Felepai 3:12 - Ku̍o̍ Delee 1999

¹² Ɛ̍ se̍ nɛ̀ ǐn jɛɛ sìla̍ wɛ̀, iě mɔ̍ɔ-ɛ, ǐn wɛ̀ nɛi̍ wɛ̀ kai. Jɛ ǎn fɔ̀n dɛ̍ we̍ wɛ̀ iě sìla̍ jɛɛ, ɛ̀ kɔn tìh Jusu Klai chlì-a m dě ɔ̍ fɔ̌ we̍-ɛ, wɛ̀ iě ɛ̍ jě.

Felepai 3:12 Iomraidhean Croise

Matio 5:48

Ɛ̍ tìh-ɛ, ka mɔ̀ Baa ɔ̀ nɛ-a dě ja̍i̍wlɔ̀-ɛ, ɔ̍ nu̍-dɛ̍ nu̍-a gblɛ̍ja̍i̍ wɛ̀-ɛ, kǎ mɔ̀ naɛ iě gblɛ̍ja̍i̍ wɛ̀-ɛ nu̍ ke.”

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

Wloma 8:39

Dě à dlǔwèàì o, dě blǔh sɔ̀n o, dɛ̍ dɛɛ se̍ dě Nyɔsoa-a nu̍-dɛ̍ᵻá chɛ̀ la nynɛ̌ nɛ wɛ̀ ɛ̍ iě ɔ̍ ke à jbɛɛ i̍ che̍ɛ̍ɛn bɛ̌ɛ. Jbɛɛ la ɔ̍ jaɛ ɛ̍ dě à Joi Jusu Klai ja̍a̍.

1 Kɔwlɛntiɔn 13:10

Jɛ pò jɛ wɛ̀-a gblɛ̍ja̍i̍-ɛ ji̍-ɛ, nɛ̀ ɛ̀ se̍-a kwlǎ wɛ̀-ɛ, ɛ̍ tìh-a mu̍ i̍ sì.

1 Kɔwlɛntiɔn 13:12

À jě i̍ kaka, jɛ ɛ̍ wɔ̀ dě dula jela̍a̍ di̍i̍ gbɛ̀n-ɛ. Jɛ dǒ ti̍ laa̍ di̍i̍-ɛ, à mu̍ jua̍a̍ i̍ jiěe. Kaka la̍, ìh ǐn juo-aɛ, i̍h se̍ kwlǎ wɛ̀ ke̍. Jɛ dǒ ti̍ laa̍ di̍i̍-ɛ, ka Nyɔsoa juo-a m te̍kle̍e̍-ɛ, kǎ ǎn tɔɔ-a mu̍ kwlǎ wɛ̀-ɛ nu̍ ke.

1 Kɔwlɛntiɔn 9:24

Mɔ̀ se̍ i̍h juo ka nyɔ̍ ùh-a bla̍-ɛa dlǔᵻ wɔ̍i̍n dǒ ple̍ la̍-ɛ, u̍h-a nyɔ̍ due gbài̍ bo ɔ̀ gba̍-a nyǐ-dɛ̍-ɛ ae? Ɛ̍ tìh-ɛ, ple̍, wɛ̀ ìè ɛ̍ gba̍.

2 Kɔwlɛntiɔn 13:9

À gbǎ mɔna̍-a pò à gbǐh ja sɔɔn nu̍ iě mɔ̀ iě kmu-ɛ. Dɛ̍ kɔn tìh à ba̍le-aɛ, ɛ̍ nu̍ mɔ̀ iě gblɛ̍ja̍i̍ wɛ̀.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

Kelesea 5:17

Dɛ̍nu̍ɛ, tu̍ laa̍ ɛ̍ pɔ̀n-dɛ̍ᵻá fɔ̀n Sùù naɛ we̍, wɛ̀ Sùù naɛ-a fɔ̀n à naɛ we̍. I̍h nɛ-a sɔɔ̌n-ɛ, i̍h-a se̍ jbɛɛ bo ɛ̀ nu̍ ɛ̍ iě dɛ̍ mɔ̀-a pɔ̀n-a nu̍ ɛ̍ i̍ de-ɛ, wɛ̀ mɔ̀-ɔ nu̍ ɛ̍.

Ɛfɛsɔ 1:4

Kmɔ̌ la ɛ̍ iě-a nui-ɛ, nɛ̀ ɔ̍ tba̍ à chèɛ̀ wɛ̀ se̍e̍ à ke Klai iě due nɛ. Ɔ̍ tba̍ à chèɛ̀ à iě nɛi̍ wɛ̀, wɛ̀ à nynɛ̌-ɛ je̍e kɔ̌ dǒ ɔ̍ jlǐhwai. Nyɔsoa-a à-a jbɛɛ bo

Ɛfɛsɔ 4:12

Ɔ̍ nu̍ ɛ̍-ɛ wɛ̀ ɔ̍ iě Nyɔsoa-a nyɔ̍ gba̍a̍ po̍ dǒ Nyɔsoa-a dbo̍ u̍h-a mu̍-a nu̍-ɛ we̍. Wɛ̀ u̍h iě ɔ̍ nyɔ̍ ùh nu̍-a ɔ̍ ku̍-ɛ dǒ ta̍i̍ po̍.

Felepai 1:1

Chlǐh-dɛ̍ la ɛ̍ sɔ nɔ̌ mɔ̍ Pɔɔ ke Timote we̍, àɔ̀ nu̍-a Jusu Klai-a pòi̍nynuu̍-ɛ. Ɛ̍ mu̍ dě Nyɔsoa nyɔ̍ kli̍hgbɛ̍ ùh kɔn-a dǒ Jusu Klai we̍ dǒ Felepai wlɔ̀ di̍i̍-ɛ we̍, ɛ̍ ke chɔchi̍h-a fààmlà ke ɛ̍ jǔ dbee nyɔ̍ ke.

Felepai 3:16

Dɛ̍ à iě-a nu̍-ɛ, ɛ̍ nu̍ wìè due à nɛ-a kɛ̍n se̍e̍-ɛ ɛ̍ bo à iě kɛ̍n nɛ.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

Felepai 3:8

Jɛ ɛ̍ se̍ ìh la nɛ due, dɛ̍ᵻ kli̍hgbɛ̍-a chɛ̀ bo ìh nu̍ ka pɔ̀ɔ̍pìe̍ dɛ̍ᵻ wɛ̀ dǒ ǐn we̍. Ǎn Joi Jusu Klai juo dɛ nɛ due ɛ̀ gbǎ ka dɛ̍kɛ̍n dǒ ǐn we̍. Ǐn tǎli dɛ̍ᵻ kli̍hgbɛ̍ i̍, iě ǎn dǎɛ ka ìh la dɛ̍ᵻ flu̍hᵻ, wɛ̀ iě Klai gba̍.

1 Tɛsoloniɔn 5:15

Mɔ̀ bɔ̌ wɔ̌n-ɛ nyɔ̍ bɔ̌ dɛ̍ sɔ̀n dɛ̍ sɔ̀n gba̍a̍ sàɛ̀-ɛ. Jɛ mɔ̀ fɔ̀n dɛ̍ we̍ mɔ̀ iě dɛ̍ᵻ chɛ̀ we̍ nui ti̍ kli̍hgbɛ̍ we̍, ɛ̍ ke dǒ nyɔ̍ kli̍hgbɛ̍ we̍ ke.

2 Tɛsoloniɔn 2:13

À de̍di̍i̍ᵻ, Joi jbɛɛ mɔ̀ɔ̍. À kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. Dɛ̍nu̍ɛ, sɔ dě tɔ̀blɔ̍ɔ̍-ɛ, Nyɔsoa tba̍ mɔ̀ chèɛ̀ mɔ̀ iě pǔh, wɛ̀ mɔ̀ iě ɔ̍ nyɔ̍ nu̍ dǒ ɔ̍ Sùù ke tìh-a taǐn wlùh gbaɛ we̍.

1 Timote 5:10

Nɛ̀ ɔ̍ kɔn ɔ̍ iě dɛ̍ᵻ chɛ̀ i̍ nu̍, ɛ̍ bo ɛ̀ nu̍-a nynuu̍ we̍ i̍ gbɛ̀n-ɛ ke dihwi̍h tìh jlǐhɛ̍ tù-ɛ. Ɔ̍ ja ɔ̍ chɛ̀ wlù dǒ Nyɔsoa nyɔ̍ we̍, nɛ̀ nyɔ̍ sè-ɛ, nɛ̀ ɔ̍ sìì ɔ̍. Nɛ̀ dɛ̍ chɛ̀ nu̍-ɛ bo ɔ̍ iě we̍ fòè.

1 Timote 6:19

Pò ɛ̍ ja laan nɛ-ɛ, nɛ̀ u̍h-a tè dɛ̍ i̍ dě nya̍ ɛ̍ iě u̍h gbɔ̀ i̍ ku̍ i̍. Nɛ̀ u̍h-a mu̍ feɛ ɛ̀ nu̍-a tìh-a taǐn-ɛ jě.

Iblu 12:14

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍ iě kɛ̍n i̍ gbe̍ɛ̍ɛn. Nɛ̀ mɔ̀ fɔ̀n dɛ̍ we̍ mɔ̀ iě nɛi̍ wɛ̀ ke dɛ̍nu̍ɛ, nyɔ̍-ɔ se̍ la̍a̍n nɛ wɛ̀ nɛ̀ tba̍ Joi jlǐhɛ̍.

Iblu 12:23

Mɔ̀ ji̍ nɔ̌ Nyɔsoa-a nynuu̍ kli̍hgbɛ̍ ùh kɔn nynɛ̌ chlǐh-ia dě ja̍i̍wlɔ̀-ɛ we̍ wɛ̀. Nyɔsoa ɔ̀ nu̍-a kmɔ̌ nyɔ̍ kli̍hgbɛ̍-a taɔ-ɛ, nɔ̌ ɔ̍ we̍ mɔ̀ ji̍ wɛ̀, ɛ̍ ke nɔ̌ i̍ slɛ̌-nyɔ̍-a sùù we̍ ke, ùh wɛ̀-a nɛi̍-ɛ.

Chiin 3:2

À kli̍hgbɛ̍ la à sì dɛ̍ i̍ ti̍ kli̍hgbɛ̍ we̍. Pò nyɔ̍-ɔ se̍a wlu̍ i̍ sì-ɛ, nɛ̀ ɔ̍ wɛ̀ nɛi̍ wɛ̀. Nɛ̀ ɔ̍ bɛ̌ɛ ɔ̍ chɛ̀ i̍ gbɛ̍n-ɛ dǒ dɛ̍ᵻ kli̍hgbɛ̍ we̍.

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.