Felepai 4:9 - Ku̍o̍ Delee 1999

⁹ Dɛ̍ᵻ mɔ̀ wɔ̌n-a iě mɔ̀ jě-a ǐn kwa̍a̍, wɛ̀ mɔ̀ cheǎn-ɛa ǐn we̍-ɛ, i̍h bo mɔ̀ iě nu̍, nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ mu̍ mɔ̀ we̍ nɛ.

Felepai 4:9 Iomraidhean Croise

Matio 1:23

Ɔ̍ la̍a̍, “Mɔ̀ tù ɛ̍ jlǐhɛ̍, jǔ nynɔ̌nyaa ɔ̀ se̍-a dɛ̍ i̍ juo-ɛ, ɔ̍ mu̍ sùù kɛ̍n nɛ wɛ̀ ɔ̍ iě jɔ̍gbau jǔ wlǔh-i, nɛ̀ ɔ̍ nynɛ̌-a mu̍ Imajɔɛ nu̍.” Ɛ̍ gbɔ̀ nu̍ Nyɔsoa nɛ à we̍.

Matio 28:20

Nɛ̀ mɔ̀ po̍ u̍h nǎ wɛ̀ u̍h iě dɛ̍ᵻ kli̍hgbɛ̍ ǐn sèàɛ̍-a mɔ̀ wlùh-ɛ nu̍. Nɛ̀ ǎn mu̍ mɔ̀ sɔ̍nᵻ we̍ i̍ naɛ ti̍ kli̍hgbɛ̍ we̍, sɔ da̍a ìè dě ti̍-a dlǔ i̍ chlà la̍ mu̍.”

Matio 7:21

Jusu la̍a̍, “Ɛ̍ se̍ nyɔ̍ kli̍hgbɛ̍ ùh-a nu̍-a, ‘Joi, Joi-ɛ,’ ùh se̍ dě Nyɔsoa-a kmɔ̌ wlu̍ i̍ kɔn la nyni̍ mu̍. Jɛ nyɔ̍ ɔ̀ mu̍-a ǐn Baa nɛ-a dě ja̍i̍wlɔ̀-ɛ, ɔ̍ wlùh nu̍-ɛ, ɔ̍ bo ɔ̀ mu̍ deě nyni̍.

Pɔ̀n Chɛ̀ Luu To-a La 6:46

“Dɛ̍nu̍ mɔ̀-a dǎɛ ǐn Joi wɛ̀ mɔ̀-ɔ nu̍ dɛ̍ ǎn sèàɛ̍-a mɔ̀ wlùh ɛ?

Pɔ̀n Chɛ̀ Luu To-a La 8:21

Jɛ Jusu la̍a̍ dě u̍h kli̍hgbɛ̍ we̍, “Nyɔ̍ ùh wɔ̌n-a Nyɔsoa-a wlu̍ wɛ̀ u̍h-a nu̍-a ɛ̍-ɛ, u̍h-u bo ùh nu̍ ǐn de̍ ke ǐn de̍di̍i̍ᵻ.”

Chɔɔn 13:17

Ka mɔ̀ juo-a ìh la-ɛ, pò mɔ̀ ja i̍h nu̍-ɛ, nɛ̀ mɔ̀ nmɔ i̍ wɛ̀.

Chɔɔn 15:14

Dɛ̍ ǐn poe-a mɔ̀ slǔh-ɛ, pò mɔ̀ ja ɛ̍ nu̍-ɛ, nɛ̀ mɔ̀ɔ̍ ǎn jbɛɛ nyɔ̍.

Chɔɔn 2:5

Wɛ̀ Jusu de̍ la̍a̍ dě pòi̍nynuu̍ nɛ-a dǒ-ɛ we̍, “Dɛ̍-o-dɛ̍ ɔ̍ mu̍-a mɔ̀ wlùh sèàɛ̍-ɛ, mɔ̀ nu̍ ɛ̍ o.”

Nu̍-dɛ̍ᵻ 9:6

Jɛ sɔ bloɔ̍ ìè dǒ tùgbàwlɔ̀ di̍i̍ mu̍. Dɛ̍ ìn kɔn ìè-a nu̍-ɛ, dě-e bo nyɔ̍ nɛ ɔ̍ iě ɛ̍ ìn wlùh sèàɛ̍.”

Wloma 15:33

Nyɔsoa ɔ̀ nyǐ-a nyɔ̍ wlùh-a i̍ tè-ɛ, ǎn sà nǐ wɔ̍n ɔ̍ iě dǒ mɔ̀ kli̍hgbɛ̍ we̍ nɛ o. Kǎ ɛ̍-ɛ nɛ.

Wloma 16:20

Nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛɛ, ɔ̍ mu̍ Setɔn keě wlǎ tiɔ tiɔ dě mɔ̀ bu̍h sɔ̀n. Ǎn sà nǐ wɔ̍n à Joi Jusu Klai-a blɛ iě dǒ mɔ̀ we̍ nɛ.

1 Kɔwlɛntiɔn 10:31

Ɛ̍ tìh-ɛ, pò mɔ̀ ja dɛ̍ di̍ o, mɔ̀ ja nǐ nǎ o, dɛ̍-o-dɛ̍ mɔ̀-a mu̍-a nu̍-ɛ, mɔ̀ nu̍ ɛ̍ dǒ Nyɔsoa-a tìh-a i̍ bɛ̌-ɛ we̍.

1 Kɔwlɛntiɔn 14:33

Dɛ̍nu̍ɛ, Nyɔsoa-a pɔ̀n à dɛ̍ᵻ kli̍hgbɛ̍ iě gbain nɛ, à iě dɛ̍ᵻ nu̍ dě wlùh-a i̍ tè-ɛ di̍i̍. Kǎ ɛ̍ nɛ dě Nyɔsoa-a chɔchi̍h nyɔ̍ kli̍hgbɛ̍ nynɛ̌.

1 Kɔwlɛntiɔn 4:16

Ɛ̍ tìh-ɛ, ǐn gbɛ̍n mɔ̀-a bu̍hᵻ i̍, mɔ̀ iě-e ǎn wɔ̀ɔ̀ i̍ sà.

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

Felepai 3:17

Ǐn de̍di̍i̍ᵻ, ǎn wɔ̀ɔ̀ bo mɔ̀ iě-e i̍ sà ma̍u̍. À sà wìè wɛ̀ dǒ mɔ̀ we̍. Nyɔ̍ ùh-a mu̍-a ɛ̍ gba̍-ɛ bo mɔ̀ iě dɛ̍ we̍ cheǎn-ɛ.

Felepai 4:7

Nɛ̀ Nyɔsoa-a wlùh-a i̍ tè-ɛ ɛ̀ sìì-a nyi̍ɔ̍ naɛ flɔ̍nwlùh kli̍hgbɛ̍-ɛ, ɛ̍ mu̍ mɔ̀-a wlùh ke mɔ̀-a pɔluh i̍ pɛ̌n-ɛ dě Jusu Klai ja̍a̍.

1 Tɛsoloniɔn 1:6

Ɛ̍ kɔn mɔ̀-a sà-e à ke Joi-a wɔ̀ɔ̀ i̍. Mɔ̀ sàɛ̀ jua̍i̍ kaa̍ gbɛɛ, jɛ mɔ̀ gbɛ̍n tu̍owli la i̍ dǒ mɔna̍ ɛ̀ Nyɔsoa-a Sùù-a nyǐ-a nyɔ̍-ɛ we̍.

1 Tɛsoloniɔn 2:14

Ǐn de̍di̍i̍ᵻ, Nyɔsoa-a chɔchi̍h nyɔ̍ ùh nɛ-a dě Jusu Klai ja̍a̍ dě Judia fɔɔ-ɛ, mɔ̀-a sà-e u̍h-a wɔ̀ɔ̀ i̍. Ɛ̀ kɔn ba̍ mɔ̀-a chɛ̀-a blǐ nyɔ̍ nu̍-a mɔ̀ jua̍i̍ sàɛ̀-ɛ, ɛ̍ kɔn ba̍ bo u̍h nu̍ jua̍i̍ sàɛ̀ ke dě Juu nyɔ̍ kwa̍a̍.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

2 Tɛsoloniɔn 3:4

À tè Joi wlì dǒ mɔ̀ we̍, ka mɔ̀-a nu̍-a dɛ̍ᵻ à sèàɛ̍-a mɔ̀ wlùh iě mɔ̀-a mu̍-a i̍h dluwe̍ i̍ gba̍-ɛ.

2 Timote 4:22

Joi nɛ ìn we̍ o. Ǎn sà nǐ wɔ̍n Nyɔsoa-a blɛ iě dǒ mɔ̀ we̍ nɛ.

Chiin 1:22

Wlu̍-a chɛ̀ bo mɔ̀ iě nu̍, jɛ mɔ̀ bɔ̌ ɛ̍ dounᵻ we̍ po̍ nyɔ̍ nu̍-ɛ sǔh. Pò mɔ̀ po̍ ɛ̍ dounᵻ we̍ iě mɔ̀ se̍ ɛ̍ nu̍-ɛ, nɛ̀ mɔ̀-a boe mɔ̀-a chɛ̀ i̍.

2 Pitɛ 1:10

Ɛ̍ tìh-ɛ, ǐn de̍di̍i̍ᵻ mɔ̀ fɔ̀n dɛ̍ we̍ wɛ̀ Nyɔsoa-a mɔ̀-a chèɛ̀ tba̍-a ke ɔ̍ mɔ̀-a dǎ-a iě nǐ de̍e̍ i̍ wɛ̀. Pò mɔ̀ nu̍ la̍a̍n-ɛ, nɛ̀ mɔ̀ se̍ gba̍ tàmlain gbǎ-ɛ.

1 Chɔɔn 3:22

À jbǎ-ɛ ɔ̍ dɛ̍ jɛ-ɛ, nɛ̀ à jě ɛ̍-ɛ, dɛ̍nu̍ɛ, à tè-o ɔ̍ telě i̍, iě à nu̍ dɛ̍ ɛ̀ tè-ea ɔ̍ wlùh i̍-ɛ.