Felepai 3:3 - Ku̍o̍ Delee 1999

³ Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

Felepai 3:3 Iomraidhean Croise

Wloma 1:9

Nyɔsoa ɔ̀ ǎn dbee-a jǔ dǒ ǎn wlùh kli̍hgbɛ̍ we̍ wɛ̀ ǎn bla̍-a pɔ̀n chɛ̀ ɛ̀ kɔ̍-a dǒ ɔ̍ Jǔ pùn i̍-ɛ, ɔ̍-ɔ bo ɔ̀ nu̍ ǎn sàànsi̍i̍h ka ǎn ba̍le-a dǒ mɔ̀-a tàà ti̍ kli̍hgbɛ̍ we̍-ɛ.

Wloma 15:17

Ǐn ke Jusu Klai-a due nɛ-ɛ bo ɛ̀ nu̍ ɛ̍ iě ǎn blɔ̌ dǒ ǎn Nyɔsoa jǔ dbee dɛ we̍.

Wloma 7:6

Jɛ telě jɛ nu̍-a à gbɛ̍n-nyɔ̍ we̍i̍ de-ɛ, à mɛ̌ wɛ̀ dǒ ɛ̍ we̍ iě Nyɔsoa sà àɔ̀ dǒ ɛ̍ sɔ̍n wɛ̀. Sɔ nɛ̀ à se̍ dǒ telě soa nɔ̀ɔ̍ sɔ̀n nɛ dɛ, jɛ à dbee la̍ Nyɔsoa jǔ dě gblɛ̍n delee di̍i̍, dɛ̍nu̍ɛ, à jě ɔ̍ Sùù dɛ̍ɛ̍.

Wloma 8:15

Dɛ̍nu̍ɛ, Sùù ɛ̀ mɔ̀ jě-aɛ, ɛ̍ se̍ mɔ̀ kèi̍ᵻ we̍i̍ nu̍ la̍ ji̍ dode̍ mɔ̀ iě faɔn ple̍. Jɛ mɔ̀ jě ɛ̍-ɛ, ɛ̍ iě mɔ̀ Nyɔsoa-a nynuu̍ we̍i̍ nu̍, wɛ̀ à iě Nyɔsoa à Baa dǎɛ.

Wloma 8:39

Dě à dlǔwèàì o, dě blǔh sɔ̀n o, dɛ̍ dɛɛ se̍ dě Nyɔsoa-a nu̍-dɛ̍ᵻá chɛ̀ la nynɛ̌ nɛ wɛ̀ ɛ̍ iě ɔ̍ ke à jbɛɛ i̍ che̍ɛ̍ɛn bɛ̌ɛ. Jbɛɛ la ɔ̍ jaɛ ɛ̍ dě à Joi Jusu Klai ja̍a̍.

Wloma 9:6

Dɛ̍ ǎn bla̍-aɛ, ɛ̍ se̍ nɛ̀ Nyɔsoa-a wlu̍ gbǎ si̍h i̍ kai. Ɛ̍ se̍ Eslɔɛ nyɔ̍-a tloemlai kli̍hgbɛ̍ à se̍ Eslɔɛ nyɔ̍ dǎɛ.

2 Kɔwlɛntiɔn 11:18

Ka nyɔ̍ dɔu-a po̍-a wɔ̍i̍n dǒ dɛ̍ᵻ u̍h nu̍-aɛ we̍-ɛ, nɛ̀ ǎn mu̍ wɔ̍i̍n po̍ ke.

Kelesea 5:25

Ka à nɛ-ɛa Sùù kmɔ̌ wɛ̀-ɛ, nɛ̀ mɔ̀ à naɛ dě Sùù di̍i̍.

Kelesea 6:16

Dɛ̍ ǎn bla̍-aɛ, nyɔ̍ ɔ̀ mu̍-a ɛ̍ nu̍-ɛ, nɛ̀ ɔ̍ mu̍ wɔɛ jě-ɛ, wɛ̀ ɔ̍ wlùh iě i̍ tè. Mɔ̀ɔ̍ bo ùh wɔ̀ ka Eslɔɛ nyɔ̍ wɛ̀ dǒ Nyɔsoa we̍.

Ɛfɛsɔ 6:18

Mɔ̀-a ba̍le-ɛ kli̍hgbɛ̍ ke, dɛ̍ jbǎ-a ke̍, dě Nyɔsoa-a Sùù ja̍a̍ bo i̍h iě jii. Mɔ̀ bɔ̌ se̍a̍-a, mɔ̀ ba̍le dǒ Nyɔsoa nyɔ̍ kli̍hgbɛ̍-a tàà te̍e̍ kleǐn.

Felepai 1:1

Chlǐh-dɛ̍ la ɛ̍ sɔ nɔ̌ mɔ̍ Pɔɔ ke Timote we̍, àɔ̀ nu̍-a Jusu Klai-a pòi̍nynuu̍-ɛ. Ɛ̍ mu̍ dě Nyɔsoa nyɔ̍ kli̍hgbɛ̍ ùh kɔn-a dǒ Jusu Klai we̍ dǒ Felepai wlɔ̀ di̍i̍-ɛ we̍, ɛ̍ ke chɔchi̍h-a fààmlà ke ɛ̍ jǔ dbee nyɔ̍ ke.

Felepai 3:12

Ɛ̍ se̍ nɛ̀ ǐn jɛɛ sìla̍ wɛ̀, iě mɔ̍ɔ-ɛ, ǐn wɛ̀ nɛi̍ wɛ̀ kai. Jɛ ǎn fɔ̀n dɛ̍ we̍ wɛ̀ iě sìla̍ jɛɛ, ɛ̀ kɔn tìh Jusu Klai chlì-a m dě ɔ̍ fɔ̌ we̍-ɛ, wɛ̀ iě ɛ̍ jě.

Felepai 3:14

Ɛ̍ kɔn ǎn fɔ̀n dɛ̍ we̍ iě sìla̍ ɛ̀ nɛ-a dě ja̍i̍wlɔ̀ ɛ̀ kɔn tìh Nyɔsoa dǎ-a m dě Jusu Klai ja̍a̍-ɛ jɛɛ.

Kalase 2:11

Dě ɔ̍ ja̍a̍ bo mɔ̀ gbǎ-ɛ plɔ̀n, ɛ̍ se̍ nyi̍ɔ̍-a sɔ̍n ɛ̀ se̍ mɔ̀ plɔ̀n po̍. Jɛ Klai naɛ plɔ̀n gbǎ-a sà nyɔ̍ dě gblɛ̍n sɔ̀ɛ̀n ku̍ la di̍i̍.

Judi 1:20

Jɛ ǎn tìh kma nyɔ̍, mɔ̀ kui mɔ̀-a chɛ̀ i̍ dě Nyɔsoa wlùh gbaɛ di̍i̍. Nɛ̀ mɔ̀ ba̍le dě ɔ̍ Sùù di̍i̍.