Felepai 3:1 - Ku̍o̍ Delee 1999

¹ Ǐn de̍di̍i̍ᵻ, ǎn chlà-a wlu̍ nu̍, mɔ̀ nmɔ, dɛ̍nu̍ɛ, mɔ̀ kɔn dǒ Joi we̍. Dɛ̍ ǐn chlǐh-a sàì-ɛ, ɛ̍ kɛ̍n i̍ gba̍-a se̍ dǒ ǐn wlì feǎn, wɛ̀ ɛ̍ iě mɔ̀ kɛ̍n kaɛn.

Felepai 3:1 Iomraidhean Croise

Matio 5:12

Nɛ̀ mɔ̀ nu̍ mɔna̍ mɔ̀ iě ja̍ de̍le, mɔ̀-a wlùh iě i̍ tè. Dɛ̍nu̍ɛ, mɔ̀-a jě-dɛ̍ bɛ̌ i̍ dě ja̍i̍wlɔ̀. Nyɔsoa-a tu̍owli po̍ nyɔ̍ ùh wɔ̀-a nya̍-ɛ, kǎ u̍h nu̍ u̍h klě jě-eɛ ke.”

Pɔ̀n Chɛ̀ Luu To-a La 1:47

Ǎn nmɔ-ɛ dǒ ǎn Nyɔsoa ɔ̀ nu̍-a ǎn Sèìe Nyɔ̍-ɛ we̍.

Wloma 5:11

Jɛ ɛ̍ se̍ ɛ̍ nɛ due, Nyɔsoa nu̍ ɛ̍ iě à nmɔ dě à Joi Jusu Klai ja̍a̍, ɔ̀ nu̍-a ɛ̍ iě à ke Nyɔsoa gbe̍ɛ̍ɛn-a kɛ̍n i̍-ɛ.

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

Ɛfɛsɔ 6:10

Ɛ̍ bɔ̌ɛ-aoɛ, mɔ̀ po̍-e gbǐh dě mɔ̀ ke Joi-a due nɛ-ɛ di̍i̍ dǒ ɔ̍ kmu-u gbǐh we̍.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

Felepai 4:4

Mɔ̀ nmɔ ti̍ kli̍hgbɛ̍ we̍, dɛ̍nu̍ɛ, mɔ̀ kɔn dǒ Joi we̍ wɛ̀. Ǎn mu̍ ɛ̍-ɛ sà dɛ, na̍a̍, mɔ̀ nmɔ.

Felepai 4:8

Ǐn de̍di̍i̍ᵻ, iě chlà-ɛ, nɛ̀ dɛ̍-o-dɛ̍ ɛ̀ nu̍-a tìh-a taǐn-ɛ ke, ɛ̀ nyɔ̍-a jě-a dɛ̍ɛ̍-ɛ ke, ɛ̀ slɛ̌-a i̍-ɛ ke, ɛ̀ nɛ-a wlaǎwla-a ke, ɛ̀ nyɔ̍ jbɛɛ-a ke, ɛ̀ nyɔ̍-a tè-a ja̍-ɛ ke, ɛ̀ gbǎ-a dɛ̍kɛ̍n-ɛ ke dɛ̍ ɛ̀ nɛ-a tìhwe̍ po̍ ka-ɛ, mɔ̀ blě i̍h kli̍hgbɛ̍-a wlùh.

1 Tɛsoloniɔn 4:1

À de̍di̍i̍ᵻ, pò iě chlà-ɛ, ka mɔ̀ iě-a kmɔ̌ nɛ-ɛ nu̍ wɛ̀ mɔ̀ iě-a dě Nyɔsoa jlǐh i̍ nmɔ-ɛ, ɛ̍-ɛ bo à toe mɔ̀. I̍i̍n, kǎ mɔ̀-a nu̍ la̍. Jɛ kaka la̍ à ba̍le mɔ̀-ɛ, à gbɛ̍n mɔ̀-a bu̍hᵻ i̍ dǒ Joi Jusu-a nynɛ̌ kɛ̍n mɔ̀ iě ɛ̍ dluwe̍ i̍ gba̍ ma̍u̍.

1 Tɛsoloniɔn 5:16

Mɔ̀ nmɔ ti̍ kli̍hgbɛ̍ we̍.

Chiin 1:2

Ǐn de̍di̍i̍ᵻ, pò nyɔ̍ i̍ tɛ̀n-ɛ kaɛn kaɛn ji̍ mɔ̀ we̍-ɛ, nɛ̀ mɔ̀ nmɔ ɛ̍ tìh.

1 Pitɛ 3:8

Nɛ̀ɛ̍, mɔ̀ kli̍hgbɛ̍ mɔ̀ blě wlùh due, mɔ̀-a ku̍-a chlɛ̌n-ɛ iě due nɛ. Mɔ̀ jbɛɛ mɔ̀ ba̍ᵻ Nyɔsoa nyɔ̍-ɔ, nɛ̀ mɔ̀ nmɔ gblɛ̍n-ɛ, mɔ̀ bɔ̌ mɔ̀-a chɛ̀ i̍ bɛ̌-ɛ.

1 Pitɛ 4:13

Jɛ mɔ̀ gbǎ mɔna̍-a ka mɔ̀-a sàɛ̀-a jua̍i̍ Klai tìh-ɛ. Nɛ̀ ti̍ ɔ̍ mu̍-a de̍ ji̍ dě ɔ̍ tìh-a i̍ bɛ̌-ɛ di̍i̍-ɛ, wɛ̀ mɔ̀ iě mɔna̍ nu̍ dɛ̍blɔ.

2 Pitɛ 3:1

Ǎn tìh kma nyɔ̍, chlǐh-dɛ̍ᵻá sɔɔ̌n naɛ la ǎn chlǐh-a mɔ̀ we̍. Ǎn sǐi mɔ̀ tìh wlì i̍ dě i̍h nɛ-a sɔɔ̌n-ɛ di̍i̍, wɛ̀ mɔ̀ iě dɛ̍ᵻ chɛ̀ wlùh i̍ naɛ dǒ mɔ̀ wlùh kɛ̍n.