Felepai 4:12 - Ku̍o̍ Delee 1999

¹² Ǐn juo se̍ dɛ̍ blě-a wlùh wɔ̍n, iě ǐn juo dɛ̍ dɔu blě-ɛa wlùh wɔ̍n ke. I̍h nɔ̀ɔ̍, ǐn sɔ dě i̍h-a plɔ̀n wìè-i wɛ̀. Ɛ̍ kɔn pò ǎn jɛ dbo̍ o, iě mɔ̌ ja ǐn nu̍ o, pò ǎn jɛ blě dɛ̍ dɔu o, iě pò ǎn jɛ se̍ dɛ̍ blě-ɛ, wɛ̀ ǎn nu̍ ɛ̍ ti̍ kli̍hgbɛ̍ we̍ ka jɛ ɛ̍ nu̍ nɛ-ɛ chɛ̀-ɛ, ǎn pɔluh iě i̍ pɛ̌n.

Felepai 4:12 Iomraidhean Croise

Matio 11:29

Mɔ̀ gba̍ ǎn kɛ̌n wìè mɔ̀ iě ǐn dɛ̍ we̍ cheǎn-ɛ, dɛ̍nu̍ɛ, ǐn gbɛ̍n gba̍n, wɛ̀ ǐn ja ǎn chɛ̀ wlù. Pò mɔ̀ nu̍ la̍a̍n-ɛ, nɛ̀ mɔ̀-a wlùh-a mu̍ i̍ tè.

Matio 13:52

Wɛ̀ ɔ̍ la̍a̍ dě u̍h we̍, “Ɛ̍ kɔn tìh pò telě nǎ poe nyɔ̍ laa̍ pò ɔ̍ poe-ɛ slɛ̌ chèɛ̀ i̍ wɛ̀ dǒ Nyɔsoa-a kmɔ̌ wlu̍ i̍ kɔn dɛ we̍-ɛ, nɛ̀ ɔ̍ wɔ̀ gbò joi wɛ̀. Nɛ̀ ɔ̍ bo ɔ̀ mu̍ la̍ blewi̍h delee ke i̍h-a soaᵻ naɛ dě dɛ̍ i̍ tè gbò di̍i̍ sà ɔ̍ iě i̍h sɔ̀n sǐ-i.”

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 10:10

Nyɔ̍gbei la̍a̍, “Pɔɔ-a chlǐh-dɛ̍ᵻá kma i̍ iě ɔ̍ pɔ̀n-ɛ nyɔ̍ dɛ̍-ɛ i̍ dě i̍h di̍i̍. Jɛ pò ɔ̍ chɛ̀-a gbǎ nɛ nɔ̌ à we̍-ɛ, nɛ̀ ɔ̍ se̍ i̍ kma, nɛ̀ ɔ̍ se̍ wlu-ɛ juo.”

2 Kɔwlɛntiɔn 11:27

Ǐn nu̍ dbo̍ iě ǐn sàɛ̀ jua̍i̍ dɛ̍ dɔu. Ǐn se̍ mɔ̌-ɔ nyinɔ̍ kɔn dǒ wlù wǐh dɔu di̍i̍. Mɔ̌ ke nǐ na̍ tɔ̌n-a nu̍ m. Ǐn se̍ di̍-dɛ̍ ke pɛ̌na̍ ke pa̍-dɛ̍ blě sɔ̀ngbɛ̀jɛ̀.

2 Kɔwlɛntiɔn 11:7

Ǐn se̍ mɔ̀ dɛ̍ tba̍ ti̍ ǐn bla̍-a Nyɔsoa-a pɔ̀n chɛ̀ dě mɔ̀ we̍-ɛ. Ǐn ja ǎn chɛ̀ wlù, ɛ̍ iě ɛ̍ nu̍ mɔ̀ iě ja̍i̍ dǔ-iɛ.

2 Kɔwlɛntiɔn 11:9

Ti̍ ǐn nɛ-a dě mɔ̀ we̍ ǎn pɔ̀n-a wlǐ-ɛ, ǐn se̍ mɔ̀ wɔ̍ɔ̍n i̍ bɛ̌ɛ ǎn we̍ gbǎ tìh. À de̍di̍i̍ᵻ ùh sɔ-a nɔ̌ Mɛsedonia bloa̍ kɛ̍n-ɛ, u̍h ja ǐn dɛ̍ᵻ kli̍hgbɛ̍ ǐn nɛ-a blě ka̍-ɛ. Ka à nu̍-a sàǐtòò-ɛ, kǎ à mu̍ nu̍ dě nya̍. Ǐn se̍ mɔ̀ dɛ̍ i̍ pɔ̀n-ɛ mu̍.