Felepai 4:18 - Ku̍o̍ Delee 1999

¹⁸ Kaka la̍, mɔ̀ nyǐ ǐn dɛ̍ᵻ dɔu ìh sìì-a ìh ǐn kɔn iě-a blě-ɛ. Nyǐ-dɛ̍ᵻ mɔ̀ dbo̍-a ǐn we̍ ìh Ipaflodaitɔ ja-aɛ, ǎn wlùh tè i̍ dǒ i̍h we̍ kaa̍. I̍h wɔ̀ nyǐ-dɛ̍ ɛ̀ nmɔ-a nɔ̌ dǒ Nyɔsoa we̍-ɛ, ɛ̍ ke slaǎ sà dɛ̍ ɛ̀ po̍-a ɔ̍ gbǐh iě ɔ̍ gbɛ̍n-a i̍-ɛ.

Felepai 4:18 Iomraidhean Croise

Nu̍-dɛ̍ᵻ 10:4

Kɔleniɔ gbɛ̀n-a ɛ̍ ja̍-a, sɔ ɔ̍ ple̍ faɔn, iě ɔ̍ la̍a̍, “Joi, dɛ̍ bo ɛ?” Ǐnchɔ̀ la̍a̍, “Àn ba̍le wlu̍ ke wlùh nmɔ dbo̍ nyni̍ dě Nyɔsoa we̍ ja̍i̍ wɛ̀. Ɛ̍ tìh-ɛ, i̍h-a sǐ-i àn tìh dǒ ɔ̍ wlì i̍.

Wloma 12:1

Ɛ̍ tìh-ɛ, ǐn de̍di̍i̍ᵻ, ǐn chɛ̍n mɔ̀-a gbɛ̀n, ka Nyɔsoa jě-a àɔ̀ wɔɛ-ɛ, mɔ̀ sà mɔ̀-a chɛ̀ kwlǎ dǒ ɔ̍ we̍ wɛ̀ mɔ̀ iě slaǎ sà-ɛ dɛ̍ jɛ tè-a kmɔ̌ i̍-ɛ wɔ̀. Nɛ̀ mɔ̀ tè-eɛ pɔ̌ dǒ ɔ̍ we̍, mɔ̀-a tìh iě ɔ̍ gbǐh po̍, ɛ̍ bo ɛ̀ nu̍ mɔ̀-a wɛɛ sà-aa gblangbai̍.

2 Kɔwlɛntiɔn 11:8

Ti̍ ǎn nu̍-a dbo̍ dě mɔ̀ we̍-ɛ, chɔchi̍h nyɔ̍ duuh bo ùh pɛ̌ɛ m. Nɛ̀ ka nyɔ̍ la̍ ǎn jlǐ u̍h-ɛ, kǎ ɛ̍ nɛ dǒ ǎn mɔ̀ we̍ gbǎ la̍.

2 Kɔwlɛntiɔn 9:12

Dbo̍ la mɔ̀ nu̍-aɛ, ɛ̍ se̍ Nyɔsoa nyɔ̍ nɛ due we̍ gbǎ mu̍ dǒ dɛ̍ u̍h nɛ-a blě ka̍-ɛ we̍, jɛ ɛ̍ mu̍ ɛ̍ nu̍ ke iě nyɔ̍ dɔu iě Nyɔsoa tlɔ̌ po̍ wlu̍-u ba̍le.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Felepai 4:12

Ǐn juo se̍ dɛ̍ blě-a wlùh wɔ̍n, iě ǐn juo dɛ̍ dɔu blě-ɛa wlùh wɔ̍n ke. I̍h nɔ̀ɔ̍, ǐn sɔ dě i̍h-a plɔ̀n wìè-i wɛ̀. Ɛ̍ kɔn pò ǎn jɛ dbo̍ o, iě mɔ̌ ja ǐn nu̍ o, pò ǎn jɛ blě dɛ̍ dɔu o, iě pò ǎn jɛ se̍ dɛ̍ blě-ɛ, wɛ̀ ǎn nu̍ ɛ̍ ti̍ kli̍hgbɛ̍ we̍ ka jɛ ɛ̍ nu̍ nɛ-ɛ chɛ̀-ɛ, ǎn pɔluh iě i̍ pɛ̌n.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

Iblu 13:16

Mɔ̀ kɔn mɔ̀ iě dɛ̍ᵻ chɛ̀ nu̍. Dɛ̍ᵻ mɔ̀ blě-aɛ, mɔ̀ nmɔ-ɛ i̍h wlùh, dɛ̍nu̍ɛ, dɛ̍ᵻ kaɛn laa̍ bo ìh wɔ̀ slaǎ sà-a ìh-a tè-ea Nyɔsoa-a wlùh i̍-ɛ.

1 Pitɛ 2:5

Mɔ̀ wɔ̀ kmɔ̌ nɛ sɔɔ̌ ke. Mɔ̀ɔ̍ bo Nyɔsoa dǔ-u, iě ɔ̍ poe mɔ̀ ɔ̍ Sùù-a gbò, wɛ̀ mɔ̀ iě nɛi̍ wɛ̀ slaǎ sà nyɔ̍ nu̍. Nɛ̀ mɔ̀ sà slaǎ Sùù ka, ɛ̀ Nyɔsoa-a mu̍-a i̍ gbɛ̍n dě Jusu Klai ja̍a̍-ɛ.