Felepai 2:6 - Ku̍o̍ Delee 1999

⁶ Ɔ̍ nɛ dě Nyɔsoa-a tu̍ di̍i̍ te̍kle̍e̍, jɛ ɔ̍ se̍ ɛ̍ nu̍ ɔ̍ ke Nyɔsoa-a wɔ̍i̍n beɛ̍ɛ.

Felepai 2:6 Iomraidhean Croise

Matio 1:23

Ɔ̍ la̍a̍, “Mɔ̀ tù ɛ̍ jlǐhɛ̍, jǔ nynɔ̌nyaa ɔ̀ se̍-a dɛ̍ i̍ juo-ɛ, ɔ̍ mu̍ sùù kɛ̍n nɛ wɛ̀ ɔ̍ iě jɔ̍gbau jǔ wlǔh-i, nɛ̀ ɔ̍ nynɛ̌-a mu̍ Imajɔɛ nu̍.” Ɛ̍ gbɔ̀ nu̍ Nyɔsoa nɛ à we̍.

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 10:30

Ǐn ke ǐn Baa ke à nɛ due.”

Chɔɔn 10:33

Iě u̍h la̍a̍, “Ɛ̍ se̍ àn dbo̍ chɛ̀ nu̍ tìh à se̍ ìn sɔɔ̌ᵻ i̍ tbaɛ-ɛ i̍ pɔ̀n, jɛ àn Nyɔsoa wɔ̍n blaɛ tìh bo. Ɛ̀wɛ̀ ìn nu̍ wlɔ̀ nyi̍ɔ̍ fɔ̍ɔ̍, iě àn nu̍ àn chɛ̀ Nyɔsoa we̍i̍, ɛ̍ kɔn à pɔ̀n ìn sɔɔ̌ᵻ i̍ tbaɛ-ɛ i̍.”

Chɔɔn 10:38

Mɔ̀ se̍ ǎn wlu̍ tìh chɛ̀ po̍ gbɛɛ-ɛ, jɛ dbo̍ jɛ ǎn nu̍-aɛ nɔ̀ɔ̍, ɛ̍ bo mɔ̀ kɔn mɔ̀ iě tìh chɛ̀ po̍. Mɔ̀ iě ɛ̍-ɛ i̍ wɔ̌n, wɛ̀ mɔ̀ iě-o dɛ̍ i̍ juo ka ǐn Baa nɛ-a m wɛ̀ ǐn nɛ-a ǐn Baa ke-ɛ.”

Chɔɔn 14:28

Dɛ̍ ǐn sà-a dě mɔ̀ we̍-ɛ, mɔ̀ wɔ̌n ǎn wlu̍, na̍a̍, ‘Ǎn mu̍-i, wɛ̀ iě mɔ̀ we̍ ji̍ dode̍.’ Pò mɔ̀ jbɛɛ m chɛ̀ɛ̌chɛ̀-ɛ, nɛ̀ mɔ̀-a mu̍ mɔna̍-a gbǎ ka ǎn mu̍-a dě Baa we̍-ɛ. Dɛ̍nu̍ɛ, ɔ̍ ku̍ wɔ̍n ɔ̍ sìì m.

Chɔɔn 14:9

Iě Jusu la̍a̍, “Felɔ, ǐn wlè nɔ̌ mɔ̀ nynɛ̌ wɛ̀ de gbɛɛ̍. Ìn se̍ ǐn juo ke̍ sǔh ae? Nyɔ̍ jɔ jě-a m-ɛ, nɛ̀ ɔ̍ wɔ̀ ǐn Baa jě-ɛ wɛ̀. Ka ɛ̍ nu̍ wɛ̀ nàa̍ iě mɔ̀ Baa toe ke̍ gbɔ̀ɔ ɛ?

Chɔɔn 17:5

Nɛ̀ɛ̍, Baa, bɛ̌-ɛ ǎn nynɛ̌ i̍ kaka dǒ ìn jlǐhwai, ɛ̀ nu̍-a nynɛ̌-a i̍ bɛ̌-ɛ à blě-a se̍e̍ wɛ̀ kmɔ̌ iě-a nui-ɛɛ ɛ̍ bo ǎn dǎ.

Chɔɔn 20:28

Tɔmɔ la̍a̍ dě ɔ̍ we̍, “Ǎn Joi ke ǎn Nyɔsoa.”

Chɔɔn 5:18

Ɛ̍-ɛ bo ɛ̀ po̍ Juu nyɔ̍-a nyɔ̍ klaaᵻá jlu̍h dě de̍i̍ u̍h iě ɔ̍ dbǎ. Dɛ̍nu̍ɛ, ɔ̍ se̍ wlè-weɛ̍ nɛ due-a telě wa̍ dɛ, jɛ ɔ̍ dǎɛ Nyɔsoa ɔ̍ kɔn-ɔ Baa, nɛ̀ ɔ̍ po̍ la̍ ɔ̍ chɛ̀ Nyɔsoa we̍ bo.

Chɔɔn 5:23

Ɔ̍ nu̍ ɛ̍-ɛ wɛ̀ nyɔ̍ kli̍hgbɛ̍ iě Jǔ la ja̍ tè, ɛ̀ kɔn ba̍ u̍h-a nu̍-a Baa ja̍ tè-ɛ ke-ɛ. Nyɔ̍ ɔ̀ se̍-a Jǔ ja̍ tè-ɛ, nɛ̀ Baa jɔ dbo̍-a Jǔ-a chɛ̀-ɛ bo ɔ̍ se̍ ja̍ tè.

Wloma 9:5

U̍h bo ùh nu̍ à blǔh baaᵻá nynuu̍, wɛ̀ Klai nu̍ u̍h blǐ jǔ dě nyi̍ɔ̍tu di̍i̍. Nɛ̀ Nyɔsoa ɔ̀ kɔn-a dɛ̍ᵻ kli̍hgbɛ̍ wlu̍ i̍-ɛ, ɔ̍ bo ɔ̀ iě nǐ wɔ̍n sà-ɛɛ nɔ̌ kmɔ̌-a kmɔ̌. Kǎ ɛ̍-ɛ nɛ.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

2 Kɔwlɛntiɔn 8:9

Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

1 Timote 1:17

Nyɔsoa nɛ due gbài̍, ɔ̀ nu̍-a kmɔ̌ sie Blǔh Baa, ɔ̀ se̍-a mɛ̌ la̍ kɔn, ɔ̀ nɛ-a dě slè-ɛ, mɔ̀ tè ɔ̍ ja̍, mɔ̀ iě ɔ̍ nynɛ̌ i̍ bɛ̌-ɛ nɔ̌ kmɔ̌-a kmɔ̌. Kǎ ɛ̍-ɛ nɛ.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 1:6

Ɛ̍ se̍-o siee, ti̍ Nyɔsoa-a dbo̍-a ɔ̍ sàì Jǔ nɔ̌ kmɔ̌ we̍-ɛ, ɔ̍ la̍a̍, “Ǎn ǐnchɔ̀ kli̍hgbɛ̍ kɔn i̍h iě ɔ̍ wɛɛ sà.”

Iblu 1:8

Jɛ dǒ ɔ̍ Jǔ we̍ nɔ̀ɔ̍, ɔ̍ la̍a̍, “Nyɔsoa, nàɛ̀ nynɛ̌ gbalǎ-a mu̍ nɛ nɔ̌ kmɔ̌-a kmɔ̌. I̍ slɛ̌-ɛ bo àn kɔn-ɛ àn kmɔ̌ wlu̍ i̍.

Iblu 13:8

Jusu Klai-a gblɛ̍n-ɛ sàɛ̀. Ɔ̍ due nɛ-a sɔ̀nwa̍n ke sèàn-ɛ, ɔ̍-ɔ bo ke̍ nɔ̌ kmɔ̌-a kmɔ̌.

Wlɛfeleseɔn 21:6

Iě ɔ̍ la̍a̍ dě ǐn we̍, “Ɛ̍ wɛ̀ i̍ wɛ̀. Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a. Mɔ̍ bo ɔ̀ nu̍ de̍ ke nya̍. Nyɔ̍ ɔ̀ nǐ nǎ tɔ̌n-a nu̍-aɛ, nɛ̀ ǎn mu̍ ɔ̍ nǎ-nǐ ɛ̀ sɔ-a dě kao̍dlu ɛ̀ nyǐ-a nyɔ̍ feɛ-ɛ nyǐ bu̍ɛ̍i̍.