Felepai 4:8 - Ku̍o̍ Delee 1999

⁸ Ǐn de̍di̍i̍ᵻ, iě chlà-ɛ, nɛ̀ dɛ̍-o-dɛ̍ ɛ̀ nu̍-a tìh-a taǐn-ɛ ke, ɛ̀ nyɔ̍-a jě-a dɛ̍ɛ̍-ɛ ke, ɛ̀ slɛ̌-a i̍-ɛ ke, ɛ̀ nɛ-a wlaǎwla-a ke, ɛ̀ nyɔ̍ jbɛɛ-a ke, ɛ̀ nyɔ̍-a tè-a ja̍-ɛ ke, ɛ̀ gbǎ-a dɛ̍kɛ̍n-ɛ ke dɛ̍ ɛ̀ nɛ-a tìhwe̍ po̍ ka-ɛ, mɔ̀ blě i̍h kli̍hgbɛ̍-a wlùh.

Felepai 4:8 Iomraidhean Croise

Matio 22:16

Iě u̍h dbo̍ u̍h-a kòà ke nyɔ̍ sɔ-a dě blǔh baa Ɛlo naɛ gbɔ̀ù di̍i̍-ɛ dě Jusu we̍. U̍h la̍a̍, “Dlǔtu, à juo ɛ̍-ɛ mɔ̀ bo ɔ̀ sà tìh-a taǐn, dɛ̍nu̍ɛ, nɛ̀ gbǎ nyɔ̍-a wlu̍ we̍, iě nɛ̀ ple̍ nyɔ̍-a jua̍a̍ jǔ ke. Jɛ tìh-a taǐn bo àn poe nyɔ̍ nǎ dǒ Nyɔsoa dɛ we̍.

Pɔ̀n Chɛ̀ Maɛ To-a La 6:20

dɛ̍nu̍ɛ, Ɛlo-a ple̍ Chɔɔn jǔ. Ɔ̍ juo ɛ̍-ɛ, Chɔɔn se̍ nɛi̍ nɛ, wɛ̀ ɔ̍ slɛ̌ i̍, ɛ̍ kɔn ɔ̍ nu̍ ɔ̍ sɛ̍sɛ̍. Pò ɔ̍ wɔ̌n Chɔɔn-a wlu̍-ɛ, nɛ̀ ɛ̍ nui ɔ̍ sèò, jɛ ɔ̍ wlu̍ bo ɛ̀ po̍ ɔ̍ gbǐh.

Pɔ̀n Chɛ̀ Luu To-a La 16:15

Jɛ Jusu la̍a̍ dě u̍h we̍, “Mɔ̀ɔ̍ bo ùh-a dǎɛ mɔ̀-a chɛ̀ i̍ slɛ̌-nyɔ̍ dǒ nyɔ̍ɔ jlǐhwai. Jɛ Nyɔsoa juo mɔ̀-a wlùh. Dɛ̍nu̍ɛ, dɛ̍ ɛ̀ gbǎ-a dɛ̍kɛ̍n kaa̍ dě nyɔ̍ jlǐh-ɛ, ɛ̍ se̍ dɛ̍wɛ-a chɛ̀ wɔ̀ dě Nyɔsoa nɔ̀ɔ̍ jlǐh.

Pɔ̀n Chɛ̀ Luu To-a La 2:25

Dǒ ti̍ laa̍ di̍i̍-ɛ, nɛ̀ jɔ̍gbau due nɛ dǒ Juluslɛn, ɔ̍ nynɛ̌ nu̍ Simiɔ. Ɔ̍ gblɛ̍n nmɔ jii̍ iě ɔ̍ nu̍ Nyɔsoa nyɔ̍. Iě Nyɔsoa-a Sùù nɛ ɔ̍ we̍. Nɛ̀ ɔ̍ fuo Eslɔɛ nyɔ̍-a pǔh-u ti̍.

Pɔ̀n Chɛ̀ Luu To-a La 23:50

Jɔ̍gbau due bo, ɔ̍ nynɛ̌ nu̍ Josɛ. Ɔ̍ sɔ dǒ Juu-a wlɔ̀ kɔn nynɛ̌ nu̍-a Awlematia-ɛ di̍i̍. Ɔ̍ nu̍ Juu nyɔ̍-a taɔ klaaᵻá due, iě ɔ̍ nu̍ nyɔ̍ chɛ̀, ɔ̍ gblɛ̍n slɛ̌ i̍.

Chɔɔn 7:18

Nyɔ̍ ɔ̀ wlu-ia dǒ ɔ̍ chɛ̀-a sɔ̍n kɛ̍n-ɛ, nɛ̀ ɔ̍ chɛ̀-a ja̍ tè-ɛ bo ɔ̍ pɔ̀n i̍. Jɛ pò ɔ̍ ja ɛ̍ nu̍ wɛ̀ nyɔ̍ɔ iě nyɔ̍ dbo̍-a ɔ̍-ɛ ja̍ tè-ɛ, nɛ̀ tìh-a taǐn nyɔ̍ bo. Nɛ̀ ɔ̍ dɛ se̍ si̍h i̍ nɛ fu̍u̍.

Nu̍-dɛ̍ᵻ 10:22

U̍h la̍a̍, “Chape Kɔleniɔ bo ɔ̀ dbo̍ àɔ̀. Ɔ̍ nmɔ gblɛ̍n-ɛ, iě ɔ̍ ple̍ Nyɔsoa-a faɔn. Ɛ̍ tìh-ɛ, Juu nyɔ̍ kli̍hgbɛ̍-a jě ɔ̍ dɛ̍ɛ̍. Wɛ̀ Nyɔsoa-a ǐnchɔ̀ sèàɛ̍ ɔ̍ wlùh ɔ̍ iě ìn dǎ dě ɔ̍ blǐ gbò, dɛ̍ ìn blě-a ìè-a sà-a, ɔ̍ iě ɛ̍ dounᵻ we̍ po̍.”

Nu̍-dɛ̍ᵻ 22:12

“Nɛ̀ jɔ̍gbau due ɔ̍ nynɛ̌ bo Ɛlenaea, ɔ̍ fòè Nyɔsoa dɛ we̍ iě ɔ̍ tè-o telě kli̍hgbɛ̍ i̍. Juu nyɔ̍ kli̍hgbɛ̍-a jě ɔ̍ dɛ̍ɛ̍ dǒ Damaɛkɔ.

Nu̍-dɛ̍ᵻ 6:3

Ɛ̍ tìh-ɛ, de̍di̍i̍ᵻ, mɔ̀ tba̍ nyɔ̍ chɛ̀ mɛ̀sɔɔ̌n chèɛ̀ dě mɔ̀ nynɛ̌ ùh Nyɔsoa-a Sùù jǐi-a i̍ wɛ̀ u̍h blě-a flɔ̍nwlùh-ɛ. Nɛ̀ dě u̍h kwa̍a̍ bo à mu̍ dɛ̍ gblè dbo̍ la po̍.

Wloma 13:13

Mɔ̀ à po̍ à chɛ̀ wìè-e, ka dě sɔ̀npli di̍i̍ nɛ nyɔ̍-ɛ. Mɔ̀ bɔ̌ sììjii̍ nu̍-ɛ peě kɛ̍n i̍. Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ. Mɔ̀ bɔ̌ gbǎn nu̍-ɛ. Mɔ̀ bɔ̌ se̍i̍kɔɛn nu̍-ɛ, nɛ̀ mɔ̀ bɔ̌ chɛ̀-ɛ, mɔ̀ bɔ̌ wlɛ̀n nu̍-ɛ.

Wloma 13:3

Dɛ̍nu̍ɛ, dɛ̍ chɛ̀ nu̍ nyɔ̍-ɔ ple̍ tùn blě nyɔ̍-a faɔn. Dɛ̍ sɔ̀n nu̍ nyɔ̍ bo ùh-a ple̍ u̍h jǔ. Ìn se̍ pɔ̀n ìè tùn blě nyɔ̍ jǔ ple̍ ae? Nɛ̀ ìn nu̍ dɛ̍ chɛ̀, wɛ̀ ɔ̍ iě ìn tìhwe̍ po̍.

Wloma 14:18

Nɛ̀ɛ̍, nyɔ̍ ɔ̀ nu̍-a ka Klai jǔ dbee sɔɛn-ɛ, nɛ̀ Nyɔsoa wɔ̌ɛn ɔ̍ tìh i̍ iě wlɔ̀ nyɔ̍ po̍ ɔ̍ chèɛ̀ ja̍i̍.

Wloma 2:29

Jɛ nyɔ̍-a Juu jǔ nu̍-ɛ nu̍ dɛ̍ ɛ̀ nyi̍ɔ̍ se̍-a jě-ɛ bɛ̌ɛ. Plɔ̀n gbǎ-a gblangbai̍ naɛ bo Nyɔsoa-a Sùù-a nu̍ dǒ nyɔ̍-a wlùh kɛ̍n. Plɔ̀n gbǎ-a la ɛ̍ se̍ nɛ dǒ telě ɛ̀ chlǐh-iaɛ we̍. Juu jǔ kaɛn laa̍, ɔ̍ tìhwe̍ po̍-ɛa mu̍ dě Nyɔsoa we̍ sɔ, ɛ̍ se̍ dě wlɔ̀ nyi̍ɔ̍ we̍ sɔ mu̍.

1 Kɔwlɛntiɔn 4:5

Ɛ̍ tìh-ɛ, bɔ̌ nyɔ̍ tìh pùn jě-ɛ te̍e̍ wɛ̀ ti̍ iě nyni̍. Chlì Joi-a ji̍-ɛ we̍ i̍. Ɔ̍-ɔ bo ɔ̀ mu̍ dɛ̍ᵻ ìh sìle-a dě kwile-ɛ nɔ̌ sɔ̀npli we̍ ja, wɛ̀ ɔ̍ iě dɛ̍ᵻ nɛ-a dě nyɔ̍ wlùh di̍i̍-ɛ gbɔ̀ i̍ sà. Nɛ̀ ka jɔ-a nu̍-dɛ̍ nɛ-aɛ, kǎ Nyɔsoa-a mu̍ ɔ̍ tìhwe̍ po̍-ɛ nu̍.

2 Kɔwlɛntiɔn 13:7

À ba̍le Nyɔsoa mɔ̀ɔ̍ je̍e dɛ̍ sɔ̀n nu̍. Ɛ̍ se̍ nɛ̀ à iě dě nyɔ̍ jlǐh i̍ nmɔ kai, jɛ wɛ̀ mɔ̀ iě dɛ̍ ɛ̀ slɛ̌-a i̍-ɛ nu̍ dɛbo, pò nyɔ̍ ja à pɔ̀-ɔ nyɔ̍ dǎɛ.

2 Kɔwlɛntiɔn 6:8

Nyɔ̍ duuh-a tè à ja̍ wɛ̀ duuh-a sà à kǔkɛ̍n. Duuh-a chlèe àɔ̀, iě duuh-a po̍ à tìhwe̍. Nyɔ̍-a jě àɔ̀ ka si̍h tmɔ̌ nyɔ̍-ɛ, jɛ à sà tìh-a taǐn.

2 Kɔwlɛntiɔn 8:18

À dbo̍ ɔ̍ ke à de̍di̍i̍ ɔ̀ chɔchi̍h nyɔ̍ kli̍hgbɛ̍ juo-a dǒ ɔ̍ pɔ̀n chɛ̀ bla̍-a we̍-ɛ.

2 Kɔwlɛntiɔn 8:21

À wlùh dɛ nu̍ à iě dɛ̍ ɛ̀ slɛ̌-a i̍-ɛ nu̍. Ɛ̍ se̍ ɛ̀ slɛ̌-a i̍ dě Joi jlǐh-ɛ nɛ due, jɛ ɛ̀ slɛ̌-a i̍ ke dě nyɔ̍ jlǐh-ɛ.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Ɛfɛsɔ 4:25

Ɛ̍ tìh-ɛ, mɔ̀ tǎli si̍h tmɔ̌ dɛ̍ i̍. Nyɔ̍ kli̍hgbɛ̍ sà tìh-a taǐn la̍ sǔh dě u̍h pònyɔ̍ we̍. Dɛ̍nu̍ɛ, à kli̍hgbɛ̍ à nɛ due wɛ̀.

Ɛfɛsɔ 5:9

Dɛ̍nu̍ɛ, sɔ̀npli naɛ tlo-buǒᵻ nu̍ dɛ̍ᵻ kli̍hgbɛ̍ ìh nu̍-a dɛ̍ᵻ chɛ̀ ìh slɛ̌-a i̍-ɛ ke ìh nu̍-a tìh-a taǐn-ɛ.

Ɛfɛsɔ 6:14

Ɛ̍ tìh-ɛ, mɔ̀ chlìì kɛ̍n dǒ mɔ̀-a bɛtɛ̍ ɛ̀ nu̍-a tìh-a taǐn ɛ̀ kɔ̍-a dǒ Nyɔsoa pùn i̍-ɛ we̍, wɛ̀ mɔ̀ iě i̍ nyna. Nɛ̀ i̍ slɛ̌-ɛ bo ɛ̀ iě mɔ̀-a nɛ̍ne̍ɛ̍ wola̍ nu̍ mɔ̀ iě-e pa̍.

Felepai 3:1

Ǐn de̍di̍i̍ᵻ, ǎn chlà-a wlu̍ nu̍, mɔ̀ nmɔ, dɛ̍nu̍ɛ, mɔ̀ kɔn dǒ Joi we̍. Dɛ̍ ǐn chlǐh-a sàì-ɛ, ɛ̍ kɛ̍n i̍ gba̍-a se̍ dǒ ǐn wlì feǎn, wɛ̀ ɛ̍ iě mɔ̀ kɛ̍n kaɛn.

Kalase 4:5

Nyɔ̍ ùh se̍-a Nyɔsoa nyɔ̍-ɛ, flɔ̍nwlùh bo mɔ̀ iě u̍h we̍ blě-e. Pò mɔ̀ jě flɔn la̍ mɔ̀ iě tu̍owli po̍ dě u̍h we̍-ɛ, nɛ̀ mɔ̀ nu̍ ɛ̍ sùo̍o̍ chɛ̀ka.

1 Tɛsoloniɔn 4:12

Wɛ̀ mɔ̀ɔ̍ je̍e nyɔ̍-o-nyɔ̍ wlì tè, nɛ̀ nyɔ̍ ùh se̍-a Nyɔsoa nyɔ̍-ɛ u̍h-a mu̍ mɔ̀ dɛ̍ɛ̍ jě ke.

1 Timote 2:2

Mɔ̀ ba̍le dǒ blǔh baaᵻ ke tùn blě nyɔ̍ kli̍hgbɛ̍-a tàà. Wɛ̀ à iě dě wlùh-a i̍ tè-ɛ ɛ̀ jě-ea nyɔ̍ feɛ i̍-ɛ ke, Nyɔsoa dɛ-ɛ nɛ-ɛ ke nyɔ̍ dɛ̍ɛ jě kmɔ̌ di̍i̍ nɛ.

1 Timote 3:11

Ɛ̍ we̍ nynɔ̌gbaɔᵻ kɔn u̍h iě tìh-a i̍ gbɛ̍n nyɔ̍ nu̍ ke. U̍h bɔ̌ nyɔ̍-a wlu̍ wɔ̍i̍n nyni-ɛ, u̍h tù u̍h-a chɛ̀ jlǐhɛ̍, nyɔ̍ iě u̍h wlì tè dǒ dɛ̍ᵻ kli̍hgbɛ̍ we̍.

1 Timote 3:4

Ɔ̍ kɔn ɔ̍ iě dǒ ɔ̍ chɛ̀-a gbò we̍ i̍ gbɛ̀n tlɛnkɛɛ̍n. Nɛ̀ ɔ̍ nu̍ ɛ̍ ɔ̍ nynuu̍ iě dlǔ wlù po̍ dě ɔ̍ dɛ̍ɛ̍ jě-ɛ di̍i̍ dǒ dɛ̍ᵻ kli̍hgbɛ̍ we̍.

1 Timote 4:12

Bɔ̌ wɔ̌n-ɛ nyɔ̍ bɔ̌ àn jǔgbèlà dɛ jlǐhɛ̍ dlǔ bla̍-a. Jɛ àn wlu-ɛ ke, àn na ka̍ ke, àn nyɔ̍-ɔ jbɛɛ-ɛ ke, àn wlùh gbaɛ blě-ɛ ke wlaǎwla nɛ-ɛ bo wlùh gbaɛ blě nyɔ̍ iě dɛ̍ i̍ blaɛ.

1 Timote 5:10

Nɛ̀ ɔ̍ kɔn ɔ̍ iě dɛ̍ᵻ chɛ̀ i̍ nu̍, ɛ̍ bo ɛ̀ nu̍-a nynuu̍ we̍ i̍ gbɛ̀n-ɛ ke dihwi̍h tìh jlǐhɛ̍ tù-ɛ. Ɔ̍ ja ɔ̍ chɛ̀ wlù dǒ Nyɔsoa nyɔ̍ we̍, nɛ̀ nyɔ̍ sè-ɛ, nɛ̀ ɔ̍ sìì ɔ̍. Nɛ̀ dɛ̍ chɛ̀ nu̍-ɛ bo ɔ̍ iě we̍ fòè.

1 Timote 5:2

Kǎ ìè nynɔ̌gbauᵻ nu̍ ke, ka ìn de̍ᵻɛ́. Kǎ ìè wlùh wlǎ blě-ɛ nu̍ ke dǒ nynuu̍nynɔ̌u we̍, ka ìn de̍di̍i̍ᵻ nynɔ̌gbaɔᵻɛ́.

Taitɔ 1:8

Ɔ̍ kɔn ɔ̍ iě nyɔ̍ wlì gbà, ɔ̍ iě dɛ̍ chɛ̀-ɛ jbɛɛ, ɔ̍ iě ɔ̍ chɛ̀ i̍ gbɛ̍n, ɔ̍ iě i̍ slɛ̌, ɔ̍ gblɛ̍n iě gbǎ, ɔ̍ iě dě Nyɔsoa jlǐh i̍ nmɔ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Taitɔ 2:2

Sèàɛ̍ nyɔ̍ klaaᵻ wlùh u̍h iě u̍h-a chɛ̀ i̍ gbɛ̍n, u̍h nu̍ tìh-a i̍ gbɛ̍n nyɔ̍, u̍h iě dlǔ kɔn. U̍h kɔn u̍h iě nyɔ̍ chɛ̀ nu̍ dě u̍h-a wlùh gbaɛ-ɛ ke, jbɛɛ-ɛ ke klì i̍ ku̍-ɛ di̍i̍.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

Iblu 11:2

Wlùh gbaɛ blě-ɛ bo ɛ̀ nɛ kmɔ̌ wɛ̀ Nyɔsoa wɔ̌ɛn tɛin nyɔ̍-a tìh i̍.

Iblu 13:18

Mɔ̀ ba̍le dǒ à tàà. À juo ɛ̍-ɛ gblagblǎ kɛ̍ dɛ̍ se̍ dě à wlùh we̍ nɛ, iě à pɔ̀n dɛ̍-o-dɛ̍ à mu̍-a nu̍-ɛ ɛ̍ iě i̍ slɛ̌.

Chiin 1:27

Dɛ̍ Baa Nyɔsoa-a dǎɛ-a Nyɔsoa dɛ-a gblangbai̍-ɛ, ɛ̍ nu̍ kwie̍nynuu̍ ke tèwànynɔ̌ᵻ ùh-a jě-a tìh-ɛ we̍ i̍ gbɛ̀n-ɛ, ɛ̍ ke nyɔ̍ ɔ̀ sà-a ɔ̍ chɛ̀ dě kmɔ̌-a sììjii̍ di̍i̍-ɛ ke.

Chiin 3:17

Jɛ flɔ̍nwlùh jɛ sɔ-a dě ja̍i̍wlɔ̀-ɛ, ɛ̍ nɔ̀ɔ̍, ɛ̍ nɛ wlaǎwla, iě ɛ̍ gbe̍ɛ̍ɛn kmɔ̌ i̍. Ɛ̍ gbɛ̍n gba̍n, iě ɛ̍ blě jbɛɛ-ɛ. Ɛ̍ jǐ-i wɔɛ i̍, iě ɛ̍ blě nu̍-dɛ̍ᵻ chɛ̀. Ɛ̍-ɛ chlɛ̌-e dɛ̍ɛ̍ i̍, iě ɛ̍ se̍ mɛɔ sɔɔ̌n wɔ̍ɔ̍n nɛ.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.

1 Pitɛ 4:8

Mɔ̀-a we̍ jbɛɛ-ɛ bo ɛ̀ iě i̍ tìè, ɛ̍ iě dɛ̍ᵻ kli̍hgbɛ̍ sìì. Dɛ̍nu̍ɛ, jbɛɛ-ɛ bo ɛ̀ kaɛn gblɛ̍n sɔ̀ɛ̀n dɔu kɛ̍n.

2 Pitɛ 3:1

Ǎn tìh kma nyɔ̍, chlǐh-dɛ̍ᵻá sɔɔ̌n naɛ la ǎn chlǐh-a mɔ̀ we̍. Ǎn sǐi mɔ̀ tìh wlì i̍ dě i̍h nɛ-a sɔɔ̌n-ɛ di̍i̍, wɛ̀ mɔ̀ iě dɛ̍ᵻ chɛ̀ wlùh i̍ naɛ dǒ mɔ̀ wlùh kɛ̍n.

1 Chɔɔn 3:18

Nɛ̀ɛ̍, ǎn nynuu̍, à jbɛɛ-ɛ bɔ̌ dǒ wɔ̍i̍n nɛ-ɛ sǔh. Jɛ mɔ̀ à nu̍ ɛ̍ sɔ̍nᵻ dě tìh-a taǐn di̍i̍.

1 Chɔɔn 3:3

Nyɔ̍ jɔ tè-a Nyɔsoa wlì ɛ̀ la ɛ̍ tìh-ɛ, nɛ̀ ka Klai nu̍-a wlaǎwla nɛ-ɛɛ, kǎ ɔ̍ nu̍ ɔ̍ chɛ̀-a wlaǎwla nu̍-ɛ wɛ̀ ke.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.