Felepai 3:5 - Ku̍o̍ Delee 1999

⁵ Ǐn wlǔh-aɛ, ǎn wǐh nɛ mɛ̀ta̍a̍n iě ǐn poe-ɛ plɔ̀n. Mɔ̍ Eslɔɛ jǔ gbe̍i̍n ǐn sɔ dě Bɛnyima-a chɛǐ. Ǐn de̍ ke ǐn baa nu̍ Iblu nynuu̍. Ǐn tè-o Juu nyɔ̍-a telě kli̍hgbɛ̍ i̍ ka Fɛlesii nyɔ̍-ɛ.

Felepai 3:5 Iomraidhean Croise

Pɔ̀n Chɛ̀ Luu To-a La 1:59

Jǔpliɛ laa̍ ɔ̍ nu̍ wǐh mɛ̀ta̍a̍n, iě u̍h mu̍ ɔ̍ plɔ̀n po̍ la̍ wɛ̀ u̍h iě ɔ̍ ɔ̍ baa Sɛɛkewlaɛɔ-a nynɛ̌ tùi.

Pɔ̀n Chɛ̀ Luu To-a La 2:21

Ɔ̍ wlǔh-aɛ, ɛ̍ nu̍ wǐh mɛ̀ta̍a̍n iě ɔ̍ poe-ɛ plɔ̀n. Wɛ̀ u̍h tùi ɔ̍ Jusu nynɛ̌. Nynɛ̌ laa̍ bo Nyɔsoa-a ǐnchɔ̀ tùi ɔ̍ wɛ̀ Mɛle dǔ ɔ̍ kwlǐ nɛ-ɛ.

Pɔ̀n Chɛ̀ Luu To-a La 5:38

Jɛ nmɔ̍ delee bo ɛ̀ iě dě dɛ̍ku sòlɛ̀ delee di̍i̍ gbǎ.

Nu̍-dɛ̍ᵻ 22:3

“Mɔ̍ la, mɔ̍ Juu jǔ. Dǒ Tasɔ bo ǐn wlǔh-i dě Selesia bloa̍ kɛ̍n. Wɛ̀ u̍h dǔ ǐn da̍a Juluslɛn wlɔ̀ di̍i̍ ja-a, iě ǐn cheǎn-ɛ Kamediɔ dɛ̍ sɔ̀n. Wɛ̀ u̍h toe ǐn à baaᵻá telě nɛkɛ̌n nɛkɛ̌n. Ka mɔ̀ kli̍hgbɛ̍ nu̍-a Nyɔsoa we̍ fòè-ɛ sèàn-ɛ, kǎ ǐn nu̍ Nyɔsoa we̍ fòè-ɛ ke tɛin.

Nu̍-dɛ̍ᵻ 23:6

Pɔɔ gbɛ̀n-a ɛ̍ ja ka nyɔ̍ duuh nu̍-a Sadiusii nyɔ̍ iě duuh nu̍-a Fɛlesii nyɔ̍-ɛ, wɛ̀ ɔ̍ wǐ dě taɔ laa̍ nynɛ̌, ɔ̍ la̍a̍, “Ǐn de̍di̍i̍ᵻ, mɔ̍ la mɔ̍ Fɛlesii nyɔ̍-a wlǔh-i jǔ. Ǐn tè ɛ̍ wlì ka mɛ̌-nyɔ̍-a mu̍-ae wlǔh-ɛ, ɛ̍ kɔn mɔ̍ u̍h nyna-ɛa bu̍hᵻ ta̍i̍ da̍a.”

Nu̍-dɛ̍ᵻ 6:1

Dǒ ti̍ laa̍ di̍i̍ nɛ̀ Jusu-a kòà-a gbǎ la̍ kɛ̍n kaa̍. Doǒ bo Juu juh-a nu̍-a Klii gblɛ̍n-ɛ ke Juu chɛ̀ɛ̌chɛ̀ sà-ɛ wɔ̍ɔ̍n i̍. Juh-a nu̍-a Klii gblɛ̍n-ɛ u̍h la̍ Juu chɛ̀ɛ̌chɛ̀-a bla̍ u̍h-a tèwànynɔ̌gbaɔᵻ jlǐhɛ̍ dlǔ dǒ dɛ̍ gblè la̍ te̍e̍.

Wloma 11:1

Ǎn tèle tìh i̍ o, nɛ̀ Nyɔsoa bɔ̌ ɔ̍ chɛ̀-a nyɔ̍ wɛ̀ ae? Iěe tììh. Mɔ̍ la mɔ̍ Eslɔɛ jǔ, mɔ̍ Eblaɛɛn-a tloemlai, iě ǐn sɔ dě Bɛnyima-a chɛǐ.

2 Kɔwlɛntiɔn 11:22

U̍h-u Iblu nyɔ̍ ae? Mɔ̍ Iblu jǔ ke. U̍h-u Eslɔɛ nyɔ̍ ae? Mɔ̍ Eslɔɛ jǔ ke. U̍h-u Eblaɛɛn-a tloemlai ae? Mɔ̍ Eblaɛɛn-a tloemlai ke.