Nyɔsoa jii dě ɔ̍ tu̍owli po̍ nyɔ̍ dɔu ja̍a̍ tɛin iě ɔ̍ wlu dě à baaᵻ we̍ dǒ ti̍ dɔu di̍i̍.

Iblu 1:1 Iomraidhean Croise

Pɔ̀n Chɛ̀ Luu To-a La 1:55

Eblaɛɛn ke ɔ̍ tloemlai wɔɛ jě tìh se̍ dǒ ɔ̍ wlì i̍ wɛ̀ nɔ̌ kmɔ̌-a kmɔ̌.”

Pɔ̀n Chɛ̀ Luu To-a La 1:72

Ɔ̍ chɛ̀-a ku̍o̍ bo ɔ̍ nu̍ wlùh we̍, wɛ̀ ɔ̍ jě à baaᵻ wɔɛ.

Pɔ̀n Chɛ̀ Luu To-a La 24:27

Wɛ̀ ìh tba̍-a dǒ ɔ̍ chɛ̀ pùn i̍ dě Nyɔsoa-a wlu̍ kli̍hgbɛ̍ di̍i̍, sɔ dě Mose we̍ wɛ̀ ɛ̍ iě-a Nyɔsoa-a tu̍owli po̍ nyɔ̍ kli̍hgbɛ̍ jɛɛ-ɛ, iě ɔ̍ sèàɛ̍ i̍h we̍ i̍.

Pɔ̀n Chɛ̀ Luu To-a La 24:44

Wɛ̀ ɔ̍ la̍a̍ dě u̍h we̍, “Ti̍ mɔ̀ ke ǐn ke à na-aɛ, ìh kɔn taǐn ǐn bla̍-a dě mɔ̀ we̍-ɛ, i̍h bo ìh-a nɛ-a. Na̍ dɛ̍ᵻ kli̍hgbɛ̍ ìh chlǐh-a dě Mose-a telě chlǐh-dɛ̍ᵻ ke, Nyɔsoa-a tu̍owli po̍ nyɔ̍ naɛ ke Duǐh Chlǐh-dɛ̍ di̍i̍-ɛ, i̍h kɔn i̍h iě chɛ̀-ɛ gbǎ.”

Chɔɔn 16:13

Jɛ ti̍ Sùù ɛ̀ sèàɛ̍-a nyɔ̍ Nyɔsoa-a tìh-a taǐn wlùh-ɛ ɛ̍ mu̍-a ji̍-ɛ, nɛ̀ ɛ̍ mu̍ ɛ̍ nu̍ mɔ̀ iě tìh-a taǐn kli̍hgbɛ̍ juo. Ɛ̍ se̍ dǒ ɛ̍ chɛ̀-ɛ sɔ̍n kɛ̍n wlu-i mu̍. Jɛ dɛ̍ ɛ̍ wɔ̌n-aɛ bo ɛ̍ mu̍ wlu, wɛ̀ ɛ̍ iě mɔ̀ dɛ̍ᵻ ìh-a mu̍-a nɛ dě nya̍-ɛ wlùh sèàɛ̍.

Chɔɔn 7:22

Mose nyǐ mɔ̀ telě mɔ̀ iě mɔ̀-a jɔ̍gbauᵻ nynuu̍ plɔ̀n po̍. Ɛ̍ se̍ Mose ɔ̀ se̍ ɛ̍ wlɔ̀ ja, mɔ̀ baaᵻá baaᵻ bo, iě mɔ̀-a po̍ jɔ̍gbauᵻ plɔ̀n dǒ wlè-weɛ̍ di̍i̍.

Chɔɔn 9:29

À juo ɛ̍-ɛ, Nyɔsoa wlu dě Mose we̍, jɛ jǔ jɔ la tà ɔ̍ sɔ-aɛ, à se̍-o juo.”

Nu̍-dɛ̍ᵻ 13:32

Pɔ̀n chɛ̀ à sèàɛ̍-a ka mɔ̀ wlùh-ɛ, dě à baaᵻ we̍ bo Nyɔsoa poe ɛ̍ wlu̍ tɔ̀ma̍a̍.

Nu̍-dɛ̍ᵻ 2:30

Jɛ ɔ̍ nu̍ Nyɔsoa-a tu̍owli po̍ nyɔ̍, sɔ ɔ̍ juo Nyɔsoa-a tɔ̀ma̍a̍ wlu̍. Ɔ̍ po̍ wlu̍ tɔ̀ma̍a̍ ka ɔ̍ mu̍-a Depe-a tloemlai-a due blǔh baa we̍i̍ nu̍ dǒ Depe wɔ̀ɔ̀-ɛ.

Nu̍-dɛ̍ᵻ 28:23

Wɛ̀ u̍h po̍ wǐh ja̍i̍ u̍h ke Pɔɔ iě gbèɛ̀ɛn. Iě nyɔ̍ tlùgbei̍ wɛ̀ de̍ dǒ tà Pɔɔ tè-a i̍-ɛ dǒ weɛ̍ laa̍ di̍i̍. Wɛ̀ ɔ̍ sà dɛ̍ we̍ i̍ sèàɛ̍-ɛ dě klàɛ̍we̍ blǐ iě ɛ̍ jɛɛ flìwe̍. Ɔ̍ bla̍ Nyɔsoa-a kmɔ̌ wlu̍ i̍ kɔn tìh dě u̍h we̍. Nɛ̀ ɔ̍ fɔ̀n dɛ̍ we̍ ɔ̍ iě u̍h-a dlǔ jli̍-i Jusu-a tìh dǒ Mose-a telě ke wlu̍ Nyɔsoa-a tu̍owli po̍ nyɔ̍ bla̍-aɛ we̍.

Nu̍-dɛ̍ᵻ 3:21

Jɛ ɔ̍ mu̍ dě ja̍i̍wlɔ̀ nɛ ke̍ te̍e̍ wɛ̀ dɛ̍ᵻ kli̍hgbɛ̍-a delee i̍ gbǎ ti̍ iě-o nyni̍. Ɛ̍ kɔn dela̍ bo Nyɔsoa po̍ tɛin se̍e̍ dě ɔ̍ tu̍owli po̍ nyɔ̍ ja̍a̍.

Iblu 11:2

Wlùh gbaɛ blě-ɛ bo ɛ̀ nɛ kmɔ̌ wɛ̀ Nyɔsoa wɔ̌ɛn tɛin nyɔ̍-a tìh i̍.

Iblu 12:25

Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?

Iblu 2:2

Tu̍owli ɛ̀ Nyɔsoa-a ǐnchɔ̀ ja-a tɛin-ɛ, ɛ̍ nu̍ gblangbai̍. Nɛ̀ nyɔ̍-o-nyɔ̍ ɔ̀ nu̍-a gblɛ̍n sɔ̀ɛ̀n, àe̍e̍ ɔ̀ se̍-a telě dɛɛ jě-ɛ, ɔ̍ gbɛ̍n-ɛ kàn.

Iblu 2:3

Nɛ̀ɛ̍, Nyɔsoa-a nyɔ̍ pǔh-iɛ ɛ̀ ku̍-a wɔ̍n-ɛ, pò à sà ɛ̍ dounᵻɛ́, nɛ̀ ka à mu̍-o tàn-a nu̍ ɛ? Joi-a chɛ̀ bo ɔ̀ nu̍ sàǐtòò nyɔ̍ ɔ̀ po̍ pǔh-ɛa tu̍owli la. Wɛ̀ nyɔ̍ ùh wɔ̌n-a ɔ̍ wlu̍-ɛ, iě u̍h to ɛ̍ àɔ̀ i̍ ka ɛ̍ nu̍-a gblangbai̍-ɛ.

Iblu 3:5

Mose bo ɔ̀ nu̍ wlì tè nyɔ̍ dě ɔ̍ pòi̍ju nu̍-ɛ di̍i̍ dě Nyɔsoa nyɔ̍ kli̍hgbɛ̍ nynɛ̌. Wɛ̀ dɛ̍ᵻ ìh Nyɔsoa-a mu̍-a bla̍ dě nya̍-ɛ, wɛ̀ Mose iě i̍h-i sà.

Iblu 4:8

Dě fɔla laa̍, pò ɛ̍ tù-e mɔ Jasua iě nyɔ̍ laa̍ gba̍ de-ɛ, nɛ̀ Nyɔsoa se̍ ti̍ dɛɛ-a tìh i̍ sà mu̍ dɛ de.

Iblu 5:5

Kǎ ɛ̍ nu̍ nɛ-ɛ ke dǒ Klai we̍. Ɔ̍ se̍ ɔ̍ chɛ̀ ja̍i̍ dǔ ɔ̍ iě slaǎ sà nyɔ̍-a dlǔtu nu̍. Jɛ Nyɔsoa bo ɔ̀ la̍a̍ dě ɔ̍ we̍, “Mɔ̀ ǎn Jǔ, sɔ da̍a sèàn blǐ mɔ̍ ìn Baa wɛ̀.”

Iblu 9:19

Ti̍ Mose wɔ̀-a telě kli̍hgbɛ̍-a tìh we̍i̍ bla̍-a dě Eslɔɛ nyɔ̍ kli̍hgbɛ̍ we̍-ɛ, iě ɔ̍ dǔ bliᵻ plɔ̀ᵻ ke gbàdɔ̍ᵻá nymɔ̍-ɔ, iě ɔ̍ sìàɛ̍n i̍h ke nǐ-i. Nɛ̀ tu̍ juwɛ u̍h-a dǎɛ-a esa-ɛ, ɔ̍ sa̍n-ɛ blawɛ̌ sàɛ̀n-a mǐ ɛ̍ wlì. Ɛ̍ bo ɔ̍ nu̍ iě ɔ̍ fùn i̍ nymɔ̍ telě chlǐh-dɛ̍-a chɛ̀ ke nyɔ̍ kli̍hgbɛ̍ laa̍ ja̍i̍.