Felepai 3:18 - Ku̍o̍ Delee 1999

¹⁸ Ɛ̀ la ǐn dǔ ɛ̍ mɔ̀ wlùh sèàɛ̍ se̍e̍, iě ǎn gba̍ la̍ ɛ̍ kɛ̍n i̍ dɛ dǒ mǐtɛɛn we̍. Nyɔ̍ dɔu-a chɛ̀-a gblɛ̍n bo ɛ̀ to ɛ̍ ka u̍h faɛn-a Klai-a dǒ gbàɛ̍ kɛ̍n i̍ tu̍ wlì mɛ̌-ɛ tìh-ɛ.

Felepai 3:18 Iomraidhean Croise

Pɔ̀n Chɛ̀ Luu To-a La 19:41

Ti̍ Jusu kɔǎɛn-ɛa Juluslɛn i̍-ɛ, ɔ̍ gbɛ̀n-a dě wlɔ̀-ɛ, wɛ̀ ɔ̍ fìn-i ɛ̍ dlǔ i̍.

Nu̍-dɛ̍ᵻ 20:19

Ǎn dbee Joi jǔ iě ǎn wàn-ɛ ǎn chɛ̀ i̍. Ǎn jě tìh wɛ̀ mǐtɛɛn-a wɛ̀ dě ǐn jlǐh i̍ dǒ ka Juu nyɔ̍ nu̍-a ǐn sɔ̌-ɔ sɔɛn-ɛ we̍.

Wloma 9:2

ǎn wlùh gbǎ seɔn kaa̍, iě ǎn pɔluh-a wàànwààn nu̍-ɛ se̍ dlǔ i̍ chlà la̍ kɔn dǒ ǐn de̍di̍i̍ᵻ Eslɔɛ nyɔ̍ we̍.

1 Kɔwlɛntiɔn 1:18

Dɛ̍nu̍ɛ, tu̍owli ɛ̀ kɔ̍-a dǒ Klai-a dǒ gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, ɛ̍ wɔ̀ se̍o̍nɛ dǒ nyɔ̍ ùh-a mǎ-aɛ we̍, jɛ àɔ̀ juh-a pǔh-aɛ, nɛ̀ Nyɔsoa-a gbǐh bo ɛ̍ to.

1 Kɔwlɛntiɔn 6:9

Mɔ̀ juo ɛ̍, ka nyɔ̍ ùh se̍-a i̍ slɛ̌-ɛ, u̍h se̍-a dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍ mu̍-ɛ. Mɔ̀ bɔ̌ mɔ̀-a chɛ̀ i̍ boe-ɛ, gbǎn nu̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, nynɛ̌à nu̍ nyɔ̍ ke, tba̍ɛ kɛ̍n i̍ nu̍ nyɔ̍ ke,

2 Kɔwlɛntiɔn 11:13

Nyɔ̍ kaɛn la Klai-a gba̍tòà-a si̍h naɛ bo. U̍h-a tmɔ̌ si̍h dǒ u̍h-a dbo̍ u̍h-a nu̍-aɛ we̍. U̍h-a nu̍ u̍h-a chɛ̀ Klai-a gba̍tòà we̍i̍.

2 Kɔwlɛntiɔn 11:29

Pò nyɔ̍-o-nyɔ̍-a gbǐh ja sɔɔn nu̍-ɛ, nɛ̀ ǎn gbǐh-a nu̍ sɔɔn ke. Pò nyɔ̍-o-nyɔ̍ gbǎ dě gblɛ̍n sɔ̀ɛ̀n di̍i̍-ɛ, nɛ̀ ǎn wlùh gbǎ dě de̍ i̍.

2 Kɔwlɛntiɔn 2:4

Ǐn chlǐh mɔ̀ we̍ dě jua̍i̍ sàɛ̀ ke, wlùh-a dě de̍ i̍ gbǎ-a ke fìn-ɛ dɔu di̍i̍. Ɛ̍ se̍ iě mɔ̀-a wlùh dě de̍ i̍ po̍ kai, jɛ iě ɛ̍ to-ɛ ka ǐn nu̍-a mɔ̀ kli̍hgbɛ̍-ɛ jbɛɛ kaa̍-ɛ.

Kelesea 1:7

Jɛ pɔ̀n chɛ̀ dɛɛ se̍ nɛ fu̍u̍. Dě mɔ̀ we̍ bo nyɔ̍ duuh nɛ u̍h-a bɛ̌ɛ mɔ̀ wɔ̍ɔ̍n i̍, u̍h iě Klai-a pɔ̀n chɛ̀-a klě-e fiǎn.

Kelesea 2:14

Ti̍ ǐn juo-ao dɛ̍ i̍ ka u̍h-u naɛ-a dě pɔ̀n chɛ̀-a tìh-a taǐn di̍i̍-ɛ, wɛ̀ na̍a̍ dě Pitɛ we̍ dǒ u̍h kli̍hgbɛ̍ jlǐhwai, “Mɔ̀ Juu jǔ, jɛ àn nu̍ la̍ ùh se̍-a Juu nyɔ̍-ɛ u̍h-a gblɛ̍n, nɛ̀ nu̍ Juu gblɛ̍n dɛ. Ka ɛ̍ iě nu̍ wɛ̀ àn nɛ̌ ùh se̍-a Juu nyɔ̍-ɛ kɛ̍ɛ̍n u̍h iě Juu gblɛ̍n nu̍ ɛ?”

Kelesea 2:21

Ǐn se̍ Nyɔsoa-a blɛ chla tba̍. Dɛ̍nu̍ɛ, pò telě ja nyɔ̍ i̍ slɛ̌-ɛ de dě Nyɔsoa jlǐh-ɛ, nɛ̀ Klai-a mɛ̌ɛ se̍ dɛ̍ i̍ blaɛ de.

Kelesea 5:21

se̍ nyɔ̍ dɔɔ-a dɛ̍ kɔn pɔ̀n ɛ̍ ke, chɛ̀ nmɔ̍ wlì sìèè-ɛ ke, sììjii̍ nu̍-ɛ peě kɛ̍n i̍ ke, iě diih nɛ-o ìh ke ìh la wɔ̀ɛ-ɛ. Ka ǐn nu̍-a mɔ̀ gbòɛ̀ɛ̀ sàǐtòò-ɛ, ɛ̍ bo ǎn nu̍ la̍ dɛ. Na̍ nyɔ̍ ùh-a nu̍-a ìh la-ɛ, u̍h se̍ fɔ̌ blě mu̍ dě Nyɔsoa-a kmɔ̌ wlu̍ i̍ kɔn-ɛ di̍i̍.

Kelesea 6:12

Nyɔ̍ ùh-a pɔ̀n-a u̍h-a chɛ̀ nyɔ̍ chɛ̀ we̍i̍ nu̍-ɛ i̍-ɛ, u̍h bo ùh-a nɛ̌ mɔ̀ kɛ̍ɛ̍n mɔ̀ iě plɔ̀n gbǎ. U̍h-a nu̍ laan wɛ̀ u̍h-u je̍e klě jě Klai ɔ̀ mɛ̌-a dǒ gbàɛ̍ kɛ̍n i̍ tu̍ wlì-ɛ ɔ̍ tìh.

Kelesea 6:14

Jɛ mɔ̍ɔ-ɛ, à Joi Jusu Klai-a dǒ gbàɛ̍ kɛ̍n i̍ tu̍ wlì mɛ̌ɛ tìh nɛ due bo ǎn mu̍ blɔ̌. Ɔ̍ tìh bo kmɔ̌ we̍ dɛ̍ᵻ mɛ̌ dǒ ǐn we̍, wɛ̀ ǐn mɛ̌ ke dǒ i̍h we̍.

Ɛfɛsɔ 4:17

Nɛ̀ɛ̍, ǐn gbɛ̍n mɔ̀-a bu̍hᵻ i̍ dǒ Joi-a nynɛ̌ kɛ̍n, mɔ̀ bɔ̌ kmɔ̌ nɛ-ɛ dɛ ka se̍ Nyɔsoa juo nyɔ̍-ɛ. Dɛ̍nu̍ɛ, u̍h nɔ̀ɔ̍, pɔ̀ɔ̍pìe̍ dɛ̍ᵻ bo u̍h-a slè-e wlùh i̍.

Felepai 1:4

Ǎn ba̍le-e dǒ mɔ̀ kli̍hgbɛ̍-a tàà ma̍u̍. Ǎn nmɔ-ɛ dǒ ǎn ba̍le la̍.

1 Tɛsoloniɔn 4:6

Nɛ̀ɛ̍, nyɔ̍ bɔ̌ ɔ̍ de̍di̍i̍ dɛ̍ sɔ̀n pùn nu̍-ɛ, àe̍e̍ ɔ̍ bɔ̌ ɔ̍ wɔ̍n sìì dɛ nu̍-ɛ dě blǐ tǐn-i dɛ la di̍i̍. À sèàɛ̍ mɔ̀ wlùh se̍e̍, iě à gbòɛ̀ɛ̀ mɔ̀ ka Joi-a mu̍-a ɛ̍ we̍ nyɔ̍ kàn gbɛ̍n-ɛ.

2 Tɛsoloniɔn 3:11

À bla̍ ìh la, dɛ̍nu̍ɛ, à wɔ̌n i̍h mɔ̀-a nyɔ̍ duuh nɛ dě flàn-dɛ̍ di̍i̍. U̍h-u nu̍ dbo̍, jɛ tìh se̍-a u̍h-a tìh-ɛ bo u̍h-a po̍ wɔ̍n di̍i̍.

2 Pitɛ 2:10

Nyɔ̍ ùh wɔ̀-a dǒ u̍h-a chɛ̀-a wlùh dɛ̍ᵻ de̍e̍, iě u̍h-a nu̍-a se̍i̍kɔɛn, wɛ̀ ùh-u jě-a tùn blě nyɔ̍ dɛ̍ɛ̍-ɛ, u̍h-u bo Nyɔsoa-a mu̍ kàn gbɛ̍n chɛ̀ɛ̌chɛ̀. Nǎ po̍ nyɔ̍-a si̍h naɛ la u̍h bɛ̌ wlì i̍, iě u̍h-a chɛ̍n ko̍o̍. Tìh-a i̍ bɛ̌-ɛ nyɔ̍ nɛ-a dě à dlǔwèàì-ɛ, u̍h-u ple̍ faɔn dǒ u̍h wlu̍ pùn i̍ po̍ la̍.

Judi 1:13

U̍h wɔ̀ jbǒ-a je̍ɔ̍ dǒ ìh-a tè-a feɔn mlǎ i̍-ɛ, kǎ u̍h nu̍ mlɔ̌ dǒ jua̍a̍ i̍ tè-ɛ. Chǔhtlɛ̀n poɔ blě-a wlɛ̌ jǔ ìh kɔn tè la̍ Nyɔsoa po̍-a gba̍a̍ dě kwile gbeu di̍i̍ nɔ̌ kmɔ̌-a kmɔ̌-ɛ, i̍h bo u̍h wɔ̀.