Felepai 4:5 - Ku̍o̍ Delee 1999

⁵ Mɔ̀-a gba̍n gbɛ̍n-ɛ bo ɛ̀ iě mɔ̀-a sàànsi̍i̍h nu̍ dǒ nyɔ̍ kli̍hgbɛ̍ we̍. Joi nɛ à i̍ wɛ̀.

Felepai 4:5 Iomraidhean Croise

Matio 6:25

“Ɛ̍ tìh-ɛ, ǎn sèàɛ̍ mɔ̀ wlùh, sèò bɔ̌ mɔ̀ nu̍-ɛ dǒ mɔ̀-a feɛ-a tìh we̍, ɛ̍ ke dɛ̍ mɔ̀-a mu̍-a di̍-ɛ ke, dɛ̍ mɔ̀-a mu̍-a nǎ-ɛ ke dɛ̍ mɔ̀-a mu̍-a dǒ pùn tù-ɛ we̍. Mɔ̀-a feɛ-a chɛ̀ la ɛ̍ se̍ dɛ̍kɛ̍n gbǎ ɛ̍ se̍ di̍-dɛ̍ sìì ae? Iě mɔ̀-a ku̍-a chɛ̀ se̍ dɛ̍kɛ̍n gbǎ ɛ̍ se̍ pùn tù dɛ̍ sìì ke ae?

Matio 6:34

Ɛ̍ tìh-ɛ, klàe̍ weɛ̍-a sèò bɔ̌ mɔ̀ nu̍-ɛ. Dɛ̍nu̍ɛ, klàe̍ weɛ̍-a mu̍ sèò blě dǒ ɛ̍ chɛ̀ we̍. Sɔ nɛ̀ bɔ̌ weɛ̍ jɛ-ɛ, ɛ̍ iě ɛ̍ chɛ̀-a wɔ̍ɔ̍n i̍ bɛ̌ɛ blě.”

Pɔ̀n Chɛ̀ Luu To-a La 21:34

“Mɔ̀ nu̍ mɔ̀-a chɛ̀-a nɛnɛ̌, wɛ̀ peě kɛ̍n i̍ mu̍-ɛ dɔu ke, mɔ̀-a chɛ̀ nmɔ̍ wlì sìèè-ɛ ke, kmɔ̌-a sèò la mɔ̀-ɔ je̍e i̍h we̍ maɛ wɛ̀ weɛ̍ Nyi̍ɔ̍-a Jǔ-a mu̍-a ja-ɛ, ɛ̍-ɛ je̍e mɔ̀ kɛ̍n kèè, wɛ̀ ɛ̍-ɛ je̍e mɔ̀ gbɛ̍n.

1 Kɔwlɛntiɔn 16:22

Pò nyɔ̍-o-nyɔ̍ se̍ Joi-i jbɛɛ-ɛ, nɛ̀ ɔ̍ mu̍ pǎ poe-ɛ. Ji̍ suei̍, à Joi.

1 Kɔwlɛntiɔn 6:7

Pò mɔ̀-a sǔh ja sàwi̍h sì-ɛ, nɛ̀ ɛ̍ wàn-ɛ mɔ̀ i̍. Nɛ̀ mɔ̀-ɔ gbɛ̍n wlùh i̍-a chɛ̀ u̍h iě mɔ̀ dɛ̍ sɔ̀n pùn nu̍ ae? Nɛ̀ mɔ̀-ɔ gbɛ̍n wlùh i̍ u̍h iě mɔ̀ kanieǐ di̍ ae?

1 Kɔwlɛntiɔn 8:13

Ɛ̍ tìh-ɛ, nmi̍ɛ̍ ǎn di̍-aɛ, pò ɛ̍ ja ǐn de̍di̍i̍ i̍ kà mu̍ dě gblɛ̍n sɔ̀ɛ̀n di̍i̍-ɛ, nɛ̀ ǐn se̍ ɛ̍ di̍ mu̍ dɛ kleǐnklein, wɛ̀ nɛ̌ je̍e ǐn de̍di̍i̍ i̍ kà dě gblɛ̍n sɔ̀ɛ̀n di̍i̍.

1 Kɔwlɛntiɔn 9:25

Nyɔ̍ kli̍hgbɛ̍ ùh-a mu̍-a dlǔᵻ wɔ̍i̍n bla̍-ɛ, slɛ̌-a taǐn kli̍hgbɛ̍ bo u̍h-a nu̍. Blawɛ̌ jɛ mu̍-a jii̍ nyni-ɛ, ɛ̍ kɔn tìh bo u̍h-a nu̍ ìh la. Jɛ àɔ̀ nɔ̀ɔ̍-ɛ, à nu̍ ɛ̍-ɛ wɛ̀ à iě ɛ̀ se̍-a jii̍ nyni la kɔn-ɛ jě.

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Tɛsoloniɔn 2:2

pò mɔ̀ wɔ̌n wlu̍ àe̍e̍ nyɔ̍ poe ɛ̍ gbànwli, iě nyɔ̍ duuh iě ɛ̍ chlǐh wɛ̀ u̍h iě ka nu̍ ɛ̍ sɔ nɔ̌ à we̍-ɛ, mɔ̀-a ku̍ bɔ̌ tlɛ̍-ɛ. Pò u̍h la̍ Joi-a ji̍-i weɛ̍ nyni̍ wɛ̀-oɛ, ɛ̍ bɔ̌ mɔ̀-a ku̍ tlɛ̍-ɛ. Wɛ̀ mɔ̀-a wlùh wɔ̍ bɔ̌ dě de̍i̍ gbǎ-a ke dǒ ɛ̍ we̍.

Taitɔ 3:2

U̍h bɔ̌ nyɔ̍-o-nyɔ̍-a wlu̍ wɔ̍i̍n nyni-ɛ, u̍h bɔ̌ wɔ̍ɔ̍n i̍ sà-a, u̍h iě jbɛɛ-ɛ blě, nɛ̀ u̍h gbɛ̍n tìh i̍ dǒ nyɔ̍ kli̍hgbɛ̍ we̍.

Iblu 10:25

Nɛ̀ mɔ̀ à bɔ̌ tàdùè gbèɛ̀ɛn-ɛ se̍a̍-a, ɛ̀ nyɔ̍ duuh-a nu̍-a. Jɛ mɔ̀ à gbèɛ̀ɛn à iě wlùh we̍ fùka-ɛ. Mɔ̀ à nu̍ ɛ̍ ɛ̍ iě sàì naɛ sìì, ka mɔ̀ juo-a weɛ̍ Joi-a mu̍-a ji̍ ɛ̍ se̍-a we̍ tɛn dɛ-ɛ.

Iblu 10:37

Ɛ̍ kɔn Nyɔsoa-a wlu̍ la̍a̍, “Ɛ̍ se̍ ti̍ tɔ̀ɔ̀n gba̍ mu̍, nɛ̀ nyɔ̍ ɔ̀ mu̍-a ji̍-ɛ, ɔ̍ mu̍ ji̍. Ɔ̍ se̍ de̍ wlè mu̍.

1 Pitɛ 1:11

Ka Klai-a mu̍-a jua̍i̍ sàɛ̀, wɛ̀ tìh-a i̍ bɛ̌-ɛ iě-a dǒ ɛ̍ de̍e̍ i̍ tba̍-aa, ti̍ i̍h-a mu̍-a nɛ-ɛ ke ka i̍h-a mu̍-a nɛ-ɛ nu̍-ɛ, ɛ̍ bo u̍h-a pɔ̀n juo-ɛ i̍. Iě Klai-a Sùù nɛ-a dě u̍h ja̍a̍-ɛ, wɛ̀ ɛ̍ sèàɛ̍ ɛ̍ we̍ i̍ dě u̍h we̍.

1 Pitɛ 4:7

Dɛ̍ᵻ kli̍hgbɛ̍ i̍h-a dlǔ i̍ chlà-a kɔǎn we̍ wɛ̀. Ɛ̍ tìh-ɛ, mɔ̀ po̍ mɔ̀-a chɛ̀ gba̍a̍, mɔ̀ iě mɔ̀-a chɛ̀ jlǐhɛ̍ tù, wɛ̀ mɔ̀ iě ba̍le-ɛ bɛ̌ɛ.

Wlɛfeleseɔn 22:20

Jusu ɔ̀ bla̍-a ìh la-ɛ, ɔ̍ la̍a̍, “I̍i̍n, ǎn ji̍-i suei̍.” Kǎ ɛ̍-ɛ nɛ. Ji̍ Joi Jusu.

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”