Felepai 4:6 - Ku̍o̍ Delee 1999

⁶ Dɛ̍-o-dɛ̍-a sèò bɔ̌ mɔ̀ nu̍-ɛ. Dɛ̍ᵻ kli̍hgbɛ̍ mɔ̀ nɛ-a blě ka̍-ɛ, mɔ̀ tèle Nyɔsoa i̍ i̍h-a tìh mɔ̀ iě i̍h ɔ̍ jbǎ-ɛ dǒ tlɔ̌ po̍ pɔluh we̍.

Felepai 4:6 Iomraidhean Croise

Matio 10:19

Jɛ pò u̍h gbɛ̍n mɔ̀-ɛ, sèò bɔ̌ mɔ̀ nu̍-ɛ dǒ dɛ̍ mɔ̀-a mu̍-a bla̍-a we̍. Ɛ̍ ke ka mɔ̀-a mu̍-a ɛ̍ bla̍-a nu̍-ɛ ke. Dɛ̍ mɔ̀-a mu̍-a bla̍-a, mɔ̀-a mu̍ ɛ̍ juo dǒ ti̍ laa̍ di̍i̍.

Matio 13:22

Jɔ̌ jih gbǎ-a dě klàɛ̀n di̍i̍-ɛ, i̍h bo ìh wɔ̀ nyɔ̍ ùh wɔ̌n-a tu̍owli la wɛ̀ kmɔ̌-a sèò ke ɛ̍ pàn-dɛ̍ᵻ i̍ jbɛɛ-ɛ mɔɛ tu̍owli laa̍ dlǔ i̍. Ɛ̍ kɔn u̍h se̍ tlo.

Matio 6:34

Ɛ̍ tìh-ɛ, klàe̍ weɛ̍-a sèò bɔ̌ mɔ̀ nu̍-ɛ. Dɛ̍nu̍ɛ, klàe̍ weɛ̍-a mu̍ sèò blě dǒ ɛ̍ chɛ̀ we̍. Sɔ nɛ̀ bɔ̌ weɛ̍ jɛ-ɛ, ɛ̍ iě ɛ̍ chɛ̀-a wɔ̍ɔ̍n i̍ bɛ̌ɛ blě.”

Matio 6:8

Jɛ mɔ̀ bɔ̌ u̍h we̍ dɛ nu̍-ɛ, dɛ̍nu̍ɛ, ìè-a ba̍le la̍ mu̍-ɛ, nɛ̀ ìn Baa Nyɔsoa juo dɛ̍ àn pɔ̀n-a wɛ̀ se̍e̍.

Pɔ̀n Chɛ̀ Luu To-a La 10:41

Wɛ̀ Joi sà ɔ̍ wlu̍ pɔ̀n we̍. Ɔ̍ la̍a̍, “Mata, àn ku̍-a tlɛ̍-ɛ, iě sèò-a nu̍ m̀ dǒ dɛ̍ᵻ dɔu we̍.

Pɔ̀n Chɛ̀ Luu To-a La 12:22

Wɛ̀ Jusu la̍a̍ dě ɔ̍ kòà we̍, “Ɛ̍ tìh-ɛ, ǎn sèàɛ̍ mɔ̀ wlùh, sèò bɔ̌ mɔ̀ nu̍-ɛ dǒ mɔ̀-a feɛ-a tìh we̍, ɛ̍ ke dɛ̍ mɔ̀-a mu̍-a di̍-ɛ ke dɛ̍ mɔ̀-a mu̍-a dǒ pùn tù-ɛ we̍.

Pɔ̀n Chɛ̀ Luu To-a La 12:29

“Di̍-dɛ̍ ke nǎ-dɛ̍ i̍ pɔ̀n sèò bɔ̌ mɔ̀ nu̍-ɛ.

Pɔ̀n Chɛ̀ Luu To-a La 18:1

Wɛ̀ Jusu po̍ nɛnǎ dě ɔ̍ kòà we̍ ka u̍h-a gbǐh bɔ̌-a mɛ̌-ɛ, wɛ̀ u̍h kɔn u̍h iě-a ba̍le ti̍ kli̍hgbɛ̍ we̍-ɛ.

Pɔ̀n Chɛ̀ Luu To-a La 18:7

Doǒ bo Nyɔsoa-a nyɔ̍ ùh-a ba̍le-a ɔ̍ wlù ke sɔ̀n-ɛ, ɔ̍ se̍ u̍h kɛ̀n nyǐ-i mu̍ ae? Àe̍e̍ nɛ̀ ɔ̍ mu̍ tlɛ̀n dǒ u̍h sɔ̍n we̍ po̍ la̍-a ae?

1 Kɔwlɛntiɔn 7:21

Nyɔsoa iě-a ìn dǎ-ɛ, nɛ̀ ìn nu̍ kèi̍ ae? Ɛ̍ bɔ̌ ìn sèò nui-ɛ, jɛ pò ìn blě flɔna̍ nɔ̀ɔ̍ ɛ̍ iě ìn kèi̍ dɛ-ɛ sà-ɛ, nɛ̀ ìn nu̍ ɛ̍.

1 Kɔwlɛntiɔn 7:32

Ǐn se̍ pɔ̀n sèò iě mɔ̀ nu̍. Jɔ̍gbau ɔ̀ se̍-a nynɔ̌ blě-ɛ, ɔ̍ wlùh-a nu̍ jàjà dǒ Joi-a dbo̍ we̍. Dɛ̍nu̍ɛ, ɔ̍ fɔ̀n dɛ̍ we̍ ɔ̍ iě dě Joi jlǐh i̍ nmɔ.

2 Kɔwlɛntiɔn 1:11

ka mɔ̀-a gbǎ-a àɔ̀ we̍ dǒ à tàà ba̍le-ɛ we̍-ɛ. Nɛ̀ɛ̍, ba̍le wlu̍ dɔu la dǒ à we̍-ɛ, i̍h-a gba̍-a mu̍ sà-ɛ. Nɛ̀ Nyɔsoa-a mu̍ àɔ̀ pɔ̀ìě nyǐ iě nyɔ̍ dɔu iě ɔ̍ tlɔ̌ po̍ dǒ à tàà.

Ɛfɛsɔ 5:20

Baa Nyɔsoa bo mɔ̀ iě tlɔ̌ po̍ ma̍u̍ dǒ dɛ̍ᵻ kli̍hgbɛ̍ we̍ dǒ à Joi Jusu Klai-a nynɛ̌ kɛ̍n.

Ɛfɛsɔ 6:18

Mɔ̀-a ba̍le-ɛ kli̍hgbɛ̍ ke, dɛ̍ jbǎ-a ke̍, dě Nyɔsoa-a Sùù ja̍a̍ bo i̍h iě jii. Mɔ̀ bɔ̌ se̍a̍-a, mɔ̀ ba̍le dǒ Nyɔsoa nyɔ̍ kli̍hgbɛ̍-a tàà te̍e̍ kleǐn.

Kalase 3:15

Nɛ̀ wlùh-a i̍ tè-ɛ ɛ̀ sɔ-a dě Klai we̍-ɛ bo ɛ̀ iě mɔ̀-a pɔluh wlu̍ i̍ kɔn. Ɛ̍ kɔn Nyɔsoa dǎ mɔ̀ iě mɔ̀ nu̍ ku̍ due-a nyɔ̍. Mɔ̀ po̍ Nyɔsoa tlɔ̌.

Kalase 3:17

Dǒ wlu-ɛ ke nu̍-dɛ̍ᵻ we̍ o, dɛ̍-o-dɛ̍ mɔ̀-a mu̍-a nu̍-ɛ, mɔ̀ nu̍ ɛ̍ dǒ Joi Jusu-a nynɛ̌ kɛ̍n. Nɛ̀ mɔ̀ jii ɔ̍-ɔ mɔ̀ iě Baa Nyɔsoa tlɔ̌ po̍.

Kalase 4:2

Mɔ̀ bɔ̌ ba̍le-ɛa plǔh nu̍-ɛ, nɛ̀ mɔ̀ sà nyinɔ̍ jlǐh mɔ̀ iě Nyɔsoa tlɔ̌ po̍ dǒ ba̍le la̍.

1 Timote 2:1

Sàǐtòò dɛ̍-ɛ, ǐn gbɛ̍n àn bu̍h i̍, ìè Nyɔsoa ba̍le. Jbǎ-ɛ ɔ̍ dɛ̍, po̍ nyɔ̍ duuh-a wlu̍ chɛ̀, ìè ɔ̍ tlɔ̌ po̍ dǒ nyɔ̍ kli̍hgbɛ̍ we̍.

1 Timote 5:5

Nynɔ̌ ɔ̀ nu̍-a tèwànynɔ̌ teěte ɔ̀ se̍-a dǒ we̍ i̍ gbɛ̀n nyɔ̍ kɔn-ɛ, nɛ̀ Nyɔsoa bo ɔ̍ kɔ̍ wlùh i̍. Wɛ̀ ɔ̍ gba̍ ba̍le-ɛ dluwe̍ wlù ke sɔ̀n, Nyɔsoa iě ɔ̍ we̍ gbǎ.

1 Pitɛ 4:7

Dɛ̍ᵻ kli̍hgbɛ̍ i̍h-a dlǔ i̍ chlà-a kɔǎn we̍ wɛ̀. Ɛ̍ tìh-ɛ, mɔ̀ po̍ mɔ̀-a chɛ̀ gba̍a̍, mɔ̀ iě mɔ̀-a chɛ̀ jlǐhɛ̍ tù, wɛ̀ mɔ̀ iě ba̍le-ɛ bɛ̌ɛ.

1 Pitɛ 5:7

Mɔ̀ po̍ mɔ̀-a sèò kli̍hgbɛ̍ dǒ Nyɔsoa jǔ i̍. Dɛ̍nu̍ɛ, ɔ̍ kɔn dǒ mɔ̀-a dɛ we̍.