Felepai 4:11 - Ku̍o̍ Delee 1999

¹¹ Ǐn se̍ la̍ ǐn se̍ dɛ̍ ǐn nɛ-a blě ka̍-ɛ blě. Ǎn nu̍ ɛ̍-ɛ wɛ̀ dɛ̍-o-dɛ̍ ǎn mu̍-a jě-ɛ, ǎn pɔluh iě i̍ pɛ̌n dǒ ɛ̍ we̍.

Felepai 4:11 Iomraidhean Croise

Pɔ̀n Chɛ̀ Luu To-a La 3:14

Fledlǔ tèle ɔ̍ i̍ ke, u̍h la̍a̍, “Àɔ̀ nɔ̀ɔ̍-ɛ, dɛ̍ à iě nu̍ ke ɛ?” Iě ɔ̍ la̍a̍ dě u̍h we̍, “Mɔ̀-a pɔluh pɛ̌n i̍ dǒ mɔ̀-a pɛ̌ɛ la we̍. Mɔ̀ bɔ̌ nyɔ̍-a kloǒ nu̍-ɛ, wɛ̀ mɔ̀ bɔ̌ ɔ̍ dɛ̍ kwa̍a̍ sà-a. Iě mɔ̀ wɔ̍ bɔ̌ nyɔ̍ si̍h i̍ tùi-ɛ ke.”

2 Kɔwlɛntiɔn 11:27

Ǐn nu̍ dbo̍ iě ǐn sàɛ̀ jua̍i̍ dɛ̍ dɔu. Ǐn se̍ mɔ̌-ɔ nyinɔ̍ kɔn dǒ wlù wǐh dɔu di̍i̍. Mɔ̌ ke nǐ na̍ tɔ̌n-a nu̍ m. Ǐn se̍ di̍-dɛ̍ ke pɛ̌na̍ ke pa̍-dɛ̍ blě sɔ̀ngbɛ̀jɛ̀.

2 Kɔwlɛntiɔn 6:10

À nɛ wɔɛ gbɛɛ, jɛ à nu̍ mɔna̍ ti̍ kli̍hgbɛ̍ we̍. À wɔ̀ nyɔ̍gbà nyɔ̍, jɛ à pàn-ɛ nyɔ̍ dɔu. À wɔ̀ nyɔ̍ ùh se̍-a dɛ̍-o-dɛ̍ blě-ɛ, jɛ à kɔn dɛ̍ᵻ kli̍hgbɛ̍.

2 Kɔwlɛntiɔn 8:9

Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

2 Kɔwlɛntiɔn 9:8

Nɛ̀ Nyɔsoa bɛ̌ɛ ɔ̍ iě mɔ̀ pɔ̀ìě kli̍hgbɛ̍ nyǐ. Wɛ̀ mɔ̀ iě ìh kli̍hgbɛ̍ mɔ̀ nɛ-a blě ka̍-ɛ blě ti̍ kli̍hgbɛ̍ we̍ dǒ mɔ̀-a chɛ̀ we̍. Nɛ̀ mɔ̀-a mu̍ dɛ̍ᵻ tlùgbei̍ blě dǒ nu̍-dɛ̍ᵻ chɛ̀ kli̍hgbɛ̍ nu̍-ɛ we̍.

Felepai 3:8

Jɛ ɛ̍ se̍ ìh la nɛ due, dɛ̍ᵻ kli̍hgbɛ̍-a chɛ̀ bo ìh nu̍ ka pɔ̀ɔ̍pìe̍ dɛ̍ᵻ wɛ̀ dǒ ǐn we̍. Ǎn Joi Jusu Klai juo dɛ nɛ due ɛ̀ gbǎ ka dɛ̍kɛ̍n dǒ ǐn we̍. Ǐn tǎli dɛ̍ᵻ kli̍hgbɛ̍ i̍, iě ǎn dǎɛ ka ìh la dɛ̍ᵻ flu̍hᵻ, wɛ̀ iě Klai gba̍.

Iblu 10:34

Mɔ̀ jě nyɔ̍ ùh poe-a kasoo-ɛ wɔɛ. Mɔ̀-a kɔn-dɛ̍ᵻ ìh sà-ɛa mɔ̀ kwa̍a̍-ɛ i̍h-a tìh se̍ mɔ̀ kà di̍i̍ po̍. Dɛ̍nu̍ɛ, mɔ̀-a chɛ̀ juo ɛ̍-ɛ, mɔ̀ blě kɔn-dɛ̍ᵻ chɛ̀ jih se̍-a mǎ la̍ kɔn-ɛ.