Felepai 3:2 - Ku̍o̍ Delee 1999

² Gbèᵻ la ùh-a nu̍-a dɛ̍ᵻ sɔ̀nᵻɛ́, mɔ̀ nu̍ nɛnɛ̌ dǒ u̍h pùn. U̍h la̍ nyɔ̍ kɔn nyɔ̍ iě plɔ̀n gbǎ dǒ nyi̍ɔ̍-a sɔ̍n we̍ wɛ̀ u̍h iě Nyɔsoa nyɔ̍ nu̍.

Felepai 3:2 Iomraidhean Croise

Matio 24:10

Ɛ̍ ti̍ laa̍ nɛ̀ nyɔ̍ dɔu-a mu̍ u̍h-a wlùh gbaɛ i̍ tǎli. Nɛ̀ u̍h-a mu̍ sà ìn ba̍ kwlǎ ìn ba̍ sà ìn kwlǎ nu̍ dě nyɔ̍ duuh we̍. Jɔ-ɛ, nɛ̀ ɔ̍ mu̍ ɔ̍ ba̍ faɛn.

Matio 7:15

Ɔ̍ la̍a̍, “Mɔ̀ nu̍ nɛnɛ̌ dǒ Nyɔsoa-a tu̍owli po̍ nyɔ̍-a si̍h naɛ we̍. Pò u̍h ja dǒ nyɔ̍ we̍ ji̍ sàǐtòò-ɛ, nɛ̀ u̍h gbɛ̍n tìh i̍ ka blawɛ̌-ɛ. Jɛ nɛ̀ u̍h wɔ̀ gbɛ̍n-nmi̍i̍ dě u̍h di̍i̍ ka.

Matio 7:6

“Dɛ̍ ɛ̀ kɔn-a dǒ Nyɔsoa we̍-ɛ, mɔ̀ bɔ̌ ɛ̍ gbèᵻ nyǐ-ɛ. Mɔ̀-a jɛ nyǐ ɛ̍ i̍h-ɛ, i̍h-a mu̍ kwa̍ i̍ bǐi sǔh i̍h iě mɔ̀ nmu̍. Nɛ̀ mɔ̀ bɔ̌ mɔ̀-a pɛ̀ɛ̀ dɛ̍ᵻ ìh gbǎ-a dɛ̍kɛ̍n-ɛ dǒ be̍e̍ᵻ jǔ i̍ po̍-ɛ, i̍h se̍ i̍h-a dɛ̍ i̍ juo. Ɛ̍ tìh-ɛ, i̍h-a mu̍ i̍h kɛ̍n i̍ na sǔh.”

Wloma 2:28

Nyɔ̍-a Juu jǔ nu̍-ɛ se̍ dɛ̍ ɛ̀ nyi̍ɔ̍-a jě-aɛ. Plɔ̀n gbǎ-a gblangbai̍ naɛ se̍ dɛ̍ ɛ̀ nyi̍ɔ̍-a jě-a ɛ̀ nɛ-a dǒ nyi̍ɔ̍-a ku̍ pùn-ɛ.

2 Kɔwlɛntiɔn 11:13

Nyɔ̍ kaɛn la Klai-a gba̍tòà-a si̍h naɛ bo. U̍h-a tmɔ̌ si̍h dǒ u̍h-a dbo̍ u̍h-a nu̍-aɛ we̍. U̍h-a nu̍ u̍h-a chɛ̀ Klai-a gba̍tòà we̍i̍.

Kelesea 5:13

Ǐn de̍di̍i̍ᵻ, mɔ̀ɔ̍ nɔ̀ɔ̍, mɔ̀ dǎ-ɛ mɔ̀ iě de̍e̍ i̍ flɔn. Jɛ mɔ̀ bɔ̌ mɔ̀-a de̍e̍ i̍ flɔn-ɛ dǔ-ɛ, wɛ̀ mɔ̀ bɔ̌ ɛ̍ gblɛ̍n sɔ̀ɛ̀n nui-ɛ. Jɛ jɔ-ɛ, nɛ̀ ɔ̍ dbee ɔ̍ ba̍ jǔ dě jbɛɛ di̍i̍.

Kelesea 5:15

Jɛ pò mɔ̀ ja we̍ gbe̍ɛ̍ɛn mɔ̀ iě kà nu̍-ɛ, nɛ̀ mɔ̀ tù ɛ̍ jlǐhɛ̍ o. Mɔ̀ se̍ nɛnɛ̌ nu̍-ɛ, nɛ̀ mɔ̀-a mu̍ we̍-e gbɔ̀lɔ o.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Felepai 3:19

U̍h-a mu̍-u gbɔ̀lɔ-ɛ, dɛ̍nu̍ɛ, kwlǐ tè-ɛ bo u̍h-a dǎɛ Nyɔsoa dɛ. Dɛ̍ ɛ̀ iě-a u̍h tɛ̀n-ɛ po̍-ɛ, ɛ̍ kɔn tìh bo u̍h-a blɔ̌. Dɛ̍ᵻ nɛ-a nɔ̌ kmɔ̌ we̍-ɛ, i̍h kɔn tìh u̍h-a naɛ wlùh i̍.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

1 Timote 1:19

Nɛ̀ wlùh gbaɛ ke kɛ̍ wlùh chɛ̀ bo ìè blě. Nyɔ̍ duuh se̍ kɛ̍-ɛ nɛ, sɔ ɛ̍ nu̍ ɛ̍ u̍h-a wlùh gbaɛ gbɔ̀lɔ-ɔ.

Taitɔ 1:16

U̍h la̍ u̍h juo Nyɔsoa, jɛ u̍h-a nu̍-dɛ̍ᵻ to ɛ̍-ɛ ka u̍h se̍-a ɔ̍ juo-ɛ. U̍h nu̍ nyɔ̍ sɔ̀nᵻ nyɔ̍. U̍h-u nu̍ Nyɔsoa-a wlu̍ iě u̍h se̍ dɛ̍ chɛ̀ nu̍-ɛ bɛ̌ɛ.

2 Pitɛ 2:22

Dɛ̍ ɛ̀ nɛ-a u̍h jii̍-ɛ, ɛ̍ to ɛ̍ ka nɛnǎᵻ la i̍h nu̍-a tìh-a taǐn-ɛ. I̍h la̍a̍, “Gbè bǐi i̍ wɛ̀ ɛ̍ bɛ̍ ɛ̍ chɛ̀-a wlàwi̍h. Be̍e̍ ɛ̀ wɔ̀-a dle-ɛɛ, ɛ̍ bo ɛ̀ bǐi i̍ wɛ̀ ɛ̍ gbǎ dě pɔlɔ̌ di̍i̍ dode̍.”

Judi 1:4

Nyɔ̍ duuh ùh kɔn kɛ̀n sà tìh chlǐh-a dě Nyɔsoa-a wlu̍ di̍i̍ tɛin-ɛ, u̍h gbǎ mɔ̀ nynɛ̌ soɛɛ. U̍h se̍ Nyɔsoa dɛ-ɛ nɛ, ɛ̍ kɔn u̍h-a bǐi blɛ Nyɔsoa nyǐ-a àɔ̀-ɛ kwa̍ i̍, wɛ̀ u̍h iě ɛ̍ se̍i̍kɔɛn nui. Wɛ̀ Jusu Klai ɔ̀ nɛ due nu̍-a à Joi ke à Dlǔtu-ɛ, iě u̍h tba̍ ɔ̍ chla.

Wlɛfeleseɔn 2:9

Ɔ̍ la̍a̍, Ǐn juo ɛ̍-ɛ ka mɔ̀ pa̍-a nyɔ̍gbà iě mɔ̀-a sàɛ̀-a jua̍i̍-ɛ. Jɛ mɔ̀ pàn-ɛ o. Nyɔ̍ ùh se̍-a Juu nyɔ̍ wɛ̀ u̍h la̍ u̍h nu̍-a Juu nyɔ̍-ɛ, wlu̍ sɔ̀nᵻ u̍h-a po̍-a mɔ̀ pùn i̍-ɛ, ǐn ju̍o̍e i̍h we̍ i̍. Jɛ u̍h bo ùh nu̍ Setɔn-a nyɔ̍.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.

Wlɛfeleseɔn 3:9

Mɔ̀ gbɛ̀n-e, nyɔ̍ ùh kɔn-a dǒ Setɔn-a gbɔ̀ù we̍-ɛ, u̍h nu̍ si̍h nyɔ̍. U̍h la̍ u̍h-u Juu nyɔ̍, jɛ u̍h se̍ Juu nyɔ̍. Jɛ ǎn mu̍ ɛ̍ nu̍ u̍h iě ji̍ wɛ̀ u̍h iě i̍ chlìi dǒ mɔ̀ jǔ. Wɛ̀ u̍h kli̍hgbɛ̍ iě ɛ̍ i̍ juo ka ǐn jbɛɛ-a mɔ̀ɔ̍-ɛ.