Felepai 3:11 - Ku̍o̍ Delee 1999

¹¹ wɛ̀ iě ɛ̍ wlì tè ka ǎn chɛ̀-a mu̍-ae wlǔh ke-ɛ.

Felepai 3:11 Iomraidhean Croise

Pɔ̀n Chɛ̀ Luu To-a La 14:14

Nɛ̀ àn mu̍ i̍ nmɔ, dɛ̍nu̍ɛ, u̍h nɔ̀ɔ̍, u̍h se̍ àn gba̍ sà-a bɛ̌ɛ. Jɛ ti̍ i̍ slɛ̌-nyɔ̍-a mu̍-ae wlǔh-ɛ, dǒ Nyɔsoa-a mu̍ ìn pɛ̌ɛ.”

Chɔɔn 11:24

Iě Mata la̍a̍, “Ǐn juo i̍h, ɔ̍ mu̍-e wlǔh dǒ bɔ̌ɛ-o weɛ̍ di̍i̍.”

Nu̍-dɛ̍ᵻ 23:6

Pɔɔ gbɛ̀n-a ɛ̍ ja ka nyɔ̍ duuh nu̍-a Sadiusii nyɔ̍ iě duuh nu̍-a Fɛlesii nyɔ̍-ɛ, wɛ̀ ɔ̍ wǐ dě taɔ laa̍ nynɛ̌, ɔ̍ la̍a̍, “Ǐn de̍di̍i̍ᵻ, mɔ̍ la mɔ̍ Fɛlesii nyɔ̍-a wlǔh-i jǔ. Ǐn tè ɛ̍ wlì ka mɛ̌-nyɔ̍-a mu̍-ae wlǔh-ɛ, ɛ̍ kɔn mɔ̍ u̍h nyna-ɛa bu̍hᵻ ta̍i̍ da̍a.”

Nu̍-dɛ̍ᵻ 26:7

Blǔh Baa, tɔ̀ma̍a̍ wlu̍ la ɛ̍ bo à chɛ̌tuᵻá pùè jɔ̌ sɔɔ̌n tè wlì u̍h iě jě. Iě u̍h-a sà Nyɔsoa wɛɛ wlù ke sɔ̀n. Wlì tè dɛ̍ laa̍, ɛ̍ tìh ɛ̍ kɔn mɔ̍ bo Juu nyɔ̍-a blaɛ-a tìh i̍.

Nu̍-dɛ̍ᵻ 27:12

U̍h la̍ dǒ mɛɛ̍-a kɛ̍n i̍ pe̍ɛ la̍ se̍ tà chɛ̀ nyɔ̍ iě wìla̍ wlè-e. Ɛ̍ kɔn u̍h-a dɔu la̍ nɛ̀ u̍h mu̍ pò u̍h bɛ̌ɛ dǒ Fɔni nyni̍-ɛɛ, u̍h iě-o nyni̍. Ɛ̀ nu̍-a mɛɛ̍-a kɛ̍n i̍ pe̍ɛ la̍ jɛ nɛ-a Kli ɛ̀ bǐi-a dě jlǔh-a gbǎ la̍ i̍-ɛ bo, wɛ̀ u̍h iě-o wìla̍ wlè-e.

Wloma 11:14

Nyɔ̍-se̍-juo ɛ̍ bo ɛ̀ mu̍ ǐn blǐ nyɔ̍ wlɛ̀n di̍i̍ po̍ wɛ̀ Nyɔsoa iě u̍h-a duuh pǔh-i.

1 Kɔwlɛntiɔn 15:23

Jɛ jɔ-ɛ, ɔ̍ mu̍-e wlǔh dǒ ɔ̍ ti̍ we̍. Klai bo ɔ̀ wlǔh-e sàǐtòò. Nɛ̀ɛ̍, ti̍ ɔ̍ mu̍-a ji̍-ɛ, nyɔ̍ ùh kɔn-a dǒ ɔ̍ we̍-ɛ, u̍h-a mu̍-e wlǔh ke.

1 Kɔwlɛntiɔn 9:22

Pò ǐn jɛɛ gbǐh-a mɛ̌-nyɔ̍-ɛ, nɛ̀ ǐn nu̍ ǎn chɛ̀ gbǐh-a mɛ̌-nyɔ̍ we̍i̍. Wɛ̀ ɛ̍ iě kmɔ̌ nɛ u̍h-a wlùh iě fèàɛ̀ dě Klai we̍. Ǎn nu̍ dɛ̍ᵻ kli̍hgbɛ̍ ǐn kɔn iě-a nu̍-ɛ, wɛ̀ ɛ̍ iě kmɔ̌ nɛ iě nyɔ̍ duuh pǔh-i gbɔ̀gbɔ̀.

1 Kɔwlɛntiɔn 9:27

Wɛ̀ ǎn nu̍ ǎn ku̍ la kà i̍, wɛ̀ iě ɛ̍ wlu̍ kɛ̍ɛ̍n kɔn, wɛ̀ pò ǐn wɔ̀ tìh bla̍-a dě nyɔ̍ duuh we̍-ɛ, wɛ̀ nɛ̌ se̍-e nyɔ̍ nynɛ̌ gbǎ ka̍ nɛ.

2 Kɔwlɛntiɔn 11:3

Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

1 Tɛsoloniɔn 3:5

Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.

2 Tɛsoloniɔn 2:3

Mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ dɛ̍-o-dɛ̍ we̍. Dɛ̍nu̍ɛ, pò weɛ̍ laa̍ ɛ̍ iě ji̍-ɛ, nɛ̀ Nyɔsoa kɛ̍n i̍ poe-ɛa mu̍ nɛ, wɛ̀ Nyɔ̍ Sɔ̀n iě à kɛ̍n wlǔh-i. Ɔ̍ tìh chɛn i̍ wɛ̀ ɔ̍ iě-e gbɔ̀lɔ-ɛ.

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

Iblu 11:35

U̍h-a wlùh gbaɛ blě-ɛ bo ɛ̀ sà-e nynɔ̌gbaɔᵻ duuh-a nyɔ̍ ùh mɛ̌-aɛ, wɛ̀ u̍h jě u̍h de̍. Duuh la̍ u̍h se̍ sèìe tìh i̍ wɔ̌ɛn, iě u̍h mɛ̌-ɛ dě tìh jě-ɛ di̍i̍, wɛ̀ u̍h iě-e wlǔh dě kmɔ̌ chɛ̀ di̍i̍ dě nya̍.

Wlɛfeleseɔn 20:5

Ɛ̀ laa̍ bo ɛ̀ nu̍-e wlǔh-ɛa sàǐtòò naɛ. Mɛ̌-nyɔ̍ juh sie-a dǒ de̍-ɛ, u̍h se̍-e wlǔh te̍e̍ wɛ̀ sɔ̀nᵻá wlǔ due laa̍ chlà.