Felepai 3:15 - Ku̍o̍ Delee 1999

¹⁵ Nɛ̀ɛ̍, àɔ̀ juh-a wɔ̌n-a ka dɛ̍ᵻ kli̍hgbɛ̍-ɛ i̍-ɛ, nɛ̀ sìla̍ jɛɛ-a wlùh laa̍ bo à iě blě la̍ sǔh. Jɛ pò dɛ̍ dɛɛ nu̍ ɛ̍ wɛ̀ mɔ̀ iě wlùh dɛɛ blě-ɛ, nɛ̀ Nyɔsoa-a mu̍ ɛ̍ we̍i̍ flɔn-ɛ dě mɔ̀ we̍.

Felepai 3:15 Iomraidhean Croise

Matio 5:48

Ɛ̍ tìh-ɛ, ka mɔ̀ Baa ɔ̀ nɛ-a dě ja̍i̍wlɔ̀-ɛ, ɔ̍ nu̍-dɛ̍ nu̍-a gblɛ̍ja̍i̍ wɛ̀-ɛ, kǎ mɔ̀ naɛ iě gblɛ̍ja̍i̍ wɛ̀-ɛ nu̍ ke.”

Pɔ̀n Chɛ̀ Luu To-a La 11:13

Mɔ̀ɔ̍ juh kɔn gblɛ̍n nyni-a jii̍-ɛ, pò mɔ̀ juo mɔ̀-a nynuu̍ dɛ̍ᵻ chɛ̀ nyǐ-ɛɛ, jɛ nɛ̀ mɔ̀ Baa Nyɔsoa nɛ-a dě ja̍i̍wlɔ̀-ɛ, ɔ̍ bo ɔ̀ se̍ nyɔ̍ jbǎ-ɛa ɔ̍ Sùù-ɛ nyǐ mu̍ ae?”

Chɔɔn 6:45

Ɛ̀ chlǐh-a dě Nyɔsoa-a tu̍owli po̍ nyɔ̍-a chlǐh-dɛ̍ di̍i̍-ɛ, ɛ̍ la̍a̍, ‘Nyɔsoa-a mu̍ u̍h kli̍hgbɛ̍ nǎ po̍.’ Nyɔ̍ jɔ wɔ̌n-a Baa-a wlu̍ wɛ̀ ɔ̍ iě ɛ̍ dɛ̍we̍ cheǎn-ɛɛ, nɛ̀ ɔ̍ ji̍ nɔ̌ ǐn we̍.

Chɔɔn 7:17

Nyɔ̍-o-nyɔ̍ ɔ̀ pɔ̀n-a Nyɔsoa-a wlùh nu̍-ɛ i̍-ɛ, nɛ̀ pò ǎn nǎ po̍-ɛ sɔ dě Nyɔsoa we̍ o, iě pò ǐn ja nyɔ̍ nǎ po̍ dǒ ǎn chɛ̀-a sɔ̍n kɛ̍n-ɛ, nɛ̀ ɔ̍ mu̍ ɛ̍ juo.

Wloma 15:1

Àɔ̀ juh kɔn wlùh gbaɛ ku̍-a i̍-ɛ, àɔ̀ bo à iě juh kɔn naɛ se̍-a i̍ ku̍-ɛ we̍ gbǎ wɛ̀ ɛ̍ iě u̍h-a gbǔh ja̍i̍ dǔ. Ɛ̍ se̍ à chɛ̀-a wlùh i̍ tè-e kai.

1 Kɔwlɛntiɔn 14:20

Ǐn de̍di̍i̍ᵻ, mɔ̀ bɔ̌ wlùh i̍ naɛ ka nynuu̍plìh-ɛ. Dǒ dɛ̍ sɔ̀n we̍ bo mɔ̀ iě nynuu̍plìh wɔ̀ɛ-ɛɛ. Jɛ mɔ̀ nu̍ nyɔ̍ klaaᵻ nɔ̀ɔ̍ dǒ wlùh-i naɛ la̍.

1 Kɔwlɛntiɔn 2:6

Jɛ nyɔ̍ ùh ku̍-a dě Nyɔsoa dɛ di̍i̍-ɛ, u̍h bo à nyǐ flɔ̍nwlùh. Ɛ̍ se̍ kmɔ̌ la ɛ̍ flɔ̍nwlùh, iě ɛ̍ wɔ̍ se̍ kmɔ̌ la ɛ̍ wlu̍ i̍ kɔn nyɔ̍-a flɔ̍nwlùh ke, ùh kɔn naɛ-a mu̍-a gbɔ̀ fǒ-ɛ.

Kelesea 5:10

Ǐn tè Joi wlì dǒ mɔ̀ we̍, mɔ̀ se̍ flɔ̍nwlùh dɛɛ de̍e̍ gbǎ mu̍ wɛ̀ mɔ̀ iě-o naɛ̍ i̍ si̍e̍. Nɛ̀ nyɔ̍ jɔ bɛ̌ɛ-a mɔ̀ wɔ̍ɔ̍n i̍-ɛ, ka jɛ ɔ̍ nɛ-ɛ, ɔ̍ mu̍ kàn gbɛ̍n-ɛ.

Ɛfɛsɔ 1:17

Nɛ̀ à Joi Jusu Klai-a Nyɔsoa ɔ̀ nu̍-a tìh-a i̍ bɛ̌-ɛ Baa-ɛ, ǎn wlu dě ɔ̍ we̍ ɔ̍ iě mɔ̀ ɔ̍ Sùù nyǐ. Wɛ̀ ɛ̍ iě mɔ̀ flɔ̍nwlùh nyǐ, ɛ̍ iě mɔ̀ Nyɔsoa toe, wɛ̀ mɔ̀ iě ɔ̍ juo.

Kalase 1:28

À bla̍ ɔ̍ tìh dě nyɔ̍ kli̍hgbɛ̍ we̍. À gbòɛ̀ɛ̀ iě à po̍ u̍h nǎ dǒ flɔ̍nwlùh kli̍hgbɛ̍ we̍. Nɛ̀ ɛ̍ mu̍ kmɔ̌ nɛ u̍h iě ku̍ dě dɛ̍ɛ̍ i̍ wɔ̌n-ɛ di̍i̍ dě Klai ja̍a̍.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

1 Tɛsoloniɔn 4:9

Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

2 Timote 3:17

Wɛ̀ Nyɔsoa-a nyɔ̍ iě kɛ̍n chlìì, ɔ̍ iě dbo̍ chɛ̀ kli̍hgbɛ̍ nu̍-ɛ bɛ̌ɛ.

Iblu 5:14

Di̍-dɛ̍ᵻ klaklǎ kɔn dǒ nyɔ̍ klaaᵻ ùh ju̍o̍e-a dɛ̍ chɛ̀ ke dɛ̍ sɔ̀n-a sèàɛ̀gbàà we̍ i̍-ɛ we̍.

1 Chɔɔn 2:5

Jɛ nyɔ̍ ɔ̀ nu̍-a ɔ̍ wlu̍-ɛ, nɛ̀ ɔ̍-ɔ bo ɔ̀ kɔn Nyɔsoa-a jbɛɛ-ɛ wɛ̀ gblɛ̍ja̍i̍ wɛ̀. Pò ɛ̍ nɛ ka-ɛ, nɛ̀ à juo-o dɛ̍ i̍ wɛ̀ ka à nɛ-a dě Nyɔsoa ja̍a̍-ɛ.