Felepai 3:19 - Ku̍o̍ Delee 1999

¹⁹ U̍h-a mu̍-u gbɔ̀lɔ-ɛ, dɛ̍nu̍ɛ, kwlǐ tè-ɛ bo u̍h-a dǎɛ Nyɔsoa dɛ. Dɛ̍ ɛ̀ iě-a u̍h tɛ̀n-ɛ po̍-ɛ, ɛ̍ kɔn tìh bo u̍h-a blɔ̌. Dɛ̍ᵻ nɛ-a nɔ̌ kmɔ̌ we̍-ɛ, i̍h kɔn tìh u̍h-a naɛ wlùh i̍.

Felepai 3:19 Iomraidhean Croise

Matio 16:23

Wɛ̀ Jusu fèàɛ̀, iě ɔ̍ la̍a̍, “Pitɛ, mɔ̀ Setɔn, sɔ da̍a ǐn jua̍a̍ i̍. Àn ka̍n ǎn wìè. Ìn se̍ Nyɔsoa wlùh blě, kmɔ̌ nyɔ̍-a wlùh bo ìn blě.”

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Pɔ̀n Chɛ̀ Luu To-a La 12:19

Nɛ̀ ǎn mu̍ ka dǎ dě ǎn chɛ̀ we̍, “Mla̍ jɔ̍gbau, ìn blě kɔn-dɛ̍ᵻ chɛ̀ dǒ sɔ̀nᵻ dɔu we̍. Nu̍ kmɔ̌-a pɛ̍pɛ̍, di̍ dɛ̍ ìè nǎ, ìè kmɔ̌ nu̍.” ’

Pɔ̀n Chɛ̀ Luu To-a La 16:19

“Jɔ̍gbau due bo ɔ̀ pàn, sɔ jlii̍ chɛ̀ ìh kɔn pɛlǔh bɛ̌-a i̍-ɛ bo ɔ̍ pa̍-a iě ɔ̍ nu̍ kmɔ̌ wlù ke sɔ̀n.

Pɔ̀n Chɛ̀ Luu To-a La 18:4

Ɔ̍ nu̍ nynɔ̌ laa̍ jla̍-a i̍ dǒ ti̍ gbɔ̍ di̍i̍. Wɛ̀ ɔ̍ la̍a̍ dě ɔ̍ chɛ̀ we̍, ‘Nɛ̌ ple̍ Nyɔsoa jǔ, wɛ̀ ǎn bla̍ nyɔ̍ jlǐhɛ̍ dlǔ-a chɛ̀ gbɛɛ.

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

Wloma 6:21

Ìh kɔn nu̍-ɛa po̍-a ka mɔ̀ tɛ̀n-ɛ ti̍laa-ɛ, ti̍ mɔ̀-a nu̍-a i̍h-ɛ, sɔ dɛ̍ mɔ̀ jě-o ɛ? I̍h naɛ dlǔ i̍ chlà la̍ nɔ̀ɔ̍ mɛ̌ɛ bo ɛ̀ nɛ-e sǔh.

1 Kɔwlɛntiɔn 3:3

Dɛ̍nu̍ɛ, mɔ̀ wɔ̀ kmɔ̌-a nyɔ̍ ke̍. Wlɛ̀n nu̍-ɛ ke wɔ̍ɔ̍n i̍ sà-a nɛ-a dě mɔ̀ nynɛ̌-ɛ, nɛ̀ ɛ̍ se̍ kmɔ̌-a dɛ̍ᵻ mɔ̀-a se̍ nu̍ ke̍ gbɔ̀ɔ ae?

1 Kɔwlɛntiɔn 5:2

wɛ̀ mɔ̀-a po̍ ɛ̍ bu̍hᵻ wlù i̍. Ìh la mɔ̀ nɛ i̍h-a sùàɛ̀n pa̍ ka̍ de o. Jɔ̍gbau ɔ̀ nu̍-a ɛ̀ kaɛn la-ɛ, mɔ̀ sà ɔ̍ dě mɔ̀-a chɛ̀ nynɛ̌.

1 Kɔwlɛntiɔn 5:6

Mɔ̀-a blɔ̌-ɛ se̍ jii̍ nmɔ. Mɔ̀ se̍ i̍h juo ka blèe̍ fù-i dɛ̍ᵻá dɛ̍ juwɛ-a fù-ia blèe̍ gbo̍ gbàǐ-ɛ ae?

2 Kɔwlɛntiɔn 11:12

Dɛ̍ ǎn nu̍-aɛ bo ǎn mu̍ dluwe̍ i̍ gba̍ iě nu̍. Ǎn pɔ̀n nyɔ̍ la u̍h-u je̍e bu̍h-a tba̍ la̍ jě, wɛ̀ u̍h-u je̍e ka nu̍ u̍h-a nu̍ dbo̍ ka à nu̍-a dbo̍ nu̍-ɛ.

2 Kɔwlɛntiɔn 11:15

Ɛ̍ tìh-ɛ, ɛ̍ se̍ nyɔ̍ i̍ kèle dɛ̍ pò ɛ̍ pòi̍nynuu̍ nu̍ u̍h-a chɛ̀ Nyɔsoa ɔ̀ slɛ̌-a i̍-ɛ ɔ̍ pòi̍nynuu̍ we̍i̍-ɛ. Dě ɛ̍ dlǔ i̍ chlà la̍-ɛ, u̍h-a mu̍ kàn gbɛ̍n-ɛ dǒ u̍h-a nu̍-dɛ̍ᵻ u̍h nu̍-aɛ we̍.

Kelesea 6:13

Nyɔ̍-a chɛ̀ ùh gbǎ-a plɔ̀n-ɛ, u̍h-u jě telě dɛ̍ɛ̍. Jɛ u̍h-a pɔ̀n mɔ̀ iě plɔ̀n gbǎ wɛ̀ u̍h iě mɔ̀-a plɔ̀n gbǎ dɛ i̍ blɔ̌-ɛ.

Felepai 2:21

Jɛ juh kli̍hgbɛ̍ sie-a dǒ de̍-ɛ, u̍h-a sì u̍h-a chɛ̀-a tìh sǔh, u̍h se̍ Jusu Klai-a tìh sì.

Kalase 3:2

Dɛ̍ᵻ ìh nɛ-a dě ja̍i̍wlɔ̀-ɛ, dě i̍h we̍ bo mɔ̀ iě wlùh po̍. Mɔ̀ bɔ̌ ɛ̍ nɔ̌ bloɔ̍ naɛ we̍ po̍-ɛ.

2 Tɛsoloniɔn 1:9

U̍h-a mu̍ kàn gbɛ̍n-ɛ, wɛ̀ u̍h iě-e gbɔ̀lɔ nɔ̌ kmɔ̌-a kmɔ̌. U̍h se̍ Joi-a jua̍a̍ jě mu̍, ɛ̍ ke ɔ̍ tìh-a i̍ bɛ̌-ɛa i̍ bɛ̌ɛ gbǐh ke.

2 Tɛsoloniɔn 2:12

Wɛ̀ nyɔ̍ kli̍hgbɛ̍ ùh se̍-a tìh-a taǐn tìh chɛ̀ po̍ iě dɛ̍ᵻ sɔ̀nᵻ nu̍-ɛa po̍-a gbǐh-ɛ, wɛ̀ kɛ̀n iě u̍h kwa̍a̍ sɔ.

2 Tɛsoloniɔn 2:8

Wɛ̀ Nyɔ̍ Sɔ̀n iě tà wlǔh-ɛ dǔ. Jɛ nɛ̀ Joi Jusu-a mu̍ ji̍, wɛ̀ ɔ̍ iě nyɔ̍ kɛ̍n wlǔh-i. Nɛ̀ ɔ̍ mu̍ Nyɔ̍ Sɔ̀n-a chɛ̀ dbǎ dǒ ɔ̍ poɔ-a mu̍-a dě ɔ̍ wɔ̍ɔ̍n sɔ-ɛ we̍. Wɛ̀ ɔ̍ iě ɔ̍-ɔ gbɔ̀lɔ dǒ ɔ̍ ji̍ la̍.

1 Timote 6:5

Nyɔ̍ duuh nɛ-o u̍h-a wlu-ɛ i̍ pɔ̀n-ɛ se̍ siee la̍ kɔn, iě u̍h-a nu̍ sàwlùh-ɛ. U̍h nɔ̀ɔ̍, tìh-a taǐn se̍ dě u̍h ja̍a̍ nɛ. Sɔ u̍h jajeɛ̍ Nyɔsoa wɛɛ sà-a bo ɛ̀ pàn-ɛ nyɔ̍ de.

2 Timote 3:4

U̍h-a mu̍ nyɔ̍ ple̍ nyɔ̍ nu̍, u̍h se̍-e kmɔ̌ we̍ kɔn mu̍. U̍h-a mu̍ ko̍o̍ chɛ̍n u̍h iě tabɛjuɛ po̍ tìh kma, wɛ̀ Nyɔsoa iě-o i̍ sie.

Chiin 4:16

Jɛ mɔ̀-a po̍ wɔ̍i̍n, iě mɔ̀-a blɔ̌. Wɔ̍i̍n po̍-ɛ kaɛn la i̍h kli̍hgbɛ̍ nu̍ dɛ̍ᵻ sɔ̀nᵻ.

2 Pitɛ 2:1

Ka Nyɔsoa-a tu̍owli po̍ nyɔ̍-a si̍h naɛ nu̍-a nyɔ̍ɔ nynɛ̌ gbǎ-a tɛin-ɛ, kǎ nǎ po̍ nyɔ̍-a si̍h naɛ-a mu̍ mɔ̀ nynɛ̌ gbǎ-a nu̍ ke ti̍laa. Nɛ̀ si̍h ɛ̀ gbɔ̀lɔ-a dɛ̍ɛ̍-ɛ, ɛ̍ bo u̍h-a mu̍ nyɔ̍gbei nǎ poe. Wɛ̀ Dlǔtu jɔ pùhbɔ-a u̍h kɛ̍ɛ̍n-ɛ, u̍h iě ɔ̍ chla tba̍. Wɛ̀ i̍-i gbɔ̀lɔ-ɛ ɛ̀ kèè-a nyɔ̍ kɛ̍n-ɛ, u̍h iě ɛ̍ u̍h-a chɛ̀ we̍ ja.

2 Pitɛ 2:13

Ka u̍h-a nu̍-dɛ̍-a nu̍-a nyɔ̍ i̍ poa-ɛ, nɛ̀ nu̍-dɛ̍-a nyɔ̍ i̍ poa bo ɛ̀ mu̍ u̍h-a pɛ̌ɛ la̍ nu̍. Se̍i̍kɔɛn nu̍-ɛ jlǔh gbàɔ̀ kloklǒ bo u̍h-a dǎɛ kmɔ̌ nu̍-ɛ. Ɛ̍ nu̍ tɛ̀n dɛ̍-ɛ wɛ̀ ɛ̍ nu̍ nyɔ̍ mlɔ̌ wɔ̍n po̍ dɛ̍, u̍h iě mɔ̀ nynɛ̌ gbǎ dǒ dɛ̍ di̍ la̍. Pò u̍h ja mɔ̀ i̍ boe-ɛ, nɛ̀ ɛ̍ pɛ̌n-ɛ u̍h-a pɔluh i̍.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.

Judi 1:10

Jɛ u̍h-u laa̍ pò u̍h se̍ dɛ̍ jɛ we̍i̍ wɔ̌n sǔh-ɛ, nɛ̀ u̍h-a po̍ la̍ chlèwli̍ kleǐn. U̍h wɔ̀ kwlǎ-nmi̍i̍, u̍h-a chɛ̀-a slɛ̌ bo u̍h-a nui dɛ̍. Ɛ̍ bo ɛ̀ mu̍ u̍h-u gbɔ̀lɔ.

Judi 1:16

Nyɔ̍ la u̍h blě sàǎsà, iě u̍h-a kɔ̌-ɛ nyɔ̍ duuh-a nynɛ̌. U̍h-a wlùh-u tè i̍. U̍h-a nu̍ dɛ̍ᵻ sɔ̀nᵻ, ìh nu̍-a u̍h-a chɛ̀-a wlùh dɛ̍ᵻɛ́, iě u̍h-a blɔ̌-ɛ u̍h-a chɛ̀ dɛ i̍, wɛ̀ u̍h-a sɛ̌ɛ nyɔ̍gbei i̍ u̍h iě u̍h dɛ̍ kɛ̍n jě.

Judi 1:4

Nyɔ̍ duuh ùh kɔn kɛ̀n sà tìh chlǐh-a dě Nyɔsoa-a wlu̍ di̍i̍ tɛin-ɛ, u̍h gbǎ mɔ̀ nynɛ̌ soɛɛ. U̍h se̍ Nyɔsoa dɛ-ɛ nɛ, ɛ̍ kɔn u̍h-a bǐi blɛ Nyɔsoa nyǐ-a àɔ̀-ɛ kwa̍ i̍, wɛ̀ u̍h iě ɛ̍ se̍i̍kɔɛn nui. Wɛ̀ Jusu Klai ɔ̀ nɛ due nu̍-a à Joi ke à Dlǔtu-ɛ, iě u̍h tba̍ ɔ̍ chla.

Wlɛfeleseɔn 18:7

Ka ɔ̍ bɛ̌-ɛa ɔ̍ chɛ̀ i̍ iě ɔ̍ naɛ-a dě kmɔ̌-a gbà ja̍-ɛ, kǎ mɔ̀ iě ɔ̍ jua̍i̍ sàɛ̀ ke sùàɛ̀n pa̍-a we̍ ja-a nu̍ ke. Dɛ̍nu̍ɛ, ɔ̍ chɛ̍n ko̍o̍, ɔ̍ la̍a̍, ‘Mɔ̍ la ǐn kɔn bloa̍ wlu̍ i̍. Ǐn se̍ tèwànynɔ̌, sùàɛ̀n pa̍-a se̍ gba̍ ǐn we̍ ji̍.’

Wlɛfeleseɔn 19:20

Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.