Felepai 2:8 - Ku̍o̍ Delee 1999

⁸ Ɔ̍ nɛ dě wlɔ̀ nyi̍ɔ̍-a tu̍ di̍i̍ wɛ̀ ɔ̍ ja ɔ̍ chɛ̀ wlù, iě ɔ̍ tù Nyɔsoa-a wlu̍ nu̍ tìh ɔ̍ mɛ̌. Ɛ̍ bo ɛ̀ nu̍-a ɔ̍ mɛ̌ɛ dǒ gbàɛ̍ kɛ̍n i̍ tu̍ wlì.

Felepai 2:8 Iomraidhean Croise

Matio 17:2

U̍h iě-ae gbɛ̀n-ɛ, nɛ̀ ɔ̍ sàɛ̀ wɛ̀ dǒ u̍h jlǐhwai. Nɛ̀ ɔ̍ jua̍a̍-a fa̍n-ɛ ka jlǔh-ɛ, iě ɔ̍ jlii̍ nɛ pɔ̀ɔ̀ ka kǒ gbo̍-ɛ.

Matio 26:39

Ɔ̍ klɛɛn-a dǒ nya̍ wɛɛ-ɛ, wɛ̀ ɔ̍ chlìi i̍ gbìi̍i dǒ bloɔ̍ iě ɔ̍ ba̍le. Ɔ̍ la̍a̍, “Ǐn Baa, pò ɛ̍ nɛ ɛ̍ ka̍-ɛ, nɛ̀ ìn sà ǐn kàu̍n la wɔ̍i̍n lě. Jɛ dɛ̍ ìn wɔ̌ɛn-a kɛ̍n i̍-ɛ, ɛ̍ bo ìè nu̍, ɛ̍ se̍ naɛ̍ ǐn se̍ dǎ.”

Matio 26:42

Gbɔ̍ᵻ sɔɔ̌n naɛ ɔ̍ gba̍-a de̍-ɛ, iě ɔ̍ ba̍le, ɔ̍ la̍a̍, “Ǐn Baa, pò kàu̍n la ɛ̍ se̍ dǒ ǐn wɔ̍i̍n sà ka̍ nɛ jɛ ǐn kɔn iě ɛ̍ nǎ gbɔ̀gbɔ̀-ɛ, nɛ̀ dɛ̍ àn pɔ̀n-aɛ bo ɛ̀ iě nɛ.”

Pɔ̀n Chɛ̀ Luu To-a La 9:29

Ɔ̍ nɛ-a dǒ ba̍le la̍-ɛ, wɛ̀ ɔ̍ jua̍a̍ sàɛ̀, iě ɔ̍ jlii̍ nɛ pɔ̀ɔ̀ ka kǒ gbo̍-ɛ.

Chɔɔn 10:18

Nyɔ̍-ɔ sà ɛ̍ ǐn kwa̍a̍, ǎn wlùh-a pɛ̌n i̍ iě ǎn sà ɛ̍ kwlǎ. Nɛ̀ ǐn blě gbǐh iě ɛ̍ kwlǎ sà, iě ǐn blě gbǐh iě ɛ̍-ɛ dǔ dode̍. Ɛ̍ bo ǐn Baa poe ǐn slǔh iě nu̍.”

Chɔɔn 14:31

Ka ǐn kma-a ǐn Baa-a tìh-ɛ, kmɔ̌ iě ɛ̍ juo, ɛ̍ kɔn ǎn nu̍ dɛ̍ᵻ kli̍hgbɛ̍ ɔ̍ po̍-a ǐn slǔh iě-a nu̍-ɛ. “Mɔ̀ sɔ-ɔ à iě mu̍.

Chɔɔn 15:10

Pò mɔ̀ ja-o ǎn telě i̍ tè-ɛ, nɛ̀ mɔ̀-a mu̍ dě ǎn jbɛɛ di̍i̍ sie ɛ̀ kɔn ba̍ ǎn tè-ao ǐn Baa-a telě i̍ wɛ̀ ǐn nɛ-a dě ɔ̍ jbɛɛ di̍i̍-ɛ.

Chɔɔn 4:34

Wɛ̀ Jusu la̍a̍, “Nyɔ̍ ɔ̀ dbo̍-a m-ɛ, ɔ̍ wlùh nu̍-ɛ ke ɔ̍ dbo̍ i̍ wɔ̀-ɛ bo ɛ̀ nu̍ ǎn di̍-dɛ̍.

Nu̍-dɛ̍ᵻ 8:33

U̍h bla̍-ɛ ɔ̍ plǔh, iě ɔ̍ se̍ we̍ tǐn nyɔ̍ kɔn. Ɔ̍ se̍ wɔ̀ɔ̀ kɔn nɔ̌ kmɔ̌ we̍. Dɛ̍nu̍ɛ, ɔ̍ wǐh nɛ-a da̍a kmɔ̌ la we̍-ɛ, i̍h chɛ̍n dlǔ i̍ wɛ̀.”

Wloma 5:19

Ka Adaun-a Nyɔsoa wɔ̍n blaɛ-ɛ nu̍-a nyɔ̍ kli̍hgbɛ̍ gblɛ̍n sɔ̀ɛ̀n nyɔ̍ we̍i̍-ɛ, kǎ Klai-a Nyɔsoa-a wlu̍ nu̍-ɛa mu̍ u̍h i̍ slɛ̌-ɛ nu̍ ke.

2 Kɔwlɛntiɔn 8:9

Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

Kelesea 3:13

Klai pùhbɔ à kɛ̍ɛ̍n dǒ kàɔ̀ telě-a mu̍-a à dlǔ wlǎ de-ɛ we̍. Kàɔ̀ ɛ̀ iě-a à dlǔ wlǎ de-ɛ, ɛ̍ bo ɛ̀ wlǎ-a dǒ Klai dlǔ dǒ à wɔ̀ɔ̀. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ u̍h pèle-a dǒ tu̍ wlì-ɛ, nɛ̀ kàɔ̀ gbɛ̍n ɔ̍-ɛ.”

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 12:4

Gblɛ̍n sɔ̀ɛ̀n we̍ fɔ̀n-ɛa gbɔ̍igbɔ̍ mɔ̀-a po̍-a ka-ɛ, mɔ̀-a nyɔ̍-ɔ se̍a dǒ ɛ̍ we̍ fɔ̀n la̍ nɛ wɛ̀ ɔ̍ nymɔ̍ se̍a i̍ wlǎ.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.