Felepai 4:1 - Ku̍o̍ Delee 1999

¹ Ɛ̍ tìh-ɛ, ǎn tìh kma de̍di̍i̍ᵻ, mɔ̀ nyna kǎn i̍ dě Joi ja̍a̍. Ǐn jbɛɛ mɔ̀-ɔ, iě mɔ̀-a tɔ̌n-a nu̍ m. Mɔ̀-a nui ǐn mɔna̍, iě ǎn po̍ bu̍hᵻ wlù i̍ mɔ̀-a tìh.

Felepai 4:1 Iomraidhean Croise

Matio 10:22

Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn. Jɛ nyɔ̍ ɔ̀ mu̍-ae klì i̍ ku̍ wɛ̀ ɛ̍ iě-a dlǔ i̍ chlà-ɛ, nɛ̀ ɔ̍ mu̍ pǔh.

Chɔɔn 8:31

Wɛ̀ Jusu la̍a̍ dě nyɔ̍ juh gbaɛ-a ɔ̍ wlùh-ɛ we̍, “Pò mɔ̀ gbɛ̍n ǎn nǎ po̍ wlu̍ la i̍-ɛ, nɛ̀ mɔ̀ɔ̍ ǎn kòà-a gblangbai̍.

Nu̍-dɛ̍ᵻ 11:23

Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.

Nu̍-dɛ̍ᵻ 14:22

Wɛ̀ u̍h-a po̍ Jusu-a kòà nɛ-a deě-ɛ gbǐh ku̍u̍, iě u̍h-a fùka u̍h-a wlùh u̍h iě wlùh gbaɛ dɛ kɛ̍n sie. U̍h la̍a̍, “Dě jua̍i̍ sàɛ̀-ɛ dɔu di̍i̍ bo à mu̍ jii sasǎ wɛ̀ à iě dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍.”

Nu̍-dɛ̍ᵻ 2:42

Wɛ̀ u̍h-a cheǎn-ɛ gba̍tòà dɛ̍ we̍ ma̍u̍, u̍h ke u̍h-a nɛ̍aɛ we̍. Nɛ̀ u̍h-a gbo̍a̍ɛ sɔ̍n jǔ iě u̍h-a ba̍le.

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

1 Kɔwlɛntiɔn 16:13

Mɔ̀ tù mɔ̀-a chɛ̀ jlǐhɛ̍ mɔ̀ iě-a klì i̍ ku̍ dǒ wlùh gbaɛ blě-ɛ we̍. Mɔ̀ bɛ̌ wlì i̍ mɔ̀ iě kmu.

2 Kɔwlɛntiɔn 1:14

ka mɔ̀-a tè-a la̍ à we̍ i̍ ju̍o̍e-ɛ gbɔ̀-ɛ. Weɛ̍ Joi Jusu-a mu̍-a ja-ɛ, mɔ̀ iě à bu̍hᵻ wlù i̍ po̍-ɛ bɛ̌ɛ ka à mu̍-a mɔ̀-a bu̍hᵻ wlù i̍ po̍-ɛ nu̍-ɛ.

Kelesea 5:1

Klai sèìe àɔ̀ wɛ̀, wɛ̀ à-a je̍e kèi̍ᵻ nu̍ dɛ. Ɛ̍ tìh-ɛ, mɔ̀ ku̍e̍i̍, wɛ̀ mɔ̀ɔ̍ je̍e kèi̍ᵻ wɔ̀ dɛ.

Felepai 1:27

Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

Felepai 1:8

Ka ǎn mɔ̀-a tìh kma-a kɔ̍-a dě Jusu Klai we̍ i̍, iě ǎn gble-a mɔ̀ kli̍hgbɛ̍-a tìh kaa̍-ɛ, Nyɔsoa-a chɛ̀-a gbǎ bo ɔ̀ nu̍ ǎn sàànsi̍i̍h.

Felepai 2:16

ka mɔ̀ gbɛ̍n-a tu̍owli la ɛ̀ nyǐ-a nyɔ̍ feɛ-ɛ, ɛ̍ nya̍ gba̍-a i̍-ɛ. Pò mɔ̀ ja laan nu̍-ɛ, nɛ̀ ɛ̍ mu̍ ǎn bu̍hᵻ dlǔ bɛ̌-ɛ dǒ weɛ̍ Klai-a mu̍-a ji̍-ɛ di̍i̍. Nɛ̀ ǎn gbǐh se̍-e gbɔ̀lɔ mu̍ dǒ dbo̍ dɔu ǐn nu̍-aɛ we̍.

Felepai 2:26

Mɔ̀-a jě-e tɔ̌n-a nu̍ ɔ̍-ɛ. Ɔ̍ poa pɔ̀n mɔ̀ wɔ̌n-aɛ, ɛ̍ bo ɛ̀ po̍ ɔ̍ wlùh dě de̍ i̍.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

1 Tɛsoloniɔn 3:13

Wɛ̀ ɔ̍ iě mɔ̀ gbǐh nyǐ, mɔ̀ iě gblɛ̍ja̍i̍ wɛ̀, mɔ̀ iě dǒ à Baa Nyɔsoa nɛ due we̍ kɔn dǒ à Joi Jusu ke ɔ̍ nu̍ nyɔ̍ kli̍hgbɛ̍-a ji̍ la̍-a.

2 Tɛsoloniɔn 2:15

Ɛ̍ tìh-ɛ, à de̍di̍i̍ᵻ, mɔ̀ ku̍-e klì i̍, mɔ̀ iě dɛ̍ᵻ à poe-a mɔ̀ nǎ dǒ à wɔ̍i̍n wlu̍ ke chlǐh-dɛ̍ we̍-ɛ i̍ gbɛ̍n.

2 Timote 2:1

Ɛ̍ tìh-ɛ, ǎn jǔ, Nyɔsoa-a blɛ ɛ̀ nɛ-a dě Jusu Klai ja̍a̍-ɛ, bɔ̌ ɛ̍ iě ìn kmu i̍.

Iblu 10:23

Nɛ̀ wlì tè dɛ̍ kɔn tìh à bla̍-aɛ, mɔ̀ à gbɛ̍n ɛ̍ i̍ klìmàtàìn. Dɛ̍nu̍ɛ, Nyɔsoa ɔ̀ po̍-a wlu̍ tɔ̀ma̍a̍-ɛ, ɔ̍-ɔ gblìh wlu̍ kɛ̍n.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

Iblu 4:14

Wlùh gbaɛ blě tìh à sà-aɛ, mɔ̀ à gbɛ̍n ɛ̍ i̍ klìmàtàìn, dɛ̍nu̍ɛ, à blě Slaǎ Sà Nyɔ̍-a Dlǔtu ɔ̀ ku̍-a wɔ̍n-ɛ. Nyɔsoa-a Jǔ Jusu ɔ̀ mu̍-a dě ja̍i̍wlɔ̀ wɛ̀-ɛ bo.

2 Pitɛ 3:17

Ǎn tìh kma nyɔ̍, mɔ̀ɔ̍ nɔ̀ɔ̍, mɔ̀ juo ìh la wɛ̀-ɛ se̍e̍. Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌ wɛ̀ klǐ-dɛ̍ᵻ nu̍ nyɔ̍-ɔ je̍e mɔ̀-a wlùh fèàɛ̀ dě klǐ-dɛ̍ᵻ we̍, wɛ̀ mɔ̀ɔ̍ je̍e nyna la̍-a wlǔh.