Felepai 3:8 - Ku̍o̍ Delee 1999

⁸ Jɛ ɛ̍ se̍ ìh la nɛ due, dɛ̍ᵻ kli̍hgbɛ̍-a chɛ̀ bo ìh nu̍ ka pɔ̀ɔ̍pìe̍ dɛ̍ᵻ wɛ̀ dǒ ǐn we̍. Ǎn Joi Jusu Klai juo dɛ nɛ due ɛ̀ gbǎ ka dɛ̍kɛ̍n dǒ ǐn we̍. Ǐn tǎli dɛ̍ᵻ kli̍hgbɛ̍ i̍, iě ǎn dǎɛ ka ìh la dɛ̍ᵻ flu̍hᵻ, wɛ̀ iě Klai gba̍.

Felepai 3:8 Iomraidhean Croise

Pɔ̀n Chɛ̀ Luu To-a La 1:43

Dɛ̍ bo ɛ̀ sà-e ǎn jua̍a̍ wɛ̀ ǎn Joi de̍-a ji̍ nɔ̌ ǐn we̍ i̍ nala ɛ?

Pɔ̀n Chɛ̀ Luu To-a La 11:20

Jɛ pò ɛ̍ tù Nyɔsoa-a gbǐh iě jeědih i̍ nu̍-iɛ, nɛ̀ mɔ̀ juo ɛ̍ ka Nyɔsoa-a kmɔ̌ wlu̍ i̍ kɔn-ɛ nɛ-a da̍a mɔ̀ we̍ wɛ̀-ɛ.

Chɔɔn 14:20

Dǒ weɛ̍ laa̍ di̍i̍ dǒ mɔ̀-a mu̍ ɛ̍ i̍ juo-e ka ǐn nɛ-a ǐn Baa, wɛ̀ mɔ̀ nɛ-a m, iě ǐn nɛ-a mɔ̀ɔ̍-ɛ.

Chɔɔn 14:7

Pò mɔ̀ juo m-ɛ, nɛ̀ mɔ̀ juo ǐn Baa wɛ̀ ke. Sɔ da̍a sèàn blǐ, mɔ̀ juo ɔ̍-ɛ, iě mɔ̀ jě ɔ̍ wɛ̀.”

Chɔɔn 16:3

U̍h-a mu̍ mɔ̀ ìh la pùn i̍ nu̍, dɛ̍nu̍ɛ, u̍h se̍ ǐn ke Baa juo.

Chɔɔn 17:3

Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

Chɔɔn 17:8

Tu̍owli ìn nyǐ-a m-ɛ, ǐn po̍ i̍h dě u̍h we̍, wɛ̀ u̍h gbɛ̍n i̍h i̍. Dě ìn we̍ bo ǐn sɔ-ɔ, iě u̍h juo ɛ̍ ka ɛ̍ nu̍-a tìh-a taǐn-ɛ. Ka ìn dbo̍-a m-ɛ, iě u̍h po̍ ɛ̍ tìh chɛ̀.

Chɔɔn 20:13

I̍h la̍a̍, “Nynɔ̌ chɛ̀, dɛ̍-ɛ tìh àn fìn ɛ?” Mɛle la̍a̍, “Ǎn Joi bo u̍h dǔ-u, iě tà u̍h gba̍-ɛa ɔ̍-ɛ, ǐn se̍-o juo.”

Chɔɔn 20:28

Tɔmɔ la̍a̍ dě ɔ̍ we̍, “Ǎn Joi ke ǎn Nyɔsoa.”

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

Wloma 8:18

Dɛ̍ ǐn juo-a i̍-ɛ, ɛ̍ nu̍, tìh-a i̍ bɛ̌-ɛ jɛ Nyɔsoa-a mu̍-a à nyǐ dě nya̍-ɛ, ɛ̍ gbǎ dɛ̍kɛ̍n kaa̍ ɛ̍ sìì jua̍i̍ à sàɛ̀-a ka da̍a ti̍ la di̍i̍-ɛ.

Wloma 8:39

Dě à dlǔwèàì o, dě blǔh sɔ̀n o, dɛ̍ dɛɛ se̍ dě Nyɔsoa-a nu̍-dɛ̍ᵻá chɛ̀ la nynɛ̌ nɛ wɛ̀ ɛ̍ iě ɔ̍ ke à jbɛɛ i̍ che̍ɛ̍ɛn bɛ̌ɛ. Jbɛɛ la ɔ̍ jaɛ ɛ̍ dě à Joi Jusu Klai ja̍a̍.

1 Kɔwlɛntiɔn 2:2

Ti̍ iě-a dě mɔ̀ we̍ nɛ-ɛ, ǐn pu̍e̍e ɛ̍ wlùh i̍ iě dɛ̍ᵻ kli̍hgbɛ̍ dǒ de̍ i̍ poe, Jusu Klai-a dǒ tu̍ wlì kɔ̍-ɛ tìh bla̍-a due kɔn tìh-a tɛ̀ ǐn sà-o.

1 Kɔwlɛntiɔn 9:10

Ɛ̀ ɔ̍ bla̍-aɛ, ɛ̍ se̍ à tìh ɔ̍ se̍ ɛ̍ bla̍ ae? À tìh bo ɛ̍ chlǐh-ɛ. Dɛ̍nu̍ɛ, nyɔ̍ ɔ̀ po̍-a klèwa̍-ɛ ke ɔ̀ bla̍-a dɛ̍ i̍-ɛ u̍h tè ɛ̍ wlì u̍h iě-o di̍-dɛ̍ jě-e.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

Kelesea 1:16

ɔ̍ iě ɔ̍ jǔ tà sà dě ǐn we̍, wɛ̀ iě ɔ̍ tìh we̍i̍ bla̍ dě ùh se̍-a Juu nyɔ̍-ɛ nynɛ̌. Ǐn se̍ nyɔ̍-o-nyɔ̍ dlǔ i̍ te.

Ɛfɛsɔ 4:13

U̍h-a mu̍ ɛ̍ nu̍ te̍e̍ wɛ̀ à kli̍hgbɛ̍ à wlùh gbaɛ blě-ɛ ke à Nyɔsoa-a Jǔ juo-ɛ iě ɛ̍ nu̍ wɛ̀ à iě nyɔ̍ due nu̍. Nɛ̀ à mu̍ ku̍ dě Nyɔsoa dɛ di̍i̍ wɛ̀ à iě gblɛ̍ja̍i̍ wɛ̀ slèěslè ka Klai nɛ-aɛ.

Felepai 1:1

Chlǐh-dɛ̍ la ɛ̍ sɔ nɔ̌ mɔ̍ Pɔɔ ke Timote we̍, àɔ̀ nu̍-a Jusu Klai-a pòi̍nynuu̍-ɛ. Ɛ̍ mu̍ dě Nyɔsoa nyɔ̍ kli̍hgbɛ̍ ùh kɔn-a dǒ Jusu Klai we̍ dǒ Felepai wlɔ̀ di̍i̍-ɛ we̍, ɛ̍ ke chɔchi̍h-a fààmlà ke ɛ̍ jǔ dbee nyɔ̍ ke.

Felepai 3:10

Dɛ̍ ǎn pɔ̀n-a i̍ kleǐn-ɛ, ɛ̍ nu̍ iě Klai juo, ɛ̍ ke gbǐh ìh sà-a ɔ̍-eɛ ke. Iě ɔ̍ we̍ dɛ jua̍i̍ sàɛ̀, wɛ̀ iě ɔ̍ we̍ dɛ mɛ̌

Felepai 3:12

Ɛ̍ se̍ nɛ̀ ǐn jɛɛ sìla̍ wɛ̀, iě mɔ̍ɔ-ɛ, ǐn wɛ̀ nɛi̍ wɛ̀ kai. Jɛ ǎn fɔ̀n dɛ̍ we̍ wɛ̀ iě sìla̍ jɛɛ, ɛ̀ kɔn tìh Jusu Klai chlì-a m dě ɔ̍ fɔ̌ we̍-ɛ, wɛ̀ iě ɛ̍ jě.

Felepai 3:7

Jɛ ìh-a mu̍-ao ǐn dɛ̍ po̍ de-ɛ, i̍h bo ǎn dǎɛ ka pɔ̀ɔ̍pìe̍ dɛ̍ᵻ ti̍laa Klai-a tìh.

2 Timote 4:6

Dɛ̍nu̍ɛ, mɔ̍ɔ-ɛ, ǐn gbàɛ̀ wɛ̀ ǎn feɛ iě slaǎ sà-ɛ dǒ Nyɔsoa we̍. Ǎn nɔ̌ kmɔ̌ sɔ ti̍ nyni wɛ̀.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

1 Pitɛ 2:7

Ɛ̍ tìh-ɛ, mɔ̀ɔ̍ ùh gbaɛ-a ɔ̍ wlùh-ɛ, ɔ̍ gbǎ dɛ̍kɛ̍n dǒ mɔ̀ we̍. Jɛ nyɔ̍ ùh se̍-a ɔ̍ wlùh gbaɛ-ɛ, Nyɔsoa-a wlu̍ la̍a̍, “Sɔɔ̌ ɛ̀ gbò po̍ nyɔ̍ tba̍-a chla-a de-ɛ, ɛ̍ bɔ̌ɛ dɛ̍kɛ̍n gbǎ sɔɔ̌ nu̍-ɛ.”

2 Pitɛ 1:2

Ǎn sà nǐ wɔ̍n blɛ ke wlùh-a i̍ tè-ɛ iě kɛ̍n i̍ gboǎɛ dě mɔ̀-a Nyɔsoa ke à Joi Jusu juo-ɛ di̍i̍.

2 Pitɛ 1:3

Dɛ̍ᵻ kli̍hgbɛ̍ à pɔ̀n-a wɛ̀ à iě-a dě Nyɔsoa we̍ fòè kmɔ̌ di̍i̍ nɛ-ɛ, Nyɔsoa-a gbǐh nyǐ i̍h àɔ̀ wɛ̀. Dɛ̍nu̍ɛ, nyɔ̍ ɔ̀ dǎ àɔ̀ wɛ̀ à iě-a ɔ̍ chɛ̀-a tìh-a i̍ bɛ̌-ɛ ke gblɛ̍n-ɛ nmɔ-ɛ kwa̍a̍ i̍ gblè-eɛ, à juo ɔ̍-ɛ.

2 Pitɛ 1:8

Ka mɔ̀ juo-a à Joi Jusu Klai-ɛ, pò mɔ̀ blě ìh la wɛ̀ i̍h iě i̍ klàn dě mɔ̀ ku̍sɔ̀n-ɛ, nɛ̀ ɛ̍ mu̍ kmɔ̌ nɛ mɔ̀ iě dɛ̍ kɛ̍n ji̍, nɛ̀ mɔ̀ se̍ pɔ̀ɔ̍pìe̍ nyɔ̍ nu̍ mu̍.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

1 Chɔɔn 2:19

Nyɔ̍ laa̍ u̍h se̍ nɔ̌ àɔ̀ we̍ kɔn, ɛ̍ kɔn u̍h tǎli àɔ̀ i̍. Pò u̍h kɔn nɔ̌ àɔ̀ we̍ de-ɛ, nɛ̀ u̍h-a mu̍ nɔ̌ àɔ̀ we̍ nɛ de. Jɛ u̍h-a mu̍-ɛ bo ɛ̀ flɔn-ɛ ɛ̍ we̍i̍ ka u̍h se̍-a nɔ̌ àɔ̀ we̍ kɔn-ɛ.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.