Felepai 3:14 - Ku̍o̍ Delee 1999

¹⁴ Ɛ̍ kɔn ǎn fɔ̀n dɛ̍ we̍ iě sìla̍ ɛ̀ nɛ-a dě ja̍i̍wlɔ̀ ɛ̀ kɔn tìh Nyɔsoa dǎ-a m dě Jusu Klai ja̍a̍-ɛ jɛɛ.

Felepai 3:14 Iomraidhean Croise

Pɔ̀n Chɛ̀ Luu To-a La 16:16

“Mose-a telě ke Nyɔsoa-a tu̍owli po̍ nyɔ̍-a chlǐh-dɛ̍ᵻ nɛ-ɛ se̍e̍, wɛ̀ Chɔɔn ɔ̀ po̍-a nyɔ̍ nǐ dlǔ-ɛ dǔ wlǔh-ɛ. Sɔ dǒ ti̍ laa̍ di̍i̍-ɛ, pɔ̀n chɛ̀ ɛ̀ kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ, ɛ̍ dǔ-a bla̍-ɛɛ bo ɛ̍ blě-a. Wɛ̀ nyɔ̍ kli̍hgbɛ̍-a fɔ̀n dɛ̍ we̍ u̍h iě dě ɛ̍ di̍i̍ gbǎ.

Wloma 11:29

Nyɔsoa-a sàɛ̀ wlu̍ gbààn i̍ pò ɔ̍ tba̍ nyɔ̍ chèɛ̀, àe̍e̍ pò ɔ̍ nyǐ nyɔ̍ dɛ̍-ɛ.

1 Kɔwlɛntiɔn 9:24

Mɔ̀ se̍ i̍h juo ka nyɔ̍ ùh-a bla̍-ɛa dlǔᵻ wɔ̍i̍n dǒ ple̍ la̍-ɛ, u̍h-a nyɔ̍ due gbài̍ bo ɔ̀ gba̍-a nyǐ-dɛ̍-ɛ ae? Ɛ̍ tìh-ɛ, ple̍, wɛ̀ ìè ɛ̍ gba̍.

2 Kɔwlɛntiɔn 4:17

Jua̍i̍ sàɛ̀ juwɛ la ɛ̀ se̍-a i̍ wlè mu̍-ɛ, ɛ̍ po̍ à gba̍a̍ dǒ kmɔ̌ sie tìh-a i̍ bɛ̌-ɛ ɛ̀ se̍-a i̍ blaɛ dɛ̍ kɔn-ɛ we̍.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

Kalase 2:18

Nyɔ̍ duuh-a ja u̍h-a chɛ̀ wlù fɔɔ ka iě u̍h-a sà Nyɔsoa-a ǐnchɔ̀ wɛɛ. Mɔ̀ bɔ̌ wɔ̌n-ɛ u̍h bɔ̌ mɔ̀-a wɔ̍n klèɛ̍-ɛ sà-a. Nyɔ̍ kaɛn laa̍ u̍h-a se̍ mɔ̌ ja̍ᵻ u̍h-a ja̍-a bo u̍h tè wlì. Wlɔ̀ nyi̍ɔ̍-a flɔ̍nwlùh bo u̍h-a blɔ̌-ɛ i̍ bu̍ɛ̍i̍.

1 Tɛsoloniɔn 2:12

À fùka mɔ̀-a wlùh, iě à tù mɔ̀ gbàì. Wɛ̀ à gbɛ̍n-ɛ mɔ̀ wɔ̍i̍n, mɔ̀ iě dě kmɔ̌ ɛ̀ po̍-a Nyɔsoa gbǐh-ɛ di̍i̍ nɛ. Ɔ̍ dǎ mɔ̀ mɔ̀ iě dě ɔ̍ kmɔ̌ wlu̍ i̍ kɔn-ɛ ke ɔ̍ tìh-a i̍ bɛ̌-ɛ di̍i̍ ji̍.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

Iblu 6:1

Nɛ̀ɛ̍, mɔ̀ à sà bu̍h de̍ à iě cheǎn-dɛ̍ᵻá bloɔ̍ i̍ bloɔ̍ i̍ jih tba̍-a dǒ Klai pùn i̍-ɛ de̍ poe, à iě ku̍ dě i̍h cheǎn-a di̍i̍. Mɔ̀ à bɔ̌ dɛ̍ᵻ à cheǎn-a sàì-ɛ i̍h nɛ due cheǎn-a sǔh, i̍h bo ìh nu̍-a pɔ̀ɔ̍pìe̍ dɛ̍ᵻ kɛ̍n i̍ poe-ɛ ke, Nyɔsoa wlùh gbaɛ ke,

1 Pitɛ 1:13

Ɛ̍ tìh-ɛ, mɔ̀ po̍ mɔ̀-a wlùh gba̍a̍ dǒ dɛ̍ᵻ mɔ̀-a mu̍-a nu̍-ɛ we̍. Mɔ̀ nu̍ mɔ̀-a chɛ̀-a nɛnɛ̌ wɛ̀ blɛ mɔ̀-a mu̍-a jě dǒ Jusu Klai-a nyɔ̍ kli̍hgbɛ̍ kɛ̍n wlǔh-i la̍-ɛ, mɔ̀ iě ɛ̍ wlì tè kleǐnklein.

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.

2 Pitɛ 1:3

Dɛ̍ᵻ kli̍hgbɛ̍ à pɔ̀n-a wɛ̀ à iě-a dě Nyɔsoa we̍ fòè kmɔ̌ di̍i̍ nɛ-ɛ, Nyɔsoa-a gbǐh nyǐ i̍h àɔ̀ wɛ̀. Dɛ̍nu̍ɛ, nyɔ̍ ɔ̀ dǎ àɔ̀ wɛ̀ à iě-a ɔ̍ chɛ̀-a tìh-a i̍ bɛ̌-ɛ ke gblɛ̍n-ɛ nmɔ-ɛ kwa̍a̍ i̍ gblè-eɛ, à juo ɔ̍-ɛ.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.