Felepai 4:17 - Ku̍o̍ Delee 1999

¹⁷ Ɛ̍ se̍ nyǐ-dɛ̍ᵻ ǐn se̍ i̍ pɔ̀n sǔh, jɛ ǎn pɔ̀n dɛ̍ mɔ̀ nu̍-aɛ, wɛ̀ mɔ̀ iě ɛ̍ dɛ̍ kɛ̍n jě.

Felepai 4:17 Iomraidhean Croise

Chɔɔn 15:16

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Chɔɔn 15:8

Mɔ̀-a buǒᵻ dɔu tlo-ɛ bo ɛ̀ bɛ̌-ɛ ǐn Baa-a nynɛ̌ i̍. Ɛ̍ bo ɛ̀ flɔn-ɛ ɛ̍ we̍i̍ ka mɔ̀ nu̍-a ǎn kòà-ɛ.

Wloma 15:28

Pò ǐn wɔ̀ dbo̍ la i̍ wɛ̀ iě nyǐ-dɛ̍ la kwlǎ sà-a wɔ̀-ɛ, nɛ̀ ǎn mu̍ dě mɔ̀ we̍ jii wɛ̀ iě Simii mu̍-ɛ dǔ.

2 Kɔwlɛntiɔn 11:16

Na̍a̍ dɛ-ɛ, nyɔ̍ bɔ̌ ǐn bo-nyɔ̍ dǎɛ. Jɛ pò mɔ̀ dǎɛ ǐn bo-nyɔ̍-ɛ, nɛ̀ mɔ̀ gbɛ̍n ǐn i̍ ka bo-nyɔ̍-ɛ, wɛ̀ ɛ̍ iě ɛ̍ nu̍ iě wɔ̍i̍n po̍ ke dɛ̍wɛ.

2 Kɔwlɛntiɔn 9:5

Ɛ̍ tìh-ɛ, ɛ̍ mu̍ jii̍ nmɔ dǒ ǐn we̍ iě à de̍di̍i̍ᵻ i̍ tèle u̍h iě ǐn jǔ ji̍ dě mɔ̀ we̍, wɛ̀ u̍h iě ti̍ nya̍ sie u̍h iě dɛ̍ᵻ gba̍a̍ po̍ dǒ nyǐ-dɛ̍ᵻ kɔn wlu̍ mɔ̀ po̍-a tɔ̀ma̍a̍-aɛ we̍. Nɛ̀ i̍h-a mu̍ gba̍a̍ po̍-eɛ dǒ mɔ̀-a chɛ̀-a wlùh wlǎ we̍, ɛ̍ se̍ mɔ̀ gbɛ̍n kai.

Felepai 1:11

Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Felepai 4:11

Ǐn se̍ la̍ ǐn se̍ dɛ̍ ǐn nɛ-a blě ka̍-ɛ blě. Ǎn nu̍ ɛ̍-ɛ wɛ̀ dɛ̍-o-dɛ̍ ǎn mu̍-a jě-ɛ, ǎn pɔluh iě i̍ pɛ̌n dǒ ɛ̍ we̍.

1 Tɛsoloniɔn 2:5

Mɔ̀-a chɛ̀ juo ɛ̍-ɛ, à-a se̍a wɔ̍n nmɔ wlu̍ ɛ̀ sà-a nyɔ̍ dɛ̍ kwa̍a̍-ɛ bla̍ dě mɔ̀ we̍. À se̍ klǎn kɔn, Nyɔsoa bo ɔ̀ nu̍ à sàànsi̍i̍h.

1 Timote 3:3

Nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, jɛ ɔ̍ gbɛ̍n gba̍n, ɔ̍ iě kmɔ̌ i̍ gbe̍ɛ̍ɛn nyɔ̍ nu̍. Ɔ̍ bɔ̌ wlǐ klǎn kɔn-ɛ.

1 Timote 6:10

Dɛ̍nu̍ɛ, wlǐ-i jbɛɛ bo ɛ̀ nu̍ dɛ̍ᵻ sɔ̀nᵻ kli̍hgbɛ̍-a maa. Wlǐ dɛ-a jàjà nu̍ ɛ̍ iě nyɔ̍ duuh tǎli Nyɔsoa wlùh gbaɛ tìh i̍, wɛ̀ u̍h ja u̍h-a chɛ̀ wlùh-a dě de̍ i̍ gbǎ-a dɔu we̍.

Taitɔ 1:7

Ka ɔ̍ nu̍-a fààmlà iě Nyɔsoa-a kɔan nɛ-a dě ɔ̍ kwa̍-ɛ, ɔ̍ bɔ̌ kǐh bu̍hᵻ i̍ nɛ-ɛ. Ɔ̍ bɔ̌ ɔ̍ chɛ̀ i̍ bɛ̌-ɛ, dǒ ɔ̍ wlì bɔ̌ i̍ kɔǎn-a, nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, ɔ̍ bɔ̌ wlǐ klǎn kɔn-ɛ.

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

Iblu 6:10

Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.

1 Pitɛ 5:2

nyɔ̍ ùh Nyɔsoa nyǐ-a mɔ̀-ɛ, mɔ̀ gbɛ̀n dǒ u̍h we̍ i̍, mɔ̀ iě u̍h-a nɛnɛ̌ nu̍. Mɔ̀-a kloǒ bɔ̌ ɛ̍ nu̍-ɛ, jɛ mɔ̀ nu̍ ɛ̍ dǒ wlùh-a i̍ pɛ̌n-ɛ we̍ ka Nyɔsoa-a pɔ̀n-a mɔ̀ iě-a nu̍-ɛ. Mɔ̀ bɔ̌ dbo̍ nu̍-ɛ pɛ̌ɛ la tìh, jɛ mɔ̀ nui ɛ̍ nyɔ̍ jǔ dbee-ɛ.

2 Pitɛ 2:15

U̍h sɔ dǒ wìè ɛ̀ slɛ̌-a i̍-ɛ kɛ̍n wɛ̀ u̍h sie kwlǎ. Iě u̍h wɔ̀ dǒ Nyɔsoa-a tu̍owli po̍ nyɔ̍ Belɛm de̍e̍, ɔ̀ nu̍-a Beɔ-a jǔ ɔ̀ jbɛɛ-a dɛ̍ᵻ sɔ̀nᵻ nu̍ dɛ-ɛ wlǐ tìh-ɛ.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.

Judi 1:11

Chlě dǒ u̍h we̍, dɛ̍nu̍ɛ, u̍h-a sà-e Kein-a wɔ̀ɔ̀ i̍. U̍h iě wlǐ jě klùh tìh, ɛ̍ kɔn u̍h-a tèwe. Iě u̍h sìì wìè ka Belɛm-ɛ. U̍h-a blaɛ tùn blě nyɔ̍ wɔ̍n ka Kɔwla-ɛ, ɛ̍ bo ɛ̀ mu̍ u̍h-u gbɔ̀lɔ.